قصة يامنة (بدارجة المغربية) مكتملة

🌹يامنة 17🌹

قصة يامنة (الجزء17

واحد لحضة قبط بايدو زير على صبيعاتها ...شافت فيه بانو ليها عينيه مغمضين ولكن مزاگيينش من ترماش كيلوبو شوي ...يلاه حل فمو بشوييييي بواحد الحركة حتى عم سكون وهي تطلق ايدو رخات من صباعها وتطلقت معاها الة قياس دقات القلب ....بدات كتغوت وهي كتسمع فيها مفاهما والو ...حتى دخلو الفرمليات كيجريو ... يامنة "عرفت انه الخطر " : مم مالو ...ف فؤاد فؤاد فف فؤااااااد ...اهى مالو ... فرملية "جرتها من ايدها مخرجاها " : خرجي اختي غايجي طبيب مخاصش تبقاي ... يامنة "نترت ايدها منها غاديا راجعة حتى جراتها بزز " : مالو اهى مااااالو اهى ...اش وقع ليييه ... خرجتها كتبكي وبان ليها طبيب داخل كيجري هو ولاخور ...لقات يوسف كان كيتسناها تاهو ملي بانو ليه وقف مفهم والو ....حتى وقفتها عليه الفرملية وهي كتبكي وتقفقف .. يوسف "برد ليه الما فركابي " : م قمم مالو اش واقع ؟؟؟ يامنة : اهى معرفتش كنت واقفة عند راسو كنهضر حتى شوي زير ليا على صباعي وهي "كتشالي بايديها ودموعها دايزين ..شيرات لفين كاين الانعاش" ...حتى بدات كتغوت هاديك هادييييك الي عند راسو و و اهى اهى وا اعععععع "عضات فايدها مغمضاهم معصررااااهم وشادة فكرشها " ...اععععععععع اهى ااااااااااي اهى ...ففففف يوسف "شافها تزيرات وشدات فكرشها مشا ليها شدها قبل مطيح كيشوف فيها مخلوع محيلتو ليها ول لخوها الي معرف اش وقع ليه " : ي يامنة ششش مالك ..؟؟ يامنة الله يخليك اختي تبتي معايا ... يامنة : امممم اهى كرشي كرشييييي فؤاااااااد اهى اافقففففففف اهى اهى ع اعععععععع "كتعصررر وتعض فايدها " ...مب مب شوي مبقاتش قدرات كتحس بالصفييير فودنيها وعينيها مشدودين معصرين حتى خارت قواها ماحيلتها لوجع لفؤاد لكرشها ولا لضبابة الي سيطرات ليها على عينيها ولو ما يوسف كانت طاحت وتردخ ليها راسها مع لارض ...طاحت عليه ... يوسف "تخالطو عليه مبقا عرف باش تبلى تاهو قلبو كيزدح بالخلعة وصدمة والخوف واش جاري وليها ..." : يااامنة ...يامنة ختي اش وقع ليك "كيصرفق فيها بشوي بروس صباعو ...حتى بانت ليه واحد الفرملية خارجة وهي تجي تجري ... _ شنو واقع ليها ؟ عيطات ليهم من تيليفون تما دايرينو لحالات المستعجلة ديال الانعاش وصاتهم يجيبو شاريو كاينة حالة اخرا ... يوسف "شكراها بعينيه وبقا شادها تاجاو تيجريو جايبين شاريو وهزها حطها فوقو وداوها طارو بيها لغرفة الفحوصات المستعجلة ...خرجو من تما دوزوها من حداهم ويوسف شاد فشاريو حتى شد فراسو وعينيه حمرييين ....ناضو وقفو كلهم برد ليهم الما فركابي ... نجود : الله اكبر مالها شنو واقع ايوسف ؟؟؟ الحاج "سد القران كان تيقرا وهز عينيه ووقف تاهو " : اولدي اش واقع ؟؟؟ "تاهو قلبو ممهنيهش " داوها وتاهو مشا كيجري تابعها مبغاش يقوليهم اش واقع لداخل تاهو شبه منهار ...مشاو بيها تبعاتو نجود وهما بغاو يتبعوه حتى وقفوهم الفرمليات الي خارجين كيجريو ...عرفو ان دعوة متعجبش لا من جهة يامنة ولا فؤاد بنفسو ....حتى دخل واحد راجل طويييل مگلضم ...حجبانو مخنزرين شهيب شوي ...داير لحسة مطراسية ...عينيه خضرييين وفمو حمر ...جاي ويكزز فشفايفو ...لابس لباس البلوك بفوقي وسروالو فشيبي ...وصابو بيض جاي حتى وصل حداهم ودار وعقد طاقية المشفى على راسو ودخل ... صهيب : شكون هذا ؟؟ الياس "كيشوف فيه دخل وخا مرفوعين " : واقيلة اختصاصي هذا ولا جراح ..لباس الي لابس ديال جراحين ؟ لاااااا ... صهيب : ششش ميمكنش لا اصلا غير ازمة معندوش مشكيل فصمامات مزال ممتاكدينش مم ففف ياربي سلامة ... في الانعاش خدااامين عليه فالاسعافات ودقات القلب عندو بدات كتنخافض حتى الخط بغا يستقييييم ...وهما خذامين ها ليباري ها الفحوصات هالي تقيص في الضغط هالي يضرب هالي مشات توجد جهاز الصدمات الكهربائية ... في برا جا يوسف كيجري خلا يامنة مع نجود وجا دخل وخا منعوه دفعهم ودخل ...كيمشي ويجي ويحك فراسو ... يوسف : الا نتا خويا الا نتااااا ...يااااربي راه عندي اعز مكاين ياربي متحرمنيش منو ياربي ...الى مشا هو دار غادي تنهار علينا ياربي وخا بعيد كنسمعو صوتو ...ياربي وخا يجي غير يومين فالعام متحرمناش منو ...غير صوتو تحنحينتو تزرع فينا رعب نحسو براسها عندنا الحامي يااااربي ياااربي ... كيفرك يحك فراسو فذاتو ويعض فضفارو يغززهم ياكلهم كاع انواع التوتر دازو عليه قلبو زدح سكت ضرب وقف ...وجهو ولا صفر بدا يتعصب ويتجنن وهو كيتسنى ...ولوخرين برا على اعصابهم ...حتى بدا ضهيب دموعو يدوزو مبقاش قدر ومشا طلبهم وخا غير حدا يوسف بززباش قبل ليه طبيب الي كيعرف تما وواعدو ميتحركش .... وصا الياس باش يبقى حدا باه لانه حالتو معجباتوش ...ووصا يجيبو شي فرملية تقيس ليه ضغط وضرب ليه شوكة ديالو ...ودخل لقا يوسف كيمشي ويجي ويجلس تالفة بيه دنيا وهما مزال كيتجاراو ... صهيب : خويا ؟ يوسف "ضار عينيه حمريييين وجهو حزين محروق بزااف على خوه " : فؤاد اصهيب فؤااااد ...بين الحياة والموت ...فؤااااد اصاحبي فؤاد غير سميتو تعطيك الخبار .... صهيب تاهو متحملش وخا هكاك فؤاد هو عينيهم عزيز عليهم كان الحامي فكلشي منو كلشي باه طالق ليه لعب ومخليه هو مكلف من بعيد وقريب مكيدخلش فيهم هو المسؤل عليهم هو الي طلعهم لفوق وسهر عليهم قراو وكبرو ورباو الكتاف ولاو رجالة ...هو الي مخلاهمش مخصوصين من شي حاجة ...كانت ديما جملة على فمو .... فؤاد : قراو وخدمو وترجلو وميخصكم خير معايا متقلقونيش منكم ... ديما هادي ميخصكم خير كيسمعوها منو ديما ...وديما مفرحينو وخا مكيبينش لا بضحك او ابتسامة ولكن ديما كيلتامسوها منو من عينيه ...كيبان عليهم الفخر...وشارط عليهم كلهم الشهادات العليا ولا ...غير تخنزيرة ولا تحنحينة كيبرد ليهم الما فالركابي ....عندو هيبة كبيرة عليهم وعلى برا وداخل فارض نفسو بزاااف وبشخصيتو القوية الحرشة .... الكبير وصغير كيحتارمو ...غير بديك شوفة الي عندو عاطياه هيبة اكثر ...كيفكر بالعقل وخا عصبي وخا هكاك كتحسو حنييين فالموتقف وخا كيعصي ملتهم هههه ... صهيب : ربي يشافيه "عنقو وتعانقو عناق حااااار ...ربي الي عالم باش كيحسو دابا ...حتى تحل باب الانعاش وخرج منو دكتور وداك الشاب طويل مگلضم ...واقف معنگر وخاشي ايديه فجياب اللبسة ... يوسف "ضار لعندهم وقرب هو وصهيب باستفسار كيتسنى " : هااا شنو ؟؟؟ طبيب شاف في هذاك واقف عاقد غوباشتو وطالق ديك التخنزيرة شاف فيوسف ...وحنحن ... طبيب "ضار عندو " : دكتور اسماعيل يمكن ليك تشرح ليهم "رجع شاف فيهم بحزن " ... اسماعيل "رفع حاجب ونزل لاخور تا غوبش فيه يوسف " : احم ...المريض نجا من سكتة قلبية درنا الي علينا باش ميدخلش فازمة قلبية حااادة ...الي علينا درناه مغانقولش ليكم حالتو استقرات ولكن كلشي عليه هو ...حيث ... طبيب : حيث ايوسف ملي دخلات عندو المدام كان غايفيق قلت ليها متهضرش حيث مخاصوش يتضغط ديك الوقيتة كانت مرحلة حرجة باقي ماستقراتش حالتو ...