ياشيخ العشيره راجع القران!
وبهاي القضيه الدله مَجفيه!
ما تنوزر حره ابوزرة الغلطان!(
وانته ابيا بخت تنطيها فصليه؟
عساكم ما صفيتوا ابلمة الديوان
وهالمسكينه هاي اتكول شعليه؟
شعليها بالفتنه وعركت العدوان
وليش اتوزروها ابوزره حربيه!
يرضاها الفريضه وشيبة الوجدان!
والتفصل بريئه وتدفع الديه؟
ما كتلت بشر ما وزت الشيطان
وما كالتلك اكتل والفصل!بيه
تنطيها الصكيطه امتيه العنوان
وبراس الضحيه الذله يوميه!
ما الها احترام وتخدم الرضعان!
وخركتها العليها اتكول كونيه!
يا أهل البخت والرايه والايمان
جا وين العداله الدنيه مكضيه!
وانته يا ابوها امرافك الخرسان؟
دَحجيلك احجايه اتحرك اشويه!
فرحانه وتريد ابزفة النسوان
لكن بالفصل؟قصتها مسبيه!
واحنه بيا عصر ياعابد الأوثان
وتراضي العشيره ابظلم البنيه!
وتفزز حلمها وتطرد الخلان!
وتسوك الذبيحه ابغير حنيه!
وما جنك ابو وما بيك حنيه
( لبعض شيوخ العشاير )
سيف... اباوع ع ابوي وكعت سبحته من ايده وكام مكسور
حامد .. ياشيخ ما توقعنا الزاد والملح هيج رخيص وماخليتوله حرمه كلكم تعرفون ابني ماقاصد وهمه صحبان چا هاي جزات الصحبه تكسرون الصديج بأهله
محمد .. هذا مو صديج هذا عدوو شوف شحاقد على المرحوم وطلع حرگته هسه وشگلك بالغلط
علاء .. انه هنا لا انطي ولا اخذ لاگدر اوگف وي اهلي لان مو على حق ولا اوگف وي اهل هشام لان راح الناس تگول ضيع دم اخو
شيخ عزام بويه استهدو بالله على كيفكم
بويه حجي حامد انه ابني راح مني
وكل شي تره مايعوضه لا مال ولا مره
بس انه اريد واقصد ما يصير الدم بين العشيرتين لا اريد ولدنا يروحون من عدنا
ولا انتو تردون تخسرون ولدكم
هذا شرطنا
والمره نفصلها لعلاء گولو رآيكم حتى نتوكل وهم نتنازل عن قضية هشام ويطلع
حسن .. بويه شلون ننطيمن حوري بس تسمع تموت ماتتحمل الذله
حامد .. بويه گولو تم ومن نرجع يصير خير هي ماكو غير بنيتي الي راح انكسر بيها شفت عمامك ولا واحد حجه وگال بنيتي تروح
حامد .. شيخ عزام اللي تردونه صار
وتدللون
باجر المره يمكم
يلا بويه گومو نرد
شيخ عزام .. ابد يابو هشام ماتروحون وانتو مكسورين
الا اتعشون يمنا
علاء حظرو العشى بويه
علاء.. صار شيخنا
علاء.. طبعا ولد عمي كلش ضاجو تمنو تصير السالفه اكبر وتصير طلايب والفصل يصير الهم لان يعرفون ابوي ضد مبادئ الفصل بظلم
