مابعد العداوه الا حب♥

الحــلقه6

        (مابعـد العـداوه الا حــ❤️ــب)

                    الحلقه6..
Esraa Almzainy..❤️

رن اخرى بس من خوفها عليه ردت
بصوت واااطي :الووو
احمد تنهد تنهيده طويييييله خلت وعد قلبها يدققق
احمد :كيف حالك
وعد بارتباك وبصوت وااطي :كويسه وانت
احمد بضيييق :ممكن نطلب منك طلب واحد بس
وعد خافت :شنوو
احمد بضيق :نبي نحكيلك  انتي اسمعيني لعند مانكمل وبس
وعد سكتت
احمد يحكي بتعمق كانه عارف ان لي يحكي معاها حتريحه :كنت مروح مالشغل ورايق وبوي كان عند عيت سيدي .......
حكالها القصه كلها وهي سااااكته ولا كلمه واحمد كان بين فتره وفتره يتنهد كانه يطلع فلي فقلبه كله لها
احمد بضيق :تخيلي راجل كيفي يمشي بوه يخطبله بدون حتى مايلمحله ولا يشاوره
نا البنت بروحها لا نقبلها ولا نطيقها كان بينا مشاكل من قبل يجي توا يطلبها لي بدون حتى مايعطيني علم
سكت يبي وعد ترد عليه بس طولت فقد الامل انها ترد
وعد بتردد :بلكي بوك عارف مصلحتك بلكي انحرج من نظرات خوه حط روحك مكانه وفكر فيها بجميع النواحي يااا
احمد بفرحه انها حكت :احمد اسمي احمد ياوعد
وعد فرحتت بعد عرفت اسمه❤️
وعد :تمام يا احمد نفس ماقتلك ممكن انحرج من عمك  هو يبحت فيه ويبيه يطلب بنته لك
احمد بضيق :مهما كان على الاقل طلع وسيبهم وعطاني علم قبل مش هكي
وعد :باهي انت تعرف عليها قبل البنت بلكي بعد كبرت تغيرن تصرفاتها وبلكي توا تحبها وتريح في حياتك معاها
احمد تنهد :راحتي مع انسانه ثانيه
في وحده اخرى نحبها ونبيها لي بس لي في قلبي عنيييده باين فيها وضحك
اول مره نحب بالطريقه هذ

وعد قلبها قعد يدق يدققق ووجها انحمرر وتمت ساااكته وتقول في عقلها اكيد مش انا!
احمد ابتسم وبضحكه خفيفه :شكراا وعد لانك سمعتيني وللهي تريحت بعد حكيت معاك تعبتك معاي سامحيني
وعد ابتسمت شوي :ولا يهمك وقت ماتحتاجني تلقاني بس اخر مره اديرها تخوف امك هكي اسبوووع كامل يا متخلف وانت مختفي عليهم
احمد بضحكه خفيفه بصوته الرجولي وحط يده على شعره :وللهي معش عرفت نصرف اضايقت وريحت راسي شوي من هلي
وعد ابتسمت :هي توا نخليك اتريح اكيد تعبان وتبي ترقد
احمد فرحااااان :شكرا مره ثانيه وسامحيني على لي صار بينا من قبل
وعد :ههههه لا نسيت خلاص سامحتك اوكي
احمد :مع السلامه
عزق التلفون عالسرير حذاه وحط يديه على عيونه وهو يفكر في صوتها في كلامها لي خلااه عااايش في مكان ثاااني بكل وابتسامته ماحولتش من فمه
غمض عيونه شوي وهو يدعي في سره ربي يريح باله و يهدي بوه ويخليها من نصيبه ❤️

عند وعد لي من بعد سكرت من مكالمتها معاه حطت التلفون على الكوميدينه وهي تفكر في احمد وحاسه بيه بس اول ما اذكرت بعد قاللها في وحده يحبها قعدت تقول اكيد مش انا انا ماشافني غير ثلاث اربع مرات يعني حبني!! اكيد وحده ثانيه😒💦
قلبت وجها وصبت وهي تهزب لساره تحكيلها🔥
Esraa Almzainy..❤️