الحلقه الخامسه
بقلم Kinder🖋️..
...... لحدي م جا يوم وياريتو م جا
ابوبكر : لي حصل شنو؟؟
صفاء : ف اليوم داك كان عيد ميلاد مروه زي الساعه 12
مساء اتصل علاء علي مروه.... :_
علاء: الو هلا بالغلا، وكل سنه وانتي معايا وحلالي وزينة حياتي
مروه: (بدت تبكي) وانت طيب ي قلبي وانت معاي ويخليك لي ي رب
علاء: امين 💓ممكن تجي بي الشباك حق الغرفه
مروه: غرفة شنو انت مجنون
علاء : اي مجنون بس انتي تعالي بالشباك
مروه مشت بالشباك ولقت عربيه توسان بيضاء واقفه وفيها قلوب كتيره
مروه: م ف شي ف عربيه بس 😳
**بعد شويه علاء ظهر ليها من جوه العربيه وبقى بلوح ليها بي يدو
مروه: ده شنو ي مجنون 😳ودي عربية منو وجايني ف الداخليه بتجيب لي مشاكل
علاء: اهدي اهدي العربيه حقتي جديده وانا جايك هنا م بتحصل ليك اي مشاكل بس انتي انزلي تعالي عندك هديه هنا
مروه : م بنزل ف زمن زي ده انت جنيت يقولو علي شنو الناس
**المهم علاء قدر م حنسه ابت تنزل اخر شي قال ليها طيب انا قاعد هنا للصباح وم حامشي وطلع ف راس العربيه رقد
مروه: ي مجنون خلاص نازله
علاء: (بابتسامة نصر كده) يلي م تستعجلي
بعدها مروه نزلت وقعدو يتونسو قرابة ساعة وبعدها مرون جات بين محتاره ومبسوطه وم قادره تفهم شي بقيت بسأل فيها.....
صفاء : مروه مالك ف شنو
مروه:( بين دموع فرح وزعل) م ف شي بس علاء جاب لي هديه
صفاء: ودي حاجه تبكي كده ي عوقه
مروه: لا الهديه اكبر من كده
صفاء: كيف يعني
مروه: جاب لي خاتم وعرض علي الزواج
صفاء: شنو شنو دقيقه وانتي قلتي شنو 😳
مروه: م اداني فرصه وم خلاني وقال لي فكري واخدي راحتك
صفاء: طيب اهدي واخدي راحتك اسي عشن تقدري تفكري
مروه: طيب
#ف اليوم البعدو مشينا الجامعه وقضينا دوامنا واخر الدوام بعد م نحن طالعين لاقينا علاء ف الباب وكان عايز يتكلم مع مروه وانا مشيت وخليتهم براهم
علاء: مروه كيفك
مروه: الحمدلله انت كيفك
علا: بخير وراجي ردك
مروه: والله ي علاء انا م عندي فيك مانع انت راجل وود رجال بس انا عندي ودعمي ف السعوديه قال دايرني من زمان وانا غفلته معاهو الموضوع بس هو مصر ومشى كلم ناس ابوي وهم اتجاهم واحد وافقو طوالي واسي هو بعد 4 شهور جاي وقال حيعقد وانا م موافقه
علاء: وهو مصدوم كيف الكلام ده
مروه: زي م اقول ليك
علاء: طيب الحل
مروه: انا مكنته عايز اقول ليك نفترق لاني اتعلقته بيك بس ف الوقت الراهن ده انا م بقدر الا احل مشاكلي ف اهلنا
علاء: بزعل تمام (ومشى من قدامها)
مروه بتنادي ليهو وم اشتغل بيها زعل شديد بعدها مروه رجعت الداخليه وحقت لي الحصل كلو
****هناك ف بيت العزا... ::::____
سلام عليكم عم عبدالحكم الفاتحه
عبدالحكم : مرحب بيك ي ولدي (بعد الفاتحه) حمدلله ع السلامه ي صهيب
#صهيب ده كان ود عم الف السعوديه وعايز يتقدم ليها
صهيب: الدوام لله ي عمي وربنا يتقبلها وان شاء الله المجرم يتقبض ويتحاكم ف اقرب وقت
عبدالحكم: ان شاء الله ي ولدي
يقاطعهم محمد اخوها
محمد: صهيب حمدلله علي السلامه
صهيب : الفاتحه.... الله يقبل حمدك وان شاء الله البركه فيكم
محمد: البركه ف الجميع أن شاء الله
** بعد السلام وكم كلمه كده...
صهيب : كدي ي محمد دقيقتين
محمد: طوالي اتفضل
صهيب: اها م عرفتو حاجه كده ول كده
محمد: لا والله بس الزول صاحب الشقه الكان مأجرها ده هارب م اتلقى
صهيب: اها واسي طيب الفهم شنو
محمد: والله منتظرين الضابط الماسك القضيه يستدعينا وبعدها نرجع الخرطوم نعرف الحاصل
صهيب: لازم نحن نمشي الخرطوم كمان نفتش ونعرف لينا خيط او دليل
