قصة يامنة (بدارجة المغربية) مكتملة

🌹يامنة 10🌹

قصة يامنة (الجزء10)

خلاهم كاملين تا يشوفو جرها بجنبو كيف العادة وخرج هو وياها ....تا واحد مقدرش يهضر وتاحد كيقدر يهضر اصلا محتارمين اي واحد وخاصة لو كان عندو الحق فكلامو ...هو مطالبش شي حاجة من غير ان تاحد ميدخل فيه وفحياتو الشخصية الزوجية بالتدقيق والي حك عليه مغايعجبو حال هو متيضلمش مكيجبد حد ولكن الي حك على نحاسو كيف كيقول هو ميعجبو حال ...عندو نيشان ولمعقول ولمعقول مكيبغيه حد فهاد الزمان مع الاسف 🤷🏻‍♀️... بقات زينة تبكي وتنوح ...صحيح انها من الناس الي كيبغيو البنت تبقى فدار راجلها صحيح انها وصاتها الى غضبات متفوتش دار راجلها صحيح انها وصاتها تهتم براجلها واسرارها ميخرجو من بيتهم يبقاو بينها وبين راجلها ... وانما مسالة الصباح هادي عادة تقريبا باقية ومزال ما انقارضت خاصة فالبلاصة في تزادت يامنة وكبرات هذاك هو المحيط مع الاسف ...كيجي العريس كيدخل على مرتو ودم عذريتها كيكون فسروال او ايزار او الفراش فين دخل عليها ....في الصباح كيجيبو اهل العروس الفطور وكتدخل الام تطمئن على بنتها وتوريها صباحها والامربفرحتها ببنتها انها محافضة على شرفها كتهزو ديرو فوق قالب سكار ودور بيه وسط العيالات وتشطح بيه وبهذا كتاكد ان بنتها رفعات راسها الي حافضت عليه ورفعات راس خوتها او باها او اهلها ....في بعض العادات كاين الرجال من عائلتها كيشوفوه ....وكل بلاد وعادتها رغم انه الاصل مخاص حد يشوفو كيبقا بين راجل ومرتو وهو منو ليها وهذا كيتعتابر سر من اسرار الزوجية الحميمية الي وصا عليها رسول عليه صلاة وسلام ....تقريبا هاد العادة غاديا فطريق الانقراض ... وجدات يامنة كتبقى من ناس القدام وكلامها على انها ترجعها الى نهض فيها او ضربها فهو ناتج الا من خوفها عليها فكيف ما سبق الذكر انها العينين وروح والبنت الي بقات ليها من وحيدتها ام يامنة الي توفات وهي كتولدها ...شيء طبيعي تخاف عليها .... مصطفى "شاف في زينة " : هادشي نبهتك عليه الحاجة ووصيتك داكشي راه ممزيانش المراة بينها وبين. راجلها راني عارف وعايق على كنتي تقلبي تجيبي ليها الفطور ... زينة "نطقت بصوت خافت " : وبغينا نفرحو بعوينتنا اولدي ... مصطفى : فرحي بيها بالي هي مع راجلها ولد عمها منها وفيها وراجل يحميها ماشي تفرحي بيها وسعرها يشوفوه ناس فين بقا هادشي الحاجة يهديك الله ....راكي كتعرفي طريق الله وشاداها .... زينة "دارت ايدها على حنكها وتكونت ...وخا معجبها حال وتقلقت ... الحاج : موقع باس امصطفى موقع باس ولدي راه ميقيسها ميخلي الي يقيسها والحمد لله ربي مخيبناش ( قصد راسو ) ... مصطفى : وجدي راسك الحاجة غذا غانرةعو فحالنا ... الحاج : اش هاد الهضرة امصطفى ؟ شكون قاليك ترجع ... مصطفى : ولي ليه الحق علاش جينا راه مشات باركنا ليها طمانت عليها الله يكمل بيخير والله يحفضهم ...نرجع لبلاد راه عندي الخدمة والخدامة خدامين علاش وصيتهم غايكملوه ميبقاو يعرفو ميديرو ...ومول الفيرمة عيط ليا ... الحاج : هادشي خاصك تحبس منو براكة عليك من تكرفيص صحتك غاديا وترجع لور وليتي نتا كبر مني ...على اي هادشي منهضروش فيه هنا ...زيد نخرجو باش نشوفو اش خاص لطلبة عشية ... شاف في نجود "دار ليها بعينيه حركة باش تشوف زينة وترطب الوضع من بعد مابقى الجو مكهرب ومشحون ...." دازت العشية وجاو دراري من الخدمة ...وجا حتى الياس من بعد ما عيطات ليه نجود وخبراتو باش يجي حيث خوه مشا ...فضل انه ميتلاقاش بيه حتى تهدا نفوس ويخدم مزيان على راسو باش يسترجع ثقة خوه الي فقدها ونكرو .... طلعو كيف العادة دوشو وبدلو وهبطو تجمعو فصالون ريتما يدوي العشا ويبداو يتجمعو رجال... طول الطريق وهو سايق وساكت عينيه محنزرين مركز مع طريق وعاقد غوباشتو ...مدواهاش مهضرش معاها ولا حتى حنحن ...وحتى هي مهضراتش كان طاغي على وجهها الحزن لفراق دارهم ولكن الحزن الاكبر هو من جيهتو ...عرفاتو تقلق حيث طول مكيهضر معاها كيوصيها وكياكد عليها الي بحث وسولها فامورها الخاصة بينها وبين راجلها ضور فيه او تقولها ليه المهم متخبيش عليه متكدبش عليه وتصارحو والاهم تشاركو كيف ماهو كيحاول يشاركها كلشي حتى من حياتو المفيوزية كيقولها ليها حيث هي عرفات طريقه اشنو هي والامان الي كيخليها تحس بيه مخليها مخايفاش من ديك طريق وهادشي ايجابي هنا نجح فؤاد انه يامن ليها الحماية حتى ولات تحس بالامان ونفسيتها عادية ...ولكن الدق الكثير عليه هو وشحال قدو يصبر شحال الي خايف منو طاح فيه وهادشي الي دار ليه باه مراعاش ليه لنفسيتو واخا صعيب وقاصح الا انه كيبقى انسااااان !!! .... بغات تهضر معاه مقدراتش فضلات حتى يبرد ويوصلو تما عاد تهضر معاه وتفك ليه تقليقتو حيث فعلا مدارت فيها ميليق لو كانت هضرت معاه وصارحاتو كان تحل المشكيل كان ممكن هو يفك جرة كيف تفكات .... وصلو لفاس ديريكت بلاصا فالبارك ديال المطار رسل ميساج ليوسف باش يجي لسيارة يديها ليه البارك فين كيحطها ...حل الباب وخرج حل ليها الباب ...جا واحد من الي كيهزو الباكاج فالمطار حل ليه الكوف ستف الفاليز ودخل تابعهم كان محاوطها فجنبو مكيبغييييييش يخليها تفلت من جنبو وخا مخاصم معاها زعما هههه ... طلعات فيه عينيها لقاتو نفس النضرة والي اصلا مولفاها فاغلب حالاتو ...حتى بدا كيتطلق معاها ويرخف ديك النضرة هاهو رجع ليها ...يمكن مقلق او يمكن غايرجع لحياة الخوف والاكشن ... دخلو لمطار كيف العادة سلم الاوراق ودخل الممر ديال الطيارات حتى خوجو ودخلو لطيارة الخاصة ...طلعو حتى لداخل ركبات فبلاصتها وخرج هو ...حتى كما الكارو واعلن الكابتن على انه خاصو يطلع باش يستعدو للاقلاع ...رما الكارو عسف عليه ودخل ركب فالكرسي الي مقابل معاها قاد سانتيغ .... ماهي الا دقائق حتى بدات طيارة كتمشي وتسرع حتى اقلعت .... بقات حاطة راسها على شرجم ساداه ...حتى بدا يديها نعاس وهي تحس بوجع خفيف فايدها حتى طلقت انين وغوبشت .... فؤاد "كان داير ايدو على لحيتو كيحك فيها عاقد حجبانو كيفكر حتى سمعها ...ضور وجهو ناحيتها لقا وجهها مغوبش وشادة فايدها ....قرب لعندها بلا هواه ..." : شنو مالك ؟؟ يامنة : ايدي ضراتنيييي ... فؤاد "رفع حاجبو " : دوا فينهو ؟ يامنة : في صااك ... فؤاد" حيد سانتيغ وناض وقف...قاد قميجتو وتحنى حل ليها سانتيغ بدون مينطق وهي كتشوف فيه ...خشا ايديه تحت ضهرها وهوب هزها بخفة بين ايديه تمشا بيها حتى دخلها لداك البيت الي فطيارة وحطها فوق ناموسية ...غطاها ومشا خرج ... يامنة "جاتها البكية حيث هاد طريقة بلا ميهضر معاها فقصتها عرفاتو مقلق منها نيييت واخد على خاطرو وهو مطلب منها والو سوى انها تصارحو ومتكدبش ...." : اهى ...علاش مكيدويش معايا شنو نديييير اهى .... واحد شوي حتى دخل هاز فايدو صويك ديالها الي فيه دوا الي كيكالمي او المسكن ...جبدو وجاب ليها قرعة ديال ماظ معدني ...عطاها فنيدك وعطاها كاس شرباتها ... فؤاد "مبغايش يقطع معاها. الهضرة وانما باغي يربيها بطريقته باش تعلم وخا عارفها جات بين البينات حيث عرف تفكير جداها كيداير وعرف علاقتها بيها كيدايرة ومبغاتش تقلقها ": نعسي تنوصلو ونفيقك "قال هاد الهضرة وهو كيشوف لتحت رافع حاجب ومهبط لاخور...ضار وخرج من البيت خلاها كتبرق فعينيها الي بغات تنقز منهم دمعة هههههه .... من بعد ما مشاو الطلبة ومن بعد ما قراو ما تيسر من الذكر الحكيم بالتجويد والدعاء ...القران ورائحة البخور وعود الند عاطية جو بهييييج ودافي عاطية راحة لنفس كتخليك غيييير كتسمع لدوك طلبة فاش كيجودو والمبيخرة قدامهم كيخرج منها دخان العود والبخور ....تحط العشا الي كان جامع بين حولي مشوي فكل طابلة وهما الحوالا الي تدبحو على ايد الحاج ومصطفى ... منهم الي تدفع باش يطيب فالعشا ومنهم الي تصدقو باش يبارك الله فزواج فؤاد ويامنة ...داكشي الي بغا الحاج هاهو وصل ليه الفرحة هاد المرة من قلبو حمد الله الي ربي مخيبوش ...وحمد الله الي كمل شنو بغا وكمل العهد وفانتظار قدوم حفيد يبهج ليه قلبه اكثر ... وتنقول ونعاود انت تريد والله يفعل ما يريد ...ماعرفنا شنو مخبي لينا سيدي ربي فالمكتاب والمستقبل ... كانو كل طبلة بحولي مشوي مرفوق بشلايض واتاي مشحر ...ومزوق بالفرماج وكورنيشو والكاشير ...والخضرة فجناب ...تابعو طبسيل دجاج محمر ومعمر بدغميرة دايزها الكلام كان طايب على الفاخر حتى جات دغميرة خااترة وبنينة .... خرجو الطلبة وسالا العشا وصدقة ...الميمة زينة مشات نعسات في بيتها ونجود حتى هي والحاج ومصطفى بقا غير راوية وسارة وصهيب ويوسف والياس فطابلة في جردة كيشربو فكاس اتاي ومجمعين بيناتهم حتى يطيب نعاسهم وكل يتلاح ينعس .... يوسف : ناري كون غير خلاها حتى تحضر وصباح يمشي ... صهيب : مالك معارفش خوك لا عيطو ليه صافي وخا يكون فالدوش كيبول ... يوسف : نهههههه الله يمسخك معرفت مال ملتك مكتقول هاد الهضرة قدامو ... صهيب "شاف فسارة بنص عين وشاف فيه " : تا مالي غانخاف منو. راه قلت الحقيقة ...مالك نتا مقلتي ليه جلس لاش غادي هاااا يوسف : عارفو راسو قاصح ازين ديالي البوكوص وخا نقولها ليه ... صهيب : متنخافش منو غير تنحتارمو عارفني هكا تربينا كاملين ... يوسف : عارف ازين دالعالم غي هو انما نسولك ؟ صهيب : قوووولش يوسف : علاش شفتي فسارة وشفتي فيا عاد هضرتي ؟ راوية : هههههههههههههههههههه صهيب "خنزر فراوية " : تهجريه غانملخ ملتك اديك سلوم جيارة ... راوية : غانقولها لبابا ...يوسف هضر معاه ميبقاش يقوليا سلوم جيارة .... الياس "داير ايديه على حناكو مبتاسم " : ومالو اخويتي كدب راك سلوم تريسيان كون جيارة لباس ...."شير عليه يوسف بواحد النبتة حداه گلعها وجابها ليه الخنشوش " يوسف : تفرق عليها ولا نطوي موك على جوج الكلب ....باقي شي بغل يعايرها بطولها ندبح مو ..."رجع شاف فصهيب " ...حبيبة ديالي علاش شفتي فسارة ...سارة "حبسات ضحكة " صهيب : واش دابا غاتلصق طاسيلة مي غا شفت فيها حيث كيان غريب علينا وعلى لمتنا وجمعتنا اصحبي شي حاجات مخاصهاش تسمعهم ...تا ريح اصحبي زير معانا طرح براكة من ديك تارهوطيييت ... سارة "نقزات عليه" : مالها لمتكم اخويا عاادية ...مديتها كاااع فيك ههههه ... صهيب : تنعرفك اختي ؟ سارة "قلبت عينيها وعيباتو " : تنعلفك اختي ... صهيب : تيحساب لمك زينة نتي دابا بهاد تعياب طفرتيه غا جيتيني ضايفة اما نعطيك براس تجي مريحة فبلادكم "خنزر فيها " ... سارة : ايييييوى انا بعدا بعدا بلا تعياب زينة يااك ؟ ماشي فحالك فار طحين... فورمة مخلويض ... يوسف : خهههههههههههههههههههههههههههههههههههههههههههه ايماااا الحبيبة "كان متكي عالكرسي داير رجل فوق رجل مفرقهم بطريقة رجولية تيحك فلحيتو حاضيهم تيتناقمو ويتناكرو ..." ... راوية : 🤣🤣🤣🤣🤣🤣🤣فورمة مخلويض وفار طحين .... الياس "جاتو الكحبة بكترة ضحك " ... صهيب : تا عليا بليميييين تنقلب هاد الطابلة راه غير جاتني بنت "ضار جيهتها منير " ....