عشقت مجنونة 💙

البارت 2

عشقت مجنونة💙
الحلقة 2# ...
في الناحية التانية وصل إلى منزله وهو اقل ما يقال عنه أنه رائع كيف لا فهو قصر عائلة الكيلاني نعم إنه آدم الكيلاني صاحب مجموعة شركات الكيلاني للطيران
*استوووب *
عائلة آدم الكيلاني المكونة من آدم الكيلاني بطل الرواية  أسمر أسمر حبيبي ياسمر 😹😹😁 نرجع نرجع
طويل شعرو أسود غامق وكتير كدا أما عيونو دي حاجة تاانيه  النوع النعسان داك ورموش كثييفة وأنف حاد ولحية خفيفة وجسد رياضي

"انا اعلن انبراشي"

اختو روان أما روان دي جميلة الجميلات  يعني حاجة كدا مخلوطة حنية على برااءة على طيبة على مرح شي مكس رهيب.. أما الست الوالده فريدة ست في نهاية ال40 كدا مغرورة تعشق المال عنصرية. أما والده فقد توفي قبل عام ونصف كدا *
دخل آدم القصر وشاف فريدة هانم زي ما بيقول عاين ليها عين إنكسار كدا فهو لم يحس ناحيتها بحنان الأم بل وهي كل الوقت مشغولة في الندوات والإجتماعات التي يقيمها سيدات المجتمع الراقي والتي تقام للمظاهر ليس إلا
دخل آدم غرفته ليبدل ملابسه ويرتاح قليلاً..  وعند روان فهي اتخرجت قبل  سنة كدا من كلية علوم الطيران في القاهرة وهي حلم حياتها أن  تصبح مضيفة طيران بزهج هووف ياخ زهج والله أنا لو كنت قايلة انو بعد الجامعة حأقعد في البيت كدا والله ما كنت اتخرجتا ايوه  مشت المطبخ عملت كباية عصير ظابطة وختتها في صنية وطلعت لي اخوها .. دومي بدلع كدا وجاها صوتو من جوة ايوه ايوه يا روان ادخلي دخلت روان وختت العصير قدامو .. هو بابتسامه اها عايزة شنو؟ روان: آدم أنا زهجتا من قعاد البيت والله وزي ما عارف ما عندي صحبات هنا في السودان كل صحباتي في القاهرة.. آدم بنفاذ صبر قولي يا روان عايزة شنو من غير لف ودوران ..
عايزة أشتغل قالت كدا بخوف هو فنفسو ما عندو مشكله إنها تشتغل على الأقل تفرق حبة أخير من تقعد في البيت الملعون دا فأمها لن تكترث لها فهي مشغولة طوال الشهر.. اجابها تشتغلي وليه لا بفرحة واااو دووومي ربنا يخليك لي يارب .. فرح هو كمان لفرحها كيف لا وهي أخته الوحيدة..
أما عند فريدة كانت طالعة لي عشاء للسيدات إتجهزت وطلعت بعد ما هاتفت زول في التلفون الو فريدة
الطرف الاخر نعم حبيبتي اشتقنا ليك يا جمييل
فريدة بمياعة اههه ايوه خلاص طالعة انت وين؟ الطرف الاخر قدام من شارع القصر خلاص تمام تمام
الطرف الاخر يبتسم بسخر بزهج تمام  تمام راجيك تعالي، أنا أوصل لي الدايرو وأجدعك زي الكلبة...
أماا في بيت الدكتور أحمد فتحت فوفو الباب لتتفاجأ رنا واقفة وراسها مربوط بشاش وبعلي دا شنو يابت رنا الحصل ليك شنو بصوت عالي .. في اللحظة دي جاء ماهر وخلاص قرب يبكي نعم هي معشوقته أما لولا كانت واقفة خلف الباب رنا ولولا بصوت واحد فكو الضحكة 😹😹😹😹 * فلاش باك *
لولا : انتى يا زفتة وصلتي وين ؟ رنا أنا تحت خلاص طالعة .. لولا انتظري ثواني جاياك وطلعت لولا سريع وكانت شايلة الشاش معاها ربطت لي رنا راسها قايلة ماهر حيفتح الباب
* باك *
الأم وماهر بزهج لولا يا زفتة ياخ ما تبطلي العباطة دي.. خلاص يفوفو ياخ..  وسلمت رنا عليهم وقعدوا ياكلو..
