قصة يامنة (بدارجة المغربية) مكتملة

🌹يامنة 7 🌹

قصة يامنة (الجزء7)

الحب ليس بالكلمات وانما بالافعال ...باش نبين ليك حبي ،،الافعال والمواقف هما الي كيبينو مدى الحب الي من جيهتك ....الاهتمام بادق تفاصيلك اش كتبغي واشنو الي مكتبغيش نعاملك على انك راسي نعاملك كانني عارف راسي شنو باغي وشنو كنكره ...حزنك حزني فرحك فرحي ضحكتك بهجة قلبي ...تفاصيلك تعبيرك كلشي فيك ...هنا كنسميه عشق ليك ... كانت سنسلة ديال ذهب مكتوب فيها اسم كاتيوشا بالروسية اي بحروف روسية ...КАТЮША...بقا شاداها كتشوف فيها وتقلب حماقت عليها من ديما هي اي حاجة جاتها سوا غالية او بسيطة او كيما كانت المهم تكون ليها خصيصا كتفرح بيها ...جرها عنقها بدراعو باس ليها راسها....مغطيين ...شحااال وهو معنقها وصباعو كيلعبو فشعرها وعنقها ...لحضات حتى التاقطو انفاسهم مزيااان ....حيد دراعو وناض جلس عاطيها بضهر .... شد جنبو حس بيه سخووون وحريق بدا فيه ولكن هو معطاهش اهمية عادي مولف ...اكتفى بداك القدر اولا وقبل كل شيء لصالحها هي شوية بشوية حتى تعود عليه باعتباره مزال مقنعش منها ومزال باغي يزيد اكثر واكثر ولكن ماشي براحتهم وماشي فبيتهم ولا فدارهم اما متخرجش حتى لغذ ليه ....ونسااا ان جنبو هو الاهم فهاد اللحضة والي محارش فيه بتاتا .... لبس البوكسر عاد ناض مبغاش ينوض عريان قدامها عارفها كتحشم بزااف ومن بين اهذافه هو التريت فكل حاجة وكلشي شوي بشوي معاها حتى تعود ... فؤاد "كيهضر معاها وعاطيها بضهر وفنفس الوقت كيلبس فالسروال والتيشرت ..." : كمل دغيا باش تهبطي تفطري ... يامنة "ناضت لاوية عليها ايزار..." : وخاا ...فؤاد .. فؤاد "ضار لعندها " : مالك ... يامنة "كتهضر وعينيها كيهربو منو باش متشوفش فيه باقي هيبته كتحشمها وتخلي قلبها يضرب " : ندير ليك سوان لجنبك ليوم ؟ فؤاد "كان خاشي ايديه فجيابو من بعد حيدهم وقرب لعندها تحنى حتى باسها في حنكها " : فاش نبغي نديرو غادي نجيبك عندي ... يامنة : صافي واخا ... ضار هو ومشا حل الباب وخرج من البيت وخلاها هي تسناتو تا خرج وناضت لدوش دوش تاني من جديد ... شوية بشوية او كيف كنقولو درجة بدرجة وغاتزيد تولف عليه وتزيد تولف على زواج ككل ...فحال هادشي بالنسبة ليها هي مزال صغيرة على كلشي يجيها دقة وحدة فما يخص المعاشرة وخاصة شخص فحال فؤاد ....كيحاول يخليها تولف عليه دقة بدقة وخا مكرهش ياكلها ويصرطها ومايكرهش ... رجعات دوشات هاد المرة غير توضات الوضوء الي تعلماتو ماشي غير من جداها وزهور ونجود وحتى انها فيها واحد الحاجة كدخل تقرا وتبحث وتاكد من الحاجة ...تعلمات كيفية الوضوء من العادة شهرية وتعلمات كيفية الوضوء من الجنابة ...كملات وخرجات لبسات ...تريكو ديال القطن بيض مكتبو بالاسود وسروال ديالو قطن فالاسود مكتوب بالابيض ولكن المشكيل ان سروال مزير شوي بالنسبة ليها وهي عندها سيقان مبطبطين ...قالت ماشي مشكيل طالما انه مانعها على الكولون ...رشات ديودرنت نشفات شعرها مزياان وضفراتو جنب ...عاد لبست فرجليها وخرجات هبطات لتحت ديريكت لمطبخ عند نجود ...لقاتها كتوجد فالقهوة واتاي ... يامنة "نازل عليها واحد سر على غير العادة صحيح مولفينها ديما حنيكاتها حمرين لكن اليوم غييير ": صباح الخيير ... نجود "ضارت لعندها " : صباح النووور بنتي الغزالة ...كيف صبحتي ؟ يامنة : الحمد لله ماما ..."شمشمات " ...دايرة قهوة بالعطوووور ... نجود : ايييه "شافت فيها وهي تحط ايدها على حنكها كتقيص فيها "...بنتي شفت وجهك ليوم منور اشنو السر ... يامنة "حست بالسخونية " : هاا مم والو غير بحرا دوشت وتوضيت ... نجود : هممم مزيان بصحتك ابنتي ...وسيري جلسي فطابلة حدا راوية ودراري بينما جبت الفطور ... ابتاسمت ليها ...خرجات من المطبخ مشات لصالون فين كيفطرو مجموعين ...لقات راوية وصهيب ويوسف واجدين لابسين باش يفطرو ويخرجو لخدمتهم .... كانو كاملين جالسين ...يوسف صهيب وراوية الا الياس الي مجاش داك صباح ثاني وفنما يعيطو ليه كيقوليهم هاني جاي ... يوسف : واش ديلمو هذا بغاني نمشي لملتو نخبط مو تيلصق علاش كيقلب علاااااش راوية : صافي خويا سكت بابا جاي هو وفؤاد بلا ميسمعوك تيمشي بابا وديك ساعة عيط ليه ...غايتقلق وهو مريض ... يوسف : نعل بو مو الكلب تفوو... صهيب : شور اصحبي غا شور ... شوي حتى جا باهم صبح عليهم وصبحو عليه وتبعاتو نجود عاد تم جاي فؤاد مدوس ومبد بلباس سبور ...داخل عادية منو ريحة باندوش وديودرنت عينيه حمرين بالما ....صبح عليهم بصوته الحرش وجلسو فطابلة مجموعين ويامنة حداه ....بداو كيفطرو ... الحاج "فطر داكشي علاش قد حتى صونا ليه تيليفون بالي شي سلعة جات وهو ينوض استاذن منهم اصلا خاطرو من جيهة ولدو مصافيش وباقي تا حاجة متكشفت " .... فؤاد " من بعد ما مشا لحاج ....كان كيشرب فقهوتو وكيفطر معاهم ما لذ وطاب كان محطوط فطور شهي مسمن وملوي وحتى البغرير وزبدة بلدية وزيت زيتون اكثر حاجة كيعشقها فؤاد مع المسمن والبغرير ...هز عينيه فيامنة لاحض الجمال الي بان على وجهها واحد نور وسر عليه جاتو فشكل ... فؤاد "كانت حداه ...داير ايدو على ذقنو ...حتى نطق وسط منهم كلمة بالروسية ...بثقااااالة عطا لكل حرف حقو بشويييييا " : ك ااا ل ي ن كا "كالينكا " ... يامنة "هزت راسها وعينيها خرجو حيث فهماتو ولكا لا وهي شيفرة بيناتهم. نهار تباوسو اول بوسة ليهم كانت تحت نغمات اغنية كالينكا وهنا كانت شيفرة معناها بغا يبوسها ويتغزل بيها بلا ميحسو المطنگين الي معاهم " ... صهيب : اشنو هي كالينكا اخويا ... فؤاد "هز فيه عينيه وهو على نفس الوضعية " : كول وسكت .. صهيب "ضار عند يوسف .. " : كالينكا اصحبي ... ناض من طابلة ومشا طلع لبيتو لبس ايرماكس هز الفون بقشش فيه دارو فجيبو وخرج من البيت هبط من لور خرج من الفيلا ومشا ثاني يدير لامارش ...مسافة وهو غادي حتى صونا ليه الفون ... ايلاف : مرحباا ...شفت اتصالك هلا خير ؟ فؤاد : فين وصلتي مع هذاك ؟ ايلاف : اعترف انو اخذ السلاح من شخص معين ماعرف مين هو قال انو حدا اجرو عن طريق الديب ويب ... فؤاد : حتى نجي ونعرف بطريقتي ... ايلاف : ما بشك بذكائك بهاد المجال ...تمام ... قطع معاه ومشا كمل لامارش ديالو ورجع دخل طلع لبيت نيشان ...كيف دخل هز الفون رسل ليها ميساج باش طلع عندو ...كان ديك الوقيتة خرج باه ودراري لاشغالهم وبقات هي وراوية ونجود ...شافت الميساج ... يامنة : انا غانطلع لفوق ونرجع ... راوية : واتهلاي تهلاااي ... يامنة "جمعت فمها بضحكة " : هههه ... نجود : فوتي عليك البنت ويلي ...سيري ابنتي ...حدرات راسها وضارت خرجات من صالون ...وطلعات لفوق مشات نيشان البيت ديالو دقات دخلات ...كيف دخلات لقاتو داخل لدوش مشات جلسات فالناموسية عاد تم هو خارج من دوش لابس شورط كحل قصير وجاي هاز صويك صغير فايدو ...تحنى جر ليها شفايفها بشفايفو ...وجلس حداها ... فؤاد : غزالي ... يامنة "ابتاسمت ليه " : عطيني صاك ... فؤاد : عارفة بلا منوريك ؟ يامنة : اه عقلت على كلشي ... فؤاد "عض شفايفو ...ونطق " : مزياان ..."مد ليها صويك " خداتو من عندو حلاتو وجبدات منو داكشي الي غاتحتاج والي عقلت عليه ...مدت ايديها لقاتو كيحيد فسبارادرا بجهد وهي تحط ايدها عليه ... يامنة : متحيدهاش بجهد غادي ضرك ... فؤاد "قبط ايدها باسها وحيد ايدو خلاها هي تكلف ": حيديها نتي ... يامنة "بتردد " : هااا و لكن...