الحلقه السادسه
بقلم Kinder 🖋️🖋️
مروه : ابى ي صفاء يتفاهم معاي تاني ( وعيونه مليانه دموع)
صفاء: خلاص اهدي حبيبه وكل شي ليهو حل م تضايقي
مروه: (م قادره تعبر الا بتبكي بس)
**المهم عدت ثلاثه ايام من مشكلتهم ومروه حالها اتغير بقت م بتاكل وشها زاتو اتغير وانا قد م اتكلم معاها كانت بترد تقول لي تلاته يوم م اشتغل بي
لحدي م اثناء كلامنا داك اتصل عليها وهي م صدقت من الفرحه قامت
مخلوعه:_____
مروه: الو
علاء: ممكن تنزلي تجيني تحت ف المنتزه الجمب داخليتكم
َمروه: علاء الو غفل الخط 🤦♀️
صفاء : لي هو قال ليك؛ شنو
مروه : قال لي تعالي الحديقه الجمبنا دي
صفاء : طيب امشي م تخافي انا حاوصلك وبنتظرك ف الباب بره
مروه: قلتي كده؟؟ طيب ارح
**مشينا الاتنين ودخلنا الحديقه انا رجعته من الباب وهي واصلت براها لحدي م لاقت علاء ::____
علاء: ازيك؟
مروه : م كويسه
علاء: قولي الحمدلله
مروه: ونعم بالله بس تلاته يوم مرو علي زي السم
علاء: (عاين ليها بقوه ومسك ايدها واعتزر ليها) انا اسف مع انو كلامك ده نزل علي زي السيوف م قدرته استحمل اعمل نو حسيت نفسي داير اقعد براي وافكر
مروه : طيب بتأذاني انا؟؟!!
علاء : عشن اقدر اصل لحل
مروه: وان شاء الله قدرته توصل للحل
علاء: اي بس عاوزك تكوني معاي فيهو وم تخذليني
مروه : ان شاء الله م حأخذلك
علاء: متأكده
مروه: ايوا متأكده لو م حاجه بتودي للهلاك
علاء : لا لا م تخافي ان شاء الله
#** يقطع صوت التحقيق ف القسم زول يدق الباب ::__
علي : مهم سعدتك
ابوبكر : اتفضل ي علي
علي : اذنك سعدتك ممكن تجي انت بره
ابوبكر: (يطلع مع علي) خير ي علي
علي : خير سعدتك (بي حزن واستياء) بس م بتتقال
ابوبكر : ف شنو ي علي م ترفع كثافتنا لانو انا براي مخي ده ضارب من الحاصل ده م تكتر علي انت كمان
علي : سعدتك قبضنا علي المتهم الاول علاء
ابوبكر : (من الصدمه م قدر يمش الزول صاحبو شديد!!) طيب لقيتو وين
علي : والله ي سعدتك متدسي ف بيت واحد من اولاد اهلو اتصل وبلغ فيهو
ابوبكر : دقيقه دقيقه ده شنو التعقيد ده لقيتوهو وين والحاصل شنو ومنو البلغ الحاجات دي عيدها لي بصياغه براحه براحه!!!!
علي : سعدتك نحن اتحركنا علي منطقه*****ف الشمالية بعد م جانا اتصال اول من شاب قال انو علاء معاهو هناك ليهو م يقارب الاسبوع
ابوبكر: طيب الشاب اسمو منو؟؟
علي : عمار سعدتك
ابوبكر : امممم تمام دخل لي علاء الدين مكتب تحقيق ضبابط وحرك دوريتك جيب لي الاسمو عمار ده كمان (بي ابتسامة نصر كده) شكلها هانت
علي : كيف ي سعدتك م فهمته؟؟؟
ابوبكر : حتعرف يعلي حتعرف بس انت اعمل القلتو ليك
علي : حاضر سعدتك
****علاء رجع مكتب التحقيق مع صفاء :____
ابوبكر : بتعرفي واحد اسمو عمار؟؟
صفاء : عماار؟؟؟؟!!!
ابوبكر : انا م بعرف اسم ابوه لكن شكلو ليهو علاقه مع علاء الدين
صفاء : 😳😳😳 اي بعرفو حق المعرفه ده ولد دفعتنا
ابوبكر : طيب كان عندو علاقه مع مروه قريب منها ول كده يعني
صفاء : لا يعني علاقه هامشيه كده بس م اكتر
ابوبكر : امممم طيب
صفاء : لي مالو ف شنو
ابوبكر : م ف شي بس قبضنا علي علاء
صفاء : 😳😳😳 الكلام ده صح
ابوبكر : ايوه صح
صفاء : الف حمدلله على السلامه الله كريم
ابوبكر بس لسه م حققنا معاهو طيب واصلي لي انتي عشن اقدر امشي حقق معاهو!!
يقاطعو نفس الصوت اللي هو علي سعدتك المكتب جاهز
ابوبكر : خلاص ي علي اجلو ودخل لي علاء زنزانه عشن افهم القصه من صفاء اول بعداك نجي نتفاهم معاهو وحاجه تانيه لمن تجيب عمار م تخلي علاء اشوفو ولا اي زول من اهل المجني عليها م يعرف انو ف واحد غير علاء تم القبض عليهو
علي : قاعد تحيرني والله ي سعدتك بالاوامر الغريبه دي لكن كلو تحت التنفيذ (دق التحيه) ومشى
ابوبكر: رجع لي صفاء يلى كملي......... يتبع 🖋️🖋️🖋️🖋️
