هروب اضطراري

البارت الثامن

مقدام:المساند.....قبل٩سنوات طلعنا اني واخويه على طريق البصره يسوق سريع ...ونكلبت بينا السياره
جان هو عريس مصارله سنه متزوج وابنه توه عمره ٤٠يوم ...انلقبت بينا واخويه مات...حاولت اطلع من السياره الضغط قوي على رجلي......طلعوني العالم من السيارة ....كمت ماامشي لمده أشهر.....سويت عمليه وعلاج طبيعي يله كمت امشي على المساند الشفتيها....
بعدها سافرت للهند وعالجت نفسي...صح اكزل بيها بس احسن من قبل

ميديا:اسفه .....بس هاي اسئله جانت تدور بخاطري من سنوات ...ووليلى.....

مقدام:ليلى هيه زوجه اخويه...من توفى ابويه فرض اتزوجها لجل عين ابن اخويه اليتيم  

ميديا:وسعادتك؟

مقدام/ورث سيجاره وكال:ليش هيه ظلت سعاده .....السعاده فاركتني وياها من راحت؟

ميديا:منو؟

مقدام:سهاد

ميديا:منو هاي سهاد؟

مقدام:بنت حبيتها من ايام المدرسه تصير جيران بيت خالي..بنت حلوه ...بلا تفاصيل جنت مراهق ومجنون
بيوم سحبتها من ايدها ...وجبتها لبيتنا كبال امي وابويه....وكتلهم اريدها
ابويه تسودن لزمني ركعني كف.....وصاح ل امي ..اخذوها البنت من ايدها ورجعوها لبيت اهلها
وماشفتها لهذا اليوم كالوا زوجوها ابن عمها......

سهاد تشبهج....مفاركتني لهلحظه.....اني مالكيت السعاده
بعدها حتى ويه ليلى ليلى فرض وانفرضت عليه بس انتي الي رف الج كلبي من بعد سهاد ..

ميديا/كنت استمع اله بهدوء وبداخلي آلاف اتساؤلات
دك التليفون .....باوعت صديقي

ميديا:اعتقد ابتدأت المحاضره من رخصتك؟

مقدام:مرخوصه

ميديا/صعدت للماحظره لكيت الأستاذ ماكووو....
باوعت على صديقتي خزرتها

ميديا:لعد شكو دكيتي
....

_غير ردناج تجين احتمال نطلع سفره للزوراء

ميديا:ماريد اجي .....راحوا واني ضليت افتر بالحديقه وقلقه كلش ..رجعت للبيت فتحلي ياسر الباب ......

وبلقيس:هلابالطالبه....النشيطه.......دخلت كبل للغرفه
فتحت الشباك احس نفسي مخنوووووكه سترك ربي شصاير اليوم جايز لان ضميري صحه او حسيت انه كعدتي ويه مقدام كدام العالم غلط ....غلط اني هنا ياسر كالبه جهرتي بوجهه.......

خالو عزيز صاحني ،كمت اتراجف خفت لااحد شايفني من صديقاتي وموصلين خبر اله...

بيني وبين نفسي كلت اي طبني طب اني شيصير بيه استاهله .......

نزلت رحت لخالوا عيوني بؤبؤها صغر من كد التركيز والقلق....هو جان يفتر بغرفته يفتح مجر ويسد مجر

.....

خالو:شبيج صافنه دوري ويايه؟

ميديا: شنو ادور؟ .....