#مهره
الحلقه8
ياتي احمد ليلا
اعتدال:جهزي الاكل يابت علي مايغير هدومه
يبدل ملابسه ويخرج
تضع له الاكل وتجري علي غرفتها
احمد:مالها البت دي فيها ايه شافت عفريت
اعتدال:ماتاخدش ف بالك اصلي قلتلها ومكسوفه بس
احمد:اهو ده اللي انا خايف منه مش قلتلك
اعتدال:مافيش حاجه دي مكسوفه بس
فضي نفسك نجبب الدبلتين ومحبس ونكتب علي مااجيبلك اوضه النوم وتدخلو
احمد:في ايه ياحاجه مستعجله ليه
اعتدال :انا مش ضامنه عمري وعاوزه اطمن عليكو
احمد:يعني هي وافقت ولا ضاغطه عليها
اعتدال:ياد انت مش عارف قيمه نفسك
احمد:خلاص هجبلك سلفه 1000 وكملي ع اللي معاكي وجيبي الدبل واحجزي الاوضه
اعتدال:من بكره وانت افضالنا نجيب الدبل انا معايا حقهم والسلفه خليها من تمن اوضه النوم ندفع مقدم ونقسط الباقي
احمد:اعملي اللي تعمليه
اعتدال :بكره تيجي بدري لو بعد.المغرب حتي
احمد؛ ماشي هخلي حد يطلع بدالي
................وفعلا
جاء ف الموعد المنتظر واخذ امه وهي الصاغه ولبسها هناك الدبله والمحبس لتسحب يدها بسرعه منه بعد ان البسها واكتر من فرح هي اعتدال بهذه الخطوبه
احمد:يلا عشان اوصلكو واشتري لهم ساقع ف السكه
ووصلهم للبيت عاوزين مني حاجه
اعتدال:مش هتدخل
احمد:لا انا اجلت ساعتين وعندي نقله
اعتدال:خد بالك من نفسك ربنا يسلملك طريقك
وبعد.هذا اليوم اتفقت اعتدال علي حجره النوم واحضرت واحد يبيض الحجره ونقلت سرير صغير عندها والاخر باعته هو والدولاب القديم وكان الشباب ينام ف الصاله في هذه الايام
ووضبت الاوضه وفرشتها
اعتدال :خدلك اجازه يومين بقي عشان الفرح
احمد:طب خدي اجريلها فستان عشان الفرح ولوازمه
اعتدال:هقول للبت اسراء تاخدها تاجرلها وتيجي تماكيجها هنا علي ماتكتب ف الجامع نهيصلها هنا
وفعلا اخذ اجازه وارتدت فستانها ومكيجتها اسراء وكانت جميله جدا فهي بيضاء عنيها خضراء وشعر اصفر طويل وجسمها جميل وكانت لا تحتاج مكياج ولكن زادها جمالا فهو مكياج خفيف وكتب الكتاب وجاء العريس وكان يرتدي بدله سوداء وكان وسيم جدا جدا حتي انها لم تعرفه وجلس بجانبها ليبدا بنات الحي بالغناء والرقص لهم
حسن:عقبالنا ياعسل
اسراء:يلا ياخويا ايدي علي كتفك
حسن :هانت ياحبي
وبعدها اخذ احمد مهره التي ظلت واجمه لم تنطق حرفا فقط واجمه
دخل احمد ومعه مهره لحجرتها
لتخبط اعتدال :هاتي يابت الفستان والاكسسوارات عشان اسراء ترجعهم بكره معاها
مهره:حاضر ياامه
احمد:انا هديكي ظهري وغيري وادهولها
وفعلا ارتدت عبايه كم وطرحه واعطت الاشياء لامه
ليلتفت هو لها
احمد:ايه اللي لبساه ده
مهره:مش انت اللي قلتلي البس كم وطرحه
يضع احمد يديه علي وجهه يارب صبرني
يابنتي انا دلوقت جوزك يعني تقلعي قدامي ملط مش هقولك حاجه
فتصعق من كلمته وتفتح فمها وتشهق
أنت تقرأ
مهره
Fiction généraleفتاه يتيمه تربت عند خالتها ومع اولاد خالتها لتجبر علي الزواج من احدهما فاين تذهب إن ماتت خالتها وهو ايضا يجبر علي ذلك للظروف فكيف ستكون الحياه بينهما
