هروب اضطراري

البارت الاول

________________________

أعرفكم بنفسي اني أسمي ميديا من مواليد1994....أسكن ويه عائلتي ......او الاصح بيت خالي 💔 لان ابويه توفى هالحجي عمري 5سنوات بعدها امي اجتها قسمه ووافقت وطلعت عاشت بالخارج ويه زوجها وبالسنه مرة مرتين تجي تشوفني وخلتني اربى بيت خالو ...

عائله خالو متكونه ...

خالو:عزيز..من مواليد1960مدرس أحياء
زوجته:حسنه من مواليد 1962 ربه بيت
بنته:بلقيس من مواليد 1991هندسه مدني
ابنه:ياسر من مواليد1988محامي

وباقي الشخصيات تتعرفون عليهم أثناء الرواية لاتستعجلون .......

مرات تنتمي وتعيش يم ناس يكونون اقرب الك من اهلك وتعيش وياهم على الحلوه والمرة
اني ميديا. من عمري 5سنوات ساكنه بيت خالو
لان امي اتزوجت بعد وفاه بابا 'ربيت يم 'خالو عزيز وعائلته ابد ماشفت فرق بيني وبينهم 'خالو جان كلشي اريد يجيبلي ومدللني مثلي مثل بلقيس وياسر شنو يشتريلهم يشتريلي 'جنا بوكت المدرسة يودينا سوه المدرسة ويرجعنا أيد ب أيد ' اني وامي وين وين يله نتشاوف
يعني معدل الشوفه مرتين بالسنه وباقين على المخابرة
اني اعرف ان امي تركتني وراحت دورت مصلحتها وتزوجت بس اني جنت مستقبله الأمور برحابه صدر لان لكيت من يسد مكان امي ...زوجه خالو حسنه جانت حنونه رغم احنه بمجتمعنا ناس تاكل ناس..وعظم ابن ادم ثكيل ماينحمل .....دومي اسمع من خالي كلمه وحده من اكعد لوحدي واحن ل امي واتذكر ابويه المرحوم وهي......(الخلقج يتولاج بنيتي ميديا)

تخفف من الامي وهمومي.....اي صح كلت اكو من يسد مكان امي وابويه بس يبقون الهم الاولوليه بكل شي
يبقون همه نقطه ضعفي وقوتي بنفس الوقت.....

مرت السنوات وصار عمري١٦سنه صف رابع إعدادي فرع علمي

حكايتي تبتدي مثل باقي الحكايات .....كل القصص تبدي من نكعد من النوم.....

بيوم من الايام جنت نايمه دك المنبه...تلمست الكومدي
ماموجوده الساعه.....صوتها مزعج وباستمرار يرن بدون توقف.....نهضت جسمي وحركت ايدي تلمست الكاع..طفيته وشلت المخده خليتها فوك راسي غفيت ١٠ دقايق اجتي بنت خالي بلقيس ...تدكدك الباب ودخلت.....

بلقيس:لج وثول دكعدي
ميديا:لج كاااعده والله بس داصحصح
بلقيس:عادي اخذ من عطرج
ميديا/كعدت اني وكفشتي عفصت عيوني حتى اشوفها زين لان ممغصه زين....اشرت ب أصبعي وكتلها......

ميديا :اخذي...رشي ....بس مو تشربيه...شويه شويه

بلقيس:هههه اوك هيه بس ١٠رشات.......

ميديا/بلقيس اكبر مني ب٣سنوات اني جنت رابع إعدادي هيه مرحله اولى كليه هندسه مدني.....

بنت طموحه و رزنه تحبني كلش دومها تكولي

(انتي اختي الصغيرة احسبج)...

كمت من فراشي باوعت على وجهي بالمرايه ومشيت
هستوني دانزل ....دك هورن السيارة مالخط مالكليتها ل بلقيس....أخذت لليفكس وطلعت تركض....

باوعت على مرت خالو حسنه صفت بوجهها

حسنه:الاصول واحد من يكعد من النوم شيكول

ميديا:طبعا يكول صباح الخير .....

حسنه:ديله روحي بدلي ملابسج واتجهزي عما دااحميلج الصمون

ميديا:خالو وين ....
عزيز:هاي اني يمج ...صباح الفل فلايتي
ميديا:هلا خالو صباح الورد ...زين لعد لاتتريك خلينا ناكل سوه...انتظروني بس ابدل واجي

عزيز:اي هم السايق دز رساله مراح يجيج الصبح بس بالرجعه ف اني اوديج
للمدرسه اليوم .....

ميديا:ماشي .....

ميديا:غسلت وصعدت بدلت ملابسي ونزلت لخالو جان دينتظرني بالسياره وصلني للمدرسه

قبل ماانزل

عزيز:محتاجه فلوس
ميديا:لاخالوا الحمدالله بارحه نطيتني
عزيز:شتحتاجين اني موجود
ميديا:ادري بيك ماتقصر
......نزلت من سيارته. ودخلت للمدرسه امشي
بالساحه حتى اروح للصف ....جان احد لمسني لمسه خفيفه على كتفي التفتت لكيتها صديقتي ميس
سبقتني بخطوتين وباوعتلي

ميس:هلا هلا ....عيني نازله من سياره

ميديا:أي هذا خالي وصلني اليوم.....

ميديا/افتخر من اكلهم هذا خالي وصلني جنت بنت شاطره وكل المدرسات يحبوني ......

خلص الدوام ....طبعا طول الدوام جنت خايفه الخط مايجي شلون ارجع لوحدي .....

طلعت من باب المدرسه والتوتر ساطرني اباوع على الخط ماكو ....طلع واكف كبالي واني ما اشوفه......

صعدت للخط_________يتبع

خلص البارت
اتمنة تطلعون ع قصتي
《الطالبة والطالب(المشهور)》
جاااو