سما بدت معاناتي من اول يوم كعدت بي ويه عمتي وهي متحبني ولا اطيق شوفتي
مصطفى سما سما وينج
ام مصطفى صعدتهه للسطح اتنظفه شرايد
مصطفى يمه شبيج ويه البنيه اكو واحد بهاي الظهريه يصعد ينظف وانتي من شوكت تهتمين للسطح نظيف لو لا
ام مصطفى طبعا هاي المسعدة مالتك اشلون مدافع الهه اصعد اصعد نزلهه
مصطفى لا حول ولا قوة الا بالله اللهم يصبرني
ام مصطفى لتكعد تأفف كدامي فهمت ما عاجبك هاي قوانين البيت خايف على المسعدة كمل بيتك بسرعه واطلع فهمت
مصطفى حاضر يمه تأمرين
(صعدت لسما لكيتهه تنظف ظهريه وشمس حارة )
سما شكو صعدتي اني مو مانعج من صعدة السطح
سما والله مصطفى عمتي كالتلي صعدي غسلي السطح واني كلتلهه انته متقبل كالت معليج بي
مصطفى نزلي يلة شمس حارة لا تتمرضين
(امي متحب سما ولا اطيقهه بالبيت لازم يكمل البيت بسرعة حتى استقر المشاكل راح تموتني قبل لا اكعد وارتاح ابيتي ...)
سما نزلت جوة تلكتني عمتي ضربتني على ظهري
ام مصطفى شكوو نزلتي مكملتي تنظيف شنو تعاندوني وانته لك ابن مريتك وينك انزل
سما عمه راح اصعد اكمله ميخالف
ام مصطفى كتلج اوامري التمشي بالبيت مثل ما اهلج مشو اوامرهم علينه وهمه مكلفو نفسهم يستقبلونه ويطلعوج شمروج شمر علينه
سما عمه اهلي مشمروني واذا على التنظيف انظف بس اهلي مو يمج
ام مصطفى شنو ولج اجاوبيني كضيتهه حب وغرام وهذا ابن الكلب الا انتي الله ليوفقج خبلتي الولد علينه
سما (ظلت عمتي تغلط وتضربني واني ما عندي غير الدموع سندي بس مصطفى....)
مصطفى( سمعت امي اصيح نزلت اركض شفتهه كاعدة تغلط وتضرب ب سما )
يمه كافي رحمة لأهلج كافي شتردين ليش المشاكل
كومي سما
ام مصطفى طبعا امك شنو مقابل هالسحارة هذي
مصطفى سما روحي للغرفه
سما حاضر
ام مصطفى اسمعني قبل لتروح مرتك لغرفتهه اطلعهه من وجهي وتلم غراضهه فهمت لو لا
مصطفى وين نروح انتظري يكمل البيت انتي من يوم كعدنه سما تكرهيهه بس تحملي كم يوم اخذهه واولي شنو الدنيا انتهت
ام مصطفى ترفع صوتك علمود وحده اهلهه معرفو يلموهه وكضتهه حب وغرام وياك حتى اهلهه ميردوهه بأسبوع مشوهه ولا حضرو زفتهه
مصطفى يمه كافي سما شرفي ومرتي وانتي امي هسه ماخذهه وطالع ومشكورة على كلامج نزلتي بشرف مرتي
ام مصطفى اخذهه واطلع فهمت
مصطفى تركت امي ودخلت للغرفه سما كاعدة بالزاويه وتبجي كعدت يمهه بالكاع
كافي سما كافي (مسحت دموعهه وحظنتهه)
سما مصطفى رجعني لأهلي فدوة وخلينه كلمن يروح بطريقه امك متحبني ولا تريدني
مصطفى اش هالمرة حجيتيهه بعد متعيديهه فهمتي حاربت الدنيا علموج واني رايدج انتي عايشه وياي مو ويه امي يلا حضري نفسج راح نطلع
سما وين نروح !
مصطفى معليج اني ادبر امري انتي الج الصافي حبيبي
حضري الغراض (بست راس سما وطلعت ادبر امري )
.......................................
