عشقت مجنونة 💙

البارت 5

عشقت مجنونة💙
بقلم lola ahmed
الحلقة 5#.....
أشرقت الشمس بأشعتها الذهبية الجميلة على جميع أنحاء الخرطوم لتخبر الناس ببداية يوم جديد..
في قصر الكيلاني نزل من غرفتو كالعادة بكامل اناقته فكان يرتدي بدلة كحلية أظهرت جسمه الرياضي وساعته الفخمة واكتملت اللوحة برش عطره المميز Darj   ❤️❤️❤️❤️❤️ صباح الخير يا أمي قال كدا لي أمو الكانت قاعدة في طاولة الطعام  بالمطبخ تشرب الشاي صباح النور حبيبي تعال أشرب الشاي لمن روان تنزل وفي موضوع عايزة أكلمك فيهو قال ليها خيير يا أمي أحكي الأم عايزة أمشي أعمل عمرة لي أبوك  وأجي .. آدم بحب إن شاء الله يا أمي وقام باسها في راسها وهي حضنتو..
ليييه يا فريدة هانم ليييه تعملي كدا قالت كدا روان وجات جارية انحشرت في نصهم وحضنتا فريدة هي كمان آدم بضحك يلا يلا يا غيورة عشان حنتأخر وودعو أمهم وطلعو لحظة اوريكم روان لابسة شنو ايوه ايوه عارفاكم شمارتيين المهم كانت لابسة بنطلون جينز أسود وتيشيرت أبيض واسع كدا وفاكة شعرها كانت توووحفة بحق واتحركو لي مقر الشركة الرئيسي..
أما عند لولا  ورنا هم برضو كان طالعين لي الجامعة بعد ما شربو الشاي مع أمهم نزلوا اتحركت لولا لي بيت لمار عشان تاخدها معاها أما رنا ركبت مع ماهر عشان كان أول يوم ليها وفي تسجيل وكدا كانت لابسة اسكيرت أسود وتشيرت رمادي وطرحة مشكله واسبورت أبيض كانت قمة في الاناقة أما ماهر كان لابس بدلة سوداء وقميص رمادي😉 ايوه مطقيمين اتكلمو في مواضيع عامة وكدا ماهر : الليلة بيسحروك لي رنا رنا بضحك:  لا بس بجد انت ليه لابس زيي؟
صدفة .. قال ليها واتذكر 
*فلاش باك *
طبعاً هو بيصحى بدري بيمشي يصلي ويجي يتريض وهو طالع من غرفة الرياضة شاف لولا ..
لولا يا بت لولا بخلعة وووا قبل ما تكورك قفل ليها فمها بيدو..  يا حيوانه دا انا ماهر ولسه بخوف اااها داير شنو ياخ وقفتا قلبي ياخ ماهر بصوت واطي رنا حتلبس لون شنو ؟ لولا بضحك ما عارفة إلا أمشي أشوف مشت وجات كلمتو ..
ماهر ماهر ماااهر افاق من شرودو بصوتا
رنا : وين سرحت يا ولد من قبيل بتكلم معاك..
ماهر وهو بيعاين ليها في عيونها بصوت خافض فيك قالت هي بخجل نعم قلت شنو ماهر في الشغل قلت ليك الشغل كتير اليومين ديل
رنا اها لا لا تمام ربنا يعينك وفي اللحظة دي وصلو الجامعة ونزلو من العربية كان لولا وليمو هم كمان وصلو يا حلو يا جميل لي وين ما تدينا نظرة..  طيب الرقم سمعو رنا وماهر البت البتشاغل في ماهر دا ماهر كان بيضحك اما رنا كانت حبة وتمشي تخنق البت دي ومسكت ماهر من يدو نظام انا هنا أما ماهر حيموت من الضحك هو عرف صحبة الصوت البت تاني شنو يا جميل ما تمسكونا معاكم ما كملت كلامها ولقت خبطة في وشها من رنا واتفقعت بالضحك 😹😹😹😹😹😹😹😹😹😹😹😹😹😹 ليمو وماهر و لولا 😹😹😹😹😹😹 أما هي وشها بقى طماطم من الخجل لولا بألم وماسكة وشها ااي يا حيوانه دي انا يااااه
رنا معليش عشان تاني ما تشاغلي
لولا بصوت عالي واااااي الدكتور اب كرشة دا ما حيدخلنا يلا يا بت وجرت لمار وجروا أما رنا بخجل يلا يا ماهر واتحركوا لي الكلية طبعاً رنا في كلية الإعلام ح تسجل..
انتهى ماهر ورنا من إجراءات التسجيل ووصل رنا لي القاعة وقال ليها لمن تخلصي تتصلي لي ومشى..
دخلت رنا القاعة وقعدت في أول بنش قابلها حركات البرالمة ديك عارفنها صاح شوية شوية الناس بدو يجو ودخل الدكتور وقفل الباب هو من النوع الملتزم بالوقت شديد كان جاء منو داك ما بيخش بعدو
عند لولا ولمار في المحاضرة في طالب تلفونو اتصل طالب النوع المستهتر داك النوع الماشي بقروش ابوهو داك والقاعة صانة الدكتور يا ريت نقفل تلفوناتنا قبل المحاضرة ورجع يشرح الولد كان قاعد في البنش الفي الطرف كدا مقاصد البنش القاعدة فيهو لماار الدكتور مقبل ع البورت وبيشرح التلفون تاني اتصل وقبل الدكتور يلتفت الولد التافه جدع التلفون في لمار الاتخلعت أول ما وقع فيها التلفون وهو بيتصل في اللحظة الشالت التلفون في يدها عايزة تشوفو حق منو كان الدكتور إلتفت عليها وشافها ماسكة التلفون ولسه بيتصل قال ليها بزهج انتى لمن مستهترة كدا وما عايزة تحضري المحاضرة في داعي تعطلينا معاك وكلام كتير من الشتايم ولمار دي دموعها عشرة عشرة..  يلا اتفضلي برة قال ليها قامت شايلة شنطتها ح تطلع .. لولا كانت متابعة الحوار من البداية قالت ليها ثواني يا لمار مشت وقفت جنب الدكتور وكانت شايلة تلفون الولد في يدها قالت بصراحة معارفة أقول ليكم شنو و إلتفت لي الدكتور و انت بالجد ياسلام عليك أنت بقيت دكتور كيف ما عارفة عشان تتكلم كدا على بنات الناس شنو هو الزول ما يلقى فرصة وينفتح في خلق الله كدا وبعدين ليه كل الكلام البايخ القذر دا على فكرة أسلوبك رف خالص ما بيليق بمنصب دكتور جامعي  وعلى فكرة التلفون الكان بيتصل ما حق لمار زي ما انت قايل وانفجرت فيها بالنبيذ التلفون حق الولد الهناك وأشرت عليه  أول ما التلفون اتصل هو فناه فيها وعلى فكرة انت انسان وهمي تلفونك لمن يتصل اقفلوا مش تتظارف وتجدعو كدا عشان عارف لمار مسكينة ح تطلع طوالي وهاك تلفونك ورمت التلفون بقوة على الأرض واتكسر التلفون حتة حتة
"ليه ياخ كان أدوني ليه نرجع نرجع
وقبلت عل الدكتور تاني وانت يا ريت تتأكد قبل تحكم وبتمنى تحسن أسلوبك عشان المرة دي عدت على خير المرة الجايه ما معروف البيحصل شنو مسكت لمار من يدها وطلعت من القاعة في اللحظة دي كان د.عادل داخل الجامعة صادف لولا ولمار طالعين وكانت لمار لسع بتبكي ركبت لولا ولمار واتحركو وانشغل عادل واتحرك بعدها طوالي.. 