شوفي جوج كلمات تبقايش تحاديني ولا نطح مك ومنعقل عليك لا بنت لا ولد .... سارة : اييييوى لا وصلتي ضهرك لحسو ... يوسف : ااااااااااااااايمااااااا خههههههههههههههه سير سير كملي ابنتي ابشري اتممي ... بغا ينوض ليها صهيب وجرو يوسف كيمسح فدموعو ...صافي صافي ريح العشير ... صهيب : هادي لاش جابوها اش تتجيكم ياك مكتيجكم والو ؟ لاش جات ؟ ... سارة : دابا انا بيت غير نعرف مالك معايا اخويا ...ماخراك شافراك واكلاك فورتك والدة معاك وهربت ليك بيهم ؟ مزوجة بيك ولقيتيني فالفراش مع واحد خور ... صهيب : هيييه شوري شورييييي يا كاع هاذشي الي قلتي بزاف عليك تاديريه غا دوك الولاد وزواج راه نجوم سما قرب ليك ... سارة : هاااا ...ايييييوى مالك معايا ؟؟؟ صهيب "دار ايدو على حنكو وبتاسم ليها " : والله اختي اييييي ما عرفت جنوني كرهوك ... سارة : ايييوى جنونك خاصهم البخور ... صهيب : تحركي ليا المجمر ولا ؟ سارة "طلعت ونزلت فيه " : هههعع شلا لمن نحرك فورمة مخلويض نهههه اصلا الفقيه ندي ليه صورتك يقوليا ابنيتي راه هو جن شمهروش بنفسو .... يوسف : هههههههههههههههههههههههههههههههه راوية : عار الله صافي سكتو را حلقي ضرني بضحك ... الياس : مبقيتش قادر اصحبي انوض نتلاح نعس اوووف هاااناري مكتقداوش .... صهيب "هز ايديه " : تاعت الي يملخ مها ...نوض نتق*** نعس لا بقيت معاها غاد نمشي انا عند الفقيه نقلب ليها القبلة تولي بلاصة ما جايا ميعرفوها غادي ولا جايا .... في مطار موسكو الدولي حطت الطيارة الرحال واخييييرا بعد مدة وهي فالمغرب هاهي رجعات تاني لهاد البلاد الي شهدت اجمل ايامها فيها والي كانت فيها هي وياه راس فراس مكاين لا مشاكل لا الي يدخل فيهم ولا الي يبرزطهم من غير راسهم ....هاهي للمرة تانية تحط رجليها بلاد الاتحاد السوفياتي فبلاد كالينكا وكاتيوشا... من بعد ما عطاها المسكن ماستغرقاتش الوقت دغيا نعسات ومشااات حتى وصلت الوقيتة ووصلو ...دخل البيت لقاها مزال ناعسة باقي غالب عليها المسكن ...هزها تاني بين دراعو حتى هبطها ودخلها لطوموبيل قاد ليها سانتيغ وهي مزال ناعسة .... كانو وصلو ليه رجالو السيارة تحت طيارة من بعد ما جا عندو البوليسي ديال ديوانة عطاه الوراق طبعهم ليه بابتسامة شير ليه ومشا ... ضرب فؤاد ضورة شاف فرجالو دار ليهم حركة بصباعو بزوج على عينيه وضورهم جيهتهم بمعنى حضييييو ....كانو رجال مضوبلين على اول مرة ... مد ايدو لواحد صاك ديالو خاااص بيه فيه لماك وطابليت ولوازم ديالو الخاصة ...فيه بلاصة سلاح ديالو المرخص ...جبدو منو ودارو ورا ضهرو ...طلق تخنيزرته ...حنحن ودخل لسيارة ديمارها وكسيرا باقصى سرعة في اتجاه الفيلا وسيارات رجالو وراه .... كيف العادة ماهي الا مسافة طريق حتى كان وصل لفيلا الي حلو ليه الباب قبل ميدخل باش يدخل نيشان تبعوه سيارات رجالو وراه ...خرج من السيارة وضار جيهتها هزها تاني ودخل بيها الفيلا ...قبل ميدخل لمح فلاد ( شيان بوليس ) قلش ودنيه من بعيد حيث شم ليها وليه ريحة ...هبط عينيه ليها كانت غاارقة فنعاسها ... هبط بوجهو لعند وجهها باسها فحنكها ودخل بيها ...طبعا مشافو حد حيث رجالو غير كيكون هو كيضورو وجااههم ويعطيو بضهر ....طلعها نيشان لفوق لبيتهم وحطها غطاها محيدش ليها حوايجها خلاها بيهم تتفيق راسها وبخاطرها تبدلهم .... دخل هو نيشان لدوش دوش وخرج لاوي عليه فوطة كينشف فراسو وذاتو ...شاف فيها مزال كيف حطها ...اصلا عطاها مسكن قوي باش ترتاح ويحبس عليها صداع ومتفيق حتى لغد ليه ...وراسها يخفاف عليها من البكا حيث رغم القساوة كتعز عليه عارفها باقي صغيرة وسنها ميستحملش شي حاجة كبر منها وهي ماشي قدها ....وشكون يخمم ليها ....من غيرو هو !! بدل حوايجو ولبس قميجة بلومارين وسروال اسود ...قبل رش ديودرنت ...لحيتو مبقاش قرب ليها ...بدل ولبس ضار عندها تاكد منها وجبد الفون خرج وهو دايرو في ودنو كيعيط لايلاف ... هبط نيشان لسيارة وكسيرا باقصى سرعة لفين داير معاه ايلاف والي كان واحد المصنع مهجور تقريبا ...فيه العساس ولكن على حسابهم هما ... ركن سيارة ...بقا شحااال فيها كيفكر ويفكر ويضرب بصباعو فوق الفولون ...هز الفون شاف شنو محتاج دوز ليه الخط وخرج من سيارة حتى خرج لعندو ايلاف تاهو ايلاف "جاي مشرع ايديه كيضحك " : اهليييين برفيق عمري ... فؤاد "تسالم معاه عناق رجولي " : شنو درتو ...؟ ايلاف : مثل ما بدك ..."الحوار بالروسية " ...بزوج كاينين من نهار شديناهم وداكشي الي لقيتي هو نيت ...المأجور ( الي ضربو بالقرطاس ) فؤاد : والي لقيت فالمطار ؟؟ ايلاف : حتى هو ولكن كنضن غير مهددينو فعلا عندو ولد كيقرا فروسيا...المهم فاش دخل غايعاود ليك القصة بالتفصيل ...الحمار لاخور الي مناويش معانا خير ... فؤاد "حك لحيتو ونيفو وعض فلسانو حتى بغا يطير دم ..شاف قدامو وتم غادي " : نويوه ليه نوييوه ..."مشا سبق ايلاف لداخل " ايلاف "تابعو تيضحاااك " : لك هيدا سبع هيداااا ولوووو الله محيي البطن الي حملك وينزل عليه رحمات الخالق الرحمان يا اريل ماسكفا ( نسر موسكو ) المافيوزي عاد اليكم من جديد ههههه اشرقت شمس يوم جديد ...هاد المرة شرقت عليها شمس في دارها ديالها هي وراجلها ...في بيتها عش الزوجية ديالها ...الفيلا الي شهدت وشهدت على بزاااف ما جرا ليها ويككن نصنفوها اجمل ايامها معاه ...ايام مكانت عاد كتعرف عليه وتقرب منو ويتقرب منها ويتقبلها كزوجة حتى ولا كيعشقها...حتى عطاها لقب كايتوشا قلبه ....حلات عينيها بعد نوم عمييييييييق جدا ...فاقت وهي مرتااحة راسها مرتاح من بعد ما خذا قسط من الراحة وايدها الي خلاها ليها مجموعة بالباندة وزيرها ليها مزيااااان باش متحركش ليها ومتنعسش عليها ....حلت عينيها على سقف من بعد مدة عاد استوعبات فين هي ....عقدت غوباشتها ... يامنة "ناضت جلست " : امتا وصلنا ؟؟؟ ضارت هزات الفون ديالها لقاتها السبعة صباح وهو مكااينش حداها ...اول حاجة خدات الفون لقات طالع فيه الويفي دوزات الخط نيشان لنجود مجاوبتهاش ...وهي تعيط لراوية قالت ما ربما تكون فايقة نسااات فارق الساعات بيناتهم ....حتى جاوبتها بصوت مبحوح بنعاس ... راوية : يامنة ... يامنة : ناعسة ؟؟ راوية : اممم ههه راه مزال الحال عندنا ... يامنة : اااه نسيت ...صافي غير سيري نعسي مهم راه وصلنا ... راوية : على سلامتكم ...كيداير هو ؟ يامنة "رجعت تفكرت جاوبتها بحزن " : مقلق منيي بزاف مكيهضرش معايا ... راوية : ايوى. راضيه هضري معاه شوفي كيديري وخليه يفك تقليقة ...تحركي حتى نتي وزعمي عليه مبقاوش بيناتكم حواجز ايامنة اي حاجة دابا درتيها راكي مراتو وليك فيه الحق فكلشي ...متبقايش مترددة وتسنايه حتى يهضر ويفكها راسو ...علاش متحاوليش نتي تهضري معاه ...يامنة فؤاد خويا باغي الصدر الحنين داكشي الي بغا لقاه فيك ثيقي بيا عمري شفت لمعة فعينيه وراحة الي فعينيه حتى ولا معاك وحتى جيت شفتو ...كان كيغييب بالاعوام وكيجي يومين ...متبقايش تسنايه هو يتصرف تصرفي حتى نتي من عندك زعمي عليه فكلشي ... بقات تهضر معاها وتسكي عليها كانت راوية اقرب وحدة ليامنة من بعد سارة وهي الي كتعرف خوها وطبعو كيداير ...شحال وهما كيهضرو حتى قطعت وناضت مشات لدوش اول حاجة حيدات دوك الحوايج الي باتت بيهم تعافرت حتى حيدتهم اصلا لبست ديك جلابة كمايمها عراض وهي عريضة باش تسهل عليها تحياد .... غسلات وجهها مزيان وحكات سنيناتها ...وخرجات لبسات حوايج جداد ...بيجامة صيفية فالاخضر لفوق اخضر نص كم فيه رسومات بالاسود ولبسات كولون ديالها فالاسود ...مدامها فدارها تلبس كيف بغات ...جمعات شعرها مخربق كضارب معاه وكيتحل حيث رطب ومعاونتهاس ايدها .... يامنة : اففف وااتجمع ناااري ففففف ....بقات مضاربة وكيتحل والو حتى حست بايديه على ايديها حيد ليها الفيليل وقاد ليها شعرها جمعو مخربق ولكن حكمو بالفيليل ... يامنة "ضارت لقاتو قلب ضورة كان لابس تيشرت كحل وسروال كحل وعرقان عرفاتو كان كيدير لامارش ..." : صباح الخيير ... فؤاد "حيد تيشرت بالخف حتى تحفرو عضلاتو ورجعو تورمو بديك الحركة لاح تيشرت وداز من حداها مشافش فيها ونطق بداك صوت لمدعدع مع كثرة الكمايا " : صباح الخير ..."مشا حتى دخل لدوش " ....جاتها البكية صدرها كيطلع ويهبط عمرها فكرت انها طيح فهاد الموقف هو دايرها ليها بلعاني باش تعلم عارف نقطة ضعفها هو شي حد عزيز عليها يقطع كلام معاها ...باغي يربيها باش تعلم تحمل مسؤلية تصرفاتها وتكبر عقلها شوي بشوي ....الحريميي عااارف سواريه .... يامنة "دلات شنيفاتها وهي تفكر كلام راوية بالي هي الي خاصها تبادلو تصرفات تاهي تعطيه كيف كيعطيها تفرحو كيف كيفرحها عمرها شافت منو سب حاجة خايبة من جيهتها كيتعامل معاها عكس الاخرين هي مدللته ....علاش هي متشجعش وتحسسو بيها اكثر تحسسو كيف مكيحسسها انه راجلها ومسؤول عليها ...رجعت بيها ذاكرة لشحال من جيست دارو معاها وكلهم زوينين .... العلاقات الحميمية الي جمعتهم خلاو الحشمة الكبيييرة الي فيها كتنقص شوي بشوي وتبدا تزعم اكثر ...اصلا ولفات ديما تلاح عليه تعنقو وطلبو وهو مكيرفضش ليها طلب ...هادشي كامل فعقلها وزادها كلام راوية حتى جمعت شجاعتها وقررات تدخل ولما لا متدخل وهو راجلها ...حطت ايدها على البواني بعد ترددات كبييييرة .... حتى حلات الباب ودخلات ...تفكرات نهار دخلت عليه وحصلها قالت ليه بغيت نحك ليك ضهرك ....ضحكات بشوي على ما صور ليها عقلها ديك لحضة ...وصلات لبلاثة فين كيدوش كان كلو ضاير بزاج وغير كيسد الباب زاج كيولي مضبب كيبان غير خيال ... يامنة : كيدوش بففف حتى يخرج ...حنات راسها وتماات غاديا بغات ضرب ضورة محسات حتى شدها من ايدها من معصمها وجارها مضورها دخلها لعندو ملصقها معاه هكاك عريان وكلو كيقطر بالما من راسو لعنيه لساسو ... يامنة "خرجت عينيها كتحس بلحمو سخووون " : فؤااااد ... فؤاد "محاوطها بدراعو بزوج ملصقها معاه ...رفع حجبانو " : شكون غايكون فنضرك ؟؟؟ يامنة : ااا لا غير "عوجت ليه وجهها بحركة طفولية " خلعتيييني ... فؤاد : شنو بغيتي ؟ يامنة "بقات تشوف تشوف وهي ضور ايدها ورا ضهرو وحطت راسها عاى كرشو تتنخشش فيه كيف العادة " : سمح ليااا عفاااك والله مباقي نعاود... فؤاد "ساط " : سيري هبطي تفطري ... يامنة : عااافاك سمح ليا والله مباقي نعاود اهى والله غير مبغيتهاش تقلق وحتى نتا والله مباقي نعاود اخر مرة ...متبقاش مقلق مني وقاطع الهضرة معايا ... فؤاد "هز راسو لسما وزفر حتى زفر ورجع هبط راسو غزز سنانو من تفكر جداها ورجع طلقهم ..." : مزال مقطعتش هضرتي مزال مشفتي والو ايامنة ...قلت ليك لا بقيتي تقلبي غادي نديرها ... يامنة : الا لا صافي والله مباقي نعاود صافي ..."هز ليها راسها بايدو تقابل مع عينيها ...