مهره

مهره الحلقة الاولي

#مهره
الحلقه الاولي
اعتدال:بت يامهره قومي يابت هاتي الفول والطعميه وحضري الفطار
مهره:حاضر ياامه قايمه اهو
ياربي يعني خدت الدبلوم ومافيش فايده مكتوب عليا اصحي من النجمه
اعتدال:بتبرطمي تقولي ايه يابت
مهره:مافيش يامه قايمه اهو
اعتدال:بنات اخر زمن تكونيش يابت عوزاني اجبلك الفطار لحد فرشتك قومي قامه قيامتك
مهره:ياامه العفو مش قصدي  هاتي بوسه بقي ماتزعليش
اعتدال:ايوه يابت كلي بعقلي حلاوه ماانا هبله
مهره:وانا اقدر دانتي اللي ليا ياامه
اعتدال :ربنا يفرحني بيكي ياحبيبتي
يلا عشان نفطر  حسن واحمد قبل مايمشو
مهره :هوا هجيب الفطار واجي
وتذهب لتاتي بالفول والطعميه والعيش وتعد الفطار
مهره :ناديهم يامه الفطار جاهز
اعتدال:يلا ياولاد
حسن:صباح الفل ياست الكل
اعتدال:يلا يابكاش
حسن:ازيك يابت يامهره
مهره:ازيك ياسي حسن
احمد:احم احم بصوت رجولي
صباح الخير يامه
اعتدال:صباح الخير ياقلب امك
حسن:ايوه ياختي ماهو ده حبيب امه
اعتدال:بس ياد مش راجل الببت واللي خيره مغرق البيت وفاتحه  وانا بشوفلك مليم احمر انا عارف بتودي فلوسك فين
حسن:هو مش احمد مكفيكي عاوزه من امي ايه بقي
اعتدال:مش عاوزه منك حاجه  ياخويا يخليه ليا هو انا خلفت غير احمد
احمد::خلاص بقي ياامه وانتي محتاجه حاجه
اعتدال:لا ياعين امك انا بس برد ع الرذل ده اللي ماعندوش دم بياكل ف اته محلوله
وانت باعين امك وصلت 32 ولسه لا جواز ولا حاجه عشان كل فلوسك ف البيت
احمد:الحمد لله علي كل حال ياامه انا شبعت عاوزه حاجه انا رايح ع العربيه النقل عندي نقله دلوقت
اعتدال:يسلكلك طريقك ويسلمك من كل شر ياحمد يابن بطني
كانت مهره تاتي بالشاي فاصطدم احمد بها ولكن لم يقع
احمد:انا مش قلتلك انتي مابقتيش صغيره وفي شباب ف البيت ماتلبسيش كده
مهره:انا اسفه ياسي احمد نسيت
احمد:لا ياختي مافيش حاجه اسمها نسيت بموتك لو طلعتي بره اوضتك كده تاني يلا روحي
اعتدال:في ايه ياحمد مالك ومالها
احمد:ياامه البيت في انا وحسن وهي مابقتش طفله زي ماجت وهي 5 سنين بقت شابه اهي انا ناقص تحصل مصيبه ف البيت تفهميها في شباب تطله بطرحتها وبكم
اعتدال:يابني بنت خالتك متربيه وسطيكو من وهي طفله وزي اختكو
احمد:امه اللي بقوله يتنفذ انا مش هنا طول النهار
وانتي ساعات بتنزلي مش ناقص مصيبه تحصل ف البيت هنا كفايه الهم اللي فوق كتافي مش هركز بره وجوه انا بمشي وعارف انك محافظه ع البيت
اعتدال:ماتخافش يابني انا مربياكو كلكو كويس اوي
مهره تبكي
اعتدال:مالك يامزغوده بتعيطي ليه
مهره:مش شايفه سي احمد بيعاملني ازاي
اعتدال:يابت بيخاف عليكي زي اخته الصغيره انتي عارفه من يوم امك وابوكي ماماتو ف الحادثه وانتي 5 سنين وانا خدتك وبقيتي بنتي ومعزتك وغلاوتك من معزه ولادي داانتي بنتي اللي ماجبتهاش يابت واحمد وحسن بيخافو عليكي زي عنيهم واكتر من اختهم
مهره:حسن كويس ومابيزعقليش لكن احمد كل مايشوفني يزعقلي انا بكرهه ومش بطيقه
اعتدال:اقفي عوج واكلمي عدل الا احمد دا راجل البيت اللي عايشين بحسه واحنا لنا قيمه ولا سعر ف الحته من غير دا رجوله وشهامه وومجدعه هو في ف الحته راجل زيه