كهف الاسرار ( فانديتا)....(مكتملة)

الفصل السابع عشر 🖤

عمير : زمان كان في شاب شاف بنت جميلة حبها جدا عمل المستحيل عشان يتجوزها بس ........... كان في واحد تاني حبها برضو بس الفرق بينهم ان الاول حبها عشانها هي مش عشان فلوسها او جمالها اما التاني حبها حب تملك كانت بالنسبة ليه رهان هيكسبه ......... البنت حبت الشاب الاول و كانت الحياة جميلة بس الحياة مبتديناش كل حاجة .......... الشاب التاني الغني مقدرش بخسر رهانه و قدام مين الشاب الفقير ..... الشاب الفقير اشتغل و بقي ليه مكانه و اتقدملها اهلها رفضوا في الاول بس باصرار البنت وافقوا و اتجوزت البنت الشاب اللي حبها بجد ..... و في يوم الشاب جالتله معلومات عن الشاب التاني  مرضاش في الاول انه ياخذ المهمة دي بس كلهم رفضوا ........ راح المهمة دي و كانت انهم يتسللوا للفيلا الخاصة بالشاب التاني و يعرفوا كل حاجة عنه و ياخذوا الملفات الخاصة بيه و فعلا دا اللي حصل الشاب الاول راح مع شريكة و راحوا و اخدوا الملفات بس ..............ليتنهد عمير سامحا لتلك الدموع بالنزول ليكمل : طلع كل حاجة مؤامرة كل المهمة طلعت فخ حراس الشاب الغني مسكوهم هم الاتنين .........قتلوا قتل شريكه قدام عينيه بدم بارد و مكتفاش بكدا لينظر لعيونهم : هدد الشاب الاول انه هيموت مراته .....ليقف : تعرفوا انها كانت لسه نزلة من عند الدكتور و كانت فرحانة بانها حامل ... واحد في لحظة موته عرف ان هيكون ليه ابن ليضحك بحزن مكملا : هدد انه يموت ابنه اللي لسه ماشافش النور ..... الشاب قدر انه يهرب منه بس بس اما وصل للبيت لمراته لقي اخر حاجة يتوقعها .......... لقاها بتاخذ عزاه
........لينظر له : تعرفوا شعور انك بتشوف قبرك و انت واقف قدامه عارفين شعور انك تشوف قبرك و انت عايش تشوف اللي بتحبهم بيموتوا قدامك و متقدرش تقولهم انك عايش لسه ......... تشوف القاتل بيمشي في جنازة ببراءة الذئب بعد ما اكل النعجات و صوت عواءه الحزين خلي الكل يصدقوا حزنه ........... تحس انك متسلسل بسلاسل تقيدك ...... الشاب مقدرش انه يقرب منهم ...... فقرر انه يبعد عشان يحميهم سافر و بعد عن الكل دفن نفسه في التراب زي ما هم عايزين

ايان متاثرا : الشاب دا كان انت

عمير : ايوة انا انا اللي بعدت عشان احمي اعز الناس ليا

ايساف : و الشاب الغني هو طبعا صح

عمير بغضب و كره : ايوة حاتم ..... حاتم السبب في كل حاجة حصلتلي في حياتي بعدني عن احب الناس ليا
ليعود الصمت مرة اخري لتظهر ريا التي استمعت الي ما قاله عمير لتجلس معهم ليقاطع الصمت صوت ايان

ايان : اما انا قصيتي غير لتلمع عينيه بدموع : قبل ست سنين تقريبا كنت غير ليضحك بسخرية مما حدث له : كان عندي عيلة صغيرة بابا كان محامي و ماما ست طيبة ملهاش الا احنا بعد ما اخوها طردها عشان ياخد الورث بابا اخد ماما و سافروا بلد تانية بعدها بكام سنة بابا جتله قضية لناس غلابة بنتهم اتقتلت قدامهم و محدش رضا يساعدهم ....... بابا مرضاش بالظلم فقرر ياخد القضية ............ من يومها و بابا دور كتير لحد ما عرف اللي عمل كل دا و للمصادفة اليوم اللي بابا جمع فيه الادلة و اللي كان ليلة المحكمة الاخيرة جاتلي مكالمة ان المكتب اتحرق روحت بسرعة و مرضتش اقول لبابا هو مش ناقص اصلا و روحت المكتب و كنت.......... غبي غبي ليضرب بيده الحائط فقد وقف امام النافذة الكبيرة بالغرفة : ملقتش حاجة المكتب كان عادي فكرت حد من اصحابي و بيهزر رجعت البيت عادي دخلت دورت علي ماما ........... نديت عليها كتير مردتش اول مرة ادخل و ملقهاش اول مرة مسمعش صوتها ......... روحت المطبخ المكان اللي بتعشقه ملقتهاش اول مرة ادخله و ملقهاش واقفة فيه سمعت صوت حاجات بتقع من ناحية مكتب بابا روحت جري ليتوقف ايان عن التحدث و يسقط علي ركبتيه لتنتفض ريا اليه محتضنة اياه ليتمسك بها جيدا : راحوا يا ريانا راحوا سابوني ....... دخلت لقيت الحيطان كلها دم ......كان دم امي و ابويا متفرقوش ابدا حتي في الموت مرضوش يتفرقوا عن بعض ...... كل حيطة تشهد بدمهم ليبتعد عنها قليلا و ينظر لها بانهيار و هو يمسك زراعيها : تعرفي عمل ايه مكتفاش بقتلهم لا لا  ليتركها و يقف و هو ينظر الي عمير و ايساف : تعرفوا عمل ايه كمان كتبلي بدمهم علي الحيطان كاتبلي ان مصيري هيكون زيهم ........ كتبلي انه اللي عمل كدا فيهم قتلهم بدم بارد بارد بااااااا
لم يكمل ايان ما يقوله .............

.................................✨🎇🎩...........................

#SH🎩