اللون الاخضر ورموشها الي كيتحركو مع كل ترميشة بزربة ..." .... فؤاد "شاف كاع حركاتها تعبيرية فاش كطلبو وهي كتسنا ردة الفعل ديالو ...خايفة يتقلق منها وخايفة يقطع كلامها ...فمها الي كيترعد باش تبكي محدو كيتعطل فالاجابة ..." : هبطي تفطري ... يامنة : لااا حتى تسمح ليا اهى عفاااك عفاااك ..."حطت راسها فوق كرشو وبقات ضور فيه فوق دوك العضلات الصلبين ...كضور وطلب وتهرنن حادرة عينيها مغااااااتجي عينها نيشااان لمعلم ...وياااربيت داك المنضر الي شافت مشافتو .... هاااد العضمة كاملة ...حولهااااا غرزت ...هادشي كامل جا فبالعا قبل متهز عينيها فيه نيشان مشرعاهم حتى ولا وجهها بيض مبقات لا فجلة لا ستة حمص جا فبلاصتها اللفت ....فؤاد "رفع حاجبو فيها " : ياك قلت ليك سيري هبطي ...هادشي الي بغيتي ؟ فلتت منو بزررربة وخرجات من دوش ...خرج تاهو لوا عليه فوطة وخرج تبعها ...بدل حوايجو لبست قميجة وسروال فالاسود لكن قبل لبس تحت القميجة بيل سماطي كحل ...رش ديودرنت عاد لبسهم ...لبس تقاشر كحلين وصباط كلاس لماع فالاسود ...تقابل مع المري دوز على لحيتو بالبارفان بايديه حل صدافي القميجة الزوج فوقانيين ...كانت غاطرطق عليه .... مشا هز الفون ديالو خشاه فجيبو هو والكونطاكت ...بان ليه فون يامنة هزو دار الفردي وراه تبتو مزيان لبس فيستة وخرج من البيت هبط نيشان لقاها جالسة كتسناه ... كانو وجدو ليها فطور صباح وخرجو كان موصيهم ميبقاوش غير يوجدو الفطور ويخرجو مؤقتا ريتما برات ليها ايدها ....مشا باسها فراسها ... يامنة "بفرحة " : مبقيتيييييش مقلق ههههه فؤاد "شرب من كاسو القهوة ...حطو دوز على عنقو ورقبتو بايدو كيحك فيهم ورجع شاف فيها " : شنو بان ليك اغزالي ؟ يامنة : ممقلقش ههههه ... فؤاد "تكحاز بالكرسي وشير ليها بايدو " : اجي عندي ... يامنة "ناضت على وعدها وسعدها فرحانة مشات لعندو جرها وحطها فوق حجرو خشا وجهو فنعقها حط عليه راس لسانو حتى تهزت وطوات عنقها ....جاها ضحك ..." : هههههه تتهرنييي ... فؤاد "عضها في عنقها حتى قفزت ..." : داكشي الي بغيت ..."ضور وجهها لعندو وشاف فيها " : اخر مرة سمعتيني ؟؟. يامنة : اخر مرة صافي ... فؤاد "باسها في فمها " : مزياان ... حيدها من عليه وناض وقف ... فؤاد : غادي نغيب نهار كلو سمعتيني لا بغيتي شي حاجة رسليها ميساج تنسالي ونعيط ليك تفاهمنا ؟ يامنة : واخا ...غادي تعطل ليوم ؟ فؤاد : على حسب ...غادي نعيط ليك الى كنت غادي نتعطل ... يامنة : وخا ولكن قبل قولها ليا باش ندير بحسابك لعشا ... فؤاد : واخا غزالي ..."باس ليها راسها وحنكها وفمها بقا عليها بالبوسان حتى بغا ياكلها " ...تمشا وتبعاتو حتى بغا يخرج من الكوزينة ... فؤاد " يلاه بغا يضور لعندها يوصيها ثاني حتى مبقاش عرف اشنو وقع من غير صوت القرطاااس مجهد جاي من برا وصوت زاج تهرس حتى تسمع مجهد الشي الي خلا يامنة غوتات بجهد ... ماعرفش كيفاش الي عرف وردة الفعل الي دار بسرعة جبد الفردي موراه ...طاااار عليها متسوقش لايدها ولا اشنو المهم يتلاح عليها يحميها من اي احتمال لرصاص يقيصها حتى طاحو بزوج هي لتحت وهو فوق منها مغطيها كلها حتى مبقاتش كتبان .... ماعرفش كيفاش الي عرف وردة الفعل الي دار بسرعة جبد الفردي موراه ...طاااار عليها متسوقش لايدها ولا اشنو المهم يتلاح عليها يحميها من اي احتمال لرصاص حتى طاحو بزوج هي لتحت وهو فوق منها مغطيها كلها حتى مبقاتش كتبان .... ضار عليها كلها حتى من رجليه حاوطوها مبقاتش كتبان تحتو ...ايد مضورها عليها وراسو محاوطها حتى هو ايدو لاخرا شاد بيها الفردي هزو بسرعة دارو على اهبة الاستعداد وحرك زناد ....هز راسو عينيه منيرييييين كي جمر ....حتى سمع صوت رجالو واحد منهم كيدق ويعيط ليه .... بغا ينوض محس غير بايديتها شادة ليه فدراعو مزيييرة عليها ... فؤاد "ناض من عليها بشوييي وقرب لودنها " : ششش غزالي موقع والو ... يامنة "كترعد " : متخلينيييش اهى غايضربوك ثاني ؟ فؤاد "باسها فحنكها " : لا غزالي معمر هادشي غايوقع تهدني ... يامنة : انن اهى ... فؤاد " كيهضر ليها فودنيها بشوييييي كطريقة باش تهدن " : يامنااا غزالي مكاين والو ...هاحنا غانشوفو شنو كاين صافي ؟ يامنة : خايفة ... فؤاد "رجع باسها تاني " : وانا انا معاك الخوف معندوش طريق ليك ... ناض من عليها بشوي وبزز لصقات فيه كي الحسكة ... شاف تاعيا وخا معصب نوضها معاه اصلا معندها ذنب طبيعي تخاف ...دارها وراه محاوطها بايد وايد شاد بيها لفردي مستعد بيه ...حتى حل الباب ولقا واحد من رجالو المسؤول... فؤاد "مخنزر " : شنو واااقع ؟؟؟ المسؤل "حادر راسو ": ماشي الي فبالك غير ... فؤاد "جبدها معاه بطرشة تا ضار " : غانتسناك تتهضر على خاطرك ؟؟؟ ..."غوت بجهد تا قفزت يامنة وراه وكمشت فيه " ....طلااااااااق راسك ...المسؤول : احم غير فلاد تطلق ومشا كيجري بطريقة مجنونة فحال فيه صعر معري على نيابو ...كان غايدخل من باب الي كيدي الكوزينة تبعناه والو متشدش حتى ضربنا بالقرطاس باش يحبس حتى ضربناه عاد طاح وباقي القرطاس جا في زاج ديال باب الممر الي كيدي من الجردة لكوزينة .... يامنة غييييير سمعت فلاد تضرب وهي تقفز بلا شعور كانت غاتخرج جاب الله شادها وراه جا مضرگها الباب ... يامنة "غوتاااات " : فلااااااااد اهى اهى عنداك يموووت ... فؤاد "شير لكارد باش يمشي ضور راسو ومشا وضار هو عند يامنة مخنزر فيها " : شنووو فيييين غاديا ؟ يامنة "كتشوف فيه بعينيها مدمعين " : اهى اهى عفاااك فلاد ميموتش ... فؤاد "تاهو تزير حيث الكلب تربى على ايديه " : سيري دخلييييي ... يامنة "ضورات ليه وجهها بحركة حزينة تقطع فالقلب" : عفاااك ميموووتش اهى ...بغيت نشوفو ... فؤاد : غاتمشي بهاد لبااااس ؟؟؟ اااا شافت فراسها كانت لابسة لبيجامة نص كم وكولون ... فؤاد : سيري هزي تيليفونك وطلعي لبيتك تنعيط ليك ..."حمر فيها" ضربت ضورة ومشات دموعها دايزين ...عزيز عليها داك الكلب ولفاتو ايام ما تطلق معاها ولا كيلعب معاها فور مكتخرج لجردة ..،وهي مغاتكونش فحال فؤاد الي رباه من هو صغيييييير وكبر على ايدو وكان وفي ليه ....مشا عينيه منيرييييين نضرة كانت فشكل ...حتى وثل لعندهم كانو ضايرين بيه كان مغط على جنبو مضروب في فخدو ...مخرج لسانو كيهتهت ...غير شاف فؤاد قلش ودنيه وهز وجهو ولكن باش ينوض كانت قواه خارت .... دارو ليه تيشاع باش وصل لعندو تحنى طاوي ركابيه تالعندو دوز بايدو على راسو ...كيشوووووف فيه الكلب بواحد نضرة فشكلللل الي خلات قلب فؤاد يتعصر من لداخل ...امرهم باش يهزوه فسيارته ... فؤاذ "هز راسو فليكارد " : شكون ضربو ؟؟؟ نقز واحد حادر راسو كيشوف لتحت جاوبو ... الكارد : انااا سي رمسيس ... فؤاد "حك لحيتو مزياااان قبل مايهز ايدو تال سما ويعطيه ببونية تلفات ديلمو عالقبلة فين كاينة واش كاينة اصلا ...محتال ينوض حتى هز رجلو وعطاها ليه وسط الكرش بقا بعطيه يعطييييه يعطييييييه حتى دماياتو ولات تشرشر من فمو ...غوت " : ماااااااااااااتقربوش ليه ..."ضار لعند المسؤول ... شير ليه بعينيه باش يهز عليه هذاك من تما ووصا باش تكتف الحراسة ...مشا كيجري سد الباب بساروت وسد جميع مخارج الفيلا حتى تاكد ومشا لسيارة ركب وطااار بيه لاقرب عيادة بيطرية ...." بقات هي الفوق فالبيت على اعصابها ودموعها مرة تمسحهم مرة تخليهم ...كتمشي وتجي كتسنا فيه يقوليها تهبط تشوفو اي حاجة ....بقا فيها بزااف ...هاد القضية مغايحس بيها غير الي مربي شي حيوان او دا عليه ....شحال وهي على اعصابها .... حتى صونا ليها تيليفون الي هبطو ليها فاش بغاو يفطرو ...وهزاتو كيف قاليها عاد طلعات لبيت ... يامنة : فؤااااد ... فؤاد "غادي سايق ومرة مرة كضور لعندو كيلقاه كيشوف ولسانو خارج ودم دايز من ضربة " : موقع ليه والو هو مزيان غانديه نداويه ونرجعو ليك ... يامنة : بصح بصح اهى عفاك فاش تجيبو خليني نشوفو ... فؤاد "عض على شفايفو " : واخاا ...بقاي فبيتك حتى نجي عندك ... قطع معاها كان فطريقو لاقرب عيادة بيطرية ماستغرقش بزاف حتى كان وصل ليها ...كان عيط لطبيب الي كيعرف تما بحكم هو طبيب ديال الكلب ديالو والي ليه شحال مشافو ...لقاه عند الباب موجدين ليه نقالة الخاصة ....حل ليهم الباب وتعاون معاهم حتى هزو وحطو ليهم ....مشاو بيه حتى دخلوه لغرفة الخاصة بعمليات الحيونات .... بقا واقف داير ايدو على نصو ...حتى خرج على العيادة جبد كارو وبدا يكمي ...شوي صونا ليه الفون كان ايلاف بلغو بالي غايتعطل حتى يسالي شي امور عاد يلتاحق بيه ....كمل سيجارة ودخل لداخل ....بعد لحضات حتى خرج عندو طبيب .... طبيب : سي فؤاد ...اش وقع ليه حتى تضرب ... فؤاذ : مالو ؟؟؟ طبيب : احم فيه مرض الصرع يمكن مداهاش فيه تاحد داكشي باش تزاد عليه ...وقعات شي حاجة حتى خلاكم ضربتوه بالقراطاس ... فؤاد : كان غايهجم علينا لداخل ضربوه الكارد ... طبيب : المرض بدا فيه من شحال هادي ...دابا مزيان متعطلش عالجت ليه الجرح خيطبتو مكانش عميق وخا في فخدو دغيا جبدنا القرطاسة ..ضربت ليه شوكة غايبقا هنا حتى يداوا وغذا تخرجو ولكن بقا متبع ليه دوا الي غانعطيك وكيفاش تعطيه ليه .... فؤاد "حرك ليه راسو ...ودخل حتى لعندو لقاه مغط مغمض عينيه باقي تحت تاثير المخدر ...طبطب عليه بايدو وحركها ذهابا وايابا ...بقا حتى طمان عليه ...عاد خرج من العيادة ركب وكسيرا نيشان لفين داير مع ايلاف ... وصل لنفس البلاصة فين باقين هادوك زوج راجل الي لقاه فالمطار وواحد الولد يكون فعمر اواخر العشرينات ...مربي شعر عند كتافو ...من كترة ما عطاوه دق داك شعر ولا مخبل ...عينيه مغمضين بدق وفمو مجروح من جنب .... ايلاف : شو صار ل فلاد ؟ فؤاد "غادي وكيهضر ...عاود ليه شنو وقع ..." ... ايلاف : شي طبيعي يعملو هيك فؤاد بس الي مو طبيعي الي على اساس عم يهتم فيه ومكلف ليش ما نتبه ... فؤاد "وقف عند هذاك خذا كرسي وجلس مقابل معاه " : تنرجع ليه ..."شاف فداك راجل " ....هضر دابا ... الراجل "كيقفقف باغي غير سلاك عمرو فحياتو ضن انه يطيح فايد المافيا ..." ...: انا اولدي اسمي لحسن ...نعاود ليك كلشي وخليني نمشي نشوف ولدي غايكون تيقلب عليا .... فؤاد "مغوبش فيه مع تخنزيرة خلاتو يتفتف لور " : كنسمع ... الراجل : انا وصلت مع الولد الي تلقيتي ليه كانت عندنا نفس طيارة ...وفعلا العنوان الي وريتك هو نيت الي قاصد ...كنت كنقلب الي يوريه ليه ولكن تاحد ما عاوني حيث كنهضر بالعربية وفرنسية معرفوش ينعتو ليا ....حتى لقيت واحد الولد وقفني نعث ليا بصبعو جيهة الولد الي كنتي معاه وقاليا بالحرف ... فلاش_باك في المطار ...كيسول على العنوان باش يرشدوه ...حتى وقفو واحد الولد ... الولد "الحوار بالفرنسية ": محتاج مساعدة سمعتك كتسول ... لحسن : واش تقدر توريني شكون يقدر فالطاكسيات يديني لهاد العنوان حيث ولدي بدل سكنى ومعرفتش اشمن طاكسي نسول ...