الوغ ... اسماعيل : تااااحد ميدخل عندو تاحد حتى نشوفو شنو كاين بغيناه يفيق براحتو وميتضغطش وميقرب ليه حد حتى يرتاح مزيان وميجيش الي يعكر ليه دماغو راه وخا هكاك كيحس ...البكا ونواح كي العيالات اشريف مغايفيقوش غادي غير تكملو عليه "شاف في هذاك وزاد مخنزر " .... طبيب : ولدي يوسف دعي معاه الله يرضي عليك البكا مغايفيد بوالو هادشي الي وقع ليه غير ردة فعل وتضغط اكثر حتى دخلنا فالي مبغيناهش نتمناو من الله يفيق اليوم قبل غذا نتمناو اولدي دعي معاه حاليا راه بين رحمة الله ...مبغيناش نوصلو لعملية ... طبطب عليهم ومشا ويوسف بقا حاضي داك خينا .. يوسف : دابا هذاك جراح القلب ومالو معايا ؟ صهيب"بغا يرطب اصلا الوقت ماشي مناسب " : يفيق خوك نبرققو مو ... الي مقسمو ليك الله ولابد ميجيك ...المحنة الي كتجي ماهي الا ابتلاء من رب العالمين ...وامتحان لينا فهاد الحياة ...ممكن باش نراجعو نفوسنا ونعرفو ان الموت ممكن تكون قريبة لينا بخطوة او نصف خطوة ممكن تكون قريبة بدقيقة ساعة ثانية او على مشارف ...او مزااااال لينا مستقبل طويل عريض وايام وسنوات طويلة نعيشونا بالحلوة والمرة فيها ...كل مرة ربي كيعطينا ابتلاء نمتاحنو بيه روسنا ونرجعو لطريق الله ...ونعرفو ان الله كبيييير وشانو عضيم ... وهو الدايم ولا دايم غير الله .... بعد ساعات حتى صبح الحال عليهم وتماسا الحال وهما كيتسناو الفرج من عند الله وهو باقي حالتو بين الخطر مباغينش حالتو تسوء ويوقع ليه مشكيل الصمامات لان فهاد الحالة غادي يلتاجؤ لعملية جراحية ...حاليا مكتافيين معاه باكبر مجهودات كيديرو ...بحيث خبرهم دكتور الي كيهضر باسم الاختصاصي ... دكتور : دايرين جهدنا مابين القسطرة والدوا ممخلينش من جهدنا باش ميوقعش ليه مضاعفات ...واسبيرين كنضربوها ليه فسيروم و Thrombolytics كيمنع تخثر الدم و blood clot باش ميدفقش ليه دم القلب ونطيحو فمشاكيل اسي الحاج و اولدي يوسف ...خدامين الي فجهدنا وكتر ...راه فؤاد هذا الله اودي ....ومسكنات وعقاقير باش ميطلعش ليه الكوليسطسرول.... "داير ايدو فجيابو وكيشرح ليهم الحالة بالضبط ..." لان الي جرا ليه نتيجة الضغط المستمر والتوتر بقا يضغط على راسو بزااف كيخبي فخاطرو وكيضغط حتى طلع ليه الكوليسطيرول تسبب ليه فهادشي وفهاد الحالة كتجي من هاد الاسباب ...وهو ناسي الحاج بالي راه كيبقى انسان والكمال لله وحده ... يوسف : فاش كانت عندو مرتو كان بدا يفيق ...حتى وقع الي وقع ... طبيب : ضروري هاديك ردة فعل زادت ضغط عليه يمكن هضرات وحس بيها وهو يوقع ليه قلق زادو على مابيه حتى طلع ليه الضغط وصل لواحد درجة غير حفض الله ...دابا بغيناه يتخطى هاد المرحلة ويفيق براحتو ...حالتو خاصها تستقر ...غير يبعد شوي من القلق ويكون خير وخا غير شوي ....هاذشي الي وقع راه ربي مكتبو حفضو الله ما طرطق ليه عرق فراسو ... صهيب : الحمد لله ... استاذن منهم طبيب وبلغهم باش يخرجو حيث دابا معندهم ميديرو ليه ...شافو تا عياو وخذاو الوجهة لعند يامنة لغرفة ديالها ... دخل لقاها متكية عينيها مغرغرين كتجمع في شفايفها ونجود حداها كتقرا فالقران ... نجود "هزات عينيها فيوسف " : فين الحاج والياس ؟ يوسف : مشا يوصلو الياس لدار يرتاح ويرجع صباح ثاني ... نجود : خير مدرتو .... يوسف : يامنة ختي كيف بقيتي .. يامنة : بغيييت نشوفو يخليوني "بعينين دامعين " .. يوسف : من بعد حتى يفيق ويعيط ليك كيف موالف الى غبر ...ميمكنش مخاصش تاحد يشوفو حتى يفيق لينا على خاطرو ...هههه عمرو نعس نهار نعس شدها لينا گرجة ... يامنة "دارت ايدها على فمها " : اويلي مغايفييييييييييقش اهى انى اويلي ... صهيب : الا غير مكيعرفش هاد الحمار يهضر راه زعما ... يوسف "دار راسو بين ايديه هزو لفوق خلا صهيب كيشرح وخرج هو حس براسو مخنوق ...راسو بغا يتشتت ...مشا باقي هكاك بتيشرت وشورط وكلاكيط فرجليه جاب الله الكلينيك سخون ...بقا غادي تالقا راسو فالكافيتيريا ....مشا طلب ليه قهوة واول حاجة بينما وجدات مشا لواحد لفارماسيان تما خذا دوليبران 1000عاد رجع خدا كاسو ديال قهوة كحلة وخذا قرعة الما وكاس بلاستيك .... ومشا جلس فطابلة ...حتى ناض طلب باكية الكارو الكارو الي قطعو شحاااال هادي مبقاش كيكميه ...هاهو رجع ليه ...لقا راسو شاعل البريكة الي شراها تاهي وشعبو ورجع كلس دار حبة دوليبران فالكاس وخوا عليها الما تسناها تا تشتشات وهو كيكمي ...شربها تكا على الكاس ورجع كيكمي ويحك فنواضرو نعاس مداقوش عينيه دغيا دخلو ..... كيحك فلحيتو ويماصي نواضرو حتى هز عينو فيها واقفة ...كانت هي فعلا عينيه سرحو معاها واقفة كتهضر فتيليفون يمكن جات على ود شي حاجة فالكلينيك وخا هي طبيبة فالمشفى عمومي ... يسرى : واااخا ماما ...ولكن راه عندي عملية قيصرية فالكلينية تالفجر عاد نخرج وعلى حسب الحالة تاني واخا ..."يلاه سالات حتى كتحس بدراعها تشد بجهد وضورها عينيه كي جمر" ...شن. بغيتي ؟ بعد مني ... يوسف "طلق تغوبيشة وتخنزيرة رمسيسية وكرز على ايديه وعضضض شفايفو مغزز " ... بدات كدفع فيه وهو كارز ليها على دراعها ...هو طويل وحتى هي ولكن ماشي بطولو ...لابسة لباس المشفى تاهي بحكم انها غادخل دير عملية قيصرية بنفسها لابسة لباس الازرق بسروال وفوق منها طابلية ...جامعة شعرها كعكة مهملة مخرجة خصلات من جناب ...زير عليها حتى تزنگ وجهها وغمضاات عينيها بالالم .... يسرى : اسماعيل طلق مني ... اسماعيل : علاش كنعيط ليك مكتحاوبيش ، ؟؟ علاش كديري هاكا ... يسرى : فاش غانجاوبك فااااش راه ممسالياش ومعندي لاش نجاوبك وانا ممسالياش واش مريض نتا اشنو بيني وبينك تنحاوبك ااا ... يوسف "كيحساب ليه مرتابطة بقا غير كيشوف بقا فيه الحال شوي حيث كاين اعجاب من جيهتها عجبو جمالها وصوتها وديما مقابلها فالانسطا ولكن دابا كيضن ان عندها علاقة بشي حد ...رجع كيكمي بعصبية ويشرب فقهوتو مضور وجهو مبغاش يشوف فيها" ... اسماعيل : يسرااااااا ...."حط صبعو على ناضرها وبدا يبرك عليه " ...غادخلي هادشي لراسك كيف نعيط ليك جاوبي الله يجعلك تكوني كتنقدي مريضة بصدمات الكهربائية تكون كتموت خليها وجاوبيني ...حييييث غاتجاوبيني انا لول ازين ديااالي ... يسرا "جعرها وهي دفعو حتى كانت غاطيح هي " : واااااااش نتاااا مريييييييض "صعرات كتغوت حيث لاصقها وهي مباغياهش تا ضارو ناس كيشوفو فيها وضار حتى يوسف " ...واش فين كنعرفك اش بيني وبينك واش شوية لباس وعطيني تيساع ازمر عطيني تيساع ومبغيتكش هاهي فهمها مااااابغيتكش ...الزمر الخرااا ... اسماعيل "عينيه حمارو وتعصب مشا شدها من ايدها وجرها بزز منها غاديا وتغوت ...وهو غادي بيها حتى بعدها على ناس واحد البلاصة خاوية ...يلاه هز صبعو يهددها حتى حس بايدو تلوات ...ورا ضهرو .... يوسف "لوا ليه ايدو ورا ضهرو وكرززز عليها بعصبية حتى بغات طرطق مجنن معاه ...