دمعه ( الجزء ٣ )

الجزء الثالث -- بارت ٩

أسامه

سكتت

عمر: دمعه كلامج ب أدب ويه زوجج
دمعه: اسفه خالو يله طلعوني
اسامه: مااطلعين بهذا لبسج
دمعه: اله اطلع ماشي اني واطفالي رايحين لاهلي

كعدت اباوعلها واكفه عصبيه
اباوعلها شكلها حلو

فيحاء : يمه استغفروا اثنينكم وتهدوا بالرحمن اليوم راجعين من السفر وبس مشاكل بينكم
دمعه: خاله خانكني بغيرته دكتور نفسي وحاربني شلون يعالجني
فيحاء: ادري يما سولفتلي امج همجي شسوين يايما الله بلاج بمخبل

بعز المشكله عمر وسكينه يضحكون

اسامه: زين لخاطري غيري قميصج مو لبسج
دمعه: لا
اسامه: شوفي هههه مااطلعين هيج مستحيل
دمعه: لويش بله
اسامه: لان حلوه وشكلج مغري معناها امشي واضرب بالزلم
دمعه: اضرب بلكخطه يضربوك ويرجعلنا عقلك

ضحكتني بكلامها شكد احبها
مااعرف شنو اريد من دمعه

سحبتها واخذتها للغرفه

دمعه: وخر ايدك ماابدل ومااغير

دخلتها للغرفه بستها بخدها وبشفايفها

دمعه: نريد نزور وخر عني
اسامه: وليش تحجين بهدوء ومغمضه عيونج

ابتسمت وطلعت
سحبت ايدها

اسامه: بداعتي غيري القميص ماتحمل والله مااكدر لخاطري ... سفر مااسافر
دمعه: اوعدني
اسامه: مو مايهمج موضوع سفري ...اموت وتتزوجين
دمعه: فعلا ازوج
اسامه: ليش تخليني اكسر راسج
دمعه: شفت رجعت تغلط ماابدل
اسامه: هههه اسف وبداعتي غيري لبسج
دمعه: بشروط
اسامه: موافق
دمعه: اسمعهن
اسامه: شنو
دمعه: اولا ازور كل الائمه هذا الاسبوع كلهم وين مااريد تاخذني
اسامه: ائمه فقط سيد فلان وشيخ علان ماكو
دمعه: هههه اوك
اسامه: بعد
دمعه: توعدني ماتسافر
اسامه: اوعدج مااسافر
دمعه: توعدني اموت اني قبلك وانت وراي
اسامه: هههههه هاي شلون رهمتيها
دمعه: شفت مانعرف منو قبل اني او انت بعد من شو خايف
اسامه: يله غيري لبسج
دمعه: بعد ماكملت
اسامه: شنو
دمعه: اسألك ماتكذب
اسامه: استغفر الله گولي شنو
دمعه: سمعت كلامك انت وخالتي مطلوب ومابقالنا بس هذا البيت
اسامه: الحمد لله نعمه
دمعه: شلون ردتني ابقى وانت ماعندك
اسامه: مقرر ارهن بيتنا واخذ حصتي من الورث
دمعه: انت مخبل
اسامه: المهم انتي تعيشين وبحضني
دمعه: ليش هيج اسامه وصلتنا لهذا الحال لعد شكد غاليه المانيا ومن اسألك تجاوبني تفاليس واني اكول شكد رخيصه
اسامه: دمعه غيري لبسج خلينا نطلع
دمعه: بعد شرط
اسامه: شنو😡
دمعه: گولي احبج
اسامه: ههههه اذا نكول نبطل مانطلع واني اطلبج ٩٢٣
دمعه: 😱هههههههه وهذه شوكت اوفيها
اسامه: خلال اسبوعين
دمعه: ههههههههههههههههههههه اطلع خلي ابدل واقسم ال٩٢٣ كل يوم شكد خلال اسبوعين