حوري..
بعد الضرب اللي اكلته من هاي الهجمت عليه مااعرف هي شتصير الهم وشدخلني تصيحلي بواگة الزلم
فقدت وعيي لان لا نايمه ولا ماكله وتعبانه ماتحملت
ماحسيت الا من علاء ذب على وجهي ماي
ماادري شصارلي من شفته خايف عليه و يغسلي انوب الدشداشه گاعده گعود عليه ادري هسه تگولون انتي بيا حال بس والله شعور مو بأيدي بس استغربت من نضراته اتجاهي كأنما يأنب نفسه على شي
غسلني وشالني
هو شالني وراد يغمى عليه مره ثانيه يمه عطره يموت انه شنو بحجت تعبانه ومااحس على روحي خليت راسي على صدره ماادري شصارلي بذيج اللحظه كلش حبيت قربه اليه معقوله لان عقد عليه هيج بسرعه الله نزل محبته بگلبي
اخذني للغرفه وتلگنه سميره و وسن رادن ياخذني بس هو ما قبل
دخلني خلاني ع الجربايه وطلعلي خاولي و ضل يدور بملابسي طلعلي ثوب نشفني وراد يبدلي ملابسي
حوري .. انه ابدل اگدر بس لو سمحت اطلع بره
..
علاء .. تعرفون شنو معنى واحد يرفس النعمه بأيده
هيج چان حالي
استعجلت و کلتلها انه احب غيرج ما توقعتها نفسها والله ااااخ يا گلبي شتتحمل بعد بس لازم اعاملها غير معامله حتى تحس بيه
من خلصت تغسيل الها شلتها و وديتها للغرفه هي مثل الداخت وصار راسها على صدري يابويه بلحظتها مدري شصبرني ما شبگتهاو دخلتها بضلوعي
تلگني البنات رادن ياخذنها بس انه گتلهن يروحن جوه
دخلتها للغرفه وردت ابدللها بس طردتني 🤔
علاء .. تره هسه انه زوجج حلال اشوفج خلي ابدلج بلى عناد
حوري .. يا زوج التحجي عنه
زوجي اللي اول ما دخل عليه يگلي احب غيرج
وتخلص هالفتره وردج لاهلج
شنو حضرتك تريد تمشيني على مزاجك
انه فصليه صحيح مو من حقي هالحجي كله
بس كل شي ولا كرامتي
لو مثل ما تگول انت زوجي
چان ما خليت وحده چنها عجل تجي تضربني وتكسر خشمي
طبعا من حجيت وي علاء انهارت اعصابي وضليت بس ابجي واحجي بحرگه وهو صافن عليه بس نضراته يعني معبالك يحب غيري
نضراته كلها لهفه و حب
علاء .. مهما كان اللي گلته انه هالفتره ماراح اعوفج راح انام يمج و ماخليج بروحج اخاف احد يأذيج
انه راح اطلع انتي بدلي وهسه اجيج
حوري تحجي وانه صافن على عيونها حتى احلى من عيون الغزال
وتبچي بحرگه بين دلالها وبينت انو هي محد ماد ايده عليها ابد
والله گوه تماسكت وما جريتها بحضني عبالك طفل ويبجي هسه انه مااعرف روحي منحوس لو سعيد
شمالني ستعجلت وگتلها احب غيرج
لو ما مستعجل جا هي هسه بحضني
طلعت من يمها ورحت جوه
علاء .. سميره حضري صينيه لحوري خلي تتعشى
سميره .. انه اوديها تدلل
