حياة جديدة معليش

'~بارت 9~'

روبا تاع هتان
'~{بارت 9}~' انا نربيك خبطتو فرجليه و جبدت نهال وهربنا لحقنا الواحد بلاصة ريحنا لخطرش كنا نجريو....انا: حمدلله مجراش مورانا...يا يما عييت نهال: مزيا مجراش مورانا كن ولاو يعيطولنا بقرات هاربات انا ونهال: 😂😂😂 انا: امشي ندورو.... بدينا نمشو وين نروحو انا وياها نصيبو بنات لابسين مني جاردان لي ندخلو فيها نصيبو ليكوبل دخلنا وحد جاردان شابة وجبنا ماكلتنا معنا من بيتزيريا كانت فارغة حمدلله كنا نرهجو حتى نسمعو واحدة عبدلقا تعيش متروحش وتخليني هذي وحدة قالتها لصحبها تبان صغيرة شويا عليه وهو كبير شارف...قد باباها وهو يقوللها نونو بيبي منخليكش باينة...هي بيبي نحبكش هو فاش ماش....انا: يا نهال تبهديلة شارف قد سبع يهدر هكا كما قالت ماني فكلامها قدو قد سبع ويقول بعع نهال:😂😂اسكتي نشوف نهاية مسلسل دراما هندية وهو جا يبو$صحبتو انا: اي نوضي عماها... نهال : يلعن بو دراما انا:😂😂😂 رحنا نشرو لاكريم ومازلنا نتمسخرو عليهم يخي كوبل..كي كملنا طلعنا فلبوس شفت واحد يتحرش بوحدة نضت ليه خبطتو ديراكت فبلاصة واعرة انا: يا ناس هذا مشي مربي كان يتحرش بطفلة هو: كذابة ملعونة انا : وش قلت يا بو سنادر طوال
هجمت عليه وناس يسلكو ونهال تسلك وتضحك.... كي هبطنا من لبوس رحنا لدارنا نهال: اسمعي شكون لي يعيف عبدلقادر ولا بو سنادر طوال انا وهي:😂😂😂😂 دخلنا لدار حمدلله مصبناش عبدو قابلتنا عمتي وتعرفو كي يحكمكم الرادار مخلات مبقات....وبنتها تستشفا فينا وتقول: يما قتلهم... انا: عمتي ملي جيت مخرجتش صباح حشيا محبوسة وزيد نخدم شغل وزيد بنتك مقطوعة ليدين ملي جيت مشفتش منها لخير حرام عليك طلعت لشومبرتي وبدلت رحت رقدت جات وقت لقهوة هبطت للكوزينة مصبت حتى واحد حمدلله نشرب قهوتي الاااز....ويخرج لجن فأي لحظة عبدو: اروحي نربيك... انا : شكون نتا باش تربيني مشي قتلي من هذاك نهار متعرفيني منعرفك جبدني من شعري خبطني بكف هو: كنت عزيزة عليا ... وانا نبكي وطايحة فلرض ...رفدت روحي ورحت لبيتي قفلت عليا لباب...قعدو غير يحوسو يدخلو ليا...عمتي...نهال....جواد...امينة قعدت هكا اومبعد جا ليا هذاك لي منيش حابة نذكر اسمو ... خبط عليا لباب قريب مكسرها حليتلو لباب انا: رح امشي عليا رماني فوق لبونك غلق عليا لباب قعد فوقي ثقيل بزافف انا: نوض عليا 😭😭💔 عبدو: هذي خطرة راني حذرتك خطرة لجاية ندير فيك ليميندارش
ناض وانا حبيت نخلفها حكملي يدي دورها حطني فسور قرب ليا..حتى نفسي تخلط...هو: انا نحبك ...هذي كنت نحبك كنت حنديرك مرتي(زير عليا يدي) ...خرج وانا نتوجع... رقدت وانا نبكي ملي جيت لهذي دار وانا نذوق فلعذاب زدت نمت نغرق فلبحر وحاجة فرجلي ثقيلة مهبطتني لقاع لبحر وانا نتخنق حتى مت نضت فهذيك لحظة بديت بروتين لعين تاعي ونهال قاعدة غير تسقسيني وش صرااا ...وانا نكلمي فروحي باش دموعي ميخدعونيش... جا وقت لفطور و سماح بنت امينة هبلت يماها...ايا يماها ضربتها عبدو: علااه تضربييها علجال محبتش تاكل.. انا: على اساس نتاقليل عبدو: عاودي مسمعتش انا: كما سمعت.. خبط طابلة...نهال: هتان حبسي تعيشي...عبدو: عندك مشكلة معايا انا: ايه عندي مشكلة ناض جبدني داني لبيتو غلق عليا لباب.وبدات معركة بين جون سينا وارطانا( امزح يا شبابات الطف جو فقط😢😭😂😂💔) .. عبدو : نتي معندكش مخ انا: نتا لي بلا مخ خرجت لبارح برك نشوف دنيا برك درتلي من حبة لقبة...ملي دخلت لهذي دارو انا نتعذب شغل مورايا وزيد ختك لي سمها دايمن تطلقو عليا وزيد فانيك هذيك ريم..عبدو: اياكي تهدري عليها يصحلك شرف تلحقي ليها... انا: خليني نخرج