واش نحتاج طاكسي ولا لا ... الولد : Je ne peux pas, parce que je ne connais pas ce pays, vous pouvez demander à cette personne là-bas....منقدرش حيث مكنعرفش هاد البلاد ولكن تقدر تسول داك الولد راه لهيه ... #عودة ... شير ليا لولد الي كنتي معاه وتبعتو حتى لقيتو دخل لسيارة وكنتي نتا ضاير حتى وقفتك وسولتك .... فؤاد "صغر فيه عينييييه مزيان حيث كلامى مقنعوش ..." : المطاااار قدامو طاكسيات عطيه العنوان يوصلك لفين بغيتي او لا ... لحسن : و والله الى هادشي الي كاين اولدي قسما بالله ... ايلاف "مربع ايديه وواقف حاضي لحسن وحاضي البرهوش لاخور الي سادين ليه ودنيه بكاسك عازل صوت ...وعينيه ...هضر مع فؤاد بروسية " : اممم هاد الهضرة مكدخلش العقل افؤاد ... فؤاد : كنسمع الحقيقة اسي الحاج ... لحسن : والله اولدي مكدبت عليك بالله ...انا جاي عند ولدي هو كانو عندو امتحانات حيث قلت ليه غانجي فدوك ليامات محددتش ليه امتا بغيت نديرها ليه مفاجئة ...داكشي باش استاعنت ...هو قاليا فين ساكن وكون عارف يا غايعطيني العنوان بالتدقيق يا غايتلقا ليا انا غير سمعت من فمو قيدت لعنوان من راسي مقيدتوش مدقق حيث غير قاليا بكلام عابر فين ساكن .... كيعاود وفؤاد مصغر عينيه فيه حاضي ليه تفاصيل فمو وحركات عينيه ...هز عينو فايلاف نطق بروسية باش يزيد تحقيق وميطلقو تيتاكد من اشنو بغا ويتوصل لشكون الي ضربو عاد يحكم على راجل واش يرجع فحالو او الموووت اذا كان مذنبا رجع لبرهوش لاخور عذبوه وشبعو فيه تعذيب حتى مبقاش قادر يهضر والو حلف واش بغا ينطق ليه ...كان هو الي ضرب فؤاد وكان هو الماجور من سيت المضلم ديال ديب ويب ... ايلاف : شووووف كيف جبدناك وعرفناك القاتل الماجور ساهل علينا نعرفو شكون امرك ...وفر على راسك حسن ليك وفر علينا عناء الطريق حسن منبقاو مدة عاد لقاوه وصيق بيا لقاوه لقاوه كيف لقاك فؤاد غير بضغطات زر من الماك ديالو غايزيد يكثف البحث ويلقا الي كلفك ونتا غادي تعذب ماشي غاتمون حيث الموت اهون ليك واقيلة او لا .... فؤاد "متااااكي فالكرسي داير رجل فوق رجل مفرقهم بطريقة رجولية ومربع ايديه شاد الكارو كيسمع ويكمي ...حاضيه هو الي كيستنطق فيه مخليه على راحتو ...كيف العادة مكيهضرش كيسمع ويقيد ويحضي حركات بنادم كيدايرة ...حتى كمل ايلاف وناض كيف العادة لاح الكارو نفخ ما تبقى من دخان عسف عليه برجلو ...شاف ف ايلاف كان هذاك الحسن مغمضين ليه عينيه ودايرين ليه كاسك ميسمع والو ...حدر راسو دوز على منخرو بصباعو حكو حتى حكو ... ومشا قرب لهذاك الولد ...تحنى عندو شاف ليه فعينيه مبااشرة ... فؤاد "عض على شفايفو بسنانو حك عليهم مزياااان ..." : ضيعتي ليا وقتي بزااااف ... ايلاف "صغر عينيه ورجع تقاد مربع ايديه ...كيتسنى ردة الفعل ديال فؤاد الي عارفها الى فات حتى ناض وتدخل فالاستنطاق عارف اخرت هذاك شخص شنو هي ....حدر راسو ونفخ هاز حجبانو ...نطق بصوت غير مسموع " : الله يرحمك يا اخييييي كنت وفرت علينا وعلى حالك ... فؤاد "بقا كيشوووووووف فيه يشوف يشوف حتى وقف ....وبسرعة غير متوقعة حط ايديه بزوج على راسو وضورو بجههددددد حتى تسمعت طراااااق ...جا مجبد فلارض ميت ... ساس فؤاد ايديه ومسحهم بسوبالا الي حداه ...هز الفردي خشاه وراه وصار جيهة ايلاف ... فؤاد : لاخور تفاهم معاه جبد ليه ودنيه مزيان ورسلو لبلادو ... ايلاف : لكن... فؤاذ : مغايخلعنيش ...دير شنو قلت ...غادي نخدم بطريقتي وخا غادي نتعطل المهم غادي نجبد الي دار هادشي كيف جبدت "شير ليه لهذاك القاتل الماجور الي عرف ليه ساس بكثرة ما كان يبحث فالماك الخاص بيه ... ايلاف "طبطب عليه " : عارف خبرتك بها المجال مش مشكلي اذا انتضرنا المهم النتيجة ... فؤاد : مزياان ... ايلاف : اجتماع جيفيتوف راح تحضرو ليوم ؟ عامل حفلي بعد بكرا باليل في الفيلا تبعه لازم تحضرو ... فؤاد "هز الفون خشاه فجيبو قاد الفردي مزياان ورا ضهرو فيكساه ولبس الفيستة " : غادي نجي ليه والحفلة نشوف وقتي واش يسمح ..."هز راسو لقدام وخرج ركب فسيارة واتاحه نيشان لفيلا ..." ....كان غايحضر اجتماع جيفيتوف المقام لكن فضل يمشي عند يامنة الي خلاها مشطونة ومقلقة ... كسيرا نيشان لفيلا ...دخل وبلاصا سيارة خرج منها هاز في ايديه زوج بلاستيكات ...واحد من محل مكتوب فيه اسمو وهو محل الحلويات والشكلاط نفس المحل الي جاب ليها منو جيلي ومارشميلو الخ ....واحد ديال مجوهرات ....دخل الفيلا اول حاجة دار هي طل عليها فالكوزينة ...ملقاهاش مشا حط الفردي فمجر المكتب سد عليه ....وطلع البيت نيشان ...لقاها متكية شادة الفون فايديها كتهضر اوديو ....حتى وقف عليها ... يامنة "شافتو لاحت الفون وناضت " : فؤاااذ ..."مشات لعندو " ...فين هو فلاد ..."بقلق " ... فؤاد "حط دوك ساشيات وشدها قربها ليه حتى لصقها معاه ....باسها في فمها بوسة خفييييفة غير حط راس شفايفو وشاف فيها ..." : غذا يكون عندك اغزالي ... يامنة : اشنو وقع ليه ... فؤاد "شاف قدامو غوبش حيث تفكر المنضر الي كان عليه فلاد فديك اللحضة " : غير مرض بواحد وجا كيجري ومخاصوش يكون مطلوق داكشي باش خلعوه ولكن جات فيه ضربة ..."مبغاش يخلعها منو " ....دابا مزيان غذا نجيبو ليك ... يامنة : وخاا صافي ...خلعني عليه ...عزيز عليا بزاف ولفتو ... فؤاد : مبقاش وحش ولا عزيز عليك ؟ يامنة : اهههههه لا مبقاش وحش ... باس ليها راسها ...طلق منها وتحنى هز دوك الساشيات ...جرها وجلسها فوق ناموسية مدهم ليها ...وقف هو كيحيد فحوايجو ... يامنة "عينيها فيهم القلوبة " : ديالييييي ...هههه "فتحاتهم لقات ساشية لولة فيها داكشي الي كيعجبها جيلي مارشميلو وشكلاط منوع بعض منو ...عاوتاااني هههه فؤاد : وديما اغزالي ... يامنة "ابتاسمت ليه ...": هههههه ذاقت منهم مارشميلويا .... مدات ايدها لساشية حتى وقفها ... فؤاد : تسنااي "حيد القميجة وسروال حطهم بقا غير بالبوكسر فالاسود ...مشا جلس حداها جرها عنقها بجنبو باس ليها عنقها وخذا من عندها ساشية ...جبد منها بواطة فالاسود ...حلها قدامها وتحلو عينيها معاها ... جبد منها زوج براسليات ديال ذهب مرصعين ...على شكل تموجات ...خذا ايدها وخشاهم ليها جاوها زوييينين مع بشرتها البيضاء ... يامنة : وااااااو 😍😍😍 وااعرين ... فؤاد : عجبوك ؟ يامنة : بزاااااف "هزت فيه عينيها لامعين ابتاسمت ليه بخجل كيشوف فيها كيتسنى ردة الفعل ديالها الي على مشارف ....بلا كتردد تلاحت عليه عنقاتو وتنخششات فيه " : شكراا بزاف حيث كتفرحني ... فؤاد "حط ايدو على دراعها زاد ضغط عليها " : شنو عندي من غيرك مويا جينا ...بصحتك ... هزت راسها وشافت فيه ...نبقا بيهم ولا نخبيهم ... فؤاد "هز ليها ايدها الي فيها البراسلي باسها ليها بوسات متقطعة وهو كيشوف فيها وفوجهها الي مزنك فور مكيبوسها " : الي عجبك ديريه ...كلشي ديالك ... يامنة : امم غادي نخبيهم حتى نحيد جبيرة ونديرهم ... فؤاد : واخا ...نوضي معايا "ناض ومد ليها ايدو " ....يامنة : فين ؟ فؤاد : نعومك باش تهبطي تغذاي ... يامنة : ااا غير خلي تال احم "تزنكت تاني " ... مداهاش فيها كاع شنو كتقول ميعيييس هو راسو كاع منسالي لفشوش ديال الوقت الغير المناسب ....تحنى هزها حتى جات بين دراعو وحطت ايدها على صدرو ...وتم غادي بيها ... يامنة "جاها تهرنين " : هنن عفاك بلاش ما ..."حمر فيها وهي تكمش " ....دخلها لدوش حط ليها حوايجها كاملين بقات غير بالكيلوط ... دوش ليها بالخاطر ...كيف العادة حتى غسل ليها مزيان ...خلاها توضى بالتيو ديال الوضوء لتحت وتغسل بالما ديال الوضوء ...حتى نقات حالتها ...عاد جاب ليها بينوار لبسو ليها بالقب الي ذارو ليها على راسها وهزها بين ايديه حنيكاتها مزنكيييين كي شي بنية صغيييرة ...كانت تتشوف فيه ... فؤاد : مالك ... يامنة : لحيتك كبرااات ... فؤاد : دابا نقصها ... يامنة : هههه كنت كنعاون با فيها كان كيعطيني ماكينة باش نقصها ليه فاش كنت صغيرة "حطها فوق الفراش " ...حيث كنبقا نبكي ليه كيحساب ليا واش داكشي الي فوجهو لاكريم ههههه ... فؤاد "مسح ليها شعرها ومشا لماريو جبد ليها دوبييس وبيجامة بضوني وشورط قصير ديال القطن فالاحمر ...حطهم ليها ..." : اجي معايا ... مد ليها ايدو ...ناضت معاه دخلها لدوش ...جبد رغوة ديال لحسانة مدها ليها وجبد الماكينة ... يامنة "كترمش " فؤاد : ديريها ليا فلحيتي ... يامنة : واخااا هههه ..."بركات على القرعة حتى خرجات ليها رغوة على شكل كريمة مخفوقة ...حطت ليه على لحيتو برفق وهو مخليها على خاطرها طلس ليه ...حتى كملت ...عطاها ماكينة الحسانة " يامنة : والى جرحتك ؟ فؤاد : جرحتي باك فاش كنتي صغيرة ؟ يامنة : الااا ... فؤاد : دابا كبرتي وليتي مرات راجل اغزالي ... ضحكات ليه بخجل ...حاوطها بدراعو وتكا على جناب لافابو جات هي وسط دراعو وهو مقابل معاها ... يامنة : ولكن را ايدي ليسرى مكنعرفش نخدم بيها ... فؤاد "خذا ايدها بين ايدو وشد بيها ماكينة الحسانة بدا كيحسن جناب اللحية حتى كمل ...مسح لحيتو وهز طوندوز نقص بيها كثافة اللحية حتى شذبها مزيان وقادها ...باسها في فمها بوسة طويييلة حتى دخل معاها فقبلة كيبوس ويمص عض فمها ودخلو لسانو كيدوز بيه على جناب فمها .... طلع لمنخرها باسو حناكها عينيها عنقها حتى خشا فيه راسو مزيان شبعو مصان وعضان حتى كتهز وتلصق فيه ...مبتاسمة وحناكها مزنكييين بالتبوريشة ...مغايعضها عضة بجهد حتى تهزت ولقصت فيه بجهد حتى تعگرت فايدها.... يامنة : اااااي فؤاد "حس بيها فاش ضغط على ايدها فصل القبلة وشاف فيها " : مالك ... يامنة : ايدييي ... فؤاد "باسها في فمها وحك ليها على ضهرها " : اجي لبسي حوايجك ..."شابك ايديتها مع ايديه ودارها وراه خرجها حتى لبيت جلسهادفوق ناموسية ...لبسها حوايجها ...قاد ليها الباندة ...مشا لبس حوايجو ...لبس وحدين اخرين غير لاخرين الي توسخو ليه بتجنديخ ... يامنة : غادي تخرج ؟ فؤاد : اه غادي نتعطل باليل عندي شي خدمة ...غير تصرفي على راحتك فدار هذاكشي الي وقع صباح غير باش يخلعوه حيث كان مريض متخافيش ...ردي بالك لايدك وراسك وشربي دوا الى حسيتي بالصداع .... يامنة : وخا ... فؤاد "دار تيليفونو فجيبو والكونطاكت ...مشا رش ريحة ديالو كانت غير بارفان الي كيدير ...ومشا لعندها جرها لعندو حط ايديه على حناكها ..." : تعشاي وطلعي نعسي حتى نجي غانحاول نجي بكري ...ديري بالك صباح غادي نخرجو تفاهمنا ؟؟ يامنة : تفاهمنا ...فؤاااد ...غادي تجيبو غذا نشوفو ؟ (فلاد) فؤاد : غادي نجيبو غذا ولكن متلعبيش معاه مزال مريض ... يامنة : اه صافي بغيت غير نشوفو اصلا توحشتو بزاااف ...ههههه فؤاد " تحنى لعندها عنقها ...باسها في عنقها وطلع لودنيها ..." : وزمانك متوحشتييهش ؟ الصدف كثيرة في حياتنا ياااما عشناها ياما تصادفنا باحداث غيرو حياتنا وياما تصادفنا بناس كنا ناسينهم وياما تصادفنا باشياء غريبة وياما تصادفنا بشي حاجات مكناش حاسبين ليها حساب...