الحلقة الاولى❤🔥
عند وتين❤
نسمع في صوت المنبه باش النوض للمدرسة😩 سكرته ونضت درت دوش وصليت وبدلت وتيت روحي للمدرسة
اني:~ صباح الخير
مصطفى و حميدة:~ صباح الورد
مصطفى:~ تعالي بنتي قعمزي بحداي❤
اني قعمزت جنب بابا وبديت نفطر :~ بابا بتوصلني انت للمدرسة ولا نوض احمد🔥
مصطفى:~ لا نوضي احمد
مشيت ندربك على باب دار احمد وناض وهو يسب ويتحلف فيا😂😂
على المهم وصلني احمد للمدرسة وقاليي روحي على رجليك😂
خشيت للمدرسة و اول شيي شفت صاحبتي هناء❤❤
اول ماشفتها امشيتت بسرعة ضبطتها❤
هناء:~ استاحشتك ياكلبة
اني:~ شنى استاحشتيني وهو امس كنتي عندي😂😂😂
هناء:~ الحق فيا اني نديرلك في الجوو ودراما لكن ماتنفعش فيك والله😂
اني:~ خلاص خلاص متزعليش حتى اني استاحشتك😂وين قمر مجتش؟
هناء:~ ماج..
مكلمتش كلمتها إلا وقمر كانت خاشة للمدرسة
اني:~ طبعا تدكر الحقير ايجيك ايطير😂
قمر:~ هايي بنات ليكم وحشة❤
اني وهناء:~ ليك اكتر والله❤
قمر:~ امالا خيركم تضحكو هكي شنى فيه؟😂
هناء جت بتتكلم قرصتهاا :~ لالا مافي شييي😂
قمر:~ ورجعنا للمدرسة من جديد والله هالعطلة مشت على السريع كلكم هكي ولا اني بس😂😂
اني:~ كلنا نفس الوضع😂 هي امشو قدامي بدا الطابور😂😩
(نعرفكم على هناء هناء صاحبت وتين هلببااا يعني صاحبتها لانتيم وتوأمها وشبه كل يوم عند بعض وهي راس بنت عند اماليها وهي نديدت وتين )
عند قيس:~
كنت راقد وتاعب هلباا امس كنت سكران رن تلفوني رديت بدون مانشوف الاسم
اني:~ نعم ياخراا شنى فيه ماتخلو في حد يرقد
حسنية:~ خراا طيح سعدكك بتقعد فاشل وطول عمركك فاشل وديما راقد نوض بالك
اني وقفت استعداد:~ اا اهلين يما كيف الحال
حسنية:~ نوض ياكلب روح بيا اني موجودة في المدرسة
اني:~ اوف يما مالقيتيش غيري يعني
حسنية:~ كان بوك فاضي ره كلمته بدون مانكلمك هياا نستنى فيك. وسكرت في وجها
اني نضت بدلت وتصلت بصحابي ياسين هدا نصيي وصاحبيي
اني:~ الوو ياسين وينك انت
ياسين:~ غر قول كيف حالك قبل
اني:~ ماعنديش نية قولي وينكك
ياسين :~ اهو كيف كنت طالع
اني:~ به اقعد في مكانك بنخطم عليك وبنمشو للمدرسة نروحو بأمي ونكحلوو شوية😉
ياسين:~ اووو امالا نستنى فييك
خطمت على ياسين ومشينا لمدرسة اميي🔥
ونشوفلكك هديك الشوفه
ياسين:~ حيييه على امييي شوف هديكا الطرف شوف
اني:~ ااوووو طرف اغبرر شنى هداا
ياسين:~ نبي نمشي بنكلمها
اني:~ لا خليها شوف كيف انيي بنكلهما
عند وتين:~
ثم الدوام
اني:~ هيا يا بنات نروحوو احمد قالي روحيي على رجليك😂
هناء:~ سامحيني وتينو والله اليوم خالي بيروح بيا ماشين لحناي
ندي:~ اني بنروح مع بنت عمتي بنبات عندهم
قمر:~ تعرفيني مش ساكنة بجهتكم بككل
فاطمة:~ حتى اني زي قمر
اني:~ امالا كيف بندير😧
البنات:~ روحيي على رجليك مايصيرلك شي
اني:~ تشوفي في شارع كيف كله ولاد منقدرش نطلع
فاطمة:~ راك مش ديانا باش يخطفوك روحي سلم اختي خير ماتقعدي بروحك
اني :~ باهي هيا سلام ونتلاقو غدوا
(طبعا فاطمة وقمر و ندى صاحباتي اني وهناء ونقرو في نفس الفصل)
قيس:~ بس بس ياحلوو غر ردي عدلي علينا
اني:~ اوووف
قيس:~ خيره الحلو يمشي بروحه في الشارع
اني خلاص بنتفجر:~ اقلب وجهك تراا
قيس:~ اعصابك يا جميل
اني بديت نسرع في روحيي ونتلفت اوصلت لزنقة الحوش القيت الولد ماهناش تنفست براحة لان كان بيشوفه بوي ولا احمد حاتصير مشكلة كبيرة😩
افتحت باب الحوش ونسمع
قيس:~ وعرفته حوشكم ياحلو ردي بالك على روحك وغمزلي
انيي خشيت بسرعة للحوش وتقابلني امي
حميدة:~ خيرك يابنت متخزرطة هكي
اني:~ مافي شي دهشت من الطريق بس
حميدة:~ اها به اركبي بدلي وتعالي تغدي
اني:~ به تمام
عند غزل:~
عمار:~ واتي الغداء
غزل:~ ايي واتي
عمار:~ به اقلبيي وجهك وتيه
غزل تنهدت:~ به حاضر
مشت توتيله في الغداء وحطاته في الطاولة
جي عمار وقعدت تشبحله كيف ياكل بغجرية
عمار:~ خيرك تشبحيلي
غزل:~ شي
عمار:~ وجه النكد اضحكي حتى شوية شنى هداا
غزل بدت تبكي
عمار قلب الصفرة على لأرض وشدها من شعرها:~ خيير بلااك الناس تتغدا وانتي شاديتيها نكد عطاها كف ودفها لين طاحت على الارض ومشي
غزل وهي تبكي:~ يارب يارب مالياش غيرك ساعدنيي عييت والله
