الروايه "مصيرنا الى اين"
الكاتبه /Ghadeer-1997
اكضي الليل كله بس افكر بيك
حسبة تجيبني وحسبة توديني.......
السافر والغرك بالخنكه جنهم توم
وانا اثنياتهم واغروب اجه بخنكه
.................
زمرد دك الموبايل وجان المتصل بيبي جمره جنت بعدني جاي اضحك
جاوبت كلت .. الوو هاا بيبي لادكولين تعالو ارجعو هس ترئ مانرجع
اجاني صوت ولد ماعرفت اميزه خليت الموبايل اكبال عيني حتى اتاكد
من الاسم اتاكدت بيبي جمره رجعت الموبايل لاذاني
كلت .. الوو منو وياي
جاوبني وهو يضحك كال ... شنو ماعرفتيني
ستغربت معقوله هذا محمود ناصب عليه ... اهوو هس دكول منو لو اسده
كال ... اني سجاد
يمه هو كال الاسم واني كمت اتلفت حتى البنات انتبهو عليه.. شكو ليش داك عليه وشتريد
كال... سمعت بيج رافضتني اكدر اعرف ليش
جاوبت على السريع علمود انهي المكالمه .. اني مافكره بالزواج هس ويله مرخصتك
جاي اسد بس وكفت من سمعته كال ... هاي لان اني ماتفكرين بالزواج بس لو مهاب جان قبلتي بدون تفكير مو
اني سمعته هيج كال وبسرعه سديت بوجهه يعني يعرف بعلاقتي بمهاب زين اذا يعرف ليش اجئ خطبني
زمزم: شكو شبيج ومنو هذا الخابرج
زمرد: سجاد
اسماء: ومنو هذا وشيريد منج
زمزم: هذا يصير اخو ذوالفقار ابن خاله سوسن ورايد زمرد
زمرد: بس اني ماريده ليش لازك وطلع هو يعرف اني اريد مهاب واجئ خطبني
زمزم: سجاد خوش ولد ومن حجئ عليج هذاك اليوم عرفته انعجب بيج
زمرد نزلت دموعي واني اتخيل مهاب كبالي: بس اني اريد مهاب وبس
حور: كولي لمصطفئ وخلي يحجي ويا ويخليله حد
زمرد مسحت ادموعي واني اتمسك بمهاب وبحبه: اي اني راح اخابر مصطفئ حتى يسويلي حل
زمرد تعكر مزاجي من ورئ هاي المكالمه
خابرني حبيب وكال .. اجي اخذكم الوقت اتاخر كلش
سئلت البنات وكالن .. خلي يجي
ورئ شويه اجئ سلم على اسماء واخذنا رجعنا للبيت شفت مهاب بالباب يحوس عبالك عنده ولاده من شافني خزرني وصعد سيارة وراح
طبطبت على ظهري زمزم ودفعتني
حتى ادخل للبيت بس وين اني عقلي
فصل وراح وهاي هذا الزعلان ....
زين معقول عرف بي خابرني بس اني جنت ناويه اني اكله ماريد يعرف من غيري
سلمنه عليهم وكعدنا شويه يمهم وعيني
جانت على الباب حتى مارمش
زمزم كالت .. يله كومي افرشي نعست كلش
باوعت عليها واني ضايجه ... ليش انتي مو قبل شويه كعدتي شبساع لحكتي تنعسين
اشرتلي على الوراها وشفت ذوالفقار كاعد بصفها كلش كمت من مكاني واني ادردم عليها
أنت تقرأ
مصيرنا الى اين
Romantikالئ اين انت ذاهب بي ياقطار الحياة : اعدني الئ الوراء فقد اضعت في طريقي اشياء وفقدت اشخاص وهربت مني امنيات !؟ اعدني الى الطفولتي فقد ادركت كم هو جميل الذي فات .............................. المشهد الاول عوفني فدوه بس خلي اشوفه ابوس ايدك عوفني اسمع...
