روايـه حُلـم ( ليبيه واقعيه )

المقدمه 🖤💫

كنت داهشه ونجري هلبا ونلتفت للخلف مش عارفه هل هو خوف من شي يجري وراي او حد ! كل مره نتعثر بالحجاره ونطيح فالشوك ورجليا وايديا دم واني نجري وملتفته طحت قعدت طايحه نسمع في خطوات حد جاي بس مش قادره نهرب رجليا كانوا متخدرات بالكامل قعدت مركزه في هيئه الشخص اللي جاي لقيتها هيئه ولد او راجل مانعرفش المهم مش بنت ولا مراء قعدت مركزه وهو يقدم ليييين !

اني امل مواليد 2001 مواصفاتي وملامحي هادئه عيوني زرق بس غامق وبيضا وشعري لنص ضهري ولونه بُني ديما نحلم بنفس الكوابيس نفس الشخص اللي فيهم

امل : نضت بفزع وقعدت نعيط ونبكي خلاص وربي حيلي انهد ديما نفس الكوابيس مانرتاحش حتى في نومي زي الناس لامتى هكي ! نضت دوشت ومشطت شعري فجأه رن فوني لقيتها صاحبتي ندى رديت

ندى. : باح خيييير

امل. : باح نور شنجو

ندى. : تمامو وانتي

امل. : مش تمام

ندى. : ليش اللطف !

امل. : نفس الكابوس نفس الشخص عييت تعبت

ندى. : جربي تمشي لدكتور نفسي بالك مشكلتك نفسيه

امل. : انتي وين واني وين

ندى. : باه باه من قعد فالحوش عندكم ?

امل. : مش عارفه قعده مانزلتش

ندى. : اها به نص ساعه وجاياتك نهدرزوا

امل. : تمام

ندى. : تشاو

امل : باي

نعرفكم بنفسي اني ندى مواليد 2001 بنت كيووته واللي في قلبي ع لساني قصيرونه وشعري مغطي ضهري وعيوني كلهم برائه لونهم ازرق زي الكلبه امل بس اني افتح يعني زي لون السماء وبيضا وهذي اني الباقي تعرفوه فوق فالصوره

امل : نزلت تحت مالقيت حد الا البهيم سند جيت قعمزت جنبه ونتأمل فيه

سند قام راسه من الفون : خيرك اللطف

امل. : مش مصدقه ان عندي خو طرف

سند نفخ روحه. : احم باش تعرفي بس

امل. : جعانه اني 😞

سند. : نوضي ديري نص

امل. : مش قادره 😞

سند تلفتلها وبجديه. : فيك حاجه ??

امل. : لالا بس ماعنديش جهد عادي تنوض الديرلي انت نص 😞

سند. : به حاضر تو نديرلك

امل. ناضت حضناته : ياخيتي نجيهولي وخيي العسل

سند. : هههه رغم اني اكبر منك بس عادي حـ نفوتها المره هذي

طق طق طق

سند. : خليك نفتح ونجي

امل. : امبه

ندى متلفته للطريق. : اووففف ساعه باش يفتحوا النم شمس

سند. : سلامتك 🙂

ندى تلفتتله. : وين امل 😶

سند. لما تلفتتلي شفت ملاك مش انسان براااائه ياعالم البرائه واضحه من عيونها : امل داخل 😍

ندى. : ناديهالي امبه

سند هايم فيها ❤️

ندى قعدت تأشرله. : هوووي نكلم فيك

سند. : أئئء خشي تفضلي ياا امل تعاالي صاحبتك جاتك

امل. بجري مشت حضنتها. : ندووشتييي

ندى بادلتها الحضن : امووولتييي

سند. : سنووودتي 🙂💔

ندى وامل. : 😂😂😂😂😂😂

يتبع ...!

الحلقه الجايه ح ـنعرفكم ع باقي ابطال الروايه هذي گ ـبدايه لا اكثر وعطوني رايكم ❤️