مصطفى انتقلنا للبيت وارتاحيت من المشاكل والبهذله وبنفس الوقت أمنت على سما من انزل لدوامي أهلي كدامهه ....
سما انتقلت لبيتي وأرتاحيت استقريت أخيرا
مصطفى مبروك حبيبتي سما بيتج هذا وانتي صرتي سري وأمان
سما ان شاء الله حبيبي
مصطفى يلا أجيب أكل من المطعم انتي والنونو هههه
سما اي والله تسلم حياتي
(استقرينه وأحلى ايام حياتي ويه مصطفى جانت مرت اشهر حملي واجتنه بنوته تخبل
مصطفى يمه سما صارلهه اشكد كلهه ولاده
ام مصطفى صدك يمه جذب ولا يكول ضابط وشكبرك
مصطفى يمه مرتي وبتي يا ضابط يمه
ام مصطفى لا تخاف يمه تجي بنيتك وتشوفهه ومرتك تكوم بالسلامه
مصطفى يا الله يا رب يسمع منج
سما ساعات ولادتي أبنتي تذكرت أمي واختي ما أجتي بيوم ولادتي بس عمتي برة ومصطفى
ام مصطفى يمه شنو السالفه البنيه جوة بصالة الولادة طمنينه
الدكتورة حجيه اني اطلع اطمنج لا ادخلين للصاله ممنوع
ام مصطفى لا اله الا الله أمرنه لله انتظرج يمه ترة بنيتنه جوة
الدكتورة بعيني حجيه بس ابقي برة
سما يلا عيني صيري قويه ترة امج برة خبصتنه
سما (بجيت من كالت امج برة)أمي صدك دكتورة
الدكتورة اي امج يلا اريدج قويه
سما أي دكتورة
بعد ربع ساعه اجتي بنتوتنه لارا
الدكتورة ابشر امهه خطيه برة
زوج المريضه سما
مصطفى سمعت سما مو يمه ركضت على الدكتوورة اني زوجهه
ام مصطفى اني اروح يمه هاا دكتورة بنيتنه زينه
الدكتورة مبروك اجتكم بنيه حلوة والأم زينه
مصطفى الحمدلله حظنت أمي وأبجي رجعت طفل بحظنهه
ام مصطفى مبروك يمه مبروك دموعك بالفرح الله يخليلك بنيتك ومرتك
مصطفى بست راس امي واديهه تسلمين يمه تربى البنيه بدلالج اكول يمه سما البنيه انشوفهم
ام مصطفى يطلعوهه يمه وشوفهم
سما طلعوني من صالة الولادة وسألت على أمي
ام مصطفى ها بعد أمج ما أجتي نامي
سما بساعتهه بجيت أعز انسانه بحياتي ماكو وياي بولادة بنتي
مصطفى يمه ابقي يم سما راح اوصيلكم على أكل
(بيومهه انقهرت سما تبجي على أمهه مو وياهه بولادتهه رحت لبيتهم علمود اخذ أمهه اشوفهه حتى لو ساعة.........
مصطفى دكيت الباب ساعة ب٤ العصر
ابو سما منووو
مصطفى مجاوبت بقيت ادك الباب
ابو سما ام سماااا تعالي الباب فتحي
ام سما افتح الباب يا رجال بيدي شغل
مصطفى فتحت الباب ام سما
اشلونج خاله
ام سما هلا شرايد
مصطفى تعالي خاله وياي شوفي سما جابت بنيه ورادت اشوفج حتى لو ساعه
ام سما ابوهه مانعني اعذرني
مصطفى خاله دقايق واني ارجعج
ابو سما منو بالباب
ام سما مصطفى رجل بتك الشفيه
ابو سما شرايد
ام سما بتك جابت بنيه وبالمستشفى
ابو سما متروح امهه مانعهه
ام سما روح انته باركلهه بمكانه
مصطفى بس عمي حرام عليكم بتكم هاي لا دخلوني بالموضوع
ابو سما روح منا
مصطفى رجعت من المستشفى ما كلت ل سما كلام امهه وابوهه وبعد كم يوم طلعت سما من المستشفى وبقت امي وياهه بالبيت لحد ما كامت بالسلامه
سما مرت ايام ولادتي أمي وأختي وأبويه ما حضرو لا ولادة ولا زواج ولا كلشي يخصني عرفت بعد ما ألي غير الله ومصطفى صار كل أهلي لكن سعادتي ابنتي بالدنيا كلهه عوضتني كلشي
أنت تقرأ
خطيئه كوفيد١٩ الكاتبه بتول مهدي
Contoقصه حقيقيقه خطيئه تحول حياة امرأة سعيده الى جحيم تَمضي الأيَام .. مرَّت فِيها الكثير من المواقِف.. الخطأ، الصَّح، الفرح، الألم، النَّدم، التّغاضي ، المشاكل، التَّجاهل . وتمضي الأيام ! أخذَت مِنا أصحاب وقرَّبت مِنا أغْراب، تغيَّروا عليناَّ أحباب وأع...