كيهضر فحال خوه ملي كيتعصب كيتقطعو الحروف كيولي ينطق حرف بحرف " : ت قر ببببب ليها م زااااال نطير لملت مك رااااسك الزا*** ... اسماعيل "غفلو وضور ايدو وضار بجهد لعندو بغا يشوفو شكون وهو يغفلو يوسف بروسية عطاها ليه حتى تلاح لارض شاد راسو " ...شكون نتا اولد لق*** اااا ناض باش يعطيه ... يوسف غير سمع ولد القح** وهو يصعر اصلا لقاه مشحون زاد على مابيه بعد يسرى الي شدات على فمها حاضيا لا يجي شي حد وتوقع روينة ...تخلعات وتصدمات .... يوسف "طار عليه طلع فوقو وشنق عليه عاود عطاه بروسية وجابو كاو فروسية لولة بقا دايخ قواه فاشلة شوي داكشي باش مدافعش على رسو حدو غير هضر بفمو ...عاود بتانية فنما يبغي يهز راسو يعطيه وعطاه بالبونية حتى رعفو مزيان من فمو ومنخرو ...." : هادو ديال مي الي تسب من فمك الخانز ازا*** و "عطاه ببونية اا طار رشريش دم " ...الي تمد ايدك على بنات الناس اولد لقح***.... بقا يعطيه مغزززف معقلش عليه واش طبيب ولا اش كيدير الي عاقل عليه هو قدامو وخاص يرجع مو كفتة ...صعر واحد صعرة صافي مبقاش كيبان يوسف ...ولا كيبان وحش مغزففف مغدذ ...ماطلق منو تا ولا طبيب المگلضم الفورمة جرتييييلة ... حتى فوتات عليه يسرى بدا كينقص وناض من عليه عرقااان كيلهث وعروقو منفوخين ...عاد ناض هز فيها عينو وناض لعندها جرها بجهد من ايدها وبعدها عليه خلاه منشور ممسوقش ...وداها بعدها .... يوسف "جبد تيليفونو وعطاه ليها " : قيدي نمرتك هنا ... يسرى : ااا علاش "خنزر فيها مغزف " ... يوسف : قااااااايذي نمرتك ..."قيدتها مسكينة تتفتف بلهلا يطريه ليها وعطاتو تيليفون ...ناس الي تيعرفو يتعصبو ويهددو خخخ " ...صونا عليها طلعات نمرتو عندها .... يوسف "شاف هنا وهنا وشد فكها بشوي قربو ليها كيشوف فيها عينيها فعينيه " : الى عاود رجع عندك عيطي ليا ...باش نوجد لمو الشاهد الي غاتكتب فيه سميتو على قبرو ...يلاه تيسري لخدمتك دابا .... داز الليل مابعدو ليل ..الليل الي طويل عليهم بحال العام وهماكيتسناو سيد رجال يبان ولا يفيق ويحل عينيه باش يرجع ليهم الامان ...ليل طويل مشافوش نعاس وبهاكا ولات يومين فحال الاعوام ...الياس رسلو يوسف يشوف شركة ويقابل شي مشاكيل عندهم ويرجع ويمشي عند باهم يجيبو معاه الى كان جاي منعو عليه يرحع يبقى فسبيطار حيث ضغط كيلع ليه ...نجود عند راس يامنة الي منعت عليها طبيبة متبقاش واقفة فهاد الفترة ...ومتفورصيش ...مخلينها غير ناعسة متكية ... يامنة "فاقت وضارت عند نجود " : ماما اشنو قالو ليكم "عينيها دامعين " ... نحود "جالسة في فوطوي حداها من بعد ما مشاو طلو عليه من زاج باقي هو هو ...مغطي نصو ضايرين بيه الخيوط ولاو نقصو ليه خيط الاكسجين حيدوه من بعد ما تقاد ليه تنفس ديالو ولا عادي منتضم ...شافت فيها " : بنتي فقتي ...شوية ابنتي راه باقي ناعس ... يامنة"بدات تبكي " :بغيت نمشي نشوفو اهى اهى علاش مكتخليونيش نمشي علاش اهى اهى ... نجود "تنهدات وناضت لعندها ...حطات ايدها على شعرها كطبطب عليها " : وبنتي راه ممنوع بغاوه يفيق راااسو ابنتي ...واش بغيتي راحتو ولا تخرجي عليه تاني يوقع كي وقع فاش دخلتي ؟ يامنة : اهى اهى واااابغيييييت نشووووفووووو علاااااااش مفاقش علااااااش اهى واااااا فؤااااااااد فؤاااااااااااااااااد مباقييييش نقلقو اماما مبااااقييييش غا ميخلينيش اماما اهى اهى وااااااا دخلوووووني عندو علاش علاااش اهى ... نجود شافتها انهارت وهي تخرج باش تعيط لطبيبة ديال تما اخصائية ولحسن الحظ لقات يسرى دايزة تما بحكم طبيبة ديما تتكون عندها عملية فالكلينيك حسب الي مدوز عندها وفين غايولد او يفتح على حسب اختيارو ....لقاتها من حسن حضها وهي تعيط ليها .... يسرى : يامنة ؟؟ حبيبة اش واقع ليك ؟ يامنة : اهى اهى بغيت ندخل عندو ندخل مخلاونيييش يسرى "جبذات تيليفون ودوزات الخط عيطات ليهم يجيبو ليها شنو طلبات وضارت عندها/ شوفي احبيبة من غايفيق غايدوك لعندو دابا هو ميقدرش يدخل عندو تاحد من غير الدكتور الخاص بيه فقط راه جا واحد من فرنسا هو الي مقابل حالتو احبيبتي ميكون غير الخير .... جات واحد الفرملية بزربة جايبة سيروم والعلاقة ديالو وقفاتو ومدات ليها شوكة ...ضربت ليها مهدئ خاص بالحوامل كيضربوه الي فاتو ثلاث اشهر فيه نسبة قليلة باش القى مهدنة ...بدا يدوز ليها وهي ترخاااا ومشااات غطسات فسابع نومة ودمعتها على خدها ..... من بعد ساعات وهي ناعسة ...عيات بالبكا واللومة الي رداتها لراسها ...توحشاتو بزااااف لواحد درجة بغات غير تمشي تشوفو وخا ناعس وخا مريض وخا محاسش بالي ضاير بيه ...غير تبقى حداه وتشم ريحتو ....تحس بنفس ديالو كضرب وتشوف صدرو كيطلع وهيبط ..... حلات عينيها كتشوف فسقف كتستوعب فين هي واشنو جاري ...على شحال وهي كتستوعب راسها فين هي عاد ردات البال بالي فغرفة عادية ولكن ماااشي الغرفة فين ناعسة ....كانت غرفة كبيرة مجهزة ...ماشي غرفة الي كانت ناعسة فيها صغيرة شوي ... كانت مضورة وجهها كتفيق وتشوف وتحل عينيها مزيان تسترجع الي جاري ...ضايرة جيهة لاخرا وحاسة بشي حاجة حداها مسخنا جنبها ...كانت دايخة بكترت نعاس .... يامنة "حكات عينيها وهي ضور مع ضورة الي ضارت لقاتو حداها حتى شرعات عينيها " : مم م اشنو ف فؤاااااد "كيحساب ليها كتحلم مع نعاس وهي را مفاقت تالستة صباح وهو حل عينيه قبل ...وحولوه لغرفة عادية ولكن خاصة بحالتو مبغاتش تقولها ليها نجود حتى يقدرو يدخلو عندو ديك ساعة نعسات ...اصر على يوسف يهزوها وجابها ليه وحدو مشافو حد …بمساعدة الفرملية حطوها فوق شاريو تا دخلوها عندو بزز منهم بغاها تفيق وتلقاه حداها كيف ولفات ...…حطها ليه حداه فوق ناموسية الي كانت كبيرة ...استقرت حالتو مزيان وحيدو ليه كاع سلوكة وبقا بلا تاحاجة ..." . اهى لا فؤاااااد ....فقتي "دموع صدمة والفرحة " .... فؤاد "حل عينيه كان غير مغمضهم عيان ضور وجهو لعندها مد ايدو وجرها لعندو قرب وجهها لوجهو ...وخا عيان ممفاكش ..." : ششش "مسح ليها دموعها وشاف ليها فعينيها .." ... يامنة : فقتي اهى اهى ...شكون جابني هنا ؟ كيفاش هزوني ؟ وراك غادي تمرض تاني مخاصش نكون حداك غادي تنكس ... فؤاد "كيدوز خصلات شعرها ورا ودنيها شافها تاهي عيانة عينيها طابو وتحت عينيها حمررر ودخلو ليها بنعاس والبكا ..." : ششش ...فينما كنت كوني حدايا ...انا لباس عليا مابيا والو دابا ..."شاف ليها فعينيها وهبط باسهم ليها وحدة وحدة ونطق من بعد ما تنهد " : الذهب زين وغالي ...كينفع فوقت شدة وفالفرح والقرح ...يغلى ويغلى وميوصلش لقيمة مراتي وغزالي وجنة ولادي "باسها فشفايفها بوسة حنينة بوسة اشتياق وحب وفخر بيها " ... مع الفيقة نيشان لصدمة والفرحة ...صدمة انه لقات راسها حداه منخششة فيه وفاقت على وجهو والفرحة انه فاق وهاهو قدامها فاتح عينيه ...صحيح الازمة كانت مفاجئة وصدمة ليهم ولكن ربي كبييير ...مكيكتب لينا الحاجة الا وفيها خير لينا من بعد ... بقا كيشووف فيها وعينيه علىشفايفها ( منفاكش يانااري ) ...كيدوز بصبعو علهم ويماصي فيهم ...كيشوف فيها فتفاصيلها كيفاش فيومين بانت فيها عينيها دخلو ووجهها باقي صفر فمها بياض ...