شحال من حدث داز في حياتنا كيكون ليه علاقة بحياتنا الي عايشين دابا ممكن هادشي علاش كنقول ديما انا الله هو الي كيحدد مصيرنا وكيكتب علينا المكاتيب الي هو عالم بيها وفيها حكمة وخير لينا ....ونعم بالله .... يوم جديد في حياة يامنة في موسكو ...فاقت كيف عادتها ملقاتوش جنبها من بعد ما جا في وقت متاخر من الليل بدل وتخشا حداها محاوطها بدراعو ....دارت روتينها صباحي ...وهبطات لتحت لكوزينة فين ولفات تفطر معاه ....لقات الفطور واجد وهو مزال مجاش ....كيف العادة رياضة الصباحية ديالو كيف ديما في ارجاء الفيلا او لاصال ديالو الي فدار ولانه مزال شوي ليه على فترة نقاهة ديال الاصابة ف باقي ممنوع عليه يهز الحديد كيف موالف... يلاه بدات كتفطر حتى تم داخل عرقان طل عليها ...صبح عليها وباسها ومشا طلع لفوق يدوش ...نزل لعندها بشورط قصير كحل وتيشرت فنفس اللون ...فطر معاها ... فؤاد "شاد الفون كيبقشش وكيهضر معاها " : فطري باش نطلعو تبدلي غادي نخرجو ... يامنة : واخا فين غانخرجو ؟ فؤاد "شرب رشفة من قهوته " : دابا تعرفي ..."مع غمزة " ... يامنة "تحدرت تاكل والتزنيكة مخاطياهاش " : اهههه كملو فطورهم وطلعات هي وياه الفوق محاوطها منخششها فيه ...مرة مرة يخشي وجهو يعضها عضاتو القاصحين حتى كطوي عنقها ....عاونها حتى بدلات حوايجها .... الي كانو عبارة على جلابة كانت فشكل جديد مواتية للموضة مخزانية فالخزي بالقب فيه شوشة مخيطة بنفس اللون كمايمها عراض اصلا بحساب ايدها باش تسهل عليها ...تحت منها بودي وكولو فالصابلي ...هادشي جابتو معاها من المغريب جمعاتو ليها نجود من وراها لان الي وقع اربكها ومبقات عرفات شنو تجمع فاستغلت نجود الوقيتة الي كانو مدهيين مع العيالات وجمعتهم ليها حتى بغاو يمشيو عاد قالتها ليها بالي راهم فليفاليز ديالها ....مع بعض اللوازم الي كانو تقداوهم فاش مشاو لفاس هي وياها .... لبساتهم عاونها فيهم كيف العادة شاد معاها الخاطر حتى لبساتهم ...مشط ليها شعرها وجمعو مهمل ...مكيعرفش يجمعو ديما جامعو ليها مهمل ورغم ذلك كيجيها زوين ....مشات لكوافوز عصرات كريم نهار ضد شمس باش يرطب ليها وجهها الي مبقات دارت ليه والو مع المرض .. وهو مشا دخل لبس قميجة فالبلومارين وسروال كحل ...خشاها فيه ولبس سمطة ...خرج لعندها لقاها جالسة من بعد ما رشات بارفان ديالها الي وصلاتو ريحتو تالعندو ...شاف فيها دار ليها حركة بعينيه فحال غمزها حتى حدرات راسها كتبتاسم ومشا هو ...قاد راسو لبس ساعتو ورش بارفان ديالو .... يامنة "عجبتها ريحة البارفان ديالو الي معتادة عليه ...لاحضت كمية البارفانات الي عندو كيستعمل غير وحدة ...." : فؤاااااد "بصوت رقيوق وحنيييين " .... فؤاد "كيقاد فساعتو هز راسو شاف فيها من المراية " : يامناااااا "فحال تيعيبها....غمزها " ....شنو ؟ يامنة : اممم هههه وخا نسولك .؟ فؤاد : ميحتاجش كل مرة تشاوري سولي نيشان ...نعااام ؟ يامنة : عندك بزااف ديال ريحات كدير غير وحدة كتعجبني زوينة بزااف علاش مكديرهمش ؟ فؤاد "عوج فمو بزربة " : كندير غير وحدة الي كتعجبني هادو مكنديرهمش بزاف مرة فشحال ... يامنة : ااه كتاخذهم نتا ولا كيجيبهم ليك شي حد ؟ فؤاد : مكناخذش من عند تاحد شي حاجة كنشري حاجتي راسي ... يامنة "ابتاسمت ليه " : الى جبت ليك كادو تقبلو ؟ فؤاد : "ضار مشا ليها تحنا باسها في حنكها " بعينيا مغمضين ازين ديالي ... ضحكات بخجل وجمعات فمها فرحانة بالهضرة الي قاليها ...مشا جاب ليها صباط موكاسان فلون الجلابة عاونها حتى لبساتو وجابت صاك ديالها فيه تيليفونها ولوازمها شخصية ...لبس تقاشرو وصباطو هز الفون دارو فجيبو هز الكونطاكت فايدو وليد لاخرا ضورها عليها حازها ليه وخرجو هبطو لتحت نيشان خرجو لبرا عند سيارة ....حتى شدها من ايدها وجرها .... يامنة "غييير شافتو وهي تبرق عينيها كان جابوه وحطوه فالبيت ديالو غير شافها وهو ينوض راسو وخرج لسانو بدا ينبح " : فلاااااااد 😍😍😍... طلقات من فؤاد من ايدو ولكن جرها مخلاهاش تمشي عندو ... فؤاد : لا مزال مريض شوفيه غير من هنا ... يامنة "كترجى فيه " : عفاك عفاااك والله متخاف غير نقيصو عفاااك شوف مسكين كيف كيدير ... فؤاد "خنزر فيها " : لاااااا ... يامنة "عرفات ليه الكود ديالو معاها ...قربات ليه وتنخششت فيه ..." : عفااااااك ...باجهالويستا ... فؤاد "هز حجبانو فيها " : تتت ....ردي بالك ... يامنة : عههههه صافي غير نقيصو ونوض ... طلق منها مشات لعند الكلب الي غير شافها قلش ودنيه وبدا ينبح عليها ...مشات لعندو تكعد شوي حتى تحنات وبدات تقيص فيه بحركات ايديها ذهابا وايابا ....حتى بدا كيدير اصوات رقيييقة ...قرب ليها لايدها المهرسة وبدا كيلحس فيها .... يامنة : هههههه مسكيييين ... فلاد : اوووو اعععووو ..."كيلهث " ... يامنة : ههههه ...طبطبات عليه وهي تنوض قربات لفؤاد شابك صباعها مع صباعو ... فؤاد "شير لكارد الي جا عندو كيجريييي " : شنو درتو مع الي مقابلو ؟ الكارد : جرينا عليه قاليك مردش ليه البال كان مزيان وديما متابعو وتا هو مفهمش ...درنا الي قلتي لينا وجبنا واحد موثوق طبعا حتى تاكد منو سي ايلاف .... فؤاد "مخنزر " : مزيان ...يلاه ...جر يامنة ومشاو لسيارة قاد ليها سانتيغ وضار هو ركب وانطالقو نيشان خرجو من الفيلا وسيارة قدامو بعيدة شوي ووحدة وراه .... غادين فسيارة مسافة طريق حتى دخلو لمدينة وخذا الوجهة لوسط المدينة تقريبا ....لمنطقة الادارية المركزية ....القريبة من محطة الميترو اريكاردنايا .... يامنة طول طريق وهي ساكتة ...حتى ضارت لعندو لقاتو عاقد حجبانو مركز مع طريق ...ولانها ولفات منو انه توصل وتطلب فلول ضروري متيكون داك تردد والحشمة الي بين طرفين شيء طبيييعي مضصرش من لول شوي بشوي ...كانت فلول كتاخذ الاذن ديالو فاصغر حاجة .... يامنة : وخا تشعل راديو ؟ فؤاد "حك حنكو وضار لعندها " : شعليها ديري الي بغيتي ... يامنة : امم معرفتش ليها ... فؤاد "قبط ليها ايدها ليسرية حيث جات اصلا قريبة ليه وحداه من جيهتو حط ليها صبعها على پاور حتى كليكا عليها " : خربقي كيف بغيت فحالها فحال تيليفون ... يامنة : خفتها تخسر ... فؤاد : ماشي مشكيل ... جمعت فمها ...بقات تبرك حتى لقات الموسيقى كليكات عليها ولكن مع الاسف جات نيشان فكالينكا وعلاش لا وهي الي عند فؤاد هي وكاتيوشا فمقدمة الاغاني ؟ هاد المرة كانت كالينكا بميكست ريميكس ...ههههه يامنة "خرجت عينيها حيث ديما تتفكرها فتشلقيم وهي الكود بين ديال تشلقيمهم ههههه " : اممم كحكح ا "طفاتها " ... فؤاد "كيشوف فطريق " : شعليييييها ... يامنة : ابلاش مزويناااش ... فؤاد "ضار لعندها ...رفع حاجب ومزل لاخور ...كيشوف فيها ويشوف فطريق " : مزويناااش ؟؟؟؟ يامنة : الااا والله تا زوينة ماشي امم ... محست بيه غير وهو ذاير سينيال لجنب ودور لفولون حبس لفران بجهد حتى تخضخضت ...ضار لعندها جرها من لكول تلاح على شفايفها بعنف بنيييييين ههههه ...كيبوس في شفايفها بجهههدذدذ كيجرهم ويرجع يبوس ويرجع يمص فيهم حتى بجغهم ليها .... حست يفمها ولا سخووون بزاف بتجباد حتى بغا يخنقها ...عاد فصل القبلة هي كتلهث وهو عااادي ...عضها في فمها عضة خفيفة ... يامنة "بقات غير كترمش بزربة وجهها بغا يطرطق حست بكرشها كتفيبري هههه ..." ... فؤاد "يلاه بغا يضور حتى دق عليه الزاج ديال الشرجم فتحو مخنزر ..." : شنوو ؟؟؟ الكارد : كاين شي مشكيل سي رمسيس ... فؤاد : لا مكاين والو "شير ليه براسو باش يمشي " ...حيد سينيال وحرك طوموبيل رجعها لطريق وانطالق بيها تحت نغمات كالينكا .... كااانت الوجهة وسط المدينة تقريبا ....بالضبط لحديقة حيوان موسكو او Московский зоопарк يعني بالروسية ماسكوفسكي زووپارك ... التي تقع في المنطقة الإدارية المركزية من موسكو، قريبا من محطة ميترو "باريكادنايا". اما المدخل المركزي للحديقة فتقع على تقاطع شارع " كراسنايا بريسنيا" مع شارع "بولشايا غروزينسكايا .... طول طريق وهي زامة فمها كيف طلقها كيف خلاها مبقات نفنفتش ههههه ...غايقتل ليها سونتيمون الفجيلة ....حطات راسها عالزاج كتشوف فالمدينة وطرقات ....حتى نطقات بدون شعور .... يامنة : وااااااااو ... فؤاد "ضار شاف فيها ورجع شاف قدامو كيسوق " : عجباتك موسكو ... يامنة "ضارت لعندو مبتاسمة " : زويييينة بزاااف ... مد ايدو لحناكها دوزها عليهم برفق بحركة خفيفة بورشاتها وهبط لعنقها دوز عليه بصباعو حتى طلع لحنكها قرصو شوي بصباعو بزوج ...وصل لفين الوجهة ديالو وبلاصا سيارة ...هز الفردي من جنبو حلو وجبدو ...خشاه وراه وهز فيستة من لور ...لبسها وفك ليها سانتيغ عاد خرج وحل ليها لباب كتشوف فالبلاصة فين وصلو .... يامنة "كتشوف فالديزاين الي قدامها عجبها تصميم المدخل ..." : اشنو هذاا ... فؤاد "حاوطها بجنبو " : هاحنا غاندخلو وتعرفي ... دخلو من بعد مشاف فرجالو باش يطلقو العسة مفرقة وزوج يكونو معاه ...وزوج سابقينو ...دخلو وعند الباب عرفات فين هما ... يامنة "بفرحة كمشت فيه وتنخششت " : حديقة الحيوااان ... فؤاد : هي هدي انور العين ...اجي ... دخلو دخلها لداخل كتشوف كل حيوان وحدو كانت تقريبا لحديقة فيها 7747 حيوان و 1150 نوع حسب احصائيات سنة 2012 .... طبعا ما بغاتش تفلت الفرصة جبدات تيليفونها كتصور وخا حشمانة مبغاتش تفلت عليها لقطات ...وتاهو مخليها على راحتها بجنبها ...كيكمي وحاضيها كيفاش فرحانا وكتصور وتصور فالحيوان الي قدامها ... حتى وصلو جيهة الغزااال ....بقات كتشوف فيه حتى جاها من لور حطت ايدها على سياج وهو لاصق معاها معنقها من كرشها ...حسات بالفراشات تيلعبو ليها فديك الكرش ...خشا وجهو فعنقها عضها فيه وباسو بوسة خفيفة ...هز عينيه نيشان فالغزال ... فؤاد : عجبك اغزالي ؟ يامنة : ههه اه زويييين ... هز الفون ديالو قادو على موضع سيلفي ...حط شفايفو على حنكها قريب شوي لفمها غمض عينيه حتى عقد حجبانو صور اللحضة بهاديك الطريقة ...باسها بجهد وهز عينيه كيشوف في الغزال ومرة مرة كيلوح عينيه لجناب حاضي ... يامنة "وجهت بسؤالها ليه " : احم ...علاش خرجنا ؟ فؤاد : كيفاش ؟ يامنة : اا غير سولت حيث نتا عندك خدمة قلتي مزير ... فؤاد : ماشي حيث مزير منخرجكش ....شوي هكا وشوية هاكا ماشي حيث مراتي نحبسك فدار ؟ مرة مرة نخرجك ... ابتاسمات ليه ...قبط ايدها وضورها تاني ...هو رغم الي وقع خرجها رغم ان دنيا ماشي امان خرجها مبغاش يخنقها فدار خاصة مريضة بايدها باش متحسش براسها مخنوقة خرجها ....ضارو على الحديقة وهي فرحانة وكانت اخر محطة ليهم هي جيهة نسر .... تقابلت معاه كتشوف فيه ... يامنة : نسر ؟؟ فؤاد "ضور ايدها على كتفها كيحك بايدو دراعها ....هز عينو كيشوف لقداام ...سارح بعينيه ونطق وهو كيشوف قدامو ...." : جيت لهنا وانا صغير بزاااف فؤاد "ضور ايدو على كتفها كيحك بايدو دراعها ....