امم صافي واخا ... مدت ايديتها فحال الى كترعد حطتها على نص الي حيدو وجرتها بشوييييييييييي بشوييييييييي بقات مدة بسيطة وهي معاها حتى قدرات تحيدها ...جمعتها وهزت قطن دارت فيه بيطاديت مسحات ليه الضربة ورشتها بي دوا الحمر الي عندو على شكل بخاخ ...دارت فاصمة وسبارادرا ... يامنة"بفرحة " : ههه صافي دابا مزيانة ...جمعات داكشي وناضت باش تلوحو فزبل حتى غفلتها ايدو الي ضورتها وجرتها حطها فوق حجرو بشرعة الي هي مفهمتهاش لقاتو كيفرق ليها رجليها وحاطها قدامو ... فؤاد "خشا وجهو فعنقها ...كيبوس فيه وويدوز عليه براس لسانو حتى ترعدت …ورجع شاف فيها بشوفات تحديرية " : مقلتيش ليهم على هادشي ؟ يامنة "جاوبات براسها بالنفي " : لا والله والله مقلتها نتا وصيتيني بيناتنا هادشي ... فؤاد "رافع حجبانو ...رجع باسها في فمها بوسة خفييفة " : مزياان مزيان نبغيك ديما تسمعي ليا...مغادي يخصك خير معايا تفاهمنا ؟؟"كيبرك بايدو على فخدها ... يامنة "شاداه من كتافو وهي مشاعراش " : امم تفاهمنا ... فؤاد "حيدها من فوق منو رجعها حداه باس ليها حناكها بزوج وناض غادي داخل لدريسينغ ...وهي توقفو بصوتها " ... يامنة : انا غادي نهبط لتحت نعاون ماما فالحلوة الي كيصايبو على ود مي وبا ... فؤاد "غمض ليها عينيه بمعنى غير سيري ...دخل هو لدريسينغ وهي هبطات ... وصلت العشية كان يوسف واقف فالمكتب ديالو كيدوز لنمرة صهيب ...الي جاوبو فالحين ... يوسف : افين ؟ صهيب : عاد غاندخل نكمل واحد الجلسة ونعيط ليك باش نرجعو لهيه ... يوسف : وعلييييه هي علاش غانسولك ... صهيب : واش عيطتي لالياس باش يجي ؟ يوسف : عيطت ليه قاليا غانجي بكري اصلا هضر معاه فؤاد غايجي بزز منو ... صهيب : الله يعز الحكام ...يلاه سير غادي نسالي ونعيط ليك ... قطع معاه ... وفي واحد الفيلا في افران بالضبط ...هي فيلا لواحد من الاصحاب الي غاينضمو الحفلة او العشران كيف كيقول الياس ...كانو هما عشرة دراري مجموعين ومعاهم ربعة البنات من الشلة ...ومن بينهم الياس ... عمران "واحد من الشلة " : افين ابا الياس مبقيتيش تعاود ولا هههه الياس : ماشي هاكاك ولكن مخاصني صداع ... نقز واحد اسمو خليل... خليل : دابا شراب ضربتي عليه بخطرة ؟ ايه. وغذا باليل الحفلة الي كاينة مغاديش تنشط معانا ؟ الياس : تت غانشط ولكن ماشي على حساب شراب ...دابا مغادي ندير والو راه كاين وكاينين خوتي والوليد كاينين عندنا ضياف جايين فهاذيك الليلة ...هاد الايام غا عفيني العشير ... خليل : وسمح ليا اساط الحفلة راه داكشي متخم البيرا والويسكي والفودكا حاضرين .. فيروز " بنت معاهم " : ونسيتي داك نوع جديد الي جا "بغمزة " ... خليل : ايييييييه والله ابا الياس متفلتو بالله ...عرفتي راه غير كاس واحد كترفع لسما ... الياس : خلي حتى تامن دنيا ونكون وحدي ونجربو منقدرش نغامر العشير ... خليل : هانتا دوقو وقولينا رايك ..."بغا يهضر الياس" ...تت غا دوق غير جغمة اصحبي وحس والله ميعيقو بيك نتا غاتكون طاير فسما ولكن قدامهم غاتبان كالم والحياة سعيدة ضايرة بيك وبرب الجليل ميحسو بيك تا راه كوكتيل مق** ... الياس : منزعمش والله الخو ... فيروز : ترجل اصحبي وذوق مالك ؟ كيقوليك مغايحس بيك حد جرب هاني شاربة منو قدامك عادي ولكن حاسا براسي فشكل ... خليل : لهاد درجة خواف اصحبي شوف شحال فعمرك ؟ الياس "عض على شفايفو مزيان كيشوف فيهم ويفكر " : تت ارا ندوق هاد العجب ... مد ليه كاس في كوكتيل مخلط من نوع خاااص جدا...يلاه حطو على فمو باش يدوق جغمة الكلب تكا عليه كلو دقة وحدة ... خليل : نااري اساط راه قلت ليك غير جغمة ...! الياس : ياك مغايدير ليا والو ؟ خليل : وجغمة مدير ليك والو ولكن كترتي لادوز العشير...وشوف حاول متمشيش ليوم ... الياس : شنوو ؟؟ راه كاين خويا الكبير من صباح وهما تيليفونات بغا يشوفني ...منقدرش "بدا كيحس بالدوخة ..." ... جايين فالطريق وكيهضرو ويناقشو واكثر شيء او الموضوع الاساسي هو قرار باهم ...بخصوص فؤاد ويامنة .... صهيب : دابا هو ساكت صافي سكت حتى نتا خلي هاد الايام دوز على خير جايين دار عمك مخاصنا بمشاكيل ... يوسف : كنقسم ليك بالله ويعاود يجبذ الموضوع حتىى نقولها لفؤاد ... صهيب : فكلتا الحالتين نقولوها ليه متعرف هاهو ساكت ساكت يقدر يمشي يديرها عند محامي ثاني ...مشفتيهش العشا مكيكملوش معانا الجو مشحون بيناتهم ... يوسف : شفت شااافت ...غادي نقولها ليه نتسنى غير حتى يمشيو دار عمي ونقولها ليه اصلا مجالسينش بزاف يومين وراجعين فحالهم وتاهو غايمشي ... صهيب : صافي مزيان ...اجي الياس ممشاش لدار معيطش ليك ؟ يوسف : عيط ليا قاليا هاني جاي غايكون مشا سبقنا ... متكي على كرسي فالمكتب ديال باه ...داير ايدو على راسو وايد شاد بيها الكارو مطحوطة قدامو قهوته كيف العادة...حال اللابتوب ديالو كيشوف اشنو رسل ليه ايلاف تما ...تگعد حتى طفا السيجارة فالطفاية وتقابل مع الشاشة كيدوز ويطابي ويقرا ...شوي كيصغر عينيه ويحك على لحيتو ...حتى طفا الابتوب سدو وناض هازو فايديه ...خرج من المكتب ومشا طلع لبيتو حتى حطو وخرج من البيت ... وحتى هي خرجات من بيتها من بعد مكالمة هاتفية بينها وبين صاحبتها وزهور الي كان مفادها ... زهور : وتي ها ردي لبال لجداك تمشي تزهق ليها شي كلمة ماشي تال تم شوفي كيدير معاها ... يامنة : معرفت ماما نجود قالت ليا عندها الحل ... زهور : ديك سيدة بعقلها معندك مناش تخافي...غا هو حضي نتي قلتي زمانك واعر ردي غا بالك ...شوفي كيديري معاها حنا راه حفينا وحنا نقولو ليها معندك مديري بسروال ... يامنة : ميمة غاتخرج عليا اهى ... زهور : كاين حل خور عطيها تقلبك وتاكد ياك نتي عند راجلك هذا المهيم هي قتلتها غا ديك نقطية بغات تفرح بيها والمصيبة الكحلة قالت ليك بغات ديرها فوق قالب سكار ودور بيها وتغني ... يامنة "حلت فمها لو كان بنادم فكرشها كان طاح ليها بصدمة " : اشنوو ؟. اويلي اهى ... زهور : وشوفي كيديري وجداك متقدري تنهيها ولا ترفعي صوتك عليها ولا تقولي ليها والو ... سارة : قوليها لبا مصطفى يهضر معاها بالعقل ... يامنة : اويييلي منقدرش انا با غايجي منقدرش نشوف فيه ... سارة : خههههخخ غاتشوفيه تفكري سفالة الي درتي وراه نههههه ... زهور : الله يمسخك ...يامنة بنتي سيري ربي معاك الي علينا درنا ابنتي راكي عارفاها واعرة حتى هي حاولي تقوليها لراجلك بالتي هي احسن متخبيش عليه عارفاك كتحشمي وليني هادشي ميتخبى شوفي معاه هادي نصيحتي ليك الى ساق الخبار هادشي من وراه ابنتي راه وخا يكون رطب را يجعر .... يامنة "بخوف " : اففف واخا نشوف ... قطعات معاهم وهي تحط الفون وخرجات من البيت مع خرجت مع لقاتو جاي لعندها ...حتى وقفت عند وجهو ... فؤاد "شاف وجهها ماشي هو هذاك " : مالك ؟؟؟ يامنة "كتلولب فعينيها " : واااالو ... فؤاد "صغر عينيه ورجع شاف فيها ونطق بصوت فحال كيقوليها بلا منعاود نسولك " : ياااامناااا ... يامنة : مكاين والو غير كنت كنهضر مع صاحبتي سارة وخالتي زهور الي قلت ليك عليهم حيث جايا ميمة وبا وكيوصيوني وبغيت نقوليك بالي ميمة م... فؤاد "قطع عليها الهضرة كيطلعها ويهبطها عاد انتابه لاشنو لابسة من صباح دخلات عندو لقاها جالسة وجلس حداها وناض وهي جالسة ومشات بلا ميشوفها وفي الفطور كانت جالسة مكانتش فرصة باش يقشع السروال الي مزير على سيقانها " : شنو هذا لابسة ؟؟؟ يامنة "شافت فلباسها بان ليها سروال وهي تشوف سيقانها مزير عليهم سروال وعازلهم...هزت فيه عينيها كترمش " : س سرو سروال ... فؤاد "خنزر فيها " : شنو قلت ليك على هاد سراول ؟؟؟؟ يامنة : د د هذا سرواااال ماشي كولون والله ... فؤاد : لبسييييييه فدارك فيها غير انا وياااك هادشي لابساه نهار كامل كتمشي وتجي بيه ؟ "حس براسو تشمت نهههه" يامنة "كتشوف فيه "... فؤاد "هز صبعو موجهو ليها " : داير ليك فوق خاطرك ... يامنة "حادرة راسها ومشابكة ايديها ...حتى طارت ونزلت من الغوتة الي غوت ... فؤاد : دااااااااااابا دخلي بدليه ياااااااالاه ... طارت دخلات لبيت تبدلو .... طارت من قدامو دخلات كتفتف بدلات السروال ولبسات هي بيجامة طويلة گاع فالازرق وواسعة شوي عاد خرجات وهبطات لتحت ... اما هو فهاد الاثناء مشا وصا نجود تجيب ليه قهوة كحلة وطفاية لطابلة الي فجردة ووصا كيف يجي يوسف وصهيب يجيو عندو وتعيط لالياس الي مزال مجاش على الوقت الي قاليه ... ماهي الا دقائق حتى كانت قدامو القهوة فبلاطو وطفاية كيف ما طلب ...كان ب بيل سماطي وشورط كحل لابس كلاكيط صبع فرجليه حاط رجل على فخدو لاخور بطريقة رجولية شبابية ...كيحرك رجليه بعصبية مصغر عينيه كيفكر فالمدى البعيد سارح بخيالو الغامض ...حتى لشوية وتمو جايين يوسف وصهيب كانو عاد دخلو سلمو على دار وكيف بلغوهم مشاو لعندو ....حتى وقفو عليه ... يوسف "سلم عليه " : خوياا ... صهيب "حتى هو " : خويا حبيبي ... فؤاد داير ايدو على لحيتو كيحك فيها ..حتى ضار على رقبتو ...طفا الكارو " : كي غاديا الخدمة ؟ يوسف : مزيانة الحمد لله كيف ديما متخممش ... فؤاد "شاف قدامو منخزر نطق بصوت خفيف " : داكشي مبقاش ديالي خممو غير لراسكم ... يوسف "تنغص خصوصا ديك مبقاش ديالي يعني وخا هكاك باقي مقلق منهم " : احم مزيان اخويا مزيان الحمد لله ... فؤاد "خبط بايدو فوق طبلة خبطات خفاف " : عيط لحمار علاش مجاش ؟؟؟ علاش كيقلب دابا ؟؟؟ يوسف : وقاليا هاني جاي كيحساب ليا جا قبيلة "هز الفون كيدوز ليه حتى " .... فؤاد : حبس "كان مفيكسي عينيه على سيارة الي دخلات كيشوف فيها من بعيييد ..عض على شفته السفلية واحد العضة غير لا اله الا الله "... ضار يوسف لفين كيشوف فؤاد ... يوسف "ناض " : انا غانشوفو علاش تعطل ونجي انا وياه ... مشا يوسف لعندو ... كان هو عاد دخل بسيارتو جاي ويدندن عقلو مرفوع لسما سابعة قدرو يضحكو عليه وعرفو كيفاش وهو محشمش وهادشي ماشي فصالحو ...ياما حدروه ياما خاصمو عليه ...والمشكيل لو جات غير فيوسف هانية المصيبة الكحلة هو انه الاخ الاكبر الي كيحكم فيهم وعاطيه باه زمام الامور يتحكم فخوتو وخااايب صارم معاهم وهادشي عارفينو انه في مصلاحتهم ...ضرور ميخرج شي واحد من جنب ... خرج من سيارة ديالو والي غير حفضو ربي متقلبات بيه وشاف الله من جيهته ...خارج كيدندن باغي يدوز من ورا الفيلا تلفو عليه البيبان جاوه ضواو كتاااار ... صهيب "كيغني فاغنية ليدي غاغا باد رومانس ... را را ااا روما روما مااا گاگا اولا لا ...اهء اعععع ....لاڤ لاڤ لااااااااڤااااااه ...اهء ... يوسف "جاتو ساكتة والمسكوتة ملي لقاه كيتلاوح ويغني ....": الله ين ناااري على لحمااااااار ناري اش بغا عندنا ...مشا ليه ... الياس "قرب ليه يوسف " : شششششت روما روماما را را فاكينغ بييييتش فااااكيووووو ..."شدو يوسف باش يديه ميشوفوش فؤاد تايوگضو ولا يلقا حل وخا مكاين بو حل الي عطا الله عطاااااااه ..... يوسف : ينعل ملت مك "عطاته بطرشة حتى كان غايطيح لو ما شدو حتى دفعو بايدو فحال الى صرفق حمار محاااسش ... الياس "خدام يغني ويضور يتلوى ": Walk-walk fashion baby, work it move that bitch crazy Walk-walk passion baby, work it I'm a free bitch baby .... بييي ت ش " ....وهاد بيتش قالها وهو كيضور مع ضورة جات كلمت بيتش فوجه فؤاد نيشان ...الي كان الفك ديالو كيتحرك وعاض على سنانو ووجهو مكيتفسرش ..." المبدا الي مربين عليه اولاد رمسيس وهو ان الاصغر يحتارم الاكبر ويخاف منو ...يمكن هما ضاصرين على باهم ومفششهم وراخي ليهم سمطة من جيهته من صغر لااااكن مزاعمينش ومضاصرينش وخابفين خوف رهيب من خوهم الكبير الي محتارمينو لدرجة مكتصورش وحاسبين ليه الف حساب وعاطينو احترام فشكل عينيهم مكيهزوهمش فيه ...فارض عليهم هيبة كبيييييرة ...غير تحنحينته كتبث فيهم الخوف .... لكن باش دير شي منتيف ولا زغبك الله ودرتي شي زبلة لا يحمد عقباها ف حتى مسؤليتك مكتبقاش قادر تحملها قدامو هههه ....وباش دير شي حاجة الي هو مانعك عليها وخط احمر ف حتى انك تفكر تشرح معندكش هاد الحق ...وكيفاش غايدير الياس الطايش الي سن ديالو ديال شاب ممكن يدير عقلو وهو باقي فيه فعايل المراهقة ...والمصيبة الاكبر خووه كاين ...وجات قدام وجهو نيشان ...وتقول كلمة ..انك تجي معطاااااال هانية انك تجي فديك الحالة نقولو مغاديش تفلت من سلخة وخا غا من يوسف ولكن تجي معطل سكران مبلط بالبيان وكان خوك وتجي لوجهو نيشان تقول I'm a free bitch baby فهاذي لا يمكن انك تضمن راسك اشنو غادي يوقع ليك من بعد .... يوسف فهاد اللحضة دار ايديه فوق راسو كيطلب سلامة ويحسبن ...الياس كمش وجهو وغمض عينيه حيث عارف شنو غايوقع ويستاهل ... الياس "كيرمش في فؤاد باقي ممستوعبش شنو كيدير محاسش بالخوف حتى احساس مكاين من غير انه حاس براسو كاين غا هو وليدي غاغا والهضرة من سمطة لتحت ": شكوووون نغ نتا ؟ فؤاد "عضضضضضضض على شفته السفلية واحد العضة غير لا اله الا الله وصافي ...عروق نواضرو بداو كيبانو من كترت معاض على الفك السفلي ...يوسف معرف واش يتدخل ولا يمشي يجر الحمار ولا يهدن فؤاد .... فهاد اللحضة ميقدرش يهدنو وممنوع يتدخل فيما يخص الامر كل واحد فيهم ميتدخل فيه هو الي عارف شنو كيدير وهو مول الكلمة ...مبان ليه غير يغمز صهيب باش يدخل يقولها لنجود وتشوف باه واش فالمكتب ديالو ولا فصالون كيتفرج .... ضهيب فهمو ومشا تسحب دخل لداخل خلا غير يوسف والياس ... الياس : نغ نغ تا قول شكون نتا ينعل يماك يا....مزال مكملش هضرتو حتى حس بضو ضرب ليه بين عينيه ووجهو تقسم على زوج وقيلة ... كان فؤاد فديك لحضة حك على لحيتو وطرطق عنقو مزيااان حتى تسمعت طراااق طراق ...ونزل عليه بروسية حتى جا مليوح مشبح وعينيه مغمضين ... يوسف "تحنى عندو يقلبو حتى طار ونزل من الغوتة الي غوت فؤاد " ... فؤاد : دييييييييي عليا الحمار لهيه "على الملحق " ...تانجي دااابا ...داااااااااابا تحااارك ..."خنزر فيه بواحد النضرة خلات يوسف يهز الياس ويجرو حتى لملحق ... مشا فؤاد بسرعة دخل لفيلا منير لعرق بدا كيهبط منو داز على راوية ومشا دخل لكوزينة وخرج من واحد الباب ودخل لواحد البيت جنب الكوزينة ... فهاد اللحضة داز من حداهم فحال البرق الي ضرب كيبان غير شي حاجة بيضة مخلطة بالكحل ضربت فيهم ... راوية "دخلات لكوزينة عند نجود ومعاها يامنة " : فؤاد ؟ مالو ؟ ... نجود "دايرة ايدها على فمها وكتولول ..." ياربي سلامة يااا ربي سلامة ...بنتي راوية سيري شوفي باك شغليه فالمكتب ولا الى فبيتو بقاي تهضري معاه باش ميخرجش راه مريض الزغبي ... راوية : اشنو واقع ... نجود : ماااااشي وقت الهضرة دابا ...طييييييري مشات راوية كتجري ونجود ضارت جيهة يامنة لقاتها كترمش وطل على جيهة فين دخل فؤاد حتى تم جاي خارج وهاز فايدو واحد زوج ميترو ديال القنب فايدو ...