عة اقره لصديقاتي ...واساسا اني تعلمت منهم هالشي من جنت نكعد بالكافتريا سوه
ياسر:يله نشوف ...
ميديا/شربنا قهوه بس اني مقريت فنجاني ...بس
من شفت فنجان ياسر مرحبا كمت من مكاني
ياسر سألني مجاوبته.....ترخصت منه بحجه الدوام...
عندي الصبح
ياسر:اني ما اومن بالفنجان ولاجنت اهتم شيطلع
بس اليهمني جانت احلى ليله بحياتي اني احبها من صدك ،الله يهديج يمه وتفاتحيها بالموضوع وتصير مرتي.
اخذت النفاظه ونضفتها ورحت نمت......
ميديا/اني عفت ياسر بحجه النوم بس ضليت اباوعله
من فوك من شباك غرفتي وابجي وخاله ايدي على
حلمي حتى ما اطلع صوت وتحس عليه بلقيس
القريته.بالفنجان مالته موسهل.....
وراها شفته كام نام واني طفيت الضوه ورحت نمت...
كعدت الصبح مختنكه كلش غسلت وجهي ...سمعت
خالو عزيز يكول :الله وياك وليدي ..رحت كبل على الشباك شفته مطالع بسيارته اجه عليه واحد لابس زي عسكري وطلعوا
هالحجي سنه٢٠١٤ جنت اني بوقتها مرحله٢ بالجامعة....
درت وجهي لكيت بلقيس بسابع نومه جريت نفس
نزلت لكيت خالو هسه ديطب للبيت ...باوعت على غرفه خالو...حسنه بعدها نايمه...
ميديا:صباح الخير يا احلى خال بالدنيا
عزيز:حبيبي وكلبي مدو صباح النور ...
ميديا:خالو شنو ياسر طلع
عزيز:أي طلع هو وصديقه راح يروحون يسجلون بالحشد تدرين هاي فتره صعبه ولازم الكل يوكف بيها
ميديا/الدموع انحصرت بعيوني وكتله:شنو خالو تحجي صدك شلون تخليه يروح ..زين خاله حسنه قبلت او عرفت بيه حيروح
عزيز:لا هو يوم واحد ويرجع بالسلامه ...ويأخذون اكل وبطانيات ومي ك بدايه بين مايطلع اسمه
ميديا/خالو يحجي ومتوتر ومختنك واني كوه لازمه دموعي ،رحت بدلت ملابسي وحضرت ريوك لخالو وكعدنا نتريك ...كعدت حسنه
حسنه:صباح الخير
_صباح النور
حسنه:وين ياسر ؟
ميديا/باوعت على خالو ...رفع حاجبه معناها لاتحجين
غلست ،اجت السياره مالدوام وترخصت ....طلعت للدوام هم افلتت....
_______
اما حسنه:زين من راحت ميديا ...ياسر وين؟
عزيز:طلع
حسنه:افففففف
عزيز:شبيج شعندج ويه البنت؟
حسنه:اكلك احنه وصلناها بهاي المرحله وبعد شيل ايدنا ،خابر امها خل تجي ترجع يمها لو تاخذها
وتروح.
عزيز:احجي لاتطلعين الاكل سم وزقنبوت
حسنه:ابنك عينه منها
عزيز:اي يوم المبارك وين نلكه مثل ميديا منا وبينه
حسنه:بس اني ماريدها ل ابني الوحيد اريد اختارله
على ذوقي.......
عزيز/باوعت ل حسنه عفتها ومشيت طلعت للدوام ...
خابرت على ياسر لاني فهمت الوضعية
عزيز:وليدي حاول ترجع...عوف كلشي وارجع
ياسر: لايابه حالي حال الشباب الراحوو....اذا الي خبزه ارجع
..............
حسنه/يا اشو هذا طلع وعافني.....لملمت المواعين
صعدت لغرفه بلقيس وميديا
باوعت الفراش ميديا كلت بداخلي(لوتنصب صب ماخلي هاي اللقيطه تاخذ ابني مني .حتلو ربيتها اني...
رجعت كعدت بلقيس.....ورحت لغرفه ياسر.....
لكيت فراشي مرتب يعني مو مال جان نايم...باوعت هويه المحاماه على الميز اذا وين راح ؟
خابرته اكثر من مره مغلق او خارج منطقه التخطيه
رجعت خابرت عزيز كالي ابني راح للحشد تخلبت
ضليت ادك وانوح .........
بلقيس:يمه اهدئي اهدئي
حسنه:كلها بسببها
بلقيس:منو
حسنه:بسبب ميديا ابني راح يروح مني ياربي دخيلك
بلقيس:شبيها ميديا تره تخبل وحسن من الله ....شهاده وياها واذا حبها ....مو احسن ماتجي وحده غريبه تأخذه منج...
حسنه:ولي منا
ميديا/رحت للجامعه جانت محاضرات قليله بالي يم ياسر أتذكر كعده البارحه واضحك والإعلامي والقهر ياكلني....فتحت وياهم فنجان لنفسي الأول مره
تفاجئنا بفنجاني بي بلاوي خفت....بعدها رجعت للبيت فتحتلي بلقيس الباب جانت٢ بالظهر اليوم رجعت من وقت كعدت بالصاله تعبانه......اجت
حسنه تصرخ وعيونها تذب شر
وتكول:كله بسببج ابني اذا راح لواقدمج المذبح متجيبين غلاته عبالج تتزوجيه سحاره صارله سنين حافي عليج .....سايبه لا ام ولا اب
بلقيس ضليت تصيحني وتحاول تهدئ
باوعتلها بلقيس تهدئ بيها وماكو حارت بيني وبينها
عمري ما جنت أتصور انه راح انحط بهيج موقف بايخ مثل هذا
كمت على حيلي اخذت التليفون من الطبله(الطاولة)
درت وجهي وأسمعهم يهدئون بيه 'ضربت با ايدي على الباب وصحت بنهره......بسسسسسس كافي '
عفتهم وطلعت 'طلعت وهمه يصيحولي يردون بس يهدؤني بس اني ما اسمعهم او اني الي ماريد اسمعهم طلعت امشي بسرعه جانت بوقتها ساعه ٢:٣٠الظهر الشارع يصوصي مابي طير بشر 'ضليت امشي بخطوات بين السرعة والبطئ بس اريد اخلص الفرع واطلع للشارع العام حت
أنت تقرأ
هروب اضطراري
Ficción Generalشبة فصلية ؛أجتماعية،أنتظار،ثأر،حب،الهروب إلى أين المفر أن كانت القيود سلاسل من نار
