عشقي انت : زكريا و مريم

14

جبدتها نكركر فيها من ورايا حتى نحس بيد تحطت على يدي ... درت باش نشوف تاع شكون...هنا كانت صدمة حياتي ...

زاكي : ااادم!!!ة

ادم : واش يا خويااااااا

عنقو بعضهم 

زاكي : وقتاش جييت ...وعلاش مقتليش 

ادم : جيت البارح و هاداوين كنت عند عبدو تفاهمنا نجو ليك ... بصح نتا وين تعرف مريم 

هنا  انا عينيا حمارو بمجرد انو نطق اسمها على لسانوو ...معلاباليش علاش راني نحس هكا..... عاودت رجعت كيما كنت و كركرتها من ورايا طلعتها ف الطونوبيل و لحقت اية و ديماريت بيها 

مريم تحكي 

ملي طلعنا و هو سااكت و انا ماهدرت والووو خطراه كان نهدر راح نزيد نشعل النار ....وصلنا للدار هبطت اية و كي كنت هابطة حكملي يدي ... درت ليه مشوكية 

مريم : وااش 

زاكي : شوفي .........قاطعو التيليفون نتاعو كي صونا 

هبطت و خليتوو ... دخلت للدار تغديناا .. وطلعت للشومبراا رقدت شوية و لعشية هبطت عاونت طاطا في العشااء ... تعشينا و زاكي ماجاش ....كملنا العشاء غسلنا المواعن انا و البنات و طلعنا للبيت قعدنا هدرة تجيب هدرة حتاان رقدو....هزيت روحي و دفتري و هبطت لل التيراس و قعدت باش نكتب ... كنت نحضر للرواية نتاع خاتمة المسابقة ...حتان نحس عبد قعد حدايا 

زاكي يحكي 

طريق كامل و انا ساكت ... غير كي عادت اية معانا ... وصلتهم و كي جات هابطة حكمتلها يدها .... حسيت كورون ضربني من مجرد لمستها... كنت رح نهدر معاها صونا تيليفوني...اففف ماشي كاامل وقتوو ....كان عبدو قالي بلي لازم نتلاقاو اليوم بما انو ادم رجع ... و باينة ليوم راح تطول السهرة 

( اهه نسيت معرفتكمش ب ادم ... ادم هو صاحب زكريا و عبدو من ايام الليسي ... طلع يكمل قرايتو ف ايطاليا... ادم جاي طويل...الكور الله  يبارك مانحكوش عليه طوييل و عينيه خضورة و جاي ابيض في عمرو 25 سنة 

رحت سهرت و تعشيت معاهم و كي وليت للدار ...لمحت مريم قاعدة ف التيراس تكتب .. رحت قعدت حداها 

زاكي : من وين تعرفيه 

مريم : الناس تقول سلام ولا كاش عفسة 

زاكي : سلااام ... هيا  دوكا من وين تعرفيه 

مريم : شكون هدااا

زاكي : ماتختبريش صبري ...قتلك من وين تعرفي ادم 

مريم : شوف مالقري هاد الحاجة ماتخصكش .. عرفتو فالمعهد تلاقينا صدفة 

زاكي : اوووه .. اللي تتلاقاي بيه صدفة داصريه نورمال 

مريم ; ماداصرتوش هو اللي زاد في الهدرة و كي عرف روحو غلط جا يطلب في السماح اومبعد جيت نتاا 

زاكي : علاش واش قالك 

مريم : ونتا واش خصك .. علاش راك تسقسي 

غير قالتلي هكااا حسيت روحي بركان هايج و عروقي راح يطرطقوو ( ا حمودة عرق طرطقلي خخخخ) في لحظة حكمتها من يدها 

و زيرت علييها 

زاكي : شوفي كي نسقسيك ديراكت تجاوبيني و مكالاه زيادت الهدرة 

مريم : (صوتها يرعش و عينيها دمعوو) زاكي يدي وجعتني 

غير شفت دموعها حسيت قلبي تقسم ... كيفاش قدرت نوجعهااا.. بصح في دقيقة رجع لسانها الطويل 

مريم : يااو انا حبيت غير نفهم عفسة برك .. نتلاقا بيه صدفة ولا لالا نداصرو ولا لالا نتا واش دخلك ..علاش راك دخل في روحك

زاكي :( مزير على سنيه) شوفي طيري ترقدي خير

مريم : مانيش راح نطير نرقد ..نتا اللي طير ترقد باسكو انا كنت هنا من الاول و نتا اللي جيت 

زاكي : بفففففففففف شحاال تهدري....شوفي راني رايح بصح والله والله والله ... اقسم لك بالله يا نزيد نشوفك معاه ماتلومي غير روحك

مريم : يااو علاش راك تدخل فيا .. عندك الهام نتاعك روح دخل فيها كيما حبيت 

زاكي : واش دخل الهام في الوسط ... و ديجا اصبري اصبري نتي منين تعرفي الهام

مريم : هههههههه والله غير ضحكتني ... جات للدار هنايا النهار اللي جاو فيه لافامي نتاعكم ... ودوكا نروح نرقد خير ما كشما ندير

زاكي : عااودي 

مريم : ااه قتلك بونوي 

رااحت تجري .... يخي فرخة يخي ...بصح راصي حبس...شكون اللي قاللها بلي راني مع الهام . اففففففففف