عشقي انت : زكريا و مريم

29

كي شفت اللوطو نتاع العروسة .... تشوكيت واش هاداااا ....سي زاكي يسوق و راكبة حدااه بنت خالتو و حاكمة يدو و هو عاجبو الحال ...النار شعلت فياااا....عاجبوو الحال يا ناس و يضحك معاها نورماال ...معليش نوصلو و تشوفو النساء واش دير 

وصلنا للاصال و هبطت العروسة بالبارود ..المهم دخلنا كل واحد حكم بلاصتو ...قعدت انا و ماما و بنت عمتي و ام اية  و زوج نسا مانعرفهمش ... و زاكي قعد مع دارهم في طابلة مقابلة .. و هاديك الجرانة قاعدة حداااه ..من بعيد نشوف في اميرة تشاورلي ... يا عمري شحاال توحشتها ...رحت ديراكت عنقتها 

مريم : ميييييرة يا عمري شحال توحشتك 

اميرة : مرييومة ...كي راكي حبيبتي 

مريم : والله لاباس 

اومبعد رحت للطابلة نتاعهم سلمت على طاطا سعاد و رحيم و مروة و حنان و عمو سايمان وعبدو و  هاداك خليتو هكاك كي هو كي بنت خالتو سلام ماقلتلهمش 

المهم ..عرفت طاطا سعاد على ماما ...كي جيت راجعة ل بلاصتي سمعت صوت يعيط ب اسمي 

.....: مريم 

درت و نلقاااااااااااا

مريم : ياااا حاتم 

رحت ديغاكت عنقتووووو 

مريم ; ياااا واش راك دير هنااا 

حاتم : علاش ماعجبكش الحال كي راني هناا ... خلاص راني رايح 

مريم : ههه سامط قعدت نتا نتا ماتبدلتش 

حاتم : ههه لالا وليت بوقوص شوية 

مريم : حوحو 

ههه اصبرو نعرفكم على حااتم ... حاتم هو صديق طفولتي انا و اية ملي كنا صغار و حنا كيف كيف ...حاتم بوقوص ب كل معنى الكلمة ...طويل و خمري و اللحية و العينين الخضورة و الكوور مانحكيلكمش خير 

ديتوو ل ماما فرحت بيه و قعد معانا 

زاكي يحكي : 

كيما قلتلكم رحنا خرجنا العروسة من دارها و انا اللي سقت اللوطو بيهم في الكورتاج و مريم ماركبتش معايا خسارة .راحت مع ماماها ...كنا راح نديمارو حتان ركبت معايا بنت خالتي شهيناز باسكو مالقاتش بلاصة ...ملي ركبت و هي دايرة لامبيومس و اومبع معلاباليش من وين جاتها الجراة و حكمتلي يدي ...قاعد نحاول نحيلهالها و انا نتبس باش مانديرش المشاكل و نشالله مريم ماتشوفهاش 

المهم ...وصلنا ...قعدنا و جات حبيبتي تسلم على دارنا سلمن عليهم كامل كي وصلت عند شاهيناز دورت الطريق و انا ماشافتش فيا اصلا ...هنا تاكدت بلي شافتها كي حكمتني ...بفففف ...لازم نفهمهاا ...دورت راسي حتى نشوفها معنقة واحد و تضحك معاه ...شوية و نوض نكرفصهاا ..حتى نشوفها داتو معاها عند يماها ..و قاعدة تضحك نوغمال ...اومبعد ناضت تشطح