With My Daegu Boyz.....💜 (Completed)

ugh! I fell for him

Taehyung chuan lockers room ah min kai lut a
A locker atang chuan shirt lian deuh a hming chuanna hi alo la chhuaka
"Hei ha rawh i shirt a chhiat vek kha"
"Ka lawm lutuk e aw Tae"
"Engmah tham anihloh kha"
Nui chung hian atia
" Va in thlak tawh la,class tan a hun tep" atia
Ka bu nghut a kava in thlak ta a.
Tae chuan"PE class ah te khan fimkhur hle rawh,ka veng thei tawh dawn silo chea" nui suk chung hian atia
(PE Class hi mipa leh hmeichhia hian hall khat ah nei mah ila hmun hranah kan nei thina)

Class nei turin kan kal ta hall kan lut chiah chu Jennie chuan min lo melh rum hle a.Suji chuan min lo pan hnai vat a "Agiee enge i an,Tae khan a hruai daih che sia ka ngaihtuah lutuk chea" alo ti thuaia.
"Ka tha alawm" tiin ka chhanga
"Tae shirt te i ha alaw?" Nui vur2 chung hian atia
"Tinge Jennie hian min huat em em le?" Ka tih chuan

Suji chuan"Ih maw,Midang sawi ka hriat dan chuan hmanah Jennie hian Tae hi a tibuai char char thin a,chuan Tae ning lutuk in a chhang ve a mahse karkhat pawh anihpui peih lo a athen leh ani awm e,chuan School a ilo luh khan I hmelthat thu an sawi sup supa Canteen a thil kan eilai khan Tae hnaih ah kan thut kha ininngaihzawn alo hlau hle ni tur ani,alo tihbuai reng che kha,chuan a belh chhah turin Tae ber kher khan alo chhan bawk si che a a huat belh tawlh tawlh che ka ring" ati ta a.

Ka hrethiam ta chiaha,mahse kan in bia pawh ni silo chutia alo hlauthawng ve ngawt chu ka nuih aza letling zawk hial a.
PE class chu buaina em em neilo in kan zo fel ve ta a.

Class kan bang a Tae chuan Bike la chhuakin min lo hruaia,haw kawng ah chuan Jennie hmuhloh hlau ni awm tak hian an in kawng atang min haw pui lui deuh kher bawk.Ka nuih aza sia,ka nui duh silova ka awm dan kha hriase chu anui leh nasa ngawt ang.Jennie chuan min hmu ta reng bawk a bike side glass atang chuan a thinrim hmel pawh ka hmu thei
Mahse ama cho chhuah ani tlat sia.

Nitin ti chuan Tae nen chuan hun kan hmanga min hruaia min hawpui thlap thlap bawka,Kan haw lam apiang chuan Ice cream min lei haw ziaha chocolate kan ngainat zia te pawh kan in hriat chhoh sak a kan duh zawng te engkim deuh tho kan in hriat sak chho ta a a chang hian jungkook hi alo tel ve zeuh2 thin bawka.Lunch break ah pawh Canteen ah kan chawl ho ziah bawk.Chuan ka sawi hmaih miahloh tur chu Suji duhthusam ang ngei chuan Suji leh Suga pawh chu an lo in ngaizawng ta a inhmeh tak annia an in duh ve em em a...Mahse Suji ai hian Yoongi hi a ngo deuh hleka fiamnan kan hmang thin nghe nghe.

Tae leh keipawh kan in kawm ngaih chho hle a,zeploh chuan tlem tlemin ka duh chho tan tih ka hria,mahse ka duh lo .Ka sawi awm zia zawk tak chu Tae hi ka duh tur aniloo.. Hmeichhe rilru tihnat sak fo tu ngaihzawng pangai pawh la nei ngailo tiang mipa chu kei ngaihzawng pawh la neilo hian ka ngaizawng theilo,mahse min lo duh lo maithei bawka,ahhh...min duh pawhnise a theihloh ani tawp mai.Sawi ngaihna dang ka hrelo.

February ni 10ania school washroom toilet a ka awmlai chuan hmeichhe pahnih titi hi ka hre ru a "Tae leh Jennie an renew antih kha i hria em?"
"Awii hre nang"
"An sawi nasat em kha"
"Animaw, anihchuan Agiee engtin nge a awm ang le an in zui nasa sia"
"TAE chuan Agiee chu ka unaunu ang ani ati an tihkha"
"Nia Tae tan chuan Agiee leh Jennie chu an hmeltha ve ve thoa mahse Jennie hi Principal fanu alo ni nen in ngaizawng se a awm ang zawk alawm"

An titi chu ka ngaithla a an chhuak ve leh ta maia.

Ka rilru chu ana hle mai a,enge awmzia ka hrelo ka bialpa paw anilova nge ka rilru anat ve ngawt le??!! Tae chuan A unaunu angah maw min lo ngaih? Jennie nen chuan an renew tak tak angem?? Tinge Jennie kher ka chunga a sual zia a hre vek sia??
Zawhna hlirin ka khat a, ka rilru abuaia, ka rilru ana tih hian a sawifiah zolo.

Chuthu ka hriat atang chuan Tae in min biak pawn a rul tawk bakin ka chhang tawh ngailova,a chhan ka hrelo mahse Tae chu a huat hian ka hua hi ani tawp mai,Suji Suga te bula a kal pawn lehkha zir chhuanlamin Tae chu ka peh hel char char a...Ka kut pawh a zia awm tawh avangin Tae pawh chu ka in phurh tir duh tawh loa keiman ka scooty ka khalh ta thin a..