ولفك ديالو كيبان من بعيد كيتحرك ... نجود "بغات ترطب " : ولدي الله يرضي عليك انا مزااااوگة غير خليه تال صباح و..."مزال مكملتش حبس وضار منير عينيه فحال نسر حمريييييييييييين وهاد نضرة اول مرة تشوفها يامنة الشي الي خلاها تكحاز وتخشا ورا نجود وتكمش ليها فدراعها ... هاد النضرة عمرها مشافتها يامنة نضرة اول مرة كتشوفها فيه وهاد النضرة حتى فاش ضرب ماريا قدامها مكانش كيف دابا يعني ان ديك النضرة فاش كان كيضرب ماريا او الرجال ديالو حيث مكانوش كيهموه كانت نضرة عادية بالنسبة انه ميخسرش عليهم اعصابو وفوران دمه ...ولكن هاد النضرة الي بانت عليه فهاد اللحضة ماهي الا نضرة غضب فغضب ...شخص كيهمه ... شخص من دمه ولحمو شخص تحت جناحو الي هو حاميه من دياب الي عايش معاهم وفوجههم الشخص الي من احد الاشخاص الي هو مسؤل عليهم وامانة من امه ولازم يحافض عليه باش ميطيحش فشباك الحرام ويتبع ملذات البلية ورفقاء السوء ...حس براسو ضحك عليه وشمتو او بمعنى اخر معاروش اهتمام ومتسوقش لسلخة الي عطاه من قبل وتحديراته ... فؤاد "قرب ليها حتى قرب وهز صبعو كيوجهو ليها ومعناه ماااتدخليش ...ضرب ضورة بزربة وخرج فهاد اللحضة مشات كتجري تبعاتو ويامنة الي معرفت باش تبلات وخا هكاك ولات تبعاتها تشوف شنو كاين خاصة بلغ صهيب نجود باشنو واقع ... خرج هو منير كيحك فلحيتو ويطرطق فالفك ديالو غادي بخطوات سريعة عضلات تورمو ...مشا لفين قاليه ديه ...لقاه واقف عليه كيفيق فيه ...لاح القنب الي شافها يوسف وعينيه طاحت عليهم ضبابة ...ضار بجهد خرج جر تيو ديال الما ومع كان طويييل خاص بجرادي الكبار دغيا دخلو لطوالة فين مليوح الياس الي باقي طايح كاو بروسية الي عطاه ..... كان يوسف وصهيب واقفين حدا الياس مقدروووووش يهضرو حادرين راسهم ... صهيب "هز عينيه شاف فيوسف الي كان عينيه على الياس الي طايح وعينيه مخنزرييييين حجبانو راسمين حداش كيشوف فخوه حتى هو بغاها فيه باش يتربى ...ضور عينيه جيهة صهيب لقاه حتى هو مغوبش كيحك على لحيتو وعنقو بتوتر وعصبية ... فؤاد "فمو مكزززز عينيه مكيرمشوووش هاز تيو وحلو حتى طار الما على الياس وكحاز صهيب ويوسف مشاو عند الباب ..." ... الياس "كان باقي مغيب غير تخوا عليه الما وهو يحل عينيه بجهد حتى تسمعت شهقة وسط الما كيتخوا عليه " : هيييييييييي اقح مخكحخ اغغقققث ...شك شا شنو ه ...اغتننن ..."مقدرش يهضر والما كيتخوا عليه كحاز عليه وفؤاد تابعو بالما حتى قربت روحو تخرج ووالو معتقووووش .... الياس "روحو بغات تخرج النفس قطعها فيه مخلاش ليه منين يتنفس " : هييييييييق غاان غ قخ قخ هيييييي "كيشالي بايديه بغا غير يتنفس والو عينيه خرجو كيقلبو على منفذ الهواء باش يتنفس كيتحرك والو فؤاد كان كي الزواق مع كيبغي يتحرك كيغفلو حتى صافي .... صهيب ويوسف تكحاز تيساع وخلاوه هو وياه ... صهيب " بصوت خفيف " : غااايقتلو زغبي عتق .. يوسف : غزا فملة موو غزااا فيه صافي... صهيب: وراه تخنق يعطيه غا فين يتنفس ... يوسف : سكت لا يسمعك يضخلطك معاه هني سوق دابا ..هو عارف اش كيدير ... كان الياس صافي قرب يمشي ويغيب ...وهو مزال كيخوي عليه فالما ... فؤاد "سد تيو لاحو مشا ليه لقاه كي جرتيلة بالما عمرو كامل ما ولا كي المش الي مخوي عليه الما وروحو بغات تخرج عاد كيقلب على الهواء باش يجمعو وجهو ولا زررررررق وفكو حتى هو ...يلا غايتنفس حتى شدو فؤاد من الكول وهزو لعندو مكيدوييييش ...هز ايدو تا لسما ونزل عليه وسط لوجه بضهر ايدو حتى تسمعت ضربة ...وطرشة مع الوجه فازگ كتكون حااااارة .... في هاد الاثناء كانت راوية مشات لعند باها تلاهيه باش ميسولش عليهم او حتى يخرج ويحس بذنيا ماهياش ...واصلا فؤاد فضل يديه لملحق باش يتفاهم معاه على خاطرو بلا ميحس باه حيث الملحق بعيد شوي على لفيلا مغايحس بوالو ..اطمانت عليه ووصات يجيبو ليه عشاه لعندو حيث كان طالع ليه ضغط شوي ووصات بلعاني يجيبوه ليه ويكون غير شربة خفيفة منها يبقا فبيتو مرتاح ومنها ميحسش بالصداع الي نااايض حاليا فالجهة لاخرا .... رجع جارو من الكول وداه هكاك مشروط نصف فايق ومدوخ باقي فيه تاثير داك الشراب ...جارو هكاك من الكول وخا طويل تاهو ومگضر ولكن مجاش قدام تگلضيمة وتگضيرة وصحة فؤاد الي حتى هو مراعاش لراسو ولا لجنبو الي كيوخزو ويحرق فيه وهو معايروش اهتمام الغضب الي فيه وجنون الي راكبينو كانو مغطيين على هادشي ... دخلو ولاحو فلاصال ديال فيتنس الي عندهم فديك دار ديال الملحق هزو حتى هزو ولاحو بجهد كيبان ليك فحال شير بيه حتى تلاح وجا منخرو على قنات واحد لاماشين ديال لحديد حتى طوش دم ديالو .... فؤاد "من ديما ومن طبعه مكيهضررررررش مكيعبرش بالكلام ايديه وحركاتو وانفاسو الي كتخرج شخوووونة هي الي كتعبر على البركان والفوران الي فالداخل ديالو " .... فهدا اللحضة جات نجود كتجري هي وراوية بعد ما تاكدت على باها وخلاتو في بيتو ...دخلو لدار ديال المحلق ... يامنة جايا موراهم بشوي وايديها كيتشابكو مع بعضياتهم قلبها كيضرب فور مسمعت شنو قال صهيب لنجود عرفات الياس كيتفاهم معاه فؤاد ولكن باش تشوفو كيضربو هادي عمرها شافتها وعمرها مشافتو بدوك نضرات وديك نضرة الي دار لنجود باقية بين عينيها ... تبعات نجود جايا بشوية حتى وصلات عليهم وعينيها كيشوفو في دراري واقفين يوسف الي كيضور ويحك على رقبته بالاعصاب صهيب الي واقف مع مو ممخليهاش تدخل لعند فؤاد لا يصدق مخلطها وراوية الي كتسمع فتشتات الي تما ... يوسف " كيضور ويحك يحك ويضرب برجلو ويدفل مع ضورة الي ضار هز عينيه بانت ليه يامنة جايا بشوي كتخطوي وعينيها على الدار ونجود وراوية باينة فيها حاسة بالخوف وصدمة على محيااها ..." مبقا عرف ميدير مكاين اصلا ميدير ضار باش يهضر معاها حيث شافها مخلوعة حتى طارو ونزلو كاااملين من اثر الغوتة الي غوت الياس ... مشات نجود كتجري دخلات هي ويوسف وتابعاهم راوية وصهيب ...طلو على لاصال حتى بان ليهم مغط شاد كرشو وفؤاد كقبس فيه وسط كرشو حتى كتسمع زوية ...والياس كيغوت ...كيهز فرجلو وفنما جات يعطيه كان فاير لواحد درجة متصورش ... الياس : اااااععععع صافي اخويا صااافي سمح ليا سمح ليا اااااااااعععع ... فؤاد "هزو من بعد ما نزل عليه شنق عليه من لكول وزيييييير عليه حتى تقج بالمزيان وعينيه خرجو ....نطق بغيييييييض " : شرااااب الحمار باغي تبلى الكللللللب ...اااااااا "عينيه مخنزريييييييييين فيه بنضرات ناااااارية ... الياس "كيقلب على نفس ثاني " : هيييييييييي قغغغغ س هييييييييييء سمح ليا ان...مجا فين يضهر حتى ضربو بجنب راسو وزاد دم منخرو طوش ..." ... فؤاد "بصوت قوي و مرعب " : حماااااااااااار ..."زاد قربو ليه دماياتو دايزة من فمو ومنخرو " ....علاااااش ؟ بغيتي تكون فحالي الكلب هضااااار اااااا ؟، الياس "حدر راسو ملقا ميقول حيث حدرو ياما حدرو وياما هددو باش ميمشي فالطريق الي مشا فيها فؤاد وكانت عواقبها خايبة وهي الي لاحتو العالم الي فيه هو دابا مبغاهش يكون فحالو بغاه يكون حسن منو ويعيش عيشة نقية ماشي في مستنقع .." دفعو دفعة خاااايبة حتى جا مشبح ثاني من كترت ضرب ومزال دايخ بشراب مبقاش قدر يوقف وهادشي كامل تحت المسامع ديالهم ... عز عليهم الياس وخا عارفينو يستاهل وفنفس الوقت عز عليهم فؤاد الي لاحضو فيه انه حس براسو مقدرش ومنجحش فانه يضبط خوتو ... كان منضر بالنسبة ليهم مرعب كيشوفو وكيسمعو فغوات الياس ومقادزنيش يهضرو ولا يتحركو وميقدروش طالما كاين ماسك زمام الامور الي حس براسو فلت ليه فهاديك اللحضة مكرهش يتيري فيه وسط راس وميرحموش ...