اكثر شي شفايفها الي كيساليو معاه والي غير يضور يصور ويبوس فيهم ...كيف ولاو بيضين وناشفين ...حتى حط عليهم فمو وباسهم بريقو فحال كيرويهم ليها بريقو ويشارك معاها ربق ديالو ويسقيهم ليهم ....غمض عينيه وسرااااح فالقبلة حتى لقا راسو منساجم ومنغامي مغمضين عينيهم بزوج .... قلبو كيضرب مع القبلة الي غاديا وكتزيد وهي قلبها كيضرب من قربو ليها وهاهو تاني رجع لمود القبل معاها وناسييين الي برا وينعل بو العالم .... حتى فصل القبلة وبقا فمو على فمها كيبوس بوسات متقطعة خفيييييييييفة ...متتالية ...وعينيهم مغمضين هاد الحركة خلات كرشها تفرفر ولد الهم كيعرف يلعب عليها بالفن ....طلع لمنخرها باس رويس ديالو بوسة خفيفة ...وبقا حاط جبهتو على جبهتها ... فؤاد "مغمض عينيه وشاد وجهها بايدو وجبهتو على جبتهتها نطق بصوت خفيف مبحوح باقين مقجوجين اصواتهم بالبوسة " : غزاااالي ... يامنة "تاهي صوتها ميت " : امممم ... فؤاد "هبط ايدو وخشاها ليها تحت البيجامة فوق كرشها نيشان مع لحم ...عنكشها ليها حتى دخلتها حست بضو " : كيف بقا ولدي ، يامنة"ابتاسمت وسط هاد اللحضة باقين بنفس الوضعية وهادشي مغمضين عينيهم " : لباس عليه ... فؤاد : مزياان ... ضار على ضهرو وجرها تكاها عليه كيتنفس بجهد ... يامنة : ف فؤااااد ... فؤاد : غزالو ... يامنة : ههههه "جمعت فمها بخجل ورجعت نطقات " ...ياك متقلقتيش مني ؟ ... فؤاد "بلعاني كيقول فيها وهو رافع حاجب وطالق ديك تخنزيرة ومضاحك موالو كيبان جدي " " : بزااف ...فاش نكون كنشرح ليك وتعرفي اشنو الواحد كيغلط لسان مفيه عضم .... مرة وجوج وثلاثة دويت معاك راني خايب ...كلشي شفتيه على عينيك ومشرحتوش ليك يعني نتي خاصك تفهمي ...وتعرفي هانتي تقلقتي وتعصبتي وقلتي مبغيتيش تبقاي ناعسة حدايا ومبغيتيش تبقاي معايا ونتي فلداخل ديالك باغا .... وخا العار كيخرج من لفم خاص الواحد يعذر …الي كيخرج من الفم وخا عار ماشي لخاطرو هذاك الكلام كينفس علينا ...هو حسن ولا نضربك ....وانا ابنت ناس منمدش ايدي على مرتي وام ولادي ...شوي وغايجي يوسف وسيري معاه ترتاحي "غمض عينيه " ... يامنة "دلات شنيفاتها تاني بغات تبكي " : ننن اهى لا عفاك متقلقش مني عفااك اهى دابا تمرض تاني ... فؤاد "حل عينيه كيشوف فسقف " : خفتي تدي ذنبي ؟ يامنة "خرجات عينيها " : الا لا والله ما هك...اهى اهى والله ما هكاك ... فؤاد "حط صبعو على فمو وهو كيشوف لسقف" : شش بلا بكا دابا ...شوي يجي يوسف باش تشوفك طبيبة الي دوزات ليك هنا ... يامنة ؛ اهى اهى ولااا متبقاش مقلق سمح ليا ...عافاااك اهى ...صافي ندوز عند هاديك طبيبة ... فؤاد : لااا دوزي عند هادي ،،هاديك غير نسايها ... يامنة : ولاااا ... فؤاد "ضار طلع حاجب ونزل لاخور وخنزر فيها ( هادشي بلعاني تيدير فيه ) ..: شنو بغيتي دابا ؟؟ ااا ؟؟ يامنة "خرجت شنيفة تحتانية " : واا والو متبقاش مقلق مني غادي تمر...غير متبقاش مقلق ... فؤاد "ضار رجع كيشوف فسقف ...عض على شفايفو ورجع طلقهم وحط صبعو على فمو كيوريها فمو ..." : اعتاذري ... يامنة : ها ؟ ف سمح ليا ... فؤاد : لا اعتاذري راسك ( كيوريها بصبعو تبوسو في فمو راسها ") ... يامنة "حناكها تزنگو وفمها ولا حمر راجع ليها دم تاني من بعذ ما مشا " : ولاااو ...(تدعقت ) ضار عندها مخنزر ... شنووو ؟؟ بدات ترمش فيه دعقها وحشمها باش تنوض تبوسو هي اول مرة ديرها ...باش تنوض هاكاك تقابل مع شفايفو راسها وتحط هي فمها على فمو لااا هادي جديدة فشلتها بالبيان ...فمها نمل وقلبها بدا يضرب ...ولات غير ترمش حالا فمها ...دعقها الملعون وشرشمها .... فؤاد "عوج فمو عاض على شفايفو وضار لجيهة لاخرا عطاها بضهر ..." يامنة "حلات فمها ...ولات تتبان وراه مكايناش مع ضهرو العريض الى طليت عليه متبانش ليك ...هزات ايدتها صغيورة تكاتو بصبعها " : ف فؤااااد ... فؤاد : لا رد ... يامنة : ف فؤاااد وخا ضور عندي ؟ فؤاد "غمض عينيه مداهاش فيها " : لا رد ... يامنة "جمعت شفايفها ببكية " : ففف اهى ... شوي ناضت من حداه وهي تمشي ضارت لعندو لقاتو نعس مغوبش نعستو المعتادة ...كان لابس تيشرت بيض ومغطي نصو ...جابو ليه خوه مع الحوايج تا بدل عاد دخلها ليه ...قربت ليه عند وجهو ...وتحنات شادة كرشها ...حطت ايدها على وجهو وقربات كتفتف فمها كيترعد ...بغات تبوس وترجع تاني تردد ...حتى رفع حاجبو ... فؤاد "وهو مغمض عينيه " : سيري حلي الباب باش يدخلو ... يامنة : ها ...و و واخا ... حطات صبعها على فمها ياربي بغات تبوسو راسها ومقدراتش وهي كبيرها تعنيقة ولا تجرأت بوسة في الحنك ...وهو دارها ليها بلعاااااني بغاها تحيد هاد الحشمة معاه ..تزيد تطلق اكثر كيف طلقات فالهضرة ولفات عليه وبينت عشقها ليه من خلال شحال من نكسة وازمة ...بغا تزيد اكثر ...كيحاول ما امكن يربيها على ايديه وتكبر على ايديه مراتو وبنتو وحببتو وام ولاو ورفيقة دربو ونصو ثاني وشريكة حياتو والعشق ديالو .... عطاها مثال ديال الذهب زين وغالي كينفع فالشدة والفرح ...الذهب كينفح كزينة فالفرح وفي شدة قيمتو كتساعد وتحل الشدة والازمة الى بعتيه ...مراتو قيمتها غلى وغلى من ذهب حيث فشذة معاه وفالفرح معاه ومكتباع مكتسرى وهي ديما معاه ...فيها كلشي الي ممكن ذهب ميديروش وكنوز دنيا متوفيهش ... شافتو زاد خنزر وغوبش وخا ناعس ...حنحن ليها وهي طير مشات الباب حلاتو مع حلاتو لقاتهم جالسين غير يوسف وصهيب فوق الكراسا الي فالجناح الي ناعس فيه فيه صالون على برا ولداخل بيت فين ناعس مجهز على قبلو بحكم مالين ازمات القلبية ومرضى القلب والي فاتحين عالقلب فداك الكلينيك عندهم اجنحة خاصة بيهم .... يوسف : يامنة فقتي اختي كي بقيتي ؟ يامنة "ابتاسمت ليه" : لباس ...ولكن شكون جابني هنا ... يوسف "حك راسو " : هههه مهم فقتي لقيتيه قدامك ... صهيب : شادة لجدر والديك ... يوسف : يسمع ملتك يوريك جدر فين كاين ...ابلاتي ... يامنة : هههه لا ميدير والو ...راه خليتو تكا قاليا حلي ليهم الباب باش لا بغا يدخلو ..."شافت فصهيب " ...صهيب بغيت نسولك ؟ صهيب : ايه مرحبا ... يامنة : احم فاش ضربتيني واش كنت كنقول شي حاجة مهياش ؟ يوسف "شرع فمو " : هعع ضربك ؟؟ يامنة : كنت كنضحك فاش لقيت فؤاد طايح ومشيتو حتى وقفني وضربني كون مدارش هاكاك كنت غادي ندير شي حاجة ... صهيب "خرج عينيه " : اشوفي تقوليها راجلك نهز جلابتي متعرفوني فين زدت ... يوسف : هااعععع ..يامنة كون مدار هكاك كون تفليبا ليك دماغ ...امم صافي دابا روي ستون وسكتي دخلي انا شوي ونجي انا وصهيب ..."اومات ليهم ومشات دخلات عندو فرحانة برجوعو " ...وضار هو عند صهيب رافع حاجبو فيه " ...ايوااااا يا لمعلم ... صهيب "عرفو غايبقا يهدد فيه بيها ودار راسو بين ايديه " : حسبنا الله ونعم الوكيل 😞... نهار من بعد ليالي دازو عليهم فحال الجحيم ...انك تسنا شخص فالعناية المشددة تحت رحمة الله ونتا مقابلو لا يطلع ضغط او الازمة تحول لشي حاجة ما خيب منها ...