أما عند روان الاتوظفت طوالي في الشركه بشهاداتها الممتاازة وقالت لي آدم ما عايزة زول يعرف إني أختك بلييز و وافق آدم على طلبها..
عند آدم الكان في مكتبه بعد خلص الأوراق والإجتماعاات اتصل بي روان اها يا باش مهندسة روان حتخلصي متين عشان عندي ليك مفاجأة..
روان بفرحة انتهيت والله انتهيت حأطلع قدامك
انت بس قول
آدم يلا اطلعي عازمك فطور في محل فتح جديد..
اوكي يلا حأطلع أنتظرك في الشارع القدام الشركة تمام؟ وطلعت روان
أما عند رنا هي انتهت من المحاضرة واتصلت لي ماهر وجاها .. أول ما طلعت اتذكرت لولا وليمو اتصلت بيهم مافي زول ردا ليها كلمت ماهر ياخ يا ماهر بتصل لي أختك ما بترد ..
ماهر يمكن ف االمحاضرة
قالت لا هي قالت عندها محاضرة وحدة ونطلع سوا قال كدي انا بتصل ليها وفعلاً اتصل بعد مية مكالمة ردت ماهر بخوف لولا حبيبتي انتى كويسة انتى وين؟
* خارج النص والله دي لو انا اخوي يتصل لي مرتين ما أرد ليه وبعد ما أرد يقول لي حبيبتي انتى كويسه آه وييين يااا ده كان ماجاء طالع بالسماعة اداني كف ااااه قاسية يادنيا * نرجع نرجع
لولا ايوه ايوه يا ماهر بخير وكلمتو بالحاصل كلو قال ليها عندي كلام مع الزفت دا انتو هسي وين وكلمتو واتحركو ليهم أما عادل وصل هو كمان نفس المكان وعند آدم وصل لي روان وساقها معاه في عربيتو بعد ما أتصل لي السواق يجي يآخد عربية روان ووصلوا كلهم في نفس المكان والوقت روان وآدم ورنا وماهر آدم شاف عادل داخل ووقفو يا ولد الخالة ماشي وين ؟عادل أول ما شاف آدم فرح قال خلاص أقعد معاهم وسلموا علي بعض وهم داخلين كدا روان شافت رنا وقالت رنا رنا رنااا رنا التفتت شافتها وشافت آدم وزول تاني اللي هو عادل
ماهر أول ماشافهم مشى عليهم اووووووه عادل ياخ طبعا عادل وماهر اصحاب من الاسااس وسلم علي آدم عادل عايز يعرفهم بي بعض لقاهم بيعرفو بعض وروان ورنا سلمو علي بعض ودخلوا مع بعض ماهر ورنا وروان وعادل وآدم  داخل المطعم لولا ولمار كانت لولا طلعت ليمو من جو المحاضرة داك وبقوا يضحكوا ومنتظرين ماهر ورنا لمار قالت ليها ياخ انا جعت شوفيهم وصلوا وين ورفعت لولا راسها تعاين ناحية الباب وانصدمت بالشافتو😍😍😍😍😍😍😍
❤️لماذا كل ما أراه يخفق قلبي هكذا.. هل هذا هو الحب أم رأيت فيك خصلة من خصاله ❤️❤️❤️
يتبع