ناضت روان دوشت وصلت نزلت.
روان بأبتسمامة:صباح الخير.
يوسف (باتها )ردلها الابتسامه :صباح الخير بنيتي، هي تعالي قمعزي وافطري.
مفيدة بجفاف : صباح الخير.
قمعزت روان تفطر وهدوء مسيطر لعند.
بيلسان تاكل في توست : بابا شن رأيك نطلعوا لتونس كساد الفترة هذي.
يوسف بتفكير : إقتراح حلو،شن رأيك ياروان.
روان بفرحة:اي يابابا خاطري فيها ليا فترة ع طلوع.
يوسف ابتسم : تمام تو نشوف انور يحجزلي.
مفيدة بنظرة ع جنب: كيف يا يوسف انا ماعنديش رأيي ولا شنو.
يوسف ضحك : معقولة انتِ رأي كله، غير البنات لهن فترة ماغيرن جو مادام توا عطلة نطلعهن يغيرن نفسيتهن.
مفيدة رشفت من الشاي: اي صح.
بيلسان بأبتسامه: يعني يا بابا نجهزوا دبشنا ولا نستنوا.
يوسف صبا : تو نتصل بيكم بعدين وناكدلكم، انا توا طالع.
روان بضحكة : بابا طلب.
يوسف ضحك: عارفه شن طلب، حاضر يابابا تو نجيبلك.
مفيدة بقوة : لا معش تجيبلها ، شوف وجهها كيف الحبوب عليه وكيف سامنه لا لا خلاص.
روان طبست راسها
يوسف شاف لروان : تو نجيبلك يابابا وطلع.
مفيدة شافت لروان : روان اسمعي مش صغيرة را اليوم انتِ شوفي لمنظرك واهتمي بروحك كبيرة راك، شوفي اختك اصغر منك شوفيها كيف مهتمه بروحها.
روان دموع في عيونها : انا نبي نعيش كيف مانبي انتِ خليك مع بنتك بس وطلعت.
بيلسان تشوف لروان : كنها هذي، طلع عندها لسان اخرى هه.
مفيدة قمعزت : وحلت معاها البنت هذي.
بيلسان تاكل : فوتيها يا ماما هذي قلتها لك من الاول مايمشش معاها جو هذا خليها هي وكرشته هههههاي.
مفيدة تضحك : ربي يهديها.
بيلسان حطت بدها ع خدها : ماما خلينا نطلعوا للمحلات نبي لبس نسافر بيه.
مفيدة شافتلها : امس كنتي مع خالتك وخذيتي مش ديما عاد ودبشك لاول من شن يشكي.
أنت تقرأ
هكذا خُلقنا
Misterio / Suspensoنُبـذة: تحكي على ثلاث بنات يتعرضوا للتنمر والاستهزاء،لكن هل ح يصبن ويقون ارواحهن ام لا. " انظر لعيوبك وأصلحهن قبل ان تجرح أحد ، فالكمال لله وحده وليس لك" الكاتبه : دوجــة عبـداللــه.