أما ماهر دا من الخجل أكل لقمتين بس وقام
لولا يا ولد ما تاكل هو بصوت واطي لا خلاص شبعتا الحمدلله .. في الصفرة فوفو اها يا بتي كيفك وكييف ناس البلد؟  والله يا خالتو بخييير الحمدلله انتو كيف وكيفك يا لولا مع الجامعة قالت كدا رنا ردت لولا والله تمام فل الفل اتكلمو حبة عن ناس البلد والاهل ومواضيع عامة وقامو لمو الأكل وعملت لولا الشاي شربو ومشى كل زول لي غرفتو أما رنا مشت مع لولا غرفتها اتونسو حبة ونامت رنا لولا حست بيها نامت مسكت تلفونها فتحتو لقت كترة رسائل من قروب الدفعة وقروب صحباتها شافتم ودخلت لي ليمو في الخاص لقتها مافي رسلت ليها بكرة تعالوا أفطروا معانا بت خالتي جات .
أصلاً أم لمار وأم لولا صحبات من بدري قفلت التلفون ونااامت 😴😴😴😴😴😴 عند ماهر هو كمان نام بيفكر فيها..
ربنا يرحمك وينور قبرك قالت كدا وهي بترفع السجادة شالتها ختتها في الكرسي ومشت تنوم يلا نخلي ديل ينومو ونمشي لي الوسيم داك 😉😁 واقف في البلكونة شاف فريدة داخلة البيت يا داب نفخ السيجارة  الشايلها في يدو بزهج انتى يا أمي متيين حتبطلي البتعملي فيه دا  دخل  غرفتو رقد بيفكر في الشغل وفي البيت والعيشة الهو واختو عايشنها اتذكر اختو قالت ليه عن موضوع الشغل فقرر انو حيشغلها في شركة من شركاتو
ونام  😴😴😴😴 أصبح الصباح على أبطالنا  وكان صباح الجمعة 💙💙 في قصر الكيلاني في المطبخ و لأول مرة من 22 سنه فريدة هانم عملت الفطار بكل حب بعد أن رجعت لي عقلها وحست بالذنب فهي لم تعامل آدم و روان معاملة أم لي أبناءها كانت تعاملهم بكره وحقد لأنها ترى فيهم صورة أباهم فهي لم تكتشف الحقيقة إلا أمس
* فلاش باك *
ايوه يا أمجد أنا طلعتا انت وين؟؟  ايوه شايفك أقيفي مكانك جاييك .. وبالفعل وصل أمجد لي فريدة وركبت فريدة العربية واتحركو لي المطعم البيمشو ليه كل مرة
يلا خلوهم يصلو وتعالو نتعرف بأمجد الحيوان  أمجد الشريف رجل خمسيني كدا بس تشوفو تقول عندو 30 سنه مهتم بنفسو شديد أما أخلاقو زبالة عديل واحد بتاع كلو زي ما بيقولو اتعرفت عليه فريدة من زمان رسل ليها صورة في تلفونها صورة فيها محمد الكيلاني زوجها وهو حاضن السكرتيره وبقى بيلعب بعقلها انو راجلها بيخونا وكدا كان بيفبرك الصور ويرسل ليها لمن هي إقتنعت بكلامو واستمر التواصل لمن في يوم أمجد قال ليها بحبك وطبعاً هي اتعلقت بيه كتير فقالت ليه انا كمان بحبك طبعاً أمجد ما كان بيحبها ولا حاجة كان عايز يستنزفها بس وبعد كم يوم أمجد سافر الإمارات ومرت السنين واتوفى الكيلاني وهي ما سألتو من العلاقة البينو وبين السكرتيرة والصورة الشافتها..
