ڊعٌــمْ وُلُآيَــڪ قٌـٻـلُ مْـآٺـقٌـريَ 💙☁️
________________________________
فرح : نضت ع طول نضم في المطبخ والحوش حتى وجهي ماعنديش وقت باش نغسله
عبد الرحمن : فففرررححح
فرح : غمضت عيونها....نعممم
عبدو : جاييني ضيوف نبيك الديريلي حاجات حاره
فرح : انفعلت....شنوو شننوو شن تحسابووني خداامهه عندكمم اني من اول مالنوض واني نضم ونعاني فيكم تقول اني اللي جايبتكم وناسيتكم خلاص ملييت ارحموني خاطري نقعد زي باقي البنات يوم بس
عبدو : عصب وشدها من شعرها....ع منو تعلي في صوتك انتي يابنت الكلب....وطاح فيها طريحه وهي تعيط لين داخت قعدت دايخه ع ارض المطبخ وعبدو طلع وسيبها في دمها
_______________________________
عند ندى وامل :
ندى تشوف لـ باب الدار : امل مش كأن خوك عطل
امل : وانتي علاش واكله همه
ندى حذفت عليها المخده : لا واكله همه لا شي بس قتلك ان عطل لا اكثر
امل : امممم كويس
ندى : وبعدين همه ماناكلش فيه 😂😂
امل شافتلها وهي متعصبه : نوضي اطلعي من قدامي وانتي ديما في وجهي
ندى زعلت والضايقت : اها تمام.....خذت حاجاتها وطلعت والدمعه في طرف عينها
لحقتها امل : تي تعالي جاي نبصر عليك
ندى : وقفت ورفعت راسي عشان دمعتي ماتنزلش ونبين اني ضعيفه قعدت ساكته بعدين مشيت طلعت من الحوش
امل : افففف....وركبت تخبط برجليها
ندى : ماقدرتش نمشي للحوش بحالتي هذي بعدين حـ يفهموا كل شي غلط وافكار ترفع وتجيب قعمزت ع دروج حوش امل وقعدت نبكي ليــن...!
_______________________________
سند ...
كنت نازل من السياره وخاش للحوش سمعت صوت بكاء تلفتت لقيتها ندى تبكي وتشهق ع طول جريت اتجاهها وقعمزت قدامها وشديت يدها من غير تفكير
سند : خيرك شن فيك في حد ضايقك ولا زعجك ؟
ندى انصدمت من مسكه يديها بس فوتتها وتكلمت وهي تشهق : مش صاير شي انسى
سند : تي كيف ننسى احكي شن فيك ولا نخش نسأل امل
ندى : ماعندك علاش تسأل فيها اصلا هي السبب
سند قرن حواجبه : هي السبب في شنو ادوي
ندى : خلاص مش تبي تسألها امشي اسألها "مسحت دموعها وطالعه بتروح"
سند مسك يدها : تي وربي مافي طلعه من اهني الا لما تقولي شن دارتلك
ندى : عشان نبصر ونتسهوك عليها مشت هي انفعلت وكشخت عليا وطردتني برا الحوش
سند : وبعدين ؟
ندى : مافيش بعدين هي هذي
سند ضحك : انتي زعلتي لانها كشخت عليك ولا لانها لزاتك
ندى قعدت تشوف بعيونها بـعباطه بعدين شافت لسند وابتسمت : الزوز 😊
سند : "خذي يدها وعضها"
ندى عيطت وسحبت يدها : هبلت انت ؟؟
سند يضحك : هبلت فيك
ندى خدودها راحوا حمر : به خلاص هي اسكت بلا سخافه
سند قرب منها شوي وبجديه متصنعه : شن حسك قلتي
ندى وماتشوف الا غبرتها وسند واقف يضحك 😂😂🤦🏻♀️
___________________________
عند وئام 💙🖇️
وتين : وئاااام نوضيي ماما تبيك
وئام : "تكتب عالنت ومش لاهيه معاها"
وتين : وئاااااااااام نكلم فيك
وئام : "ولا كأنه عليها"
وتين جت وخذت منها الفون وهربت تجري : باش مره ثانيه نكلمك وتردي
وئام تجري وراها : هااااتي جااي التليفووون بسرعهه
_____________________________
عند انس....
انس : خيرها معش ردت الدراه هذي تحسابني فاضيلها غير هي
جواد : تو مش حرام عليك تلعب بـ بنات الناس والمشكله بنت خالك يا انس حتى تصيرلها حاجه بسببك يقولو هذا كله من ولد عمتها بدل ماتكون سندها قاعد تلعب عليها
انس : ضم فمك ماليكش علاقه بيا اني حر بنفسي وبعدين هي اللي تجري في جرتي تبيني نكلمها كم من مره نقوللها نكرهك ونسمعها كلام زي السم بعدين نجي نقوللها ابسط كلمه ع طول تفرح وماتصدق تكلمني
جواد : حـ يجي يوم وتبدأ انت اللي تجري وراها
انس بضحكه : لا اكيد تبصر انت
جواد : صبرك بس
انس : تمام صاااابر !
______________________________
عند فرح....
خشت اختها وشافتها بالحاله اللي هي فيها نادت ع بوها وخوتها الثانيين قاموها وعـ طول رفعوها للمستشفى دارولها كشف وصوره ع الراس ماطلع عندها شي خطير بس معش فاقت يمكن الشي هذا يكون بسبب قوه الطيحه او بسبب الدم اللي خسراته هكي قال الدكتور 🤷♀️
خوها عبدو الافكار ترفع وتجيب في راسه ان لو ماتت او صارتلها حاجه حـ يكون هو السبب ونااادم ويتمنى لو يرجع بيه الزمن ساعات قليله بس ويصلح من غلطه وطول الوقت وهو جنبها ويبكي وهي في عااالم ثاني 💔
" الاخت نعمه من ربي ليش انت الضيع فيها غيرك يتمناها ! "
يـتـبـع...!
أنت تقرأ
روايـه حُلـم ( ليبيه واقعيه )
Romantizm4 بنات عاشوا الحياه بحلوها ومُرها بأفراحها واحزانها ... الروايه ح ـتكون غامضه شوي وفي نفس الوقت مرحه ومؤثره .. نتمنى دعم 🖤💫 روِآﮯآتُ دُمِوِعَ ـ آلَقَمِر 💕☁️