طبيعي جدا ان صاحب الازمة القلبية غايكون فالخطر وممنوع عليه اي توتر لان التوتر من احد الاسباب ديالها ...كتادي لموت زيادة على ان ضغط ديالو كيطلع ربي الي كيحفض ورحمتو واسعة ....ليالي دازو عليهم كحلة واكثر شخص كلا دق هو يامنة ...صعيب بزاف انك تحمل راسك ذنب انك سباب فالي جرا ليه ... وخاصة انه شي حد الي مركز الامان ليك الحب ديالك والعشق وراجلك والراجل الي عشقتي وحليتي عليه عينيك مزيان ...بديتي كتكبري على ايدو عشتي معاه اصعب ضروف الي خلاك متحسيش بمرارتها وهو الي طاكا عليك دق ...ونتي كتسنايه لداخل تحت رحمة الله ممكن فلحضة يموت ...فين غاتوصل بيك الحال ... جات نجود والحاج والياس يطمنو عليه هاد الاخير وقف من بعيد كيشوف كيجاوبهم غير باه ولا هضرتو قليلة ولكن باينة عليه جبل ميهزو ريح ...جاتو صعيبة يشوف فؤاد طريح الفراش وهو غافل انه تعرض لشحال من ضربة خلاتو طريح الفراش وهما كااعما حاسين حيث ببساطة كينوض منها كي جن لانه سبع ... الحاج : على سلامتك اولدي خلعتيني عليك ... فؤاد "متكي هازين ليه ناموسية جا شبه جالس ...شد ليه ايدو باسها " : معندك مناش تخاف الوليد هاني حداك ... الحاج : راك كبدتي والبكر ديالي وباش كنشوف ...لا خطيتيني اش بقا ليا ... يوسف "مربع ايديه " : لا الوليد الله يحفضو ...خويا شديد عمرو يخلينا ... نجود : خلعتينا وليني الحمد لله ازمة ودازت ... يامنة "جالسة حداهم فوق الفوطوي هو فناموسيتو وحاضيها مرة مرة ..." ... واحد شوي حتى دخل هو نفسو لكن هاد المرة داير سبارادرا على حاجبو وجنب فمو ...عين من جنب منفوخة وزرقة ...لابس طابلية فوق اللباس الازرق الخاص بيه ...داخل بنفس تخنزيرة حتى شافو يوسف وعض على شفايفو مكره اسماعيل : ممكن تخليوني معاه ؟ فؤاد "رفع فيه حاجبو وشير ليه بايدو بمعنى لاش ؟ " ... اسماعيل : بغيت ندير ليك شي فحوصات ضرورية نتاكدو من حالتك اسي فؤاذ ...نتمنى تساعد معانا "شوفو الهضرة كي دايرة مع مول الهيبة مقدرش يخنزر فيه عههع" ... استاذنو كاملين خرجو ويوسف خارج وداير فيه واحد تخنزيرة تاع القرطااااس ...تا خرج وخلاهم ... بدا يدير ليه فالفحوصات وتبعوه شي فرمليات تاهما جايبين اجهزة معاهم فحص ليه دقات القلب ... اسماعيل : خاص تنوض باش نديرو ليك فحص اخور ..... فؤاد : امتا غادي نخرج من هنا .؟؟ اسماعيل : مزال حتى نتاكدو من صحتك ومن خطر عدم رجوع الازمة ليك ...عاد فقتي منها ..يعني سي فؤاد مبغيناش شي انتكاسة الازمة القلبية مساهلاش ...وحاول مديرش شي مجهود يعني متقلقش ومتوترش ومتعصبش ... فؤاد "جاوبو غير براسو ..." اسماعيل : مرة اخرا الحمد لله على سلامتك سي فؤاد ... فؤاد "غمض عينيه وحلهم بمعنى شكرا اما باش يجاوبو ويتعاطى معاه فالهضرة ابداااا " : اسماعيل : بالنسبة لخروج ايام هاكاك بينما كملنا الفحوصات وتاكدنا من تحسن صحتك تقدر تخرج ...الحمد لله على سلامتك ... دار ليه دوا وضربو ليه على شكل شوكة ...واستاذن منو وخرج ...طمنهم على برا خلاه يوسف كيهضر معاهم وضرب فيه وزاد مشا خرج لعلى برا ... يوسف "جبد الفون من جيبو ودز ليها الخط " : احم الو ... يسرى "ابتاسمت بخجل " : سي يوسف مرحبا ... يوسف : بلاش من سي غير يوسف ... يسرى : هههه وخا ...مرحبا ... يوسف : احم "حك على راسو " ...عندك شي عيادة هنا ؟ يسرى : مزال مفتحتهاش ولكن الي بغا يدوز عندي كيجي عندي لمستشفى العمومي ولا ف الكلينيك علاش شنو حب الخاطر ... يوسف : صهيب مريض ضراه الوالدة خخخخ .. يسرى "غوبشت " : عفوا ؟ يوسف : ااا لا لا والو غير خويا بغا مرتو دوز عند شي طبيبة نسائية متمكنة راك عارفاها يامنة ... يسرى : احم ...وخا مرحبا فاي وقت ... يوسف ابتاسم ...حتى قطع معاها ودخل لقا طبيب خرج ودخل لعندهم ...لقاهم عند راسو ..حتى شاف فيه فؤاد ... فؤاد : يوسف ...شوف ديك طبيبة الي دوزت ليامنة هاد اليومين …هي تبقى تبع عندها ... يوسف "كان تصرف من راسو بغا يقتارحها عليه من بعد ساعاك لقاه نيت بغاها هي دوز عندها " : اه را دويت معاها قالت ليك مرحبا فاي وقت .."خرج عينيه ...زلقت ليه الهضرة بلا ميحس خهه وصهيب دار فيه واحد شوفة ديال وا معلم العشير " .... فؤاذ "مدا مجاب " : مزياان ... خرجو كاملين استاذن الحاج مشا لفيلا ونجود بقات غير فوق الكراسا خلاو يامنة معاه ... يوسف : بلا متشوفو فيا انا درت غير الواجب ... صهيب : ايييه الواجب ليك نتا ...وتااا طير يا خوي تاطير ... الياس : ضرب لحديد محدو سخون "خنزر فيه يوسف " ...ضرب سخون محدو حديد ...حديد سخون ...و سخون ...صهيب علاش صرفقتي يامنة ... صهيب : واااااقود .. متكي على سرير داير ايدو فوق عينيه ...ويامنة جالسة فوق الفوطوي ... فؤاد : اجي هنا ... يامنة "هزات فيه عينيها " : اا ...ناضت لعندو ومشات جلسات حداه فوق ناموسية ...وغفلها بزربة جابها فوقو ...فرق ليها رجليها وجلسها على كرشو ...خلاها كتبرق ..." : مالك ... فؤاد : مالي ؟ يامنة "كتشوف فالباب وتشوف فيه " : و والو .. فؤاد : مكاين الي يدخل عارفين راجل ومرتو لا بغاو يدخلو كاين الاحترام …هو دق الباب عاد دخل ...فهمتي ولا نفهمك بطريقة جديدة عليك ؟ "خنزر فيها " .. يامنة : فهمت فهمت ... فؤاد : مبااانش ليا ابنت الناس ... يامنة : والله تا فهمت هههه صافي "خشا ايدو وبدا يهر فيها من كرشها " ....خههههه صافي لا عفاك واععع هههه ... ضور ايديه ورا ضهرها وهبطها لعندو شد عنقها من لور وجرها باسها من شفايفها ...بوسة تحولت من قبلة حنينة لقبلة فرنسية بامتياز ...كيجر فريقها بلسانو الي كيضور على قناة فمها ...حتى بغا يخنقها عاد بعد وداز على وجهها كيبوس فيه وهبط لعنقها مصمصو مزيان غير مكالي شوي باش ميزرقوش ليها ...كيمص مصااات خفاف ... فؤاد "حط ليها راسها فوق صدرو كيدوز على شعرها ...حتى قالت اي بشوي ...هز ليها راسها لقاها عاضة على شفايفها " : مالك ؟؟؟؟ يامنة : كنحس بمعدتي كتحرقني ..."بدات كتجيها حرقة المعدة ديال الحوامل ...كتجيها تگريعة عند فمها وترجع حتى كدير ايدها على فمها " .... فؤاد "خلعاتو حيث هادشي جديد عليه وخا امر عادي بالنسبة لحوامل " : شنو ؟ نوضي "نوضها من عليه حتى وقفات وناض حتى هو .." نوضي اجي معايا عند طبيبة دوز ليك ... يامنة : راك مريض افؤاد انا غادي نمشي مع ماما راها كاينة هنا وبقا نتا ترتاح هنا ... فؤاد "كيقاد فسروالو وتيشرت ديالو لبي كلاكيطة ديالو جابوها ليه ومد ايدو شابك صبعانهم .." : اجي ... تمو غادي حتى دق الباب ...قال دخل ودخل ايلاف الي سمع الخبر وكان جا ديك اليومين ... ايلاف : فؤاااد !! الحمد عالسلامي...كيف صرت ؟ فؤاد "فاش قاليه دخل عارف يامنة لابسة مستور ..تسالم معاه " : مزيان مابيا والو ...تسناني هاني جاي ... يامنة "شافت نجود " : غير بقا عافاك هاني غانمشي مع ماما ونجي دغيا والله بقا عفاك راك عيان ... فؤاد "بقا كيشوف فيها فالاخير " : وخا دغيا متعطليش ... يامنة : وخا ...