مهره

مهره الحلقة الثالثه

#مهره
الحلقه التالته
حسن :صل ع النبي يااعتدال
اعتدال:عليه افضل الصلاه والسلام
حسن:انا اصلا كنت حاي اكلمك ف موضوع انا بحب اسراء واتفقت معاها  هجيب دبله ومحبس بالجمعيه اللي قبضتها وهعمل واحده للنوم وهي جايبه المطبخ وهاجر اوضه وصاله ونساعد بعض شغلي علي شغلها ونجيب انتريه بعد ماندخل وخدت معاد هكلم عمتها ولو وافقت  كنت هقولك عشان تروحي تخطبيها
اعتدال:طب والبت مهره
حسن :مانتي حلتيها يااعتدال
اعتدال:ازاي يافالح
حسن:انتي مش نفسك تفرحي بيها ومش هتقدري تجهزيها وكمان احمد نفس الشيء خلاص لميهم سوا ويبقي اتنين ف واحد وبدل ماهتعملي اوضه النوم ليا خليها له وانة انام ف حضنك ياجميل اليومين دول علي اتجوز انا كمان واسيبهالكو مخضره
واهو تكسبي ف الغلبان ده ثواب ونستره
اعتدال:انا نفسي ومني عيني بس البت صغار اوي دااخوك 32 وهي 19
طب انا بقولك عشان 27
حسن:13 سنه حلو اوي رضا وهي تطول دا طول بعرض ولا احمد عز ف زمانه
اعتدال :مين ده ياخويا
حسن:دا واحد فاتح بتاع كشري ع الناصيه
احمد عز الممثل ياامه فتحي مخك
اعتدال:انت شايف كده
حسن:هو دا عين العقل
اعتدال :دا احمد.ممكن ياكلني لو قلتله كده ماتقوله انت
حسن :وانا مستغني عن عمري ياختي
هو كل حاجه عليه انا الراس وانت العضلات يادوله
انا اديتك الفكره وانت نفذ بقي  كى حاجه عليا ف البيت ده ولا ليه ولو نطق السعيه قلم انتي مش امه ولا متبنيانا
هو ديك ام الشاي ده مش جاي انهارده
ليجدو صوت احمد يجلل ف البيت وهو ممسك مهره من ذراعها وهي تبكي
اعتدال :في ايه يااحمد في ايه يامهره
احمد:البت دي ازاي تخرج حالا وبالشكل ده انا مش قايلك خدي بالك من البيت ولا انا هشقي بره واحرس جوه
اعتدال:يابني مالها بس اخوك كان عاوز شاي وبعتها للبقال الي جمبنا
احمد:وماقامش بشماليله وهز طوله وجاب ليه
حسن:في ايه ياجدع ماتهدي دا البقال جمبنا
احمد:وانت راجل انت لما تنزلها ف الوقت ده والاقي واد من المقاطيع اللي بره بيعاكسها
وانت عارف انها حته مافيهاش رجاله وكلهم صيع ومقاطيع وقاعدين ع القهاوي يشيشو ويحششو
لو ماكنتش جيت بقي حالا كان عملها ايه
وازاي تنزل بجيبه محزقه وملزقه كده
اعتدال:اهدي بس البت ماذنبهاش حاجه البت جسمها بيكبر ويفور وبتلبس ف قديمه وجسمها بيكبر ع الحاجه
احمد:ماانا بديكي اللي عوزاه ياامه ماتجبلها وانتي طلبتي وقلت لا
اعتدال:عارفه يابني بس مابحبش اتقل عليك
احمد:خدي ابقي هاتلها حاجه واسعه ومااشوفهاش بالمنظر ده تاني بره
اعتدال:طب اهدي وروح غير انت وهجبلك الاكل
يلا يابت حضريله الاكل دا بيشقي من الصبح ياحبه عيني
تدخل مهره وهي دامعه العينين
اعتدال:يابت خايف عليكي وغيران عليكي من حبه فيكي
مهره :حبه برص وعشره خرص
دا شاف بس الواد بيعاكسني وراح لفعه من قفاه ونزل فيه ضرب وشدني شايفه ايدي وتبكي معلمه ازاي
اعتدال:يعني عوزاه يعمل ايه غير كده دا هو اللي حمينا لو ماعملش كده كل من هب ودب ينهش فيكي كده عارفين ان وراكي راجل ماحدش يقدر يبصلك بطرف عينه
يلا يابت جهزيله الاكل وانا هناديه
مهره :تنظر ليدها منه لله ربنا يخده ويريحني منه