هز عينو كيشوف لقداام ...سارح بعينيه ونطق وهو كيشوف قدامو ...." : جيت لهنا وانا صغير بزاااف ...عندي تقريبا 22 عام ....فاش كانت عندي 17 ....خذيت الباك ديالي صغير فشعبة العلوم بنقطة جيد جدا ....حيث كان الوليد نجار على قد الحال ... دفعت لمعهد ديال رباط لعلم الاثار ...INSAP يامنة : كيفاش علم الاثار يعني داكشي القديم ديال الحضارات القديمة ؟ هادشي الي قالينا الموجه فاول العام فاش كنت كنقرا .... فؤاد "شاف فيها ورجع شاف قدامو " : هو هذاك ..."رجع كمل " ....مكانش كافييني لفلوس باش نقرا ومكاينش الوقت باش نخدم ونقرا فنفس الوقت ... وخا هكاك دفعت ليه دوزت. الامتحان وتقبلت فيه ...كان خاص نقلب على سكنة ...قريت فيه كملتو خديت الاجازة ...بنقطة جيد جدا كان خاصني نكمل ولكن المصاريف قاصحة ...مبغيتش نكلف على الوليد ...جاتني فرصة نكمل فروسيا الماستر وفنفس الوقت نخدم .... اقتارحها عليا ايلاف كان كيقرا معايا فالرباط ...قلتها الوليد فلول مبغاش ولكن عارفني الي فراسي فراسي ..دفعت وخرجت ليا وجيت لهنا قريت ماستر ودرت ماستر تخصص وخديت دكتورا....كملت القراية وسط خدمتي. هادي الي انا فيها دابا .... يامنة : واااو سعداتك حتى انا مكرهتش كون كملت قرايتي فؤاد "باسها فراسها " : تزوجتي بيا .... يامنة "حدرت راسها وضحكت " : ههه اه ..."هزت راسها " ....وكيفاش حتى خدمتي ولا عندك هادشي وشركة الي في فاس ... فؤاد "جر من الكارو جرة وعفط عليها " : بلادنا مكتعاونش قلة الشي كتخليك تاخذ طريق عوجة ...خدمة هنا وخدمة تما حتى كدخل لهاد البلا ...تلاقا بالناس المزيانة ولا ناس الخايبة ... ونتا وزهرك وما هزات مغرفتك ...وطحنا فهاد المغرفة المرة ... يامنة : شنو خدمتك ؟ فؤاد : خدمتي داخلة فداكشي الي قريت ...تخصص ديالي جرني ودخلني لبلا ماشي ديالي ..."شاف فيها " ...كنبيع الاثارات ازين ديالي ... ابتاسمت ليه ...وشافت فالنسر .... يامنة : شنو سميتو بالروسية ... فؤاد "حط وجهو عند كتفها وشاف فيه صغر عينيه عاقد غوباشتو ...". : اريل ماسكفا ...نسر موسكو .... يامنة : ارييييل مااسكفااا ....ههههه بقاو حتى كملو ضوران فالحديقة ...او كملت هي ضوران اما هو دغيا قندش ولكن صبر بزز منو هههه باغي يخليها تحس بالامان ...عندو فكرة انه تنسى شنو كاين متوترش باش حتى هو ميتوترش وتفكيرو ميتروبلش معاها كيف مكانت ضاحكة راسو يتنفس ويفكر براحتو لداكشي الي كيخطط ليه .... خارجين من الحديقة فاتجاه شي ريسطو فين يتغذاو ...كيف العادة بجنبو حتى صونا ليه الفون ...كان ايلاف .... ايلاف : وينك ؟؟ فؤاد : شنو كاين ؟ ايلاف : مكاين شييي هههه بس بدي ذكرك انو اجتماع ثاني اليوم بس راح يكون داني موجود لا يكون بعلمك وراح يكون ساعة وحدة باليل بفيلا ماريو ... فؤاد "عض على فمو بجهد حتى تحرك ليه الفك ديالو ...خرج لسانو طواه وعاود دخلو " : تنسالي ونشوف ...مساليتش تكلف نتا ... ايلاف : اوكي تمام ...وذكرك الحفلة بكرا بالليل ..."سالا معاه الهضرة وقطع ضار شاف في يامنة كانت كضور وتشوف فرحانا ...جرها ودخلو لسيارة ...كسيرا نيشان لواحد من ريسطورات المتواجدة تما ...كان واحد ريسطو كيدير اكلات مغربية تقليدية ...عارفها فحالو عزيز عليها الاكلات البلدية ...دخلو ليه كان المنضر ديالو زوييين تقليدي بشموع والسيراميك الاندلسي ...شابك ايدو مع ايدها ودخلو ...جلسو فبلاصة فيها فوطويات ...جلس هو وجلسات حداه ... جا عندهم نادل ... فؤاد "جالس داير رجل فوق رجل بشكل مفرق ...شاد الكارو كيكمي من بعد ما شعلو كيف دخلو ..." : شنو تاكلي ؟ يامنة : ااا امم الي خديتي تانا بحالك ... فؤاد "شاف فالنادل وطلب كسكسو ...وداكشي الي كان بينما جا نادل بالطلب جرها من عنقها وتكاها عليه ...كيلعب بصباعو فعنقها ...ويداعب فيها وهي مرة يجيها هر مرة تحدر راسها مرة تجيها البكية بالحشمة ...حتى جا الطلب حطو ليهم فقصرية تكفي لشخصين مع اللبن ... كب ليها وليه وبدا يوكل فيها وياكل حتى هو شوية حتى بدات هي تاكل راسها وخا ليسرية المعيلقة معاونة ...حتى كملو غذاهم ...طلب قهوة وهي عصير فوق منو گلاص بالفريز والمونگ .... فؤاد : غزالي غادي نرجعك لدار وشوية وغادي نخرج متسناينيش تعشاي وتصرفي براحتك فدار ... يامنة : غاتجي معطل ؟ فؤاد : نعسي حتى نجي ... يامنة : وااخاا ... كمل قهوتو وكملات هي ...وناض خدا ايدها وحاوطها تاني حتى خرجو من ريسطو ...يلاه كان غادي يركبو حتى تسمع صوت نسائي كيعيط بسميتو والي ليه مدة طويييييييلة مشافو وكحالت عليه ثاني .... هي : فؤاااااااااااد .... يامنة : ضارت تشوف شكون حتى بانت ليها وحدة جايا كتزرب فخطواتها...بلقاااا وشعرها ذهبي وعينيها زرقييييين ...طويلة لابسة كسوة فالغوز بيبي ....مدايرا حتى ميكاب من غير عكر ماط گرونة ... فؤاد "سمعها وعرفها ولكن باش يضور لعندها لا ...حل الباب ليامنة وقاد ليها سانتيغ باسها فراسها وضار هو لجيهة لاخرا حتى وقفات عند وجهو يلاه بغات تحط ايدها على صدرو .... حدر عينيه لايدها الي جايا بغات تحط على صدرو رفع حاجبو ..." ... ايشا : فؤااااد يا سكوتشايو پو تيبي "توحشتك " ... محست غير بايدها ملوية تاني ...."ايشا هي اول بنت فرشخ فالنايت وهرس ليها ايدها ..." طواها ليها حتى تاوهات وغمضت عينيها .... فؤاد " قرب ليها حتى قرب عينيه مخنزريييييييييين طالق واحد شرارة من دوك العينين ...." : لمررررة جاااايا ودعي راسك ..."دفعها حتى جات لارض ...مسح ايديه وشير لواحد من رجالو يحيدوها من تما ..." ... دخل هو لطوموبيل دار سانتيغ وكسيرا حتى تهزات سيارة ...الشي الي خلع يامنة ...وتركنت مهضراااتش كانت بغات تسولو شكون هي وهي دخل سوق راسها .... مسافة طريق غادي بسرعة ....فنفسو محملش الموقف الي وقع ليه ...حس باهانة ليامنة ...تشوف كتلاح عليه وحدة بهاديك طريقة ...وهو ميك عليها ودار براسو فحال مكايناش ولكن خفة ديالها جابتها ليها ....غادي سايق وكيكمي ...حتى داز الوقت ووصلو لدار .... دخلو لفيلا ...طلعات هي نيشان لبيت ...اما هو فا دخل لمكتب ديالو دوز لفون لايلاف اكد عليه باش يجي قبل وقت الاجتماع بساعتين ...باش يمشي هو وياه ...فتح الماك ديالو بقا مقابلو ومقابل شغلو فيه بتركيز حتى لواحد الوقت كان كينقر ينقر بصباعو فوق المكتب نقرة الاخيرة صغر عينيه كليكا على واحد زر فالكلافيي ...تكا على الكرسي كيشووووووف ....طفا الماك ...عاد طلع لبيت عندها ...لقاها حيدات جلابة راسها وبدلات حوايجها ....لبسات بيجامة فالغوز ... فؤاد : علاش متسنيتينيش ؟ يامنة : معدبتنيش دغيا تحيدو ... فؤاد : راك كتفورصي على ايدك ايامنة مخاصهاش تحرك حتى تبرا ..." حل صدافي قميجتو وحيدها حيد صباطو وتقاشرو وحيد سروال بقا غير بالبوكسر هي غير شافتو بدا يحط وهي تغنس وجهها ف تيليفون كتراسل مع سارة وراوية ...ودخل لفيس ضور فيه المهم تدهي الوقت باش متشوفوش عريان وهو العكس ممسوقش اصلا مراتو حلالو تشوف كلشي فيه ويشوف كلشي فيها ...هو كيتعامل معاها شوي بشوي وهاهي بدات كتزعم هاهي بدات كتطلق معاه اكثر وحتى هو ...ورغم ذلك مراعي لسنها صغير ....مقارنة معاه هو .... ...مشا لدوش دخل غسل وجهو وتحدر على روبيني حتى تطلق ليه الما على راسو وغسل ايدي وايديه وخرج كينشف فراسو ووجهو ...هز عينيه لقاها مغوبشة وغانسة راسها فتيليفون ... دخل لبس حوايج جداد كمل ولبس تقاشرو وتقاد مع المري تلني حتى جبد من المجر ساعته سواتش كلاس فضية ...رش بارفان ديالو ...هادشي كامل كيدير فيه عاقد غوباشتو حيث تفكير ديالو كااامل مع داك المرض ديال داني الي مكرهش يقتلو وسط راس غير مهدن راسو بزز حتى يشوف نوع هاد الصفقة ثاني الي معاه مرة اخرا ...مرة مرة كيهز عينيه حاضيها....حتى كمل وضار عندها ومشا جلس حداها .... فؤاد "حيد ليها لفون من ايدها وحطو جرها جنبو عنقها هز ليها شفايفها لعندو ....باسهم وباسهم وباسهم حتى دخل معاها فقبلة عميقة على شوي يسخن ويمغطها تما غا عندو الاجتماع ....باسها فحنكها وشاف ليها فعينيها .... فؤاد "كيدخل ليها فشعرها ورا ودنيها " : العشا كاين واجد غانتسنى شوي بينما جابوه نحطو ليك ..."شاف فساعتو كانت قريبة ستة لعشية " ....غادي نرجع معطل تعشاي وشربي دوا الى ضراتك ايدك وارتاحي ...متخرجيش لجردة فليل وانا مكاينش حتى يبرا فلاد ومرة مرة خرجي لعبي معاه....تفاهمنا ؟ يامنة : همم واخا ... باسها فجبهتها وناض جمع الوقفة ...هز الفون والكونطاكت حتى ... يامنة : اممم فؤاااد ... فؤاد "كيبقشش فالفون عينيه عليه " : نعااام ... يامنة "ترددت حتى ترددت ولكن فالاخير سولات " : احم هاديك البنت قبيلا شكون هي ؟؟ فؤاد "هز عينيه رفع حاجب ونزل لاخور " : علاش كتسولي ؟؟ يامنة : ااا و والو غير سولت ... فؤاد "عض على شفايفو وصغر فيها عينيه مزياااان من الي شافها ماهياش عرفها اشنو بيها " : هاديك عمارة داري لولة "بلعاني هههه " ... يامنة "عينيها غرغرو تصدمات حيث ولفات غير هي جاتها فشكل وحيث ولفات فؤاد وحدو عمرها سمعت انه مع شي وحدة وقالو ليها نتي الي بدلتيه وحيث هي عمارة دار ديالو والسيد الي كان قليل الكلام وغير معاها هي كيتجبد منو الكلام ...مصبراتش مصبراتش وهي تبدا تهرنن شوي بشوي بشوي كطلع فلادوز حتى طلقتها " اممم اممم اهى اهى لا لا اهى اهى .... فؤاد : شنووو ؟؟ يامنة : واااااااااااالااااااو اهى اهى اننن انااا هي عمارة دارك اهى اهى ... كانت هادي اول مرة تبين على غيرتها هههه ولما لا وهي الي كتحس براسها المدللة الوحيدة عندو ...محسسها انها هي الي عندو وفعلا ...هي شافت الغيرة ديالو عارفاه مغيار لاقصى درجة وهادشي تجلى فشحال من موقف ...وحتى فلباس ...لكن هو عمرو شافها كتغير عليه يمكن حيث هو مدارش شي حاجة الي تخليها تغير عليه ...مفيها باس لو شاف غيرتها غير بالضحك ساعاك هاهي بدات دمع ليه ههههه يامنة "دارت ايدها على عينيها كتسمح فيهم ودموعها دايزين لبكاية ...هادشي الي تتعرف غير البكا ولكن البكا ديالها هو نقطة ضعفه وسلاحها الفتاك من جيهته هههه " : اهى اهى اعع انا انا ... فؤاد : نتي شنو ؟؟ يامنة : اهى اهى وااااااا انااا هي عمارة دارك انااا اهى ...واهى اهى ... فؤاد : ماالك دابا علاش كتبكي ؟؟؟ يامنة : اهى اهى قلتي هي عمارة دارك لولة اهى ... فؤاد : و مبقاااتش !! يامنة : اهى اهى فؤاد : يلاه صافي بلا بكا ..."عجباته ردة الفعل ديالها مكرهش يخشيها فيه ويبقا غير معنقها " "بدات كتنخصص ...مقدرش يزيد عليها اكثر خشا الفون فجيبو وتوجه لعندها وقفها ...مسح ليها دموعها بصبعو الكبير ..." ... فؤاد : ششش صافي صااافي نتي بوحدك ... يامنة "حادرة راسها وكتجمع فخناينها وشفايفها كيفلتو ليها ...كتزلق ليها البكية " ... جرها عنقها وباسها فعنقها ....