استاذنات ومشات خرجات خلاتهم مع بعضياتهم .... ايلاف "جلس مقابل ليه فوق الفوطوي ولاخور مشا رجع جلس فوق ناموسية مبغاش يتكا " : شنو وقع ليك اصحبي ...ياك لباس ... فؤاد "هز ايدو " : عادي ماشي شي حاجة ...امتا جيتي ؟ ايلاف : امبارح باليل لما عرفت اجيت بسرعة ... فؤاد : كاين شي جديد ؟ ايلاف : بي ترتاح بنحكي ... فؤاد "عض على فمو وغمض عينيه بنفاذ صبر " : مرتاااح غير هضر شنو كاين ؟ .. ايلاف : ايشان راح يتصرف بمسالة انه تمشي لموسكو حتى وانتا بكفالة وجاري البحث عالقاتل وممكن يكون كبش فداء يعني بنحاول نحل القضية بتعرف لانو عرفنا انها اخت داني يعني عائلتها من اغنى العائلات اليهودية وكيف كتعرف ...من كتكون القضية فيها ليهود ...صعيب تلقا كبش فداء اغلب المافيات مولاهم اليهود وممولين العالم ...وخا نلقاو هما مكيسكتوش على حقهم ماشي بعيد يلقاو ليك خطة اخرا فين يطيحوك داكشي باش صبر وتاحنا نديرو الي فجهدنا نعرفو شكون قتلها .... فؤاد "كيشوف قدامو مخنزر تعصب تاني " : جوج ريحات كانو فديك الليلة ريحتي الي كندير وريحة خرااا ...المدام ديالي هي الي شمتها ...بغيت حل باش نمشي لموسكو وتمشي معايا نحيب ليها ريحات الي شاك فيهم وتحاول تعقل هي المفتاح الوحيد ديال هاد القضية وهي الي غاتوصلني لي قتل وديك ساعة نشوفو .... ايلاف : الحماية الي طلبت صارت رهن اشارتك وقت الي انفك سراحك راح تكون تحت امرك والمدام راه تكون بامان احسن من الي كان قبل هي وابنك ... فؤاد "هز عينيه نيشان قدامو " : مزيااان داكشي الي بغينا ... يلاه كيهضرو ...حتى دق الباب سمعت صوتو قاليها دخلي وهي دخل كتجري لعندو حتى وقف ايلاف ...من بعد سنيييييين ومنين مشافها خلاها صغيييييرة فاش كان كيقرا مع فؤاد وهاهي قدامو كبرات .... دخلات بخطوات متسارعة لعندو دمعتها على طرف عينيها ...ملي عرفت بالخبر وهي طلب فيوسف يقطع ليها باش تجي لعندو تشوفو ...كتشوف فيه الاب والام الي كان مربيها هو ويوسف بحكم خلاتها مها صغيرة فسن خمس سنين ماشي ساهلة ...ملي ماتت الام ديالهم وهو هازها ومتكفل بيها مع خوتو ...وكانت بنتهم ماشي اختهم وهي كانت ديما كدير بحسابو وعزيز عليها كتر من يوسف وخا مضاصرة مع يوسف ولكن قيمتو عندها بوحدها .... فؤاد "سمع صوتها وعقد حجبانو ضار لعندها حتى غفلاتو تلاحت عليه عنقاتو ..." : ششش مالك ؟ راوية : اهى اهى خويا كيف بقيتي ؟ خلعتيني عليك ... فؤاد "حط ايدو على شعرها دوز عليه " : ممالي والو علاش هادشي كامل ؟؟ راوية : اهى اهى خفت عليك ...ياك لباس مكتحس بوالو ... فؤاد : لاا مزيان ..."فصلت العناق وهي تبوسو فحنكو وشافت فيه مبتاسمة " ... راوية : ههه مزيان ... فؤاد : شكون جابك ؟ امتا جيتي ؟ راوية : وصلت صباح وقطع ليا خويا يوسف وجيت جابني عمي سمحمد ( شيفور ) ...جابني نيشان من المطار هنا كنت بغيت قبل بيومين ولكن ملقيتش كلشي عامر هادي بزز ... فؤاد " رفع حاجبو " : مكاين لاش تجي موقع والو عادي ...ماشي كل مرة تسمعي شي حاجة وتجي؟ ديها فقرايتك اراوية هادشي مكيعبجنيش ... راوية : وخا ولكن اصلا انا كنت جايا عندي سطاج خاصني نديرو فيه شهرين وهاني سبقت بسيمانة عطاوني الاوكي والورقة باش غاندوزو وغانجي ندوزو هنا عندنا فشركة ... فؤاد : ومعرفت ليك اراوية ...ديها غير فقرايتك ومتقلقينيش عليك ...مزيان دابا موقع باس ... راوية : واخوووياااا جيت نشوفك هاااو ..."خنزر فيها " ...ههعه صافي صافي سمح ليا ...فين هي يامنة ... فؤاد : دابا تجي .. ضارت شافت ف ايلاف وهي تبتاسم ليه ورد ليها الابتسامة ...ناض وقف ... ايلاف : لكان انا راح روح هلا "غمزو " ...رح روح لصويرة على قبل داكشي ... فؤاد : سير ... ابتاسم ليها ثاني وهو يخرج ودخلات موراه نجود ويامنة ... فؤاد "هز عينو شاف فيها ..." : شنو قالت ليك ؟ نجود : ممشاتش انا عارفة داكشي راه عادي هاديك حرقة المعدة كتحي الحاملات ...من غادي يزيد يكبر فكرشها غادي تزاد الى كان ولد وكان عندو شعر كتير غايبقى يدير ليها الحرقة ...هادشي الي ولفنا عليه وصافي ...والطبيبة الي غادوز ليها مكايناش ... فؤاد : انا قلت تمشي عند طبيبة لا ، ؟ نجود : وا ولدي يهديك الله راه معندها والو راه عادي هاهي مشات معايا ديتها فطرات بعدا وشربات الما ...شربات عصير وكلات وهاهي مزيانة ... ناض من سرير بشوي حتى وقف هز جاكيط ديال سورفيت لبسها خلا سنسلتها محلولة ..ومشا حداها شدها من ايدها وجرها خرجها برا خلاهم كيبرقو ...ماعندوس مع كترت الهضرة ماعندوش صلاة عالنبي ... يامنة "شابك صباعهم وغادي بيها " : فين غادين ؟؟ فؤاد : لا رد ... بقا غادي بيها حتى شاف يوسف واقف هو والياس وصهيب كيهضرو ...حتى وقف عليهم ناضو وقفو فحال شافو عزرائيل ... فؤاد "ليوسف " : فين كاينة ديك طبيبة ... يوسف : يسرى ؟ ها اه خاص نسولها واش هنا حيث كيف قلت ليك مزال معندهاش عيادة غير كدوز هنا ولا فمستشفى عمومي ...مزال كتفتح فيها وتجهزها ...نعيط ليها تجي ؟ ياك لباس ؟ فؤاد : عيط ليها ... خلاهم وجر يامنة معاه غادي بيها ... يوسف : هاااح وخا ...سير بغيت ربي فين حطيتي رجليك تربح اخويا الكبير ...سير بغيت يسكت لصيهب القلب ونتا يضرب ليك ...سير بغيت لحووووومّة لقلاعية لصهيب ونتا تبعد عليك ...سير بغيت ليك الذرية صالحة ولصهيب العگر ... صهيب : سير بغيت ربي يطيح لبوك النجمة الله يحفضني مال مك بنت ليك غير انا فالبلان ؟ فين نعرف طاسيلة والديك ...ها خوك دعي عليه ... الياس : الله يحفضني انا باقي مبلغتش اصلا ... جرها غادي بيها ...بانت ليه كتجري مع خطواتو هو كبار ...سخفات وهي غاديا ...حتى وقف قربها ليه باس راسها وخفف خطواتو ..عاد تمو غادين وصلو للبيت ...لقاو راوية ونجود جالسين ...مشا لسرير ديالو جلس وجلسها حداه ...حناكها مزنگين كتلولب فعينيها ...حشمانة حيث ملي جلس عنقها متكيها عليه هو كاع ممسوق لبشار ... نجود : اش قالت ليك دغيا جيتو ... يامنة : م ملقيناهاش غايعيط ليها يوسف .."كتجيها ديك الفاقة " ...هءم ... فؤاد "غوبش " : هادشي غايبقى فيك بزاف ، ؟ نجود : راه قلت ليك عادي ا فؤاد راني والدة وعارفة ...غاتجيب سيدة على والو ... فؤاد "باس راس يامنة وباس حنكها وهي كتلولب تمنات لارض تشق حشمات قدامهم ولا غاتتفتف بعينيها حتى ضحكات راوية ..." : وخا نعرف شنو كاين ...نوقف على مرتي ولدي بنفسي ... نجود : هههه وايه مقلنا عيب ولكن راك تانتا عيان ...وتكا اولدي رتاح ليك شوي ... يامنة "شافت فيه بحنية " : تكا ارتاح باش متعيااااش ... فؤاد "بقا كيشوف فيها وفي شفايفها عينيه بداو يتعسلو فيها ...حتى ناضت نجود وراوية استاذنو يخرجو وسدو الباب وخلاوهم ...وهو باقي كيشوف ليها في عينيها وفمها ..." : مزيان خاصني نرتاح شوي ... يامنة : هههه تكا انا غانمشي نشرب ... فؤاد : جيبي غير من هنا واجي حذايا ..."ابتاسمت ليه ومشات جابت الما من ثلاجة ...ورجعات من بعد ما شربات ...جات حداه ... يامنة : مفطرتيش ؟ فؤاد "داير صباعو على نواضرو ...جاوبها بلا براسو "... يامنة : انا غادي نقول لماما باش يجيبو ليك فطورك ..."