وصلوا المطعم نزلوا وقعدوا أمجد طلب الأكل وبدو يتونسو كدا جاء العامل بتاع المطعم قال استاذ أمجد في زول عايزك برا.. زول منو قال ليها كدي لحظة أشوف و أجي وقام طلع وشافت فريدة التلفون حق أمجد في التربيزة شالتو قالت النشوف كدي وفتحت التلفون واريتها ما فتحتو لقت صور بنات وفيديوهات خليعة وفتحت الواتس لقت محادثة مع زول كان اسمو حبيبي لقتو كاتب ليها  حبيبتي ما تزعلي انا ما بحبها ولا حاجة بس عايز قروشها أنا بعدين هي أكبر من جدي ياخ أحب ليها شنو أنا كذبت عليها قلت ليها راجلك بيخونك مع وحدة تانية وفبركت ليها الصور وخلاص قربنا يا جميل امممح هاك دي بدموع غزييرة فريدة كدا يا أمجد تمام شوف أنا ح أعمل ليك شنو فتحت فريدة التلفون وطلعت الذاكره وفرمطت التلفون  وكشحت العصير فيهو  ومسحت دموعا وقعدت تاكل عادي وفي نفسها بتحلف وتتوعد ليه جاء أمجد داخل المطعم لقاها زعلانة قال ليها الجميل مالو بقرف قالت ليه  العصير اتكشح في تلفونك هو بخلعة وزهج شنو شنو كيف ياخ بعد شوية اتدارك الموقف قال ليها خلاص خلاص ما مشكله وهو في نفسو زهجان زهج نفسو يقتلها هسي، بس اتحكم في نفسو قالت ليه أنا تعبانهة ماشة البيت وقامت قال ليها أقعدي ياخ بعد مجادلة طلعت وخلتو قاعد اتصلت لي السواق جاها وهي في الطريق اتصلت الو
الطرف التاني نعم مدام فريدة تأمري بحاجة قالت ليه حأرسل ليك رقم عربية بكرة أشوف الحادث المروري الخليع في الجرايد
الطرف التاني حاضر تأمري بحاجة تاني قالت كمل شغلك وأرجع لي
* باك*
قشت فريدة دموعها واستغفرت ومشت لي روان في الغرفة صحتا روان بخوف نعم يا ماما..  ايوه خايفة ما فريدة ما حصل جاتها تصحيها في اللحظة دي جاء آدم لي روان عايز يتكلم معاها في موضوع الشغل لقى أمو معاها وبتبكي بخلعة أمي مالك هي أول ما شافت آدم اتفجرت بالبكا جاء  آدم وقال ليها قولي بسم الله كدي وأحكي مالك روان بتبكي يا ماما مالك عليك الله وحكت فريدة كل الحصل ليهم
آدم بزهج وهسي وين أمجد ال*** دا قالت ليه ما تخاف أنا اتصرفتا وحضنوها ورجع الجو الأسري لطبيعتو ومشو ياكلو مع بعض
أما في بيت الدكتور أحمد صحت رنا ودخلت الحمام وطلعت صلت ونزلت تحت قالت صباح الخير يا خالتو فوفو ..  صباح النور حبيبتي تعالي أشربي الشاي قعدو يشربو الشاي واتونسو حبة قالت ليها رنا امشي عليك الله صحي لولا دي الليلة جاية نور وبناتها يفطروا معانا رنا حاضر يا خالتو وطلعت وهي مااشة على الغرفة شافت ماهر في غرفة الرياضة وقلبها اشتغل شديد عايزة تمشي كدا ماهر شافها رنا رنا يا رنا قال ليها .. رنا بتوتر نعم يا ماهر جاها ماهر طالع من جوة قال ليها كيفك وبيعاين في عيونا رنا بقت مقهية فيهو واي منك ياخ جميل عامل عضلاتك دي هي واااااااااي 😠😠😠😠😠😠😠😠😠😠😠 يتبع