علاء.. بعد ما طلعنآ من بيتنا اجتني رساله ( علاء اجهز للأذيه )
اني غلست لان احنه بحكم شيوخ تصير عدنا مشاكل هوايه واعداء غلست سديت التليفون وضليت مركز بالاميره الگاعده بصفي
ضليت لازم ايدها الطريق كله ممصدگ هي يمي ياما ايام وليالي تمنيتها ببيتي بغرفتي
سبحان الله على الاقدار كاتبها بدقه
عبرنا الدوره و كسرت سياره علينا خلتني اوگف بنص الشارع لان خفت ننگلب نزل رجال من السياره ملثم وشايل سلاح
حوري.. السياره الكسرت علينا نزل منها رجال شايل سلاح و مغطي وجهه اجا اتجاهنا صار رمي علاء نزل راسي وگلي لا تتحركين ابد علاء عنده سلاح بالسياره اخذه ونزل
مااسمع بس صوت الرمي ضليت ادعي الله واهل البيت يرجعلي علاء سالم
ربي بعدني ما متهنيه بي بعدني ما شفت شي بحياتي لا ترملني ورده سالم اللي فدوه اروحلك ربي
بعد مناوشات ضلت بالنص ساعه
اجا علاء صعد وشخط السياره وطلع وسيارتين ورانا انه ضليت ابچي وارجف
علاء.. من صار رمي اخذت سلاحي ونزلت طلعو جماعه من عشيره صار فصل واحنا چنا حاظرين و صار الفصل انو نكسر ابنهم من العشيره حتى نرجع حق العشيره الثانيه فلهذا متابعيني ورادو يكتلوني
اخوي محمد وادهم شايفينهم طالعين وراي فلحگونه
صارت مناوشات بس ما ستسلمو لحد ما صوبنا واحد منهم يلا شردو
محمد.. علاء اخذ مرتك واطلع احنا نلحگكم نخاف يروحون وراكم
علاء وين اروح بعد ارد وياكم خاف يهدون ع مضيفنا
محمد لا تخاف ما يسوون شي يلا اصعد خل نوصلكم ونرد
ادهم .. يلا خويه لا تطولها اصعد واحنا من نرد نحلها
يلا
صعدت وشفت بنيتي ميته من الخوف والبجي
لا تخافين حوري سيارات اخوتي ورانه راح يزفونا لكربلاء 😉
حوري .. منو ذوله علاء شنو هذا الرمي ليش رادو يموتونا 😭😭😭
علاء .. حبيبتي هذول ناس فصلناهم بكسر ابنهم من العشيره اجو ينتقمون من عدنا
ولد النعل الا اليوم يتذكرون
حوري... هسه احنا بيا حال وانت تحشش
رجعنا للبيت مالي حيل سفر
علاء
.. شنو عيني شنو 😒 حبيبتي اليوم يومي ماارجعج لو يجي الحمزه
حوري.. ههههه والله الك خلگ
زين محمد شجابه هو اصلا مطايقني شلون يجي لكربلاء ويانه
علاء.. بس يوصلونه ويرجعون لا تخافين ما تلتقون ابد
.
في منزل هشام
بعد الاتصال اللي تلقيته عرفت انو المتصل من اهالي حسام الله يرحمه بس مو من اخوته انه متأكد اخوته ما يسوونها
هددوني بحياتي
او حياة واحد من اخوتي
بدون حتى ما يطلبون شرط مقابل خلوني بدوامه مااعرف تاليها شنو
لازم اخذ حذري و اوصي خواني