جات نايضة حتى جرها وجلسها فوق رجليه ...فرق ليها رجليها وضورهم على خصرو ...ونطق " ...فطوري لول نتي اغزالي ... يامنة : ههههه ..."بغات تهضر معاه حتى لقاتو تخشا فعنقها بمصيصاتو المعتادة ...".... فؤاد "باسها في عنقها مع مصة حتى طواتو ..." : شنو فيك تبدل وزاد زين على زين ؟ ..."باسها ففمها ولحس بلسانو لحسة خفيفة " ...محدو كيكبر فيك محدو كيكبّر فيك ( محد الولد كيكبر فيها وهي كتكبر ) .... هبط لرقبتها شبعها لحيس حتى كتهز من فوقو وتحط وتضحك ... يامنة "هزات راسها وشافت فيه حناكها مزنكيين بسخونية الي سخنها " : سمح ليا عمرني نتقلق منك والله ... فؤاد : ديري علاش نسمح ليك ونشوف .. يامنة : اشنو ندير "ببرائة " ... فؤاد "دار فيها واحد شوفة جدية صارمة تخليها تفكر بزز منها " .... يامنة "تفكرات البوسة الي خاصها تبوس هي وهي تبدا تاني تلولب فدوك العينين وتشتت شوفة " : هممم اااه و وخا ...ولكن ...احم خاصك تفطر يااك ؟ فؤاد : يامنااااا ... يامنة : فؤااااااد ..."بدات تفتف " ...فف احم و واخا ..."بعد تردد وبكية وخلعة وفقصة وحشمة وتفتيف وتقفقيييف وهو حلف لا تحرك ليها كيشوف ليها فوجهها كيف تبدلو فيه الالوان ...اول مرة غاتبوسو من فمو هي راسها ...صغر فيها عينيه حاضي حركاتها تعبيرية ..بعد تردد وموت واخييييرا دارت وحهو بين ايديها ...وغمضات عينيها وبدات تقرب شوي بشوي بشوي وغاديا تقرب وشافت طريق طوالت وهي تحل عينيها هههههه لقاتو بعد وجهو خلاها مادة شنيفاتها وبلاكة ههههه " : اااا ... فؤاد "رفع حجبانو " : مالك على حالتك خايفة شنو غانعضك انا ؟ يامنة : و ولااا غي غي ...شافتو تقلق وهي تشدو بزربة ولصقات فمها على فمو ...باستو بوست المشاش خهههه ...مبغاش تاهو يحشمها براكة غير هاد البدية راه مزيان وهو يحل فمو بزربة وجر ليها فمها وسطو محاوطو بشفايفو عاضهم مزيييياااان ...وكيجر فريقهم ...ايديه بسرعة هبطو لمؤخرتها وبجغوها جروها لعندو لصقوها معاه ...حتى حس براسو كيتخنق وصدرو حرقو ...عاد بعد كيلهث ..." : هاكا مزيان .."مخاصوش يفورصي حاليا تا دوز فترة نقاهة " ... يامنة "بغات تلف وصافي تنسا اش دارت ابحالا تقولي باست صاحبها فشي كوان ..." : فخبارك باش عرفتك طايح حسيت بكرشي كضرني بغيت نعس وقلت تالصباح ونشرب دوا الي عطاتني طبيبة وبقات كتزيرني وطلعت نجيب دوا من البيت وانا لقاك ...هههه يمكن حس بيك ... فؤاد " باسها في فمها تاني " : حيث راجل ولد راجل يامنة "باستغراب " : بااش عرفتيه ولد 🙁 فؤاد "حط ايدو على كرشها كيدوز عليها ويقرص فيها بلطف وحب " : عارفو ولد …رجال كتولد بكرها سيد رجال ..."هبط لودنيها وهمس بصوت فيه انفاس سخوووووونة خلات الفراشات فكرشها كيطيرو وتبورش حتى تحل فمها وتغمض عينيها " ...ايام وعمري ليا فراشي ونسولو فيه "شافت فيه فهماتو شنو قصد وهي تسمر شافت فيه وغمزها قبل ميتلاح على شفايفها تاني مكمل فطورو بيها ".... هبط لودنيها وهمس بصوت فيه انفاس سخوووووونة خلات الفراشات فكرشها كيطيرو وتبورش حتى تحل فمها وتغمض عينيها " ...ايام وعمري ليا فراشي ونسولو فيه "شافت فيه فهماتو شنو قصد وهي تسمر شافت فيه وغمزها قبل ميتلاح على شفايفها تاني مكمل فطورو بيها ".... يامنة "مفرقت شفايفو منها تا سخفت هي وهو لا بغا يسخف ليهودي وعاد خارج من ازمة قلبية " : فففف "كتلهث " ... فؤاد : قولي ليهم يدخلو لفطور باش تفطري تانتي ... يامنة : راه فطرت خاصك تفطر نتا ... فؤاد : ماعليش عاوديه معايا ... يامنة "بابتسامة فرحة " : ههههه واخا انا جايا ...باسها فحنكها وناضت من فوقو ...مشات خرجات تقوليهم على لفطور عاد ناض هو دخل لدوش يبرد ...ناض مجعور عليها ومن حس براسو بدا يسخن ...متشوق ليها وتوحشها ولا البعد ديالها عليه فعلا قاهر ميقدرش يبعد عليها ولا تبعد من عينيه ...حتى تنازل على كلشي وتقبل ولدو الي من صلبو وحتى هو زاد بغاه حيث منها ...عشقو ليها بزاف ..وغادي وكيتزاد ...قدرات يامنة فعلا تغيرو للاحسن وفي طريق التغيير الكلي وهاد القرار الي خذا الحاج هي تكون زوجة ليه كان صائب ...قدرات يامنة تحدث تغيير فيه وتخليه متشبت اكثر في الوقت الي كان دارهم ميشوفهم على عامين والى جا شي مرة كيجي نهار ويرجع ... دابا حس براسو عندو فعلا عائلة الي خاصو يسهر عليها بنفسو ماشي من بعيد ...دخل غسل وجهو فدوش ورقبتو ...مسح بالفوطة عاد خرج وخا هكاك باقي صحتو عيانة ...باقي حاس براسو محتاج راحة ...حتى شوي دق الباب ودخلو ليه الفطور ....ومشا جلس فناموسية .... نجود : تكا ولدي غاتقربو ليك ... فؤاد : مكاين لاش هاني گالس حسن ... نجود : راه خاصك راحة اولدي الله يهديك ... فؤاد : مرتااح ..."شاف وراها " فين يامنة ؟ نجود : هاهي جايا غير حست بمعدتها مروعة ومشات لدوش ... فؤاد "رفع حاجب " : كيفاش ؟ ياكما كتقيا ؟ نجود : وطبيعي هاهي غاتجي ...شوي حتى دخلات عاد غاسلة وجهها الي ولا حمرر بالاستفراغ ... فؤاد "كيشوف فيها " : اجي قربي نشوف. ؟ يامنة : مابيا والو عادي ... فؤاد : كيفاش عادي ؟ دابا كرشك مبقى فيها والو ...اجي فطري معايا ... يامنة "بعدات وجهها مخصراه " : ففف لا لا عافاك منقدرش ... فؤاد "خنزر فيها وكحز ليها كرواصون وهز عينو فنجود " : جيبي ليها حليب ... يامنة : اعقق لااا عفاك مبغيتوش لا ... فؤاد : ياامنة ... يامنة : راه غادي نرجعو نرجعو ...الله يخليك بلاش ... فؤاد : وشنو بغيتي ؟ يامنة : بغيت قهوة كحلة ... فؤاد : لاااا معندك مديري بيها ... يامنة : عفاك بغيتها والله ريحتها من عندك واعرة ... نجود : وهو كلو لاش طلب قهوة كحلة ؟ لاش افؤاد بغيتي قهوة كحلة ممزياناش ليك كلك نتا ... فؤاد "مداهاش فيها هو ديجاوصا عليها وشرط عليهم يجيبوها بزز ..هز كايو وبدا يشرب فيه ويامنة حاضياه وتبنن حتى شاف فيها " : لا مغاتشربيهاش ايامنة ...مبغيتش نعاود الهضرة الله يرضي عليك ..."بغات تبدا تبكي تاني " ...بكيهم دم نتي ..."غوت تا قفزت " ...تگلعي اي هنا تفطري "خنزر فيها " .... نجود بقات غاتشوف فلاخر خرجت خلاتو يفطر هو وياها براحتهم ... يامنة "حابسة البكية بغات تشتت عشقت ديك القهوة كحلة ولباس " : ففف اهى ... فؤاد "خنزر " : مالنا ؟؟؟ يامنة : والو هاني غانفطر هااااني ..."مخصرة سفتها " ... بقا هو كيفطر ويخنزر فيها وهي عينيها كيزهقو لقهوة كحلة داكشي الي جاها جاها عليها ...من الي بدات توحم وهي عقلها خارج عليها ...حتى شرب فيها نص وهو يكحز ليها الكاس ... فؤاد : شربي هذا ... يامنة "بفرحة " : ااااااي صااافي …الله ..."شدات الكاس كتشرب فيه وتبنن " ااحح اننم واعرةافؤاد والله ...اااح ... فؤاد "عض على شواربو تا بياضو وكيشوف فيها " : شربي وسكتي ايامنة .. يامنة : اا واخا …غير عجبتني بنينة داكشي علاش ..اااحح ... فؤاد : يامنة شربي بلا هضرة ولا خرجي برا وشربيها يامنة : هاني صاف صاف .."بدات تشرب فيها بالحس وهو حاضيها مخنزر ...ويني اصوات كدير راه فشكل ههههه " ... داز داك النهار بين فحوصات وروتينيات الفحص ...