هكذا خُلقنا

الحلقة الثالثة

هدى رشفت خشمها ومسحت دموعها : لالا ياماما عادي بالعكس شفت نونه وحكيتلها شوي تريحت باهي لي جيت "وابتسمت ".

منيرة ابتسمت : باهي تعالي داخل خالك يسأل عليك.

هدى : تمام شوي ونلحقك.

مشت منيرة وهدى غسلت وجها وخشت جوا.

خالها : هدى شن جوك عاش من شافك ياخالو

هدى ابتسمت ومشت تسلم عليه : خالو كيف حالك.

خالها: كويس بخير وينك معش تجي ولا تسألي.

هدى : والله إمتحانات وقلة فضوى.

منيرة : حتى انا لي معاها في الحوش منشوف فيها واجد ديما قاعدة في الدار ع قرايتها.

أم أميرة بحقد: وبعد هذا إن شاء الله غير تطلع حاجة كويسه.

منيرة بفخر : دكتورة بنيتي مشاءالله عليها.

خالها : مشاءالله دكتورتنا.

أميرة : وريت هالحاجة الكبيرة ياعميمه نص الشعب الليبي يقروا في الطب.

منيرة : بنيتي بتكمل برى ليبيا وبعد كم سنه تقعد دكتورة لها أسم ، ولو انتم تشوفوا فيها عادية انا أبدا نشوف فيها حااجة كبيرة .

أميرة : وكان برى ليبيا يعني، اصلا توا كلهم يسافروا يعالجوا برى.

منيرة: المهم ان بنتي قرت حاجة نادرة ومفيش وحدة منكن غامرت وقراته ، وهيا ياهويدا بابا برى "وصبت".

هدى عجبها رد أمها وكيف دافعت عليها ابتسمت وصبت.

حنان شافت لاميرة : كنك معاها هدى نحن كلنا نعرفوها هادية وكويسه انتِ لي ناقزتلها شن الحقد هذا خففي منه شوي عشان الناس تحبك "وصبت.

أميرة تشوفلها : كنها هذي ودرت شكلها، خلي نمشي لعمو هيثم.

__________________

طلعت منيرة وهدى

منيرة : سلام عليكم.

إبراهيم شاف لمنيرة: عليكم السلام.

هدى : شن صار يابابا.

إبراهيم أبتسم وشوفلها من المرايا: حجزت .

هدى فرحت: اااااي احسن بابا في دنيا.

إبراهيم: شن جو غيرتي جوك.

هدى: اي جو حلو.