عشقي انت : زكريا و مريم

20

كي قالت الخبر حسيت الدنيا دارت بيا.....دموعي تحجرووو ماقدرتش نستحمل هاد الصدمة

إلهام : هاد السمانة نشالله خطبتنا انا و زاكي و راكم معروضين كاامل

حسيت شغل وااحد عطاني زوج كفوف....الجماعة كاامل مشوكية فيها...انا حكمت دموعي بالسيف مابغيتش نطلقهم😣😣😣

المهم.... روحنا من هاديك الحفلة و الفرحة نتاعي بالنجاح كاامل رااحت غير على هاداك الخبر......روحت Directement رقدت

صباح جديد :
نضت هاد الصباح و مقررة اني نخرجو من بالي....هو راح يشوف حياتو و رايح يخطب اللي يحبها و انا نقعد هكاا؟؟ علاش؟؟ خلااص لازم نتبع عقلي هاد المرة
كنت مروحة غدوة انا و اية... حتان قالتلي طاطا سعاد و حنان بلي رح يديرو حفلة صغيرة في الدار على السيزيام نتاع أمير و طبعااا يكون عيب نرووح alors خرجت اليوم شريتلو كاادوو و الروتين تاع العادة.... أميرة و اية الف مرة حاولو يفتحو معايا الموضوع نتاع البارح و انا كنت توجوغ نتجنب و نبدل الموضوع....اما زاكي ف كان يخدم و حتى كي جا من الخدمة ماخزرتش فييه اصلا شغل مكاش فالدار

زاكي يحكي :
رحنا البارح للحفلة و الصراحة كاانت مريم أجمل وحدة... عجبتني لدرجة اني ماقدرتش نهز عيني عليهاا....المهم....كي دات هي المركز الأول فرحتلهااا بزاااف بزاااف....بصح الفرحة هاديك كملت معانا ب صدمة.....ماعلاباليش من وين خرجتلي إلهام بالسوجي تاع الخطبة هادا.....بصح ماسكتلهاش
زاكي : كيفاش تقولي هكاا

إلهام : واش قلت انا

زاكي :من وين خرجتي بموضوع الخطبة هادا

هام : و زيد انا و نتا عشاق و باينة بلي راح تكمل بالزواج ونتا طولت و انا ماقديتش نزيد نصبر..... و زيد راني نشوف باللي التصرفات نتاعك تبدلو بزااف و ولاو باااردين من اللي جات هاد الطفلة

زاكي : شوفي نتي راكي بديتي تدخلي في حيط والله و انا كان نكمل نحكي معاك علابالي ماشي راح نخرجو منها سلامات...مالا ابقاي على خير

روحت للدار و انا غير نخمم في مريم.... راني بين نارين.... الطفلة اللي عندها سنيين تحبني و انا كنت داير في بالي بلي نحبها...... و الطفلة اللي دخلت لحياتي قلبتها و راني متعلق بيهاااا و مانقدش نبعد عليهاااا........ ياربي عاوني

في الغدوة نضت رحت نخدم نورمال.... بصح كي روحت للدار كاامل يهدرو معايا نورمال بصح هي ماخزرتش مانبا فيا......مانيش قادر نتحمل سكوتهاا.... و فرحت كي قالولي بلي غدوة ماهيش مروحة..... على الأقل نقد نشرحلها الوضع