من بعد ما كملو معاه ...رجع يرتاح وخدا نوم عمييييق باش يرتاح مزيان ...حتى الفرحة واي توتر مخاصوش يديرو ....لان توتر ماشي غير بعصبية والفقصة كيف كنقولو بمفهومنا العامي وانما ممكن تجي نتيجة فرحة مفرطة ....اي حاجة كتكون مفرطة ممكن تسبب لينا فازمة .... يومين دازت فالمشفى ...بفحوصاتها وروتينياتها ...يومين وهو بين نعاس والفحوصات حتى طلع ليه دم وهو خاطرو ديقة مكيبغيش يبقى فنفس البلاصة ...حتى دخل عليه الدكتور الي مقابل حالتو والي نفسو مبقاش ضار بجهة يوسف او يسرى ...خاصة من عرفو من عائلة رمسيس المعروفة تما فازرو وانه من جيهة فؤاد وفؤاد صيت ديالو الي واصل وخا بعيد ...عارفييينو علاش قاد .... اسماعيل ؛ دابا حالتك مزيانة ...نتائج الفحوصات مزيانة والحمد لله مكاين تا شي اعراض جانبية حاليا صحة القلب ديالك سليمة ... فؤاد : مزيان ...غادي نخرج ليوم ... اسماعيل : صراحة خاصك مزال تبقى معانا ... فؤاد"شاف فيها بتخنزيرة بنص عين " ... اسماعيل : سي فؤاد غير بغيت باش ن... فؤاد : تقدر تخرج ... بغا يهضر وهو يضور فؤاد كلو طلق ليه تخنزيرة تنوض الميت حتى تفافا لاخور ...( لمك غا بتخنزيرة صحاحيتي تا عيييتي جا الي غير بتخنزيرة نوض فيك الراگد) ... اسماعيل ؛ احم وخا نتا تعرف الله يجيب شفاء ... فؤاد "جالس وعاطيه بضهر هز ايدو وشير ليه بمعنى صافي سير ..." .... مشا طبيب وبقا هو حتى صونا على يوسف ... فؤاد : جيب ليا باكية الگارو ديالي ودخل معاك كاس قهوة كحلة ...وعيط ليهم بلا ميجيو وجي باش نمشي معاك ... يوسف : وخا خويا ... مكاملاش ساعتين حتى كان عندو بداكشي الي بغا ....دق عليه الباب ودخل ... يوسف : خويا معندك مبغيتي بالكارو ممزيانش ليك ... فؤاد "كان جالس كيلبس فسورفيت ديالو بيضة بسروال قطن وتيشرت كحل من تحت والفوقي ديالها بالقب ...خدا طاقية دارها على راسو ولبس تقاشرو وسبادرين بيضة ...وناض ضار لعندو خدا من عندو داكشي الي جاب ليه ..." : ماشي مشكيل ... تقابل مع شرجم وشعل الكارو بدا يكمي ويشرب فقهوتو ... فؤاد "كيشوف برا كتصب شتا ويهضر " : قلتيها ليهم ؟ يوسف "مربع ايديه كيشوف فيه كاع ممسوق داكشي الي فراسو فراسو بلا متناقش " : همم قلتها ليهم ...واش هذاك طبيب كتب ليك لخروج ؟ فؤاد : نكمل قهوة ونتيسرو ... يوسف "ابتاسم بجنب عرفو بالي هو الي بغا يخرج" : وخا ...انا نمشي نخلص فلاكوي ونجي نمشيو ... فؤاد "جبد كارط گيشي من بزطامو ومدها ليه " : خلص بهادي ...الكود راك عارفو ديال ديما الي كندير ...انا نكمل ونوصل عليك ... يوسف "مبغاش يشدها من عندو ولكن شافو دار فيه شوفة ديال غاتشدها تشدها ..حدر راسو وخذاها من عندو " : احم واخا ... مشا يوسف خرج يخلص الكلينيك ...وفطريقو حتى بانت ليه جايا بطلتها السادة بلباس كلاص ...قميجة بيضة وفوقها فيست فالگري وسروال گري وصباط دومي طالون ...وداخلة فحال الى مزروبة وكتقلب بعينيها ....حتى وقفات على شوي ترجع بلور ... كتشوف فيه لابس تاهو قبية بلوكارين مكتوبة بالابيض وسروالها تاهو وفوق منها كبوط بالقب كبير تاهو دابر طاقية كحلة ديال لخيط ...وصل لكونطوار وهو يقلب ضورة ومشا لعندها ... يوسف : يسرى صافا ؟ يسرى "حناكها توردو كضحك " : ههه صاافا اي طوا ... يوسف : اوسي صافا ...عندك شي حاجة مستعجلة ؟ يسرى : نو غي جيت ناكد عليهم على واحد العملية باش يديرو بحسابها لبلوك فداك نهار ... يوسف : امم مزيان ..."قلب ملامح ديالو لجدية وصرامة وتخنزيرة حتى جمعت ضحكة " ...ياكما هذاك وصل ليك ولا شي حاجة ؟؟؟؟ يسرى : نو نو موصلنيش من "جاها ضحك ودارت ايدها على فمها " ...هههههههههههههههه يوسف : اش تما .. يسرى : ملي قلبتي ليه لافيشور ديال وجهو بلوكاني من وجهو 🤣🤣🤣🤣 يوسف : عههههههه ويقلب عليك تاني نسوطي ليه دماغ ...الله اودي هههههه ... يسرى "كتضحك ونساات حتى حطت ايدها على دراعو كتضحك ودموعها دايزين " : ههههههههههههههه والله يعطيك شي خير ضحكتيني ههههه ...اووففف "كتمسح فدموعها...حتى هزات راسها فيه لقاتو كيشوف ف ايدها محطوطة فوق دراعو ...وهي تهزها ورجعو حناكها توردو " : احم باغدون ... يوسف : الاا لا هانيا ...غا رجعيها خليها تم وسيري ... يسرى : ااا ؟ يوسف : والو احم ... يسرى : همم احم المهم نخليك ...بليييز سلم على صهيب ... يوسف : هههه مبلغ ..."ابتاسمات ليه وتمات غاديا حتى وقفها " ...احم ممكن نسولك ؟ يسرى : اييه مرحبا ... يوسف : نقدر نشوفك غذا مع العشا ... يسرى : اممم فصراحة مع العشا عندي عملية فديك الوقيتة كيخصني نراقب الحالة حيث شوي مستعصية ... يوسف "بخيبة امل " : اه وخا الله يسر ...نخليك منعطلكش ...تم غادي ... تقدر تخليها لغذا ؟ يوسف "ضور وجهو نص ضورة وابتاسم " : بيناتنا تيليفون ..."ابتاسم ليها وزاد مشا لاكوي يكمل الاجراءات" ... من بعد ما كمل الاجراءات ديال الخلاص حتى وصل عليه فواد لابس كبوط ديالو وكيهضر فالفون ...شافو وعطاه الكونطاكت يسبقو لطوموبيل بينما عطاوه الفاتورة ديال الخلاص ... كمل وتم غادي خرج عند الباب حتى وقف ليه قدام وجهو ... يوسف "رجعو ملامح لتخنزير ونطيح فاي لحضة ...كردف ليه وهز راسو لفوق ...كيشوف فيه من فوق ...بلا ميهضر " ... اسماعيل "كيحك فلحيتو ويبتلسم بجنب " : الى كيحساب ليك نتا ولد رمسيس المعروفين فازرو وتخبا ليا بخوك الكبير راه مغايخلعنيش ...شفتي ديك الدكتورة كنعرفها قبل منك ...والى دافعتي عليها نقدر نقوليك مزيان حيث ماشي عيب تشوف شي وحدة داير ليهت شي حد هكاك مغاتبغيش ... يوسف "غير كيسمع ليه كيتسناه تيكمل ..." ... اسماعيل "ضربو بايدو بشوي لكتفو حتى حدر يوسف عينيه لكتفو " : غانجيك من لاخر اسي يوسف رمسيس ...تفرق عليها حسن ليك حيث ماشي ديالك ...وخا عصبي مع الجنس لطيف راه نديرها فعيني ...تفاهمنا ... يوسف "ضار هنا وهنا حك منخرو مزيان وشدو من لكول بايد وحدة ...جرو لعندو ...يوسف طول منو ...قربو تالعند وجهو مزيااان ..." : هااادوك العينين الي غاديرهم فيها ...تهلى فيهم لراسك ودير فيهم راسك ...وهاديك سيدة راه لقاك ضاير بيها عينيك نحططططهم ليك ...وندير بلاصتهم قل**يك ..."نفضو " .... جرب لقا خنشوشك كيضور حدايا ولا حداها ...غير ربي الي يقدر يجي من جيهتك اما العبد غير الى لقا سلاكة يسلك وينفد بجلو حيث لا قرب غايتخلط معاك .... دفعو بجهد حتى جا طايح حيث غفلو وخلخلو استغل الغفلة ودفعو تا طاح ....زطم حداه خلا ناس كتشوف وطل وساس ايديه ومشا مخنزر لعند خوه ركب ... فؤاد "ضار شاف فيه " : تسنا هنا انا جاي ... يوسف : ااا ...وخا خويا ... نزل فؤاد وتوجه لباب داير ايدو على فمو كيكحب ...حتى دخل ... كان واقف كيشوس فحوايجو ويهضر فتيليفون ... اسماعيل : وهاني معاها اختي خاص تبغي ...وكنبغيها ا مريم ...بزز منها تبغيني ... مريم : ويهديك الله اخويا مبغاتش فرقها عليك را لا عرفت ماما غاتقلق منك ...بنات ناس ماشي لعبة وماشي بزز عليها ... اسماعيل : بزز هي بزز وص.."