انه يشوف خوه شارب ومبلي هادي هي نقطة ضعف فؤاد اكره حاجة عندو خوتو يحطو في فمهم الشراب ديما عندو مبدا كونو حسن مني انا طالما هما تحت جناحو جناح الي لاقي عليهم دياب ...مبغاهمش يكونو فحال كيف سبق الذكر ...ولكن الي محاسبش ليه حساب هو واحد الملاك بريييييئ كان خاصو يتحكم فتصرفاتو ويحاول يكبح الغضب ديالو ويدير بالاعتبار ويمشي على تخطيط الي مشا عليه معاها وهو مسالة الشوي بشوي حتى تعرفو بكلشي ليه كي كيحاول يحفض تفاصيلها وطبعها .... الي كانت واقفة جنب الباب وراهم ...كطل عليه كيعذب فالياس ...والي كان كيحساب ليها غير غايتفاهم معاه ولكن معارفاش ان تفاهم فؤاد مفيهش الهضرة ... مشا لواحد السطل عمرو بتيو ديال الما وغطس فيه القنب قدامهم ...هنا نجود شدت راسها ومقدرتش مزال تصبر مشات والي ليها ليها عارفاه كيقدر يتحكم فراسو وميقللش الادب ديالو معاها وجربتها عالله ... نجود : فؤاااااااااد لا لا اولدي الله يرضي عليك نتا مول العقل الله يخليك اولدي ... فؤاد "ضار ضورة تاني بنفس النضرة ": واااااا لييييييييدة بعدي بااااااااعذي "صدرو كيطلع ويهبط العرق هابط عليه ..."هز عينيه ف يوسف شير ليه بعينيه بنضرة جرررها من هنا ... فؤاد "غوت بجهد وصوتو تسمع على برااا حتى وقف العساس كيطل ...." : خرجووووو علياااا براااااااا كااااااااالكم جا يوسف بدون تردد جرها من حداه حيث عارفو غايقدر يغلط ...جارها وهي كتبكي ...غادي مخرجها من لاصال ضار جيهة الياس لوا القنب الي كانت ثقييييلة بالما وهزها تالسما ونزل عليه بيها حتى غوت لربي الي خلقو ...كل ضربة كيخلي ليه الاثر وينزل عليه برجلو ... الياس : ااااااااعععع الله يخليك اخويا رحمني رحمنيييييي ... فؤاد "والو فحال الصمك صافي مااات عليه كيهز القنب حتى لسما ويخبطو بيها حتى يغوت حتى صافي خارت قواه وبحمو كلو تزوق بقا عليه ينزل حتى ايديه تنقخو وتزوقو وتا حد ميقدر يهضر ...هذا هو الحل عارفين فؤاد اش كيسوى...الياس ممخصصوش خوه من تاحاجة مانضتو في حسابو ديال البنك سيارة جديدة الي حل عليها عينيه فور ماخذا ليصنونص شرا ليه سيارة الي بغا خاطرو عن طريق يوسف كانت هادي توصياتو ليه ... ومواعدو فاش ياخذ الماستر بوسط ديالو فشركة والى مبغاهاش يعاونو فاي خدمة بغا ويسافر فين بغا ودار بسميتو فقط طلب ديالو هو يشد طريق المستقيم حتى ولو ميصليش المهم يبعد على الحرام الي مبغاهش يطيح فيه ... فهاد اللحضة خوتو من شافو هادشي في نفسهم كيقولو ...حرمو الشراب عمرهم ميقربو ليه ... في كل ضربة يامنة كانت كتسد ودنيها قربات وهي تجي عينها نيشان على الياس الي وجهو خسر بدمايات والكدمات ولمحت دمعة من عينيه هابطة فهاديك اللحضة عز عليها ومعرفتش كيفاش حتى غوتات لربي الي خلقها حتى ضارو كاملين جيهتها .... ضارو كاملين جيهتها ...نجود الي كانت كتبكي وتزاوگ في فواد من بعيد وصهيب والياس الي شادينها وراوية الي حتى هي كتبكي ومقادراش تهضر جات بين خوها وخوها ... يامنة "غوتات لربي الي خلقها ...واش خوف واش عز عليها الياس نيت بديك النضرة والدمعة الي نزلات واش الخوف وداكشي الي شافت ونضرة فواد الي عمرها شافتها خلعتها منو واش واش ...." : لااااااااااااا اهى اهى لاااا عفااك .... فؤاد "وقف وغمض عينيييييه خرج لسانو وطواااااه ...ضور راسو بالعرض البطيييييئ باش يشوف ف يوسف باش يجرها ما حتال يقولها ليه بعينيه حتى لقاها كتجري مخطياهم وجايا كتجري لعندو بواحد الطريقة حتى وصلات لعندو وبدون متردد تلاحت عليه عنقاتو من لور وضورت ايدياتها المنقوشين على كرشو كتنخصص وتبكي .... يامنة "كتنخصص" : ع عفا عفااااااك مضربوش الله يخليك والله حتى ضريف عفاااك ...اهى اهى اهى .... نجود "شافت فيوسف " : ولدييييي جرها راه غايفوت فيها شي ضربة راه كتعما ليه البصيرة ... يوسف / يامنة ...مشا ليها باش يجرها من وراه وهي والو واش بغات تفرق عليه ...وهو واقف صدرو كيغلييييييي زاد تنفخ ...بيل الي لابس لصق عليه بالعرق ... حل فمو كيصوط يصوووط يصوووووط ...والياس صافي مبقاش قدر يهضر زال عليه مفعول شراب وبدا كيسترجع شنو كيوقع بصح ...عاد سرات معاه شنو والي واقف فوق راسو ولكن باش يهضر ولا يحرك مبقاش قادر عينيه عليهم ضبابة ووجهو مبقاش كيبان بكترة ما تنفخ اما ايديه ولاو مورمين بضرب وشحيط ذاتو كتزدح وصداع بدا كيرجع عليه ...هادشي كامل ليه دوا ولكن شمتة الي حس بيها فؤاد والي سنين وهو كيتقاتل ويحارب ويعرض حياتو مئات المرات على ودهم متقاسش فيهم شعرة وميخصهمش خير وميعيشوش الحرمان الي عاش هو هاهو شبه تضرب ليه فزيرو .... فؤاد "ساط نفس سخوووووونة وزفر بعمق خرج شوي من النفس الي واحلة ليه فصدرو ...ووخا عيان لمسة منها قدرت شويييي غا شوي تهدنو نوعا ما باس قدر ينطق هاد الجملة وخا وسط الغضب والبركان الي ثاير فيه نطقها ولما لا وهي ولات كتجري فالعروق ....قبط ايدها باسها وعينيه مغمضين وحجبانو معقودين واحد الوجه لا شفتيه تعرفي اخرتك هي هادي ....حيد ليها ايديها ونطق بلا ميضور....وخا جاعر نطقها وخا مغلغل واصل لافان نطقها " : عمارة داري سيري من هنا ...سيييييييييري .... نطقها وهو كيشوف لهيه وعاطيها بضهرو ...حيد ايديها وجرها يوسف من تما خرجها من لاصال من بعد ما صهيب خرج نجود وراوية ودخلهم لفيلا بزز باش لا خرج الحاج مينتابه لوالو ...وهو رجع كيشوف ف الياس ...هزو تاني من الكول وحيد ليه داكشي الي لابس خلاه غير بالبوكسر ولاحو جسم ديالو كلو ضرابي كامل مزوق ومورم ليه وما ادراك ما شحطة ديال القنب فازكة اضافة الى ضرب وجرح ويعلم الله يقدر يكون مهرس من شي قنت .... فؤاد "دفل عليه وشاف فيه بواحد النضرة الي جامعة معنى ديال يا خسارة ....خرج من لاصال وسد عليه بساروت ...لقا يوسف هو ويامنة واقفين ... فؤاد "شاف فيوسف وهز صبعو بتحدير ": وياااااك تحل عليه وياااااك "غوت حتى قفزت يامنة " ...تحاااااال عليه متلوم غير راسك يومين ميدوقش الماكلة سمعتيني "خبط واحد الفازة كبييييرة قبسها برجلو وغوت تاني حتى قفزت تاني وغوتت " سمااااااااعتيني ؟؟؟؟؟؟؟ يوسف : وا واخا كون هاني ... فؤاد "غزغز سنانو بالمزيااان وخرج ..." ... يامنة : فؤاااااد ..."كانت كتبكي بغا تبعو ومخلاهاش يوسف بغات تبعو وهي الي عارفة علاش ...لاحضت شيء الي هما ملاحضوهش شيء الي المراة الى كان راجلها هو عينيها كتلاحضو المراة الي عارفة اسرار راجلها كتعرفو المراة الي كيهتم بادق تفاصيلها كتعرفو ...وكتهتم بادق تفاصيله ...العشرة والحب الي بيناتهم والي جمعهم خلاها تلاحض واحد الحاج الي هما ملاحضوهاش .... مشا هو خارج صدرو كيطلع ويهبط زام فمو بغضب ...خرج من الملحق عينيه منيريييييييين ....دخل لفيلا من حداهم حتى حسو ببرد سخووووون داز من حداهم ...طلع البيت ديالو فدروج وكل درجة كينقز ربعة ....حتى مشا لبيت ديالو ودخل ليه .... فهاد اللحضة كانت يامنة كتنتر من ايدين يوسف الي حاكمها مبغاش يطلقها .... يامنة : اهى اعى عف عفااااااك عفااااك ...طلقني خليييني نشوفو عفاااااك اهى .. يوسف : يااااامنة متمشييييش عندو راه غايدير فيك شي حاجة منضمنش ليك راك شفتيه هو الي قاليا بعدها ...