حسات بغصة فقلبها وديق فصدرها فحال قلتي ليها راه مات مرضاتش وهادشي راه طبيعي بالنسبة ليها كتبغي راجلها ومولفة عليه ومولفة غير هي الي كتسمع منو كلام الغزل من هاد نوع ...شيء طبيعي تبدا تحرك فيها نار الغيرة وخاصة الى تعلق الامر بفؤاااااد .... مكانتش كتوقع غاطيح فهاد الموقف ...وتاهو دارها ليها بلعاني باش يجس النبض ديالها ويشوفها واش كتغير عليه وشيء طبيعي راجل يبغي يشوف حبيبتو ومرته كتغير عليه ....هذا هو ملح العلاقة بين ليكوبل المتزوجين او العشاق .... بقا معنقها حتى سكتات وهو خاشي وجهو فعنقها كيبوس فيه ويشمشم بالسلوگي لاخور هههه .... فصل العناق وشاف فيها مصغر عينيه فيها تاني كانت حادرة عينيها ومرة مرة كتمسحهم ...باس ليها راسها ... فؤاد : مزيان دابا ؟ يامنة "جاوباتو براسها ب اه " ... فؤاد : عندي اجتماع من دابا ساعتين غانحاول نرجع بكري ديري شنو قلت ليك ... يامنة : وااخا "باقي حادرة عينيها " ... فؤاد " بغا يراضيها معندوش الوقت دعقو الاجتماع الي خاص يحضر ليه وباغي نييييت يتفاهم مع هذاك الي جاب ليه داني تاني للمرة الثانية ومحلف عليه ....غير اسم داني مخليه معصب باغي غير ينطح ولا يجندخ .... شاف في ساعته لقا بالي الوقت الي دار مع ايلاف وصل صونا ليه وقطع معلن على الوصول ديالو بفيلا وبالي راه لتحت .... شاف في يامنة ....رجع باسها وخشا الفون فجيبو وخرج من البيت هبط لعند ايلاف ...بقا هو وياه حتى جابو ليه رجالو العشا حطو ليها فالكوزينة محلوش باش يبقى سخون داقي منو شوي وجمعو وخرج سد الفيلا من برا خلا ليها سيستيم تحل من لداخل ومتحلش من برا ....ديريكت ركب فسيارة وانطالقو الوجهة مباشرة لاحدى الفلل المتواجد خارج المنطقة والي فيها الاجتماع السري الخاص بنوع الصفقة الجديدة .... بقات هي كتفكر لاول مرة كتحسس باحساس فشكل ...كانت كتشوف ماريا فديك الايام الاولى ليها ولكن مكانتش كتحس بداك الاحساس الي هي فيه دابا يمكن كانت في ايامها الاولى عاد كتعرف عليه وعاد كتدي عليه ومكانتش شي علاقة بيناتهم و مكانتش قريبة ليه ومكانش حب بيناتهم لهاد درجة قدر يخليها تولفو وتبغيه وتشوفو غير هو كيف قاليها تشوفيني غير انا ونبقى فعينيك غير انا نتي ديالي وانا ديالك غير هاد الكلمات كانو يحركو فيها الفراشات حتى كتهبط راسها بالحشمة والخجل ...نهار دخل راجل فحياتها كان هو راجلها فؤاد ....وكيف تربات ثاني المراة تحافض على راجلها لا تجي ق*** طيرو ليها .... هزات تيليفونها ودوزات الخط لنجود ...دغيا جاوبتها ...اطمانات عليها وتاكدات ان دارهم مزال ممشاو حلف عليهم الحاج حتى يكملو سيمانة ....بقات تهضر معاها حسات بيها مضيومة ...واضطرات تعاود ليها كيف مكان الحال كتحس بنجود امها وكتنصحها بحكم الكبر والتجربة ... نجود : هههههه ونتي ابنتي تيقتيه .... يامنة : قاليا غير نتي بوحدك اهى مشفتيهاش فاش جات هي زويينة بزاف ... نجود : الله يهديك راه غير كيتمازح معاك هذاك هو ضحكو ميضحكش ليك كيخليك تيقي راها بصح ...ههههه شوفي ليك جن تاهو قاليك بغاك تغيري ... يامنة : اهى اهى ... نجود : ودابا لاش كدمعي يا هاد البنت راه غير كيضحك كون بصح كون تزوج بيها لاش هو كان رافض زواج ؟ راها باينة غير من دوك الي كان يعرف قبل راكي عارفة الخانزات وهو كيبقى راجل ضروري يعرف وحدة ولا وحدات قبل وخا هو بعقلو ماشي زهواني ولكن راه كيبقى راجل ابنتي ضروري ميكون مدوز وعاد هو فديك البلاد راه مغايبقاش بلاش وخا غير وحدة فالعام هههه تا جيتي نتي وليتي مراتو ....دابا قولي ليا شنو دار ليها ؟ يامنة "عاودات ليها شنو شافت بالحرف " نجود : وهانتي را هي الي لاحت راسها عليه وهو مشافش فيها كاع عيطات ليه ودار براسو مسمعهاش مخلاهاش تتحط عليه ايدو وضربها من لفوق تحمد الله مقتلهاش راه ميعقلش عليها هذاك معندوش الفم عندو غا ليدين ....تهدني هو بغاك غير تحسي باش كيحس تغيري عليه وهانتي هبلتي ماشي غير غرتي ...توكضي ابنتي متخليهش غير هو الي يتصرف حتى نتي بيني ليه راك كتبغيه ... يامنة "سكاات حشمات " .... نجود : مالك صقلتي تزنكتي تاني هههه ...رسمعيني اشنو نقوليك ابنتي الحمد لله لقيتيني فحال ميمتك اما راك غير هبيلة .... بقات كتهضر معاها حتى تنفسات كملو الهضرة وهضرات مع راوية وسارة مجموعين حتى راوية وعاتها وعطاتها افكار ونصائح .... راوية : هادوك شوميز دونوي كتلبسيهم شي ولا غا معلقين دايرين ليك لوان ؟ يامنة : هاا معمري لبستهم ... راوية : وعلاش ؟ لاش شارياهم ؟ هذاك راجلك ولا خوك ؟ نوضي لبسي واحد منهم دابا ... يامنة "خرجت عينيها " : شنوو ؟. راوية : وانورضي تكعدي هو راه شايفك عريانة كلك كتلبسي ضوني وشورط تعودتي شوميز دونوي مقدرتي عليه ؟ لبسيه اصلا غادي يجي يلقاك ناعسة لبسي واحد نعسي بيه نيت باش ترتاح ليك ايدك .... يامنة : احم واخا ..."ناضت حطت الفون فواحد الكوان مقابل مع دريسينغ كتشوف فيها حيث كانو دايرين ابيل فيديو ...مشات جبدات ليها شي ثلاثة ...واحد فالاسود ديال ساتان واحد غوز واحد ذهبي..." .. راوية : ااااح ذاك ذهبي غايجيك مطرطق بربي تيشرگو فوق منك ... يامنة "زمت فمها وخرجت فيها عينيها " : اااا نن .. راوية : ها هي ولات فجلة تاني 😑...واتي لبسيه ... يامنة : ولكن "خرجت فيها عينها" ... راوية : واسيري تا تلبسو ليه ديك خيتي وتولي عمارة دارو بصح وشدي فبولة تسعين .... على نغمات اغنية يا بتاع النعنع يا منعنع يااا منعنع يا منعنع ...جايين فسيارة طبعا اصدقاء عشرة خوت وخا ماشي خوت وانما مربيين مع بعضياتهم من اللفة وهذا يخليهم اكثر من خوت بل توام ....جاي كيدندن هو وياه جايين من فاس كيف العادة ...من خداميهم مرات كيباتو في فاس مرات كيجيو كل مرة واش وعلى حسب الضروف ... صهيب "جاي ويدندن مع الاغنية " : يا بتاع نعنع يا نننن انننن يا نعنع ...اننن "حتى طفاها عليه يوسف " .... الله ينعل حياة بات مك البغل ...علاش ابلكيداري ؟ يوسف "مخسر وجهو " : خسرتي الاغنية مبقاش عندها طعم والمصيبة محافضهاش وكتجارا نتا وياها حتى خلاتك تغني راسك ...يا نننن ( كيعيب فيه ) يا مننع نعنع ...لواه السالمية ... صهيب : نعل مك ... يوسف : شي نكتة جديدة ؟ صهيب : هاد ساعة والو ويني صبر صبر ...قاليك هذا واحد كيبكي علاش ؟ يوسف : مقلق هههههههههههههههههههههههههه صهيب : ههههههههههههههههههههه وامي وزيد قاليك هذا واحد نايم علاااش ؟ يوسف : ناااعسان😹😹😹😹😹😹 صهيب : ههههههههههههههههههه وقاليك واحد عاير مو علاش ؟ يوسف : مسخووووط 🤣🤣🤣🤣🤣🤣🤣 ...واااكواااك الحق ....وسمع سمع هادي ...قاليك اسيدي هذا واحد كيشرب الما علاااش ؟ صهيب : عطشاااااان ههههههههههههه😂😂😂😂😂😂😂😂 ....اربي علاش تنضحكو وهما بايخين علاااااش اسيدي ياربي هههههههه ... يوسف : سمع سمع قاليك هذا واحد فورمتو فورمة مخلويض شكووون ؟ صهيب "جمع ضحكة " : الي غايملخ بو حياة مك ...مال ديلمك ضروووري تهجرو لينا ابلقواد ؟ يوسف : هههههههههههههههههههههههه وحق الرب حتى صرعااااااتك ملخاااتك ....مبقيتيش تضور بساحتها هاد اليومين .... صهيب : حيث لا شفت فيها نطح مها نيشان ... يوسف : باقي صغيرة تفرق عليها دابا تكبر ودير عقلها ... صهيب : بااسلة قليلة الحيا فمها سابقها ... يوسف : سمح ليا نتا كتجبدها مالها اش دارت ليك تتكون ساكتة حتى كتجبدها لاش ؟ ياكم "شاف فيه وركع شاف فطريق " ...ياكما تتحبها ... صهيب "خرج فيه عينيه " : تحب عينك عود الجحش تحب عينك عود ....وخا نبقا انا وياها ... يوسف : نتا عارفني اتنضحك ماشي قصدت ويني احسست من صوتك كاينة رنة حب ... صهيب : هاديك رنة كاينة ولكن هي رنة الهاتف الي غايعيطو لاسعاف حيث غنقلب مك هنا ومزميتيه ... يوسف : هههههههعع بيني وبينك مالها ما زويناش ؟ ياك من ديما افار طحين هههههههه ياك نتا من ديما باغي وحدة ملامحها كحلين وعينيها كبار ومشفرين عكسك الشهيب اللهيب ؟ صهيب : ماشي سارة ... يوسف : اوووو سمية سارة كي طالعة من فمك ياختي يا عسل عسل انا وتزعطت ...."عطاه لكرفادة حتى تسمعت اووو " ...نعل بو حياة مك ...الي باقي يتمازح معاك .... صهيب : وتعاودها نردخ مك مع شرجم ...بقات ليا غا هي تقول طايحة من كرمة .... ايييييوى بالكشايف باش اقتانعات تلبسو ماشي مبغاتش وانما حشمات عمرها ملبساتهم ولا قربات ليهم ...لبساتو كان في الذهبي طويل وفيه فتحة من جنب...دغيا حيدات الي لابسة اصلا كانو ساهلين عليها يتحيدو ...لبساتو دغيا ولبسات بينوار وهبطات تعشات جمعات داكشي وطلعات دخلات حكات سنيناتها ومشات تقابلت مع المراية تشوفو للمرة الثانية كيف جاها .... اش غانقولو واش مغانقولوش هو الذهبي كيجي غزال مع السمراء وحتى لبيضاء لكن سمراء كتبان فيه جذااابة اكثر واكثر ...لكن مع يامنة او مثلها الي عمرها لبسات شوميز دونوي فغايجيها رااااائع .... كتقلب فيه حيدات البينوار هبطاتو لنص كتشوف فيه بشرتها البيضاء مزينة بذهبي عطاها جمااالية ...قبل متلبسو كيف نصحاتها راوية ذهنات جسمها بكريم مرطب ومعطر لجسمها بنكهة الفانيليا حتى رطبات جسمها مزياان ... ...دهنات وجهها بكريم مرطب حتى هو بنكهة خااصة خفييفة ومميزة ... تعافرت وخا بايد وحدة فكرات انه مكاين فؤاد استغلات الوصع وحيدات الباندة وخدمات حتى بالايد الي ضاراها رغم انه موصيها متحركهاش ...رشات بارفانها ولبسات ومشات تخشات فبلاصتها هزات الفون اكدات على راوية داكشي الي دارت بقاو مجمعات حتى استسلمات لنعاس .... اما واحد سي رمسيس النسر فكان وصل لفيلا ديال ماريو ...الي كانو كلهم حاضرين وكيتسناو غيهزوالي كيحلف ميجيهم حتى يقولها ليه منغيغتو ....حتى تحل الباب ودخلات سيارة ايلاف بلاصا وخرجو كمل التدخين ديالو حتى كملو ولاح سيجارة عسف عليها .... دخل ايلاف وتبعو هو غادي بخطوات ثقييييييييلة خاشي ايديه فجيابو رافع حاجب ومنزل لاخور بواحد نضرة عامرة قرطاس النضرة الي شافو بيها يخليه يكحاز لور ...الفك ديالو كيتحرك وسنانو مغززين ....دخلو لفيلا الي كانت صغيرة بزاف خاصة غير الاجتماعات الى كانو وغالبا كتكون مسدودة ...جات وسط الغابة ...فيها اتات بالخشب والفوطويات بيضين كلهم وفواحد صالون كاين طابلة زاج كبيييييرة وسط هاد الفوطويات .... ومفرشين هيضورات ديال بطانة سبع وكاين حتى بطاين الدب الروسي ( تحية لسيما وايز الدب الروسي ههههه ) ...على شكل هيضورات لديكور وزينة .... كان في الصالون كل من جيفيتوف وماريو صاحب الفيلا و ايلاف ومعاهم الشخص الي سبب الغذايد الي نايضة في فؤاد والي باغي غير فين يملخ ملتو تاني ...والي هو داني ومعاه المساعد ديالو كان داني جالس فوق الفوطو مسرح ايديه ومشاح رجليه كيحك على لحيتو وشاد كاس ديال شراب ( ويسكي ) فايدو .... جيفيتوف : اهلااا وسهلا فؤاد ...تفضل ... فؤاد "مشافش فيه مشا نيشان لفوطوي جلس فيه غير هو وحدو جبد الكارو شعلو وبدا يكمي ...حط رجل على رجل بشكل مفرق ...هز صبعو شير ليه " : شنو كاين "شاف فساعتو " ...