مروان يكول
مشتاقةً غنت!!
فأوجعها الغنى ، لو كان يشعر ناغم العود انثنى
تبكي على غيري!
فأبكي مثلها !
ايا ليتها تدري لما أبكي انا
___________
رسيل
شوفلك دنيا على كدك !
وعيش وحدك !
حوك من خدك قصايد
سوي من جرحك نشيد
عيش يمهم!
بس بعيد
________________
نور: جنت بالمطبخ اسوي بالعشاء ومخبوصة بهوسة الجهال منا علاوي بين رجلي ومنا اية تريد اسويلها بيتزا
وحايرة بزماني ألمن ارضى حتى ارضى شلت علاوي اخذته للهول لكيت مروان متمدد على القنفة مغمض عيونه وحاط ايده عليها كلش ضايجة منه ما اطيق حتى سلام اسلم عليه عفته ورحت لعمتي خليت علاوي يمها طلعت من الغرفة واسمع رسيل عاطت
وراها صوتها اختفى واسمع طبة قوية
توجهت حتى اصعد الدرج كمز مروان كدامي صعدنا نركض ولكينه ايهم شايلها ويرجف يريد ينزل بيها اخذها مروان منه ويصيح
مروان: شبيها؟
ايهم: ما اعرف جنت ابدل وسمعتها عاطت طلعت اركض لكيتها غركانة بدمها
يحجون وهم نازلين الدرج
مروان: نور ألبسي عباتج وتعالي وياي
ركضت اخذت عباية وربطة من عمتي امشي وألبس بيهن صعدت بالسيارة جانت بالكراج بعدهم ماطالعين الشارع مروان نزل رسيل على الكشن الورا وحط راسها بحضني ورجع للبيت ايهم كام يدك هورن ثبر الدنيا
ايهم: ادري وين راح هذا ؟ اعوفه واطلع بيها كبل
نور:احتمال يجيبلها حجاب وييجي
ايهم: وكت ديانته البنية راح تموت..
ايهم فتح الباب الخارجي ورجع صعد رجع السيارة سريع ردنا ننضرب بالباب طلع مروان يركض شايل عباية شمرها بحضني
مروان: غطيها بيها
اخذتها منه وغطيتها طلعنا وتركنا باب الكراج مفتوح ايهم جان طاير بينا اباوع لأيده ترجف عكس مروان جان هادئ
وصلنا للمستشفى نزل مروان شالها وفات بيها يركض
مشينا وراه اني وايهم اخذوها منه خلوها على السدية طلبوا من عندنا ننتظر برا..
اباوع على ايد مروان متلوثة بالدم وحتى ملابسه متدمرة وايهم نفس الحالة صافنة بيهم شلون اخوان اثنين يحبون وحدة وكل واحد بيهم يحبها بطريقته الخاصة واثنينهم حبهم جنوني بس شنو الفائدة الاثنين ما محصليها ، ولا هي ارتاحت لا اخذت اللي تحبه ولا انسعدت وية اللي يحبها...
اهلنا قبل يكولون اخذي الي يحبج ولا تاخذين اللي تحبيه الي يحبج راح يدللج ، واللي تحبيه يتعبج
بس ابد مو صحيح، وحياة رسيل اقرب مثال حي والامثلة تضرب ولا تقاس
صح مروان دللها ويحبها بس بنفس الوقت تأذت منه هواي مااكدر اكول الصوج كله بمروان لا رسيل هم الها أيد باللي صار ابد ما حاولت تحتوي زوجها و تتقرب منه رغم مروان عصبي وصعب بس ييجي بالكلام الطيب وكل رجال مهما كان عصبي بس بداخله اكو
طفل صغير لو حاولنا وياه راح نكتشفه
ونعرف اطباعه ، شنو يحب ؟ وشنو يكره من شنو يتعصب ومنها نكدر نتلافه كل مشكلة قبل لا تصير ونمنعها قبل حصولها...
أنت تقرأ
العروس في الثوب الاسود
Romansلم يكن يومآ الحُزن قضيتي ! بل قضيتي كيف اتخلص منه ! الحزن هو شعور بالعجز يشعر به المرء لكنه لايدوم . احيانا يغرقنا الحزن حتى نعتاد عليه وننسى أن في الحياة أشياء جميلة ممكن أن تسعدنا . عادة ما يشعر الناس بالحزن لا يفعلون شيئا أكثر من البكاء على حال...