متعصبييينيييش ... يامنة : ولااااااا اهى اهى ....عفاك راه مزيض اهى ... يوسف "ترخف " : كيفاش ؟؟؟ يامنة غا رخف عليها يوسف وهي تحتيها بجرية معرف باش تبلى طارت من قدامو كي زواق غاديا وتنقز تنقز ....حتى دخلات لفيلا كتجري ويوسف تابعها دازو عليهم حتى ناضو كيشوفو ... يوسف : ياامنة ...تتت تفووو صداع صداااع ... مشات كتنقز طلعات مع دروج ومشات كتجري لبيت ديالو معارتهمش اهتمام متسوقتش حيث عارفة علاش غاديا ....كان هو فهاد اللحضة الي لقاها قدامو كيهرسها ...تجنن باغي يغوت بحر جهدو تعصب ملقاش الي تهدنو ....والبيت ديالو حيوطو مكيسمعوش مسمعوهش راه كيشخشخ ...حتى حلات البيت ومشات كتجري لعندو وداكشي الي لاحضت صدق فعلا ...كانت لاحضت نقيطة دم فجنبو لكن من دخلت لقات جنبو كاااامل عامر دم وهو مجنن كيهرس ... يامنة : ج جنبك اهى اهى فو...سلاه بغات تمشي عندو حتى ضار هو بجهد ... فؤاد "مشافهاش فهاد اللحضة عينيه معميين لواحد درجة وودنثها صماكو ...ضار ضورة بجهد بغا يقبس حتى هز رجلو وجاتها نيشان وسط الكرش لاحتها فلارض حتى تسمعت زدف وايدها طاحت عليها ملوية وتسمعت طرااق .. في حالات الغضب ديما عينينا كيتعماو وخا تكون غي حاجة بسيطة عينينا كيتعماو عليها ممكن نتلفضو بكلام جارح ممكن نتصرف تصرف غالط وممكن جدا اننا نتاخدو قرارات غاااالطة او بزاف ...في حالة فؤاد احساسو بالشمتة ان واحد من زمام الامور الي كان ماسكها وخا هو بعييييد عليها فلت ليه من بين ايديه ولو زاد شوي كان غايكون حاجة اااخرا ....حس بالشمتة احساس فشكل صعرو بالمزياان حتى تجنن مبقاش مديعا لا فراسو لا فالي ضارين بيه لا فجنبو لا فعمارة دارو على قوله هو ..... والي مكانش حاس براسو شنو كيدير حتى داز داكشي فحال البرق بالنسبة ليه ومشافش اشنو كيضرب وفين يرب وشكون ضرب ....غير كيشتت ويهرس معرف يبرد غذايدو فتهراس الكماية حتى شراب الي كيهذنو هو اغلبية مكيشربش فدارهم بالذات ...كانت حالتو ماشي غير بركان وانفاجر ... شي حاجة الي بنادم مخو تيوقف عليها ...لدرجة ضرب اعز شخص عندو الملاك ديالو ضرب النور الي فطريقه والبرائة الي افتاقدها فحياته ...ضربها وهو ماشي فهاد العالم ... هز رجلو بدون شعور باغي يضرب شي حاجة الي جات قدامو ولكن مع الاسف وقضاء الله جعلها تجي فيها هي نيشان ... يامنة "جاتها ضربة فالكرش حتى تلاحت فلارض وايدها جات فلارض ملوية وتقلها كلو طاح عليها حتى تسمعات طراااااق مع زوية الي قبل منها " : اممممممممممممممممم .... كانت هادي اخر حاجة تسمعات من فمها قبل مطيح وتفقد الوعي ديالها دقة وحدة ...واش الم الايد واش زوية واش الحركة المفاجئة واش الخلعة الله وحده العليم بذلك .... هاد اللقطة دازت على عينيه هو ضبابة مفاق غير وهو مكوانسي وعينيه خارجين فيها ....معرفش كيفاش واش وقع حتى لقاها قدامو طايحة ايدها ملوية تحت منها ورجليها وحدة مسرحة وثانية مطوية ...وراسها ضاير لجيهة لاخرا. وعويناتها مغمضين ...هاذشي كامل تفحصو قبل متبدا ترجع معاه تدريجيا ويستوعب شنو دار ... حس بضربة الي ضرب حس بالي ضرب جسم رطيطب ماشي قذ رجليه حس بالي شي حاجة حية كيان تضرب وبرجليه ... فؤاد "حط ايدو على جنب الكوافوز متكي عليه تيشوف فيها ويرجع راسو فراسو ويرجع انفاسو كيسمع غير زنننننننن في راسو وودنيه كيصغرووو ...الفم ديالو تشل ...عقلو بدا كيعطيه اشارات بالي قتلها وهي ميتة عقل كيقوليه جري قلبها وعقل كيقوليه نوض طير بيها ....نطق اسمها بين شفايفه بشوية بصوت خفيف وبحروف متقطعة كيصرط ريق " : ي ا ي ا ي ا م ن ة ...ياامناا... الغضب الي كان فيه تحول لخوف رهييييييييييب اول مرة يحس بيه فحيااااتو ....خوف فشكل جميع الافكار سيئة تصورات فبالو الشي الي خلاه يفيق ويططططيييييييييير لعندها كانت حدا الباب ...تحنى لعندها وهز راسها دارها بين دراعو وعند صدرو محاوطها وهي لاااوية ....كيقيص فحناكها .... فؤاد : يامنة يامناااا يامناا ... قلت لييييك سيري ؟؟ علاش مكتسمعيش ااا ؟ ...يامنة يااامناا ..."هبط لعند عنقها وخشا وجهو فيه باسها وطلع لودنها ونطق ليها فودينتها " : غزااالي ..."تخلطت ليه روسية مع العربية" ... مويا يوبوش باجهالويستا ..."حبيبة ديالي عاافاك " .... كان هازها بين ايديه وهي مجايبة لدنيا خباار ...حضنها بين درعانو وطلعها اكثر ...كيبوس فراسها ويعيط بسميتها واكثر الاسماء الي كيعيط ليها بيهم قالهم ....تلفت بيه دنيا ولارض بقا لاصق غير فبلاصتو فبلاصة ميديها يطير بيها بقا غير حاضنها وخاشيها فيه ...مااا فيقو من هادشي كامل غير عينو الي مشات نيشان لايدها الي جنابها ضايرة بيهم الحمورية وبضبط عند المعصم ...عينيه خرجوووو فيها وهنا رجعت بيه ذاكرة لطرطيقة الي سمع وهو كيحساب ليه غير من داكشي الي ضرب .... حتى جاو كيجرييييو تابعين نجود الي سمعت غواتو وجات كتجري اما هما كانو خايفين يطلعو لعندو ...وصلات لعند الباب لقاتو محلول وخيال رجلين حداه حتى وقفت عليهم ولقاتهم فداك الوضع وهو خاشيها فيه وهي مغااايبة ولاوية بين ايديه .... نجود : الله ياربي الله ياااربي الله اش وقع اااااش وقع ؟؟ فؤاد "مشافش فيهم باقي راسو مصدوووم ممستوعبش " ... يوسف "ولا يتفتف هو الي خلاها فلتت من بين ايديه معرف واش يخاف على راسو ولا يخاف على يامنة ولكن الخوف الاكبر كان هو الي على يامنة ...." : فؤاااد خويا يلاه نديوها لكلينيك دغيا .؟ فؤاد "هز فيه عينيه ودار فيه واحد شوفة ديال لومة ويوسف فهم انه امنها عندو ومحافضش عليها الشي الي خلا يوسف يحدر عينيه باسف ....واحد شوي حتى ناض ونوضها بين ايديه " : حيدو من طريق "بصوت مبحوح وعينيه مخنزرين وحمريييييين " .... رواية "عينيها دايزين بدموع ...قشعات ايدها الي تنفخت " : خووياا ايدها معرت مالها ديها دغيا عاااافاك .... نجود : اوييييييييلي على بنتي ويييييلي ...يااامنة ... صهيب : انا غانهبط نديماري طموبيل ونحل ليك الباب دخلها نيشان "مشا هبط " .... نجود : اش وقع ليها ااااش ؟؟ ....هي مزاااال كتهضر … غوت بحر جهدو حتى قفزو كاملين ... فؤاد : تحاااااااااااااااايدو عليا من هنااااااا .... حيدو من قدامو وداز غادي بيها بين ايديه كيطيييييير ....هبطها فدروج كيجري وايديتها المضروبة كتمشي وتجي فالخوا ....داز وللاسف الحاج كان فهاد اللحضة خارج من بيتو حيث سمع غوات فؤاد الي كان واصل بحكم كان عند الباب ديال بيتو والبيت محلول .... الحاج : اش واااقع ؟ "شاف يامنة هازها بين دراعو " ...يامنة ؟؟ اش واقع ليها ... فؤاد "مردش ليه البال معرفوش واش كاين كاع خرج بيها نيشان لبرا ....لقا صهيب حال ليه الباب لوراني غير ركبها وتخشا حداها دايرها فوق حجرو ومعنقها بين دراعو ....ضار صهيب لبلاصة مدارش سانتيغ دغيا كسيرا وطار بيه باقصى سرعة لكلينيك " .... كان هو فهاد اللحضة يامنة بين ايديه مشافوووش جنبو الي كان كينزف كان محاوطها بواحد طريقة ضرگات ليه جنبو وحتى هو محاارش فيه ....بقا معاها معنقها وصهيب مكسيييير باقصى سرعة حتى كتبان طموبيل كتهز مع الحفاري او ليضوضان الي فطريق .... في هاد اللحضة يوسف ومجود وراوية طارو مشاو يلبسو الي كان عليهم ويتبعوه ....غادين دمعة محابساش من عينيهم وخاصة شافوهم فداك المنضر كيقططططع القلب منضر فشكل ولو كنتي حجرة تبكي ...الخوف الي شافو فيعينين فؤاد وخا كانو نضراتهم قاسيين الا انهم كانو كيبينو خوف كبييييير وحزن ...