اسامة
عمر: شصار
دكتوره: نبضها ضعيف حاليا تحت المراقبه
اسامه: يعني شنو ماماتت
دكتوره: الحمد لله بعدها عايشه ولكن نبضها ضعيف تعدت سكته قلبيه تكبت باالالم تكبت الى ان نطت ماتحملت همزين لحگتوا عليها واله جان ماتت
تبجي ام دمعه وتبوس الدكتوره
ابوها كعد بالكام ويبجي
موقفنا مانتمناه لعدونا
بقت تحت المراقبه يومين
استقرت حالتها طلعناها
لبيت اهلها وبدون كلام وياها
دمعه ماتكدر حتى تسولف وساكته
فقط تسألنا على ريتال وتريد تشوف ريتال
بالليل اخذتلها الاطفال يمها
دمعه نايمه بغرفتها ويمها ريتال نايمه وايدها بأيد ريتال تتلمس بيها
اسامه: مو كافي خلينا نسافر
دمعه: تعبانه لاتحجي وياي
اسامه: اريد اخلصج من هذا التعب
دمعه: مااسافر ومااتعالج
اباوعلها دمعه منتهيه مو دمعه
هذه وكعتها الاخيره غيرت شكلها
بديت احس زوجتي ايامها قربت
تهز براسها ونايمه
اسامه: دمعه لاتهزين راسج ادوخين
دمعه رفعت راسها تباوعلي اني كاعد كدامها
دمعه: ويامن تحجي
اسامه: وياج
دمعه: ماسمعتك
هي تحجي تهز براسها
اسامه: انتي ليش تهزين براسج
دمعه: ماهازه
اسامه: دمعه جاي تهزين انتي تريدين تخبليني
كمت اصيح تقربت منها لزمت راسها ثبته
اسامه: جاي تهزين افتهمي جاي تهزين لا اضحكين عليه عبالج مخبل لا اني مو مخبل انتي تهزين وتريدين تموتين اني اعرف انتي جاي تهزين
دمعه تبجي والطفله فزت على الصياح تبجي
ركضوا اهلها وعمر علينا
سحبوني وطلعوني من غرفتها دمعه تبجي
نزلت طلعت من بيتهم ماتحملت ابقى
مااريد اشوف دمعه تموت كدامي
كافي يوميه على ايدي زوجتي تموت
رحت للبيت لميت غراضي
قررت اروح للموصل ماابقى ولا دقيقه يم دمعه
مااريد اشوف الموت ثاني مره
واغلى انسانه بحياتي
.......................................
رجعت من الذاكره
........................................
اسامه
بالمستشفى بدهوك يعاتبني ابو دمعه
ناظم : وارتاحيت من تركت دمعه
اسامه: اااااااه
ناظم : ليش تركتها اسامه وعدتني تحافظ عليها
اسامه: ماكدرت احافظ عليها اني سبب عذاب دمعه
ناظم : عبالك من تركتها رحمتها تعتقد حاليا دمعه سعيده ومرتاحه مو
اسامه: المهم مو اني عذابها
ناظم : اسامه حتى مافكرت تتصل او تسأل عنهم
اسامه: تمنيت اموت ومااعرف شي عن دمعه
ناظم : اسامه وصلت لقناعه كل انسان ويومه تذكر من دون كل الايام انت فكرت تروح تزور دمعه بشغلها ونقذتها من الموت لوما وجودك دمعه ماتت لكن مو يومها وانت بنص الحرب والطلق مامتت لان هذا مو يومك.. اسامه مااعتقد تحب دمعه اكثر مني اني ساكت وصابر وراضي بقدر ربي اذا يريد ياخذ امانته ياخذها لابكيفي ولابكيفك
اسامه: ماتحمل اشوفها تتألم وتموت على ايدي
ناظم : بسفرك دمرتها لدمعه تعرف شصار بيها
اسامه: مااريد اعرف
ناظم : اطمأن دمعه تتنفس لكن ماعايشه
اسامه: يعني شلون
ابو دمعه: رافضه العلاج والاكل فقط سوائل واذا تريد تاكل خبز وعسل حياتها بس قرأن حتى وهي نايمه تقره قرأن ماتگدر اكوم ...اطفالها كل يومين ٣ تشوفهم حتى ماتسولف دموعها تجري وتسأل عنك ...امك متعذبه بااطفالك وام دمعه تركت الشغل ووقتها بس لدمعه وحالنا حال ... اما سكينه تقهر محتاره بدمعه واخوانها ...دمعه محتاجتك ارجعلها
اسامه: مااكدر اشوفها بهذا الوضع ماتحمل
ناظم: بقى امل واحد عدنا
اسامه: شنو
ناظم : قبل اسبوع اتصل عليه دكتور اسامه العراقي تذكره
اسامه: اي اعرفه الوحيد گال دمعه مو مريضه بالبنان
ناظم : كال الدكتور راح يجي لاربيل اسبوع حاولوا تحجزون واساعدكم بالحجز
اسامه: حاليا هو بالعراق
ناظم : مااعرف دمعه رافضه وماتقبل اذا نحجي وياها تمنع نفسها من الاكل وتعاقبنا وماتحجي ويانه
اسامه: شكد عنوديه
ناظم : اسامه ساعدني
اسامه: شوف شوكت يجي والحجز
ناظم : اني لازم ارجع لبغداد مااكدر اتركهم اكثر انت شلون
اسامه: اني اخابر صديقي من كربلاء يجي يمي
