الحلقة العاشرة❤🔥
ردت عليه وبصوت هادي
وتين:~ الو
قيس:~ اهلين بنور العين❤
وتين:~ اهلا بيك
قيس:~ شنى جوك توا
وتين:~ تمام وانت
قيس:~ تمام التمام بعد ماسمعت صوتك
وتين:~ باهي دوم
قيس:~ قوليلي يا حلوة شنى صار فيك وشنى قررتي
وتين:~ انا موافقة لكن بشرط
قيس:~ الي هو
وتين:~انك بعد مانكلمك ونتعرفو كويس تجيب امك
قيس:~ اا باهي تمام ان شاءالله😳
وتين:~ تمام
قيس:~ احكيلي ع روحك❤
وتين:~ امم به انا وتين مواليد 98 في سنة اولى ثانوي و اخر العنقود في حوشنا
قيس:~ صار اخر العنقود
وتين:~ احكيلي ع روحك انت
قيس:~ انا قيس ناجي ال.. مواليد 92 تخرجت من الاقتصاد وانا راس ولد والكبير في خواتي
وتين:~ تشرفت بيك
وكملو الهدرزة وكانت ليلة تعارف
عند هناء:~
كانت تفكر في صاحبتها وتين والي ناوية عليه فاطمة ومافهمتش شنى حادير وكيف حاتتصرف وتبعد وتين على شر فاطمة
عند ياسين :~
يتصل ويعاود على قيس لكن يخش في الانتظار وعرف بأنه يكلم في وتين
سفيان:~ وينه صاحبك يا ياسين
ياسين:~ شكله مش حايجي
سفيان:~ هه به شنى يصير معاه في موضوع البنت مزال اسبوع ره
ياسين :~ هو يقولك انا مش حانقول شي
سفيان:~ هه باهي توا نشوفو😏
عند ملك:~
روحت سوسن لحوشهم
قعدت بروحها تفكر في زياد ولد عمها الي فجأة اختفاء وتغير عليها ولاول مرة يقعد 3 ايام مايكلمش فيها ولحظة انا ليه شهر متغير وبدت تتذكر في المواقف الي صارو بينها وبين زياد
واتصل زياد في وقت تفكيرها ردت بكل لهفة
ملك:~ حبيبيي وينك انشغلت عليك معقولة تقعد 3 ايام بدون ماتكلمني
زياد:~ عادي ماصار شي مشغول عندي شغل
ملك انصدمت برده البارد:~ شنى هو الشغل الي يخليك تبعد عليا 3 ايام وماتبعتليش حتى رسالة طمني عليك
زياد:~ اووف اووفف توا بنبدو في النفخ و نكد
ملك:~ توا انا طلعت نكدية ونفاخة؟ هدا لان خايفة عليك وستاحشتك طلعت نفاخة ونكدية بشنى تحس انت؟
زياد:~ شنى الي بشنى نحس نقولك حاجة يا بنت عمي
ملك:~ نقولك شي فوت الموضوع وهدرز هي
زياد:~ لالا فيه موضوع مهم ولازم نقولهولك اليوم
ملك في بالها( اكيد بيقول لمرت عمي علياا):~ قول حبيبي نسمع فيك
زياد:~ انا يابنت عمي مش حانقول ان انا ماحبيتكش صح انعجبت بيك بس هدا قبل ماتقبلي انك ديري علاقة معاي وتوا الحق نحبك كا بنت عمي وبس وزي اختي ومانقدرش نكمل معاك
ملك:~ هههههههه مقلب حلو بس مامشتش علياا انا😂
زياد عصب:~ مقلب شنوو نتكلم بجديات اناا ونحب وحدة ثانية وليا شهر نكلم فيها وقلت لامي عليها وغدوا بتمشي بتخطبهالي
ملك انصدمت وانهارت بكي:~ جديات تتكلم انت واناا شنى حايصير فيا؟
زياد:~ اها بجديات والله مانكذب عليك شنى حايصير فيك كملي حياتك عادي و انا وعد مني مش حانقول ع علاقتي بيك لحد
ملك:~ هه تعرف انا حبيتك من كل قلبي وماهمنيش حتى لو قلت لأي حد لان انا بجد حبيتك وقاعدة نحبك بس انت طلعت خاين وماتستاهلش الحب هدا وطلعت مش راجل
زياد عصب:~ شنى مش راجل احترميي نفسك يا #%¥###
ملك:~ ايي مش راجل لان مافيش راجل يدير في بنت عمه ولا اي بنت هكي ويعشمها ويفوتها لو انت راجل ره قلت من البداية انك ماحبيتنيش لكن انت مش راجل وهيي اقلب وجهك وفي ستين داهية ومايشرفنيش نكمل كلام مع شخص حقير ورخيص زيك وسكرت في وجها
وبدت تبكيي وتقول لروحها:~ مش انتي الي خسرتيه هو الي خاسرك انتي حبيتيه بأن ع اساس راجل وطلع عيل انسيه هو مايستاهلكش💔😭