اول مرة يشوفو هاد النضرة فعينيه ...هبط يوسف هو لول يتسناهم حتى تمو جايين كيجريو بغاو يمشيو حتى وقفهم صوت الحاج ... الحاج : اشنو واااقع ؟ مالها يامنة ؟؟ نجود : ااا الحاج ! والو غير طاحت على ايدها داوها دراري لكلينيك يشوفوها ليها ... الحاج "بحزن نطق وصوته فيه نبرة حزييينة " : ضربها فؤااد يااك الحاجة ضربهااا ؟ نجود "تفزعت " : ااا الا يا .... يوسف : الا الوليد مضربهاش كون ضربها بغيتي تلقاه هازها ونتا عارفو الى فرشخ شي حد مكيعقلش عليه واش مضروب ولا ميت ... الحاج "بعدم تصديق " : ديييوني معاكم ... راوية : بابا حبيبي غير بقا غادي نعيط ليك فتيليفون ... الحاج "غوت حتى كان غيطيح كان غايشدو يوسف " : قلت دييييييوني معاااكم .... مشا صهيب طااااير بسيارة ميقدرش ينقص كل ملقا الفرصة يزيد فسرعة عارف فؤاد غايجندخو ولا يغوت ولا يعرعر باش يزيد فسرعة فهو من الخوف هنااا راسو ....ليلة تاني اخرا في الجحيم مع فؤاد ليلة اخرا فيها زوج ديال ناس وصلتهم النوبة هاهما وصلت ليلتهم ... يوسف قبل ميمشيو مشا بلعاني جيهة الملحق طل على الياس لقاه مكمش بين رجليه وعرياااان ...تاكد انه فايق وخا مشخشخ ومشا بجرا لسيارة ركب وديماارا فاتجاه الكلينيك يلحقو عليهم ... فرانا صهيب يجهههددد حتى تسمع الفران وصارو ناس ...كان صهيب معيط ليهم كيف وصل لقاهم واقفين بنقالة كيتسناو غير وقف خرج وحل فؤاد الباب بزربة مخرجها كي حطها ليهم فوق نقالة طااارو بيها ....شرح ليهم صهيب شنو وقع لايدها الي كانت. تنفخت بزااف ...دخلوها لمستعجلات .... عاد شوي حتى تمو جايين كاملين ومعاهم الحاج ...كي وصلو لقاو فؤاد واقف متكي على باب المستعجلات صدرو منفوخ ... نجود "غوتات حيث شافت الدم الي فجنبو " : ولديييي جنبك ؟؟ واش دم يامنة ؟؟ فؤاد "هز ايدو بمعنى سكتي كان على اعصابو حتى هو ...."... يوسف : خويا واش مضروب لجنبك دخل عندهم المستعجلات ... فؤاد "هزعينو فيوسف وشاف فيه بنضرة شر ديال تزم عليا فمك ...نعل شيطان ومشا كحز بعد عليهم ..." بعد مدة تقريبا اكثر من ساعة وهما على اعصابهم....حتى خرج طبيب الي كان مكلف تما وفيه النوبة ... فؤاد "كي سمعو خرج طار لعندو كيشوف فيه باش ينطق " ... طبيب : اشنو وقع بضبط ؟ فؤاد "مخنزر " : اشنو حالتها ؟ طبيب : امم ها ...غير سولت حيث فاش فاقت شدات كرشها وايدها كتبكي بالم الي فيها ...درنا ليها سكانير شامل معندها والو والوجع الي فكرشها نتيجة ضربة ...موقع فيها باس جات سليمة ...ولكن ايدها ليمنى فيها كسر ...درنا ليها جبيرة غاتبقى لمدة شهر عاد ترجع لعندنا ...وعلاش سولت شنو واقع حيث عرفنا انها تعرضت لضرب على مستوى البطن رجحنا انه ممكن يكون شي حد ضربها ؟ سولتها قالت ليا طاحت ولكن مبقاتش جاوبت حيث غلب عليها المنوم الي درنا ليها ..... الحاج "غمض عينيه وهبطت ليه دمعة رقيييقة مسحها دغيا ورجع يستغفر ويذكر الله ...."... نجود : فين هي دابا ؟ طبيب : كيطلعوها دابا لغرفة في الجناح الثاني الغرفة الثانية على ليمن ...هي ناعسة متفيق حتى لصباح ...نعسنها غير باش متحسش بالصداع ديال ايدها ...."ضار شاف في جنب فؤاد الي كان عامر دم " ....سي فؤاد جنبك مضروب ؟ اجي معايا نشوفوه ليك ؟ فؤاد "مجاوبوش كان حادر راسو وحجبانو معقوديييين كيفكر وهو مخنزر حادر راسو ومزير على قبضة ايدو ...." شاف طبيب تا عيا وملي مجاوبوش هز عينو غمز يوسف باش يحاول معاه ودخل هو لخدمتو ...نجود وراوية طارو مشاو طلعو لفوق ومداوهاش فجنبو عند بالهم مضروب غير شي حاجة خفيفة من داك تهراس وتجرح وملي واقف اذن غير حيث دمه سخون وخصوصا مكانش نزيف قوييييييي .....نجود وهي غاديا غمزات يوسف باش يقنعو يوسف جنبه ويبقى مع الحاج ...الي تاهو بقا واقف ....شحال وهما واقفين وصهيب تاهو معاهم ...فؤاد حادر راسو وشفايفو خدام يعضعض فيهم ويبقى شحااااال وهو كاااز عليهم وعقلو خدااام كيفكر ....حتى نطق الحاج ...جملة خلاتو يحبس الحركة ... الحاج : اااانا سباب فهادشي كامل انااا ... فؤاذ "هز فيه عينه مخنزر ...يلاه بغا يهضر الحاج وهو يهز ايدو بمعنى حبسسسسس ...بقا كيشوف فيه يشوف ودار صبعو على فمو ...شوي حتى تقاد وقف فؤاد "شير لصهيب وقاليه بالاشارة باش يعطيه الكونطاكت ...جبدو من جيبو وعطاه ليه ...رجع شاف فباه بواحد نضرة وضرب ضورة وزاااد خلاهم واقفين بثلاثة ..." يوسف : الوليد يلاه نطلعو نشوفوها؟ الحاج : لا حول ولا قوة الا بالله حسبي الله ونعم الوكيل فالي ضلم ..."حدر راسو ومشا مع يوسف وصهيب طلعو عندها " .... اما هو مشا من حداهم وخرج من الكلينيك شد الكونطاكت الي عطاه صهيب وحل الطموبيل من بعيد ركب فيها وهو يكسيري حتى تسمع صوت رويدة تحك فلارض ودارت خطوطة بدخان ....كسيرا بيها باقصى سرعة لوجهة هو الي محددها وعارف لفين ... في هاد الاثناء كانو طلعو لعندها كيف دخلو لقاو نجود وراوية عند راسها ...كانت ناااعسة وايديتها اليمنى مهزوزة بباندة ومديور ليها جبيرة ...مغطينها بايزار بيض ومبردين ليها الغرفة وسيروم عند راسها فايدها ليسرى الي صحيحة ...نجود كانو عينيها حمرييييين ...غير تحل الباب ودخل الحاج ويوسف وصهيب .... يوسف : كيف بقات ؟ نجود : شوية ولذي هاهي ناعسة تايحيد المنوم وتفيق ... الحاج "قرب لعندها وتحنى باسها في راسها عينيه مزيريييين ...مشا جلس فوق الفوطوي شاد عينيه كيمسح فيهم مباغيش دموعو ينزلو ولكن فالتالي مبقاش قذر كانو كيهبطو بغزاااارة حتى ناضو لعندو كاملين ...."... يوسف : الوليييد يهديك الله هاهي لباس عليها غير حادث بسيط ... نجود : الحاج راه موقع والو كلنا معرضين لهادشي فاي لحضة راه ربي الي كيكتب ونتا رجل مؤمن الحاج ... راوية : بابا متقلقش غادي يطلع ليك ضغط ... الحاج "مسح دموعو ومزال هابطين ...كيهضر وراسو لتحت " : انا سبااب انا ...انا الي جبتها ولحتها بين ايديه حتى دار ليها هاكا انااا ذنوب هاد اليتيمة على رقبتي على رقبتييييي... يوسف : الوليد واش كون دار ليها ولا ضربها واش غايجيبها بهاد الطريقة ؟؟ والله الوليد لا حار فيها ولا عرفها حتى فين كاينة ... صهيب : تعقل نهار شلخ والدينا جا لعنذنا ؟ عقل علينا حتى فين كاينين ولاااا مشكيل ماشي هنا المشكيل انه مشا بلا رجعة لروسيا ولا حتى سمحو ليا على تفليقة ... الحاج : واشنو وقع ليها ؟؟ وفين هو ملي ماشي هو فين هو ؟ نجود : دابا يجي راك عارفو كيبغي يكون وحدو غايكون مشا يشوف جنبو ؟ الحاج : شنو وقع لهادشي كامل ؟ علاش اش واقع فدار كلكم كنتو تجاراو وسمعت الغوتة ديالو علاش غوت ؟ يوسف "خاصو يكدب وميقدرش يجبد الياس حيث هادي تكمل عليه " : يهديك الله راه غوت ملشي شافها طايحة ومضروبة غوت علينا باش نحيدو من طريق ... الحاج "بقا ساكت شحااال " : خاطري ممهنينيش ممهنينييييش خاصني ندير حل لهاد اليتيمة ومسؤليتها على رقبتي هي وذنبها....باها جاي خويا جداها ااشنو نقولو ليهم اااش ؟ هادي هي الامانة ؟ صهيب : والوليد ويهديك الله واش غاتقدر تامنها على قضاء الله اا ؟ راه ربي مكتب هادشي الوليد مكتاب طبح وتهرس اشنو غانتعاندو مع الله الحاج وااايلي تانتا بغيتي نتعصب ويطلع ليا دم ونسخف ليكم ونعس حدا الفجلة ؟؟ الحاج "جاب ليه ضحك " : الله يمسخك سير بسع مني ... صهيب "باس ليه راسو " : امني ضحكتي هاني مبسع هههه ... تكحاز وقرب حدا يوسف الي مشا حدا الباب متكي على الحايط ... يوسف "تيضحاااك وممبينش اش تيقول " : هاهاها تنعس حدا الفجلة .... صهيب : هاهاها غا زلقت هنينا ... يوسف : هاهاها والله يا موك كون سمعك تيرجعك سلاط سيزر بالفجل ... صهيب"جمع ضحكة " : اغيييييت Arrête... ما حاس بالمزود غير الي مخبووووط بيه محاس بالالم غير الي فيه والي مجرب ودايق من نفس الكاس ومااا حاس بهم دقة غير الي مضروب بيها ودايق من نفس ضربة ...كون اكيد تا حد مغايحس بيك من غير راسك وحتى الي دايق من نفس الالم غايحس بيك ولكن كل والام ديالو كل وكيفاش كيحس بداك الاحساس الي كيقهر وكيخنق وكيعذب وكتحس بصدرك ضاق عليك ودمعة على طرف عينيك ...كتبغي تخشي ايدك فصدرك وتجبدو من جدر وتبقا تحك وتحك وتحك ومن حاس بيك ..... مشا بعييييد حتى خرج على مدينة ازرو وشد طريق الي كانت غاديا لافران وصل لواحد التلة عاااالية ضور سيارة ووقف فيها كانت كطل على افران من الفوق ....دوك ضواو والمنصر يهببل منها ....ركن سيارة وخرج منها وقف عليها وتقابل مع تلة ...جبد سيجارة من الباكية وشعلها ....تقابل معاها وسرح بتفكير ديالو ...حس بقلبو مزييييير على كاتيوشا ديالو ...كيكمي ودخان مغطي وجهو ... جنبو مداهاش فيه فيييييه الحريق وحالف ميداويه فييييه وخز وحالف ميقرب ولا يعالجو ...بقا ما يقارب ساعتين وزيادة وهو كيكمي ويكمي ويفكر ...عينيه مكيبشروش بالخير ...فالاخير حتى قرب يصبح الحال وهو واقف والبررررررد فديك الوقيتة وهو كيف بقا بحوايجو عامرين دم من جنب كانت واحد البقعة في جنبه ...العرق هابط من وجهو ...فالاخير قلب ضورة ومشا ضار جيهة السيارة وركب وزاد .... كانت هي ناعسة بداك المهدئ الي عطاوه ليها ...بدا كيحيد منها تدريجيا وبداو عينيها كيتحركو وترمش فيهم ...حتى بدات كتحل فيهم كانت الوقيتة علاين يصبح الحال ...واحد شوي حتى حلت عينيها نيشان فالسقف ...بدات تحرك وهي تحس بشوية الالم فايدها وشي حاجة مثقلاها ...شافت فيها وهي تلقاها جبيرة وهازينها ليها بالباندة ديالها .... يامنة "تفكرت شنو وقع ولقات. راسها غير وحدها ...طاح عليها ضيم الدنيا ودين ...ولفات تلقى عند راسها شي حد ولا فؤاد الي طاح فبالها وتفكرات جنبه الي لقاتو فيه دم ...بدات كتنين ..." : اهى اهى فؤاااااااد ...اهى اهى ...ايييي "الالم ديال الهرس " ....اممممم ... واحد شوي حتى تحل الباب وهي تهز عينيها الي عامرين دموع ...شافت شكون الي دخل غير تشعل ضو ... يامنة : "بصوت ضعيف وحنين " فؤاااد ... كان عاد وصل وكيف عادته مكيبغيش يكون معاه شي حد كيبغي يصلح او يعتاذر بالحس ويصحح الغلط ديالو بالفن بلا ميطيح بالهيبة ديالو ...دخل وهو مزال بدوك الحوايج ...عرقااان حاس براسو عيااان فديك اللحضة ومبغاش يتداوا حتى يشوفها ويطمان عليها والي قلبو مهناه عليها .... مسا حداها وتحنى ...هبط لشفايفها حط عليهم شفايفو واحد المدة شحاااال انينها وتنخصيصها كيبان من صدرها الي كيطلع ويهبط ... باس ليها جبهتها ...حط ايديه على حناكها جمعهم قرب وجهها لعندو ... فؤاد "بصوت خفيف " : شوية ؟ يامنة "جاوبت براسها " : اممم ااه ... شافت العرق فجبهتو هابط بدا صداع كيطلع معاه نيت عاقد حجبانو .... يامنة : فؤااد ...جنبك علاش مداويتيهش ؟ ... فؤاد "نفخ بفمو ...باسها في حنكها وشاف ليها فعينيها " : الي ضراتك ضراتني ...براي ليا وغانبرا ليك ... يامنة : انا الي مسمعتش ليك اهى اهى ...ولكن كنت خايفة على جنبك حيث بان ليا دم اهى اهى ...كون سمعت ليك ميوقعش هاكا يعني انا الي جبتها فراسي ...اهى اهى ... فؤاد : شششش ...انا الي ممزيانش اعمارة داري انا الي ممزيانش ... يامنة : لا لا نتا قلتيها ليا ومسمعتش اهى كانت كتقوليا ميمة الى شفتي باك معصب بدلي ساعة باخرى معمرك تحادي الي معصب يقدر يغلط معاك وتاحد ممعصوم من الغلط ...ولكن انا كنت ديما كنمشي عندو وخا معصب حتى كينهض فيا ...وكيتقلق وشحال من مرة بكا حيث نهض فيا وانا الي كنت سباب حيث جيتو فوقيتة ماهياش ... فؤاد "هي كتعاود ليه وهو كيشوف فيها وحاضيها شنو كتقول وكيفاش ولات متعلقة بيه وكتبغيه لدرجة كتغطي العيوب ديالو ...گلس حداها وجرها حتى حطها فوق كرشو محاوطها بدراعو ..." : ششش ماوقع باس ...دابا رتاحي وديها فصحتك والباقي ماشي مهم ... يامنة : جنبك سير داويه هانتا في الكلينيك هبط عندهم يشوفوه ليك عااافاك اهى اهى ... فؤاد : وخا دابا نهبط ... يامنة : انا لباس والله مفيا شي حاجة هبط وطلع تكا رتاح ... فؤاد : يامنة ... يامنة : نعااام ... فؤاد"كحزها وناض ضار وهبط تاني رجليه مقابل معاها ...شد ليها فايديها باسها من كفها بوسات متقطعة كيبوس ويشوف فيها ..." : قبل سمعيني شنو غانقوليك ... يامنة : امممم ... فؤاد : بغيتك ترتااحي ....رتاحي وبقاي حتى تشوفي داركم وشبعي منهم ...بقاي شحال مبقاو معاك وشحال مابغيتي ...شهر شهرين ...حتى تبراي ... يامنة : وعلاش ؟ فين غادي "دلات شنيفاتها بحزن " ... فؤاد "شاد ايدها مزير عليها بايدو والايد لاخرا كيدوزها على شعرها وحنكها " : غادي نرجع ...ايامنة غادي نرجع ... مزال كيهضر حتى حس بيها فلتت ايدها من ايدو ناضت وتلاحت عليه عنقاتو حتى مشا وجا وخشات وجهها فعنقو مزيرة عليه بايدها ولايد لاخرا معلقة ليها ...مكمممممشة فيه مبغاتش طلق منو ... يامنة : لا لا لااااا اهى اهى نمشي معاااك ...عفااااااك اهى اهى .... فؤاد"عقد حجبانو قهراتو " : يااامنااا ... يامنة "كتنفي براسها....طلعات وهضرات ليه فودنو بصوت حزييييين وصغييييور " : وانا لمن تخليني ؟ .... فؤاد "حس بتبورييييشة بديك الهضرة الي نطقات وبديك طريقة باش نطقتها حس بيها معندها حد من غيرو وفعلا مدايم ليها غير راجلها ولكان بمعاملة فؤاد ومواصفاات فؤاد وقلب فؤاد وحنان فؤاد واحساسه من جهتها ...كيف نهار نحس نهار قالت ليه نمشي فحالي وقاليها نفس الكلمة وانا لمن تخليني حتى هي بادلاتو نفس الكلمة ... جرها من عنقها وزاد قربها ليه حتى قرب فمها لفمو الي حلو وخشا فمها فيه بقبلة ....جر ليها شفايفها كل وحدة بوحدها .... كل شفة كيتلدد بيها ...غمضو عينيهم بزرج وعاشو اللحضة بيناتهم وهما شادين فايدين بعضياتهم ...انفاسهم كتسمع او بالاحرى النفس ديالو هو وهو كيتقاتل مع البوسة من شفايفها الرطبيييين الي كيهبلوه ويجهلوه حتى كيزيد فالوتيرة ديال تقبيل ... شفايفهم سخنو بالقبلة الي طوالت ومزال مستاق وباغي يبقا يبوس ...كيلعب بكل شفة بفمو وكيزيد يجرها لعندو باغي يديها معاه حتى حست بفمها نمل عليها وايدو ورا عنقها كيدوز عليه بصباعو بحركات دائرية وكيزيد يقربها ليه ...معياش باغي يبقى غير يشلقم فيها ...هبط لعنقها خلاها ترتاح وتاخذ نفسها ويرجع فمها لطبيعته من بعد ما حسات انه نمل عليها بديك جرة رهيبة الي كيجرو ليها ...هبط لعنقها كيبوس فيه ويطول فالبوسة شحااال حتى كيستنسق ريحتها دافية والخاصة بالنسبة ليه ...فصل القبلة وعضها فشفتها السفلية بشوييييي ...ورجع باسها وبقا حاط فمو على شفايفها وكيهضر ...كان فنيتو يخليها ترتاح ويرجع لانه محدو فدارهم مشاكل كثييييرة وجو باقي مشحون كان ناوي يخليها تتشوف دارهم ويرجع يديها لعندو لدارهم هي وياه الي مفيهاش مشاكل وديما بجنبو ولكن وبهاد الهضرة خلاتو يقرر انه عمرو يبعد عليها ولو نهار .... كيف عادته نطق بكلام ديما مغزاه كبييييير وخا قليل الكلام وخا ما قل ودل مايبغي كثرة الهضرة مايبغي كثرة لغا " : نخليك ليا نور عينيا ...نخليك ليا ....