ويلُ آدمِ إِذا دارَتْ الدُنيا

بارت ١٢ الاخير

سارة ،،

تفاجئت من شفت حسام دازلي صوري واني بلحمام من جنت بلشقة .... حسيت روحي حتخبل ظليت اضرب علا وجهي واريد اصيح اجتي سجى وبلگوة سكتتني .... خافت اهلي يسمعون

دزلي رسالة وگال حظري روحج باجر اجي اخذج .... اني خفت كللش بس ماعندي خيار ظليت بس ابجي كتبتلة بس انته تدري أهلي ميقبلون اطلع يومية ... جاوبني مشكلتج دبري روحج لو تجين لو تنشرين ظليت خايفة وابجي وألطم سجى يمي

سجى: سارة بعد لا تروحيلة عوفي خيولي حضري

سارة: وشلون وصوري؟!

سجى: هوه يريدج ميستفاد من نشرهن لا تروحيله بعد

ظلت سجى يمي لحد ماصار الليل اضطرت تروح لأن اهلها اتصلو بيها .... راحت ودمعتها بعينهه انقهرت عليه .. رجعت سبحت وظليت بلغرفة حته ماطلعت آكل ويه اهلي كرهت روحي وماريد اگعد بيناتهم بعد ..... ظالة سهرانة و الليل ما أگدر انامه ... اجتني رسالة من الحقير

حسام: باجر الظهر اجي اخذج حضري نفسج ولتتأخرين

سارة: بس ماگدر اهلي ميخلوني

حسام: يعني تظلين ماتسمعين الكلام مو؟
تتحججين بأهلج؟! أإوكہـ👍

اجيج ب٣ الفجر طلعي بدون ما احد يدري
وارجعج ب٥ واخذي مفاتيحج وياج

سارة (بخوف وآلم ) : حسام فدوة عوفني بحالي

حسام: شوفي سارة تعبان ومالي خلگ بعد بس تعترضين انشر صورج

عفتة وظليت ابجي وادگ علگاع ساعة علوجهي اريد اخنگ روحي ياربي شسوي مابيدي غير حل ... ظليت گاعدة شفت الساعة ب٢ گمت اشوف اهلي نايمين خاف احد گاعد ... بس الحمدلله كلهم نايمين...

رحت ااخذت مفاتيح البيت وجنطتي خليت بيهه فوني ولبست حجاب وظليت منتظرتة وابجي ... وين وصلت نفسي بيا حال صرت؟!!

دز رسالة گال واگف باب البيت طلعت بهدوء وصعدت بلسيارة ... هوه يباوعلي ويحجي وحدة اني ساكتة متجاهلتة وبس دموعي ينزلن بدون صوت ........ اخذني على نفس الشقة ظليت اتوسل بي واگلة امسح صوري بس ميقبل ..... رجعني الساعة ب٥ دخلت للبيت بدون ما أحد يدري ظليت گاعدة وابجي حتة للمدرسة مارحت .....

.................................................

صفا ،،

بلمدرسة گاعدة اني وسالي وريما نسولف ونظحك .. فجأة شفنا سجى من بعيد تمشي بأتجاهنا وحدهه جانت ...

سالي: اجتي البومة 😂

ريما : بس مع الاسف توئمها ماكو اليوم

صفا: اي عجيييب يمكن تتهرب حتة متعزمنا تلا خطوبتهه 😂

اقتربت سجى من يمنى وجهه يختلف وخايف ودموعهه بعينهه .. فاجأتنه بشكلها وحجت وهيه تبجي