عندي منقضي ... جيفيتوف : احم انا عارف الموقف ديالك ... فؤاد : اذن كتقلب عليا ؟ جيفيتوف : الا انا مبغيتش ندخلك فهاد صفقة نضرا لرغبة ديالك ولكن بغيت حتى تشوف نوع هاد الصفقة وانشو كاين وديك ساعة حكم ... فؤاد "ساط دخان " : طلقني ... جيفيتوف "شاف في داني الي كان كيسمع لفؤاد حادر عينيه مبتاسم وكيحك على لحيتو " : احم سي فرتهايمر ...تفضل ... داني "ضار شاف في النائب ديالو الي غمزو وناض ..." شعل ليهم داتاشو وغمز لداني الي سكل عالكاس وناض ديريكت قدامهم ... داني : احم من بعد ما تفاهمنا فلافير لولة وكلشي خدا نصيب ديالو بالفرحات وخا كانو "شاف في فؤاد " ...بعض النزاعات الطفيفة ولكن ماشي مشكيل كلو يهون "بغمزة " .... هنا فؤاد زيررررررر على قبضة ايدو وكيحك فلحيتو يحك بعصبية كيشوف فيه بنضرات نسر ديال لقرطاس .... داني : العرض ديالي ليوم هو واحد الاثر او الخزنة "قالها بالدارجة الي فهمها فؤاد وايلاف وخا هكاك كيفهم المغربية ....ضار ايلاف شاف في فؤاد ورجع تاهو خنزر فداني ..." .... يعني بالروسية ....сокровище ساكروفيشيا ...او treasure تريجر بالانجليزية ....وهاد الكنز يعود لاقدم حضارة فالتاريخ الي باغيهزالمتحف باغلى ثمن اكثر شي المتحف روسي ....الثمن ديالو اضعاف اضعاف الثمن ديال الصفقة السابقة ....انا عارف فين متواجد ...ولكن باش نهربوه كيخصنا نتاحدو كاملين .... حيث الي لقاه او لقاوه بالحوزة ديالو مصير ديالو سجن حيث مطلوب دوليا لانه من اقدم كنوز الحضارات وملك دولة ....خاصة اذا كانت دولة عربية .... جيفيتوف : علاش فين متواجد ؟ داني "شاف مطولا في فؤاد مبتاسم قبل ميضور و يبدل داتاشو ويركز على مدينة الصويرة " ....كاين في مدينة مسقط راسي في احد نواحي الصويرة والكنز ديال ماليه الاصليين هما اليهود ....قبل مينهبوه لينا.... فؤاد "عض فشفايفو عض مزيااان ": النهب ماشي عادة الغير ...نهبو ليكم غير منكم وفيكم وهادي عادة فيكم ..."على ليهود حيث هما الي كيحطو العين على حاجة ماليها بزز " .... في اواخر الليل تقريبا تلاتة صباح وهو خارج ...عاد حن الله وجا لدار لعش الزوجية ديالو ...خرج من عند ايلاف من سيارة دخل نيشان طلع لفوق ديريكت لبيت حل الباب طل عليها لقاها ناعسة ...دخل لدوش حيد حوايجو كاملين بقا فير بالبوكسر ...وغسل راسو خوا عليه الما بارد عالله يطفي العافية الي فراسو .... حك سنانو وغسل وايديه ...ورجليه ....ومشا لعندها قرب لايدها باسها ليها .... يلاه بغا. يضور لحيهتو يتخشا حداها حتى لمح سماطي ذهبيين ...عقد حجبانو وضار لجيهتو تخشا حداها حيد الغطا وهو يتفاجئ باشنو لابسة ....عض على شفايفو بواحد طريقة لو كانت فايقة والله ما يزگلها ....فلاها من لفوق لتحت هي ناااعسة حالة فمها مجايبة خبار .... كتشخر دوك شخيرات صغار لانها فاش كتحط راسها على لمخدة منخرها كيتخنق وكتبقى تقلب على نفس باش كتحل فمها ....بياض جسمها الرطب الي كيهبل والديه كيجهلو لابسة عليه شوميز فذهبي واول مرة شعرها وطلوق وطايح على لمخدة وفمها المحلول الكرزي ...حناكها الي ديما حمزين وخاصة لا كانت دافية في فراشها ....تحنى وتخشا حداها ...جرها لعندو حتى تزدا ضهرها مع كرشو والمؤخرة نيشان مع المعلم الي بدا كيحس بيه كيسخن خاصة انه تحنى لكتافها كيبوس فيهم بوسات خفاف وهابط حتى لرعانها وايديه كتعنكش كرشها ...خشا وجهو فعنقها كيستنشق فيه ويبوس ...حس براسو بغا يبدا يجهل وهو يلعن شيطان حيث ناعسة وايدها مخاصهاش تفورصا عليها بزاف والادمغاديش تبرا ويصدقو دايرين ليها الحديد كلشي ممكن الكسر ماشي ساهل وفيه درجات .... جرها بدراعو وزدحها عليه مزيان دخل ليها رجيلاتها وسط رجليه ...غمض عينيه من بعد شحااال وهو كيفكر يفكر يفكر فالاجتماع الي شاغل ليه بالو .... اصبح يوم جديد ... حلات عوينااتها وسط الفراش ...طبعا مكانش فالبيت ضرور من الرياضة صباحية ...كيف ديما لامارش حاليا وقيربا الفيتنيس ....هادو هما رياضات ديالو الي كيفرغ فيهم طاقة السلبية الي مجموعة ليه فراسو والي كتبقا هي المتنفس ليه وخا تيجندخ ليا البشار ولكن ضروري من رياضة العنيفة ...ضورات راسها لفون هزاتو شافت فساعة لقاتها سبعة صباح ...حطاتو وضارت بغات تنوض وهي تلقا راسها لابسة شوميز .... يامنة "قالت باقي بشوميز دونوي وهو مكاينش وشافها بيه يا اما مجاش يا اما شافها بيه ومقال والو ؟. وااالو شنو معجباتوش ؟ وعارفاه اي حركة منها ميزگلهاش ...حطت ايدها على فمها ...حابسة البكية عند بالها معجبوش " : اهى اهى .... ناضت لبسات بينوارها وسداتو .... كتهرنن من ناموسية عينيها مدمعين حاسة بغصة فقلبها بغات لو مدحها ولا لاح ليها شي كلمة من كليمات الغزل ديالو ولكن فاقت ملقاتوش ...يلاه غادخل لدوش حتى تحل الباب ...ودخل عرقااااان هز فيها عينيه لقاها عاد داخلة ... يامنة "شافت فيه وهي تسمر عينيها مغرغرين اصلا دغيا كيوليو حمرين وتحت عينيها ..." ... فؤاد "عقد حجبانو كيشوف فيها " : مالك ؟؟؟ شافت فيه بغات تقوليه مماليش وهي تزلق ليها دمعة كتجريييييي من عينها مسحتها بالخف ... فؤاد " قرب لعندها بخطى سريييعة حتى شدها من كتافها عينيه خارجين بخوف فيها كيتفحصها يحساب ليه وقعت ليها شي حاجة وهي را كون عرف كون قال لا حول الله هبيلة وقالو ليها زغرتي ....حط ايدو على ايدها المهرسة " : مالك شنو واقع ؟؟؟ يامنة : ااا والو والو غير بحرا فقت ... فؤاد : كنتي كتبكي ؟؟؟ يامنة : هاا الا مكنبكيييش غير عينيا ضروني ... فؤاد "رفع حاجبو بشك " : شنو ضرك فيهم ؟ يامنة "باش تعتق الموقف " : غير البارح رشيت ريحة وترشات ليا فعينيا وبقات كدمع ليا ... فؤاد "شحااااال وهو كيحقق فيها شحااااال ..." : يامناااا ... يامنة : ااه ... فؤاد "طلعها وهبطها هو مقالش ليها تاحاجة هي معارفاش انه بجمال هادشي الي لابسة راها فتناتو وخرجات ليه العقل وخلاتو بلا عقل غير نعل فيها شيطان اما كون افتارس سبع الغزالة مع ربعة صباح ههههه فكتها غير ايدها ....البارح كانت لابساه وحدو وليوم فوقو بينوار كتبان مراة متزوجة تاااع دار وفؤاد هههههه جرها لحضنو وتحنى عنقها تعنقية حاااارة ..." : بقاي تلبسي فحال هادشي ليا اغزالي... ديما ليا وحدي ...جاك زويييين بزاف وكيفتن ابنت ناس ....راكي مريضة وايدك ماتحملش مزال .... يامنة "هزت عينيها مبقاتش رمشت حتى طلعتها تزنيگة حيث فهماااتو شنو قصد " : اممم و واخا ... طلقها مشات تجري لدوش تغسل وجهها وطرف حالتها وتقضي روتينها ...مشا حتى هضر فالفون عاد خرجات كتحك فعينيها ....فرحانا بديك الهضرة الي قاليها ... داز من حداها عنكش ليها كرشها بالخف وهو غادي ...دخل لدوش حيد حوايجو كاملين بقا هكاك مسفح ....ودخل تحت رشاشة هابط عليه هاد المرة الماا بااااااارد ...دوش وحيد عليه العرق ديال الرياضة ... خرج من البينوار مد ايديه لفوطة لواها على نصو وخرج هكاك الما هابط ليه على عينيه حتى لصدرو غاااادب مع الخط ديال زغب الي واصل ليه حتى تحت صرتو لمعلم الي مغطيه بالفوطة على نصو ....وقف عليها كانت واقفة كتجبد فبيجامة متلبس حتى .... فؤاد "حط ايدو على ايدها حيدها ليها " : قلت ليك بقاي بيهم راكي مع راجلك فدار وحدنا ... يامنة "جاوباتو براسها وحيدات من تما ..." : نجبد ليك ما تلبس ؟ فؤاد : لا غير رتاحي ... مشات باش تخرج حتى وقفها ... فؤاد "كيبقشش فتيليفونو عاقد غوباشتو تاني " : غادي نفطرو وديري بحسابك بالليل كاينة حفلة غادي تمشي معايا ليها ...."هز فيها عي" ...تقدري تمشي ؟ يامنة : واخا نقدر ...اممم ا شنو فيها هاد الحفلة ... فؤاد " مشا لدريسينغ" : فيها حفلة لشي ناس ديال لخدمة ...كاينين رجال وعيالات نتي غاتبقاي بجنبي ... يامنة : ااه واخا واش نلبس فحال ديك المرة ... فؤاد : اه ... يامنة : واخا ... فؤاد "جاي هاز فايديه تيشرت كري وسروال فنفس لون مكتوب فيهم اديداس بالاسود ...وبوكسر ...حطهم فوق ناموسية ...شاف فيها " : اجي عندي هنا ... مشات لعندو قربات ليه قلبها كيضرب شافتو ملبسش قالت غايتكيها ولا شي حاجة من هاد القبيل ...المهم غا مقاليها راسها وصاف ...جرها لصقها معاه ...حط ايدو على خصلات شعرها كيدخل فيهم وحاضيها بعينيه فعينيها الي مهبطاهم وفمها الي كيترعد بالحشمة ...." : هي عمارة دار وزين ديالي ومراتي وغزالي ...هي ..." رفع حاجب ونزل لاخور فور مشافها فمها بدا يترعد وبغات تبدا تبكي حتى نزلت ليها دمعة كتجري ....هو بغا يقول عليها هي الي كاينة ولكن البغلة مخلاتوش يكمل ...حط صبعو على حنكها مباشرة فوق دمعتها " : شنو كاين تاني ؟ مالك على هاد البكا ؟؟ اش واقع تاني .؟؟ ..."خنزر " يامنة "كتجمع فالبكية " : و والو اهى ... فؤاد : ومالك ؟؟؟ غادي طلعي ليا دم تاني ؟؟ ااا علاش كتقلبي ؟ يامنة "شافت دعوة متعجبش عينيها بداو كيرمشو وشفارهم فااازگين ...ملقات متقول من غير الي جاها فبالها طلقتها بعفوية من الخوف مشعرتش حتى قالت ليه " : علاش بغيتي تفقصني ؟ اهى اهى "غمضات عينيها وعطاتها لبكا تاني ... فؤاد "هز حجبانو بجوج مصدوم من سؤال ...طلقها وتقابل معاها " : اشنو ؟؟؟؟ يامنة "فاش كتخاف كتعطيها غالبكا ههه " : واععوو اهى اهى علاش كتقول عليها هي هي ... فؤاد : شكون هي ؟؟؟؟؟ يامنة "عينيها مغمضين وباركة تهرنن " : واهي هي... اهى اهى كتقول هي عمارة دارك هي غزالك هي ديك ديال البارح يااااك اهى اهى بغيتي تفقصني بيها ...ياااااك ....اناااااا هي غزالك ماشي هاديك طويلة العجلات " فؤاد "بقا هاز حجبانو هازهم هازهم هازهم معرف باش تبلى " حبست البكية وخرجت عينيها عاد وعات اش قالت واش تزلق ليها من فمها وهي تحط ايدها على فمها كترمش فيه من تحت شفارها الفازگين " : اممم فؤاد "كان داير ايديه على نصو حاضيها كتهرنن كي دري صغير كان طالع ليه دم ماعرفش ... شاف تا عيا وبكا هاد البرهوشة عندو الي عاطياها غالبكا وتهرنين مشاف فحياتو درويشة بزاف عمرها تشكات عمرها دارت شي حاجة دالعيب ولا عصات كلامو محتارماه وصبارة وحنينة جات تال لغيرة وتفقصت عمرها قالت ليه فقصتيني حتى ليوم وهادشي حيث مبغاتش شي وحدة تشاركها فيه ...مد ايديه لمعصمها وجرها منو لعندو عنقها كيحك على ضهرها بشويييي ": دموع عينيك عافية في ذاتي ...راه هي نتي ....جيهتي ليسرى ديتيها نتي وعقلي ديتيه نتي اعمارة داري الي منفرطش فيها ونهزها بسناني ...حط صباعو على جبهتو حكها وهبط حك لحيتو وهبط راسو كيشوف فيها منخشة فيه ...."باسها فحنكها بجهد " ...عمرها عيبت نهار عيبت قالت طويلة العجلات ... قليل القلة فين كيضحك وغير ابتسامة وفييين وفين حياتو جدية بزاااف ...مشعرش براسو غير وهو ضاير لجيهة لاخرا عيا يكابر يكابر ويعض فشفايفو ويحك لحيتو حتى زلقت ليه ضحكة بلا ميحس ضحك بجنب ...عينيه تجبدو ...حتى بانو سنانو فؤاد" حدر راسو عاض على شفايفو بابتسامة الي خرجت ليه بزز .." : لكبيدة دياالي نتي ...