الام حسنه/عفتة ل ياسر ودخلت طفيت الاضويه...ورحت نمت بفراشي وافكر ،اليوم جان يوم صعب بالنسبه الي.... ياسر رادها ل ميديا اني فرحت بس موووكتها وماريد اثبتها بباله اني هم اريد ازوج بلقيس بالاول ...خليها...... خليها تكبر بعد.....
بعد عده ساعات صار الصبح ،عزيز كعد وكعد الاولاد بس اني تاخرت بنومي جنت تعبانه.....
كعدت لكيت الكل طالع وعزيز جان هستوه ديريد يطلع للدوام
سالته:ليش هالكد متاخره ماكعدتني جان سويتلكم ريوك....
عزيز:لايمعوده انتي شايفه نفسج شلون نايمه ....نوم بعمق جنج ولانايمه ابد
حسنه:اي والله تعبانه ،ياسر طلع للدوام
عزيز:اي راح للمحكمه .هالولد تاعب نفسه ،مخلص وكته شغل بشغل ...يله اني رايح للدوام تردين شيء
حسنه:لاسلامتك
ميديا/اما اني ف يومي اعتيادي وصلني ابو الخط للمدرسه جانت اكو طالبه ويانه بالخط اسمها ساره تغار مني ماعرف ليش ...معجبه ب ابو الخط وأبو الخط مطنشها ويحترمني ويقدرني الخاطر خالو بس ساره تموت مني ماعرف ليش دومها تبسمر....ومن تصعد احس عبالك السياره جهنم ويييع.... المهم وصلني السايق نزلت ولكيت كبالي ميس هستوها جاي تدخل المدرسه
ميديا:هااا شنو هالصدف
ميس:اي بالله .....اشش اوكفي شهالعطر الطيب
ميديا:اي اخذته من بلقيس ..قابل بس هيه تاخذ مني عطر .....
ميس:لج عزااا هاي شنو بشعرج؟
ميديا:شكو؟قراصه كبيره
ميس:اليوم تفتش المشرفه التربويه
ميديا:اهووووو هسه حذبها بالحديقه.
ميس:اي احسن
ميديا:شمدريني نسيت انزعها.........
المهم أخذنا دروس وانتهى الدوام رحت بالحديقه حتى اخذ قراصتي من المكان الي خالتها بي لكيتها ماكو نقهرت لان جنت احبها لونها ابيض واسود جنها جلد نمر...طلعت انتظرت بباب المدرسه
...ميس حجت ويايه شويه
كالت :بااااااي
رجعت لبيتها....انتظرت الخط ما اجه عليه ...نصف ساعه
واكفه ...بعدين قررت ارجع مشي صارت ساعه ٢...رجعت مشي اركض وسريع ووين ماشوف مره امشي يمها ......قربت اوصل للبيت عطشت فتحت المحفظه مالاقلام اكو جيب بيها اخلي بي يوميتي الي خالو ينطيها الي ....لكيت ربع ..كلت زين خلي اروح اشتري من الأسواق هاي ......دخلت للمحل اباوع ابو المحل ماكو تقدمت خطوه ووكفت على رؤوس أصابعي اباوع منا منا جان واحد اجه واني اخترعت
هذا الشخص اجه على عربانه تمشي هو واكف ودفعها وتساعده على المشي يمكن معوق او مصاب محادثه
كالي:اتفضلي....
ميديا:اوك اريد بطل مي
_اخذي من البراد
ميديا/كلبي كام يدك من الخوف ارتبكت.....اخذت البطل من البراد وخليت الربع دينار على احد كارتونات النساتل الموجوده وطلعت امشي بسرعه امشي وعيوني تحسب الخطواات ....حتى نسيت اشرب المي
وصلت دكيت الباب خاله حسنه فتحتها الي.
ميديا:سلام ....هذا بطل مي اشتريته...
حسنه:وعليكم السلام شبيج عركانه وتنهتين ....
ميديا:ابو الخط مااجه
حسنه:نزعي حذائج كله طين ......
ميديا:صار .....
دخلت من المطبخ لكيت ياسر جان كاعد ويحسب بفلوسه وبيده قلم ورقه ،شكله استلم راتب ويريد يجمع حتى يشتري سياره
ميديا:هلاو
ياسر:ها هلوات شبيج صايره زركه
ميديا:اي والله ابو الخط دمرني مدايجي دافعيله فلوس لو نوة تمر
......
صعدت لغرفتي بدلت جان ينظرب جرس البيت...مديت راسي لكيته خالو عزيز...وياسر فتح الباب
فتحت الشباك وكتله:هلا خالوووو.....
هو اشر باايده ومبتسم.....سديت الشباك عدلت شعري ونزلت ساعدت حسنه بالمطبخ بعد ساعه ونصف اجتي بلقيس .....عصبيه وضايجه شكلها صارت عندها مشكله بالكلية محبيت أسئلها
تغدينا،خاله حسنه جاي تغسل المواعين كتلها اني اغسلها
همه راحو نامو الظهر....ياسر ديطلع للمحل التفت الي
ياسر:راح اروح عاجبج شيء اجيبه الج
ميديا:لا .....اي
ياسر:اي كولي
ميديا:اريد سمسمية
ياسر:تدللين ...
ميديا/ياسر طلع واني كملت غسل مواعين ماعرف ليش
اجه ببالي هذا الرجل ابو المحل .......جريت نفس ورحت نمت ساعتين وكعدت على صوت بلقيس جاي تتناقش ويه حسنه ......هم ماسئلتها ماعرف ليش حسيت للحظه وحده انه كان طابوكه ونايمه على كلبي
استغفرت ربي واتعوذت من الشيطان وحضرت دروسي
ونمت ثاني يوم رحت للمدرسه ورجعت .....احنه اساسا ابو الخط يفوتنا من يم المحل يوميا بس اني ممنتبهه
الصبح معزل وبالرجعه الظهر يفتح......بالطريق مالرجعه
جنت دايخه دافكر بالامتحان اليومي الي امتحناه شلون جان وشنو جاوبت وشكد راح تنقسم الدرجه ...فتنا من يم المحل لاحظته كاعد بباب المحل ....يمكن لمحني
وشافني لان السير متوقف وبطيئ .....ووصلت للبيت وكلبي مقبوض عصبيه ماعرف شبيه .....
بس بلقيس هالمره راجعه مرتاحه ....مشى الوقت وقت الغروب جنت كاعده بالمرجوحه جاي ادرس ياسر اجه و باايده السمسمية....
ياسر:هاي السمسمية الج....البارحه يا مشغوله تدرسين
يا نايمه
ميديا/جاوبته بنفس طويل:
أنت تقرأ
هروب اضطراري
Ficção Geralشبة فصلية ؛أجتماعية،أنتظار،ثأر،حب،الهروب إلى أين المفر أن كانت القيود سلاسل من نار