مصطفى عندي الحل الوحيد حسين اعرف من زمان عنده بيت فارغ اتصل بي لو فشله اوف يا يمه اسويتي متكدرين تصبرين لحد ميكمل المهجوم مالي
اتصلت .........الو حسين
حسين هلا بالضلع وينك مختفي من يوم زواجك ههههه
مصطفى مشاكل يا خويه مشاكل رايدك بموضوع
حسين اخوك اني كول
مصطفى امي متريدني ابقي مرتي بالبيت تريدني اطلع
حسين اليوم تطلع متكدر تصبر عليك لحد ما يكمل البيت
مصطفى متريد سما تبقى يمهه ساعه بيتك الفارغ احد بي
حسين لا محد بي خويه كدامك البيت وراعيه تعال جيب سما وملابسكم بس وتعالو مأثث البيت وكامل
مصطفى والله ما اعرف شكولك شلون اجازيك
حسين ازوجك الثانيه على سما ههههههههه
مصطفى هههههههه لا بس سما وقفل الكلب
حسين هههههههه زين دجيب قفل كلبك وتعال انتظرك يم البيت اسلمك المفتاح
مصطفى ههههههه حبيبي انته هسه جايك
نص ساعه رجعت للبيت
ام مصطفى كاعدة بالأستقبال ها ابن مرتك اسويت
مصطفى( بست رأس أمي واعتذرت منهه لأن عليت صوتي عليهه ) يمه اظل ابنج ورضاج بالدنيا هسه اخذ مرتي واطلع اهم شي انتي مرتاحه
ام مصطفى وين تروح
مصطفى يمه لكيت بيت هسه رايح
سما سما تعالي اعتذري من امي
سما بس.....
مصطفى بلا بس اعتذري وبوسي راسهه ونطلع
سما حاضر اسفه عمه عذريني انتي مثل امي بست راسهه ودفعتني لزمني مصطفى
ام مصطفى مثل امهه اعوذ بالله اصير مثلهه
مصطفى يلا سما جيبي الغراض خلي نطلع
سما (انقهرت من عمتي وتصرفاتهه عبالك كاتله احد من اهلهه وتكرهني هالكره ......بصوت مخنوك وحزين )
حاضر
مصطفى اترخص يمه
ام مصطفى مرخوص
سما (شفت مصطفى دخل للغرفه مسحت دموعي )هاي الغراض والجنط حضرتهن بقت غراض ما محضرتهن
مصطفى سما رفعي راسج
سما اكمل لم الغراض لا نتأخر
مصطفى اول وتالي طالعين باعي عليه
سما اي نطلع بس اكمل
مصطفى سمعي سما اني سندج واهلج واني اعرفج مغلطانه بحق امي بس حلوة من نطلع وهي مرة جبيرة نعتذر منهه ونطلع
سما اي حقك صحيح
مصطفى مو مسألة حقي وحقج بس مثل ميكولون اهلنه نطلع بوجه الابيض يلا اساعدج
سما (بأبتسامه سعادة وحزن بداخلي) انته سندي واهلي بالدنيا
مصطفى حياتي انتي يلا استعجلي
(فعلا لمينه غراضنه وطلعنه بعد ما ودعنه امي لبيت حسين ......)
سما انته متأكد من صديقك خاف ميصبر لحد منكمل البيت
مصطفى متأكد منه يصبر يصبر ليظل بالج
وصلنه نزلي
حسين السلام عليكم خويه انسمطت عشيرتي بالشمس كلهه انتظرك.
مصطفى اسف خويه اتأخرنه
حسين هلا بيك هذا المفتاح والبيت بيتك وهذا احمد المفاجئه الكم اجاكم
مصطفى هههههه اهلا احمد اشلونك
احمد هلو هلو اشلونكم والله لو ما اني جان انته لهسه تفكر اصارحهه مو تزوجهه
مصطفى انجب حبيبي احمد لا ادفنك هنا
سما هههههه اشلونك احمد انته بعد صاحب فضل علينه
احمد اي طبعا ست سما بس رجلج واحد ناكر للجميل
المهم اني جاي اريد اكل واضيفوني
مصطفى ابدال مضيفنه انته
سما تدلل ههههه
حسين اني اضيفك عوفهم بحالهم
احمد وين اضيفني اعرف ذوقك خايس
حسين بالمطعم حمادة حبيبي اعلمك الذوق الخايس وانتو عيني اخذو راحتكم
احمد اي اخذو راحتكم هههههه
حسين امشي ابن القندرة وبطل هالسخافه روح مصطفى روح اني احاسبه
مصطفى الله وياكم حاسبه حاسبه ههههههه
احمد اي باي 😉
حسين امشي حمادة ههههههه
مصطفى (مرت الأيام كعدنه ابيت حسين لحد ما كمل بيتي ....)
سما من كعدنه ابيت صديق مصطفى ارتاحينه من المشاكل ام مصطفى متسأل نهائيا عني بس تتصل بأبنهه حتى من عرفت بحملي ما فرحت الي نهائيا
يتبع.......
أنت تقرأ
خطيئه كوفيد١٩ الكاتبه بتول مهدي
Historia Cortaقصه حقيقيقه خطيئه تحول حياة امرأة سعيده الى جحيم تَمضي الأيَام .. مرَّت فِيها الكثير من المواقِف.. الخطأ، الصَّح، الفرح، الألم، النَّدم، التّغاضي ، المشاكل، التَّجاهل . وتمضي الأيام ! أخذَت مِنا أصحاب وقرَّبت مِنا أغْراب، تغيَّروا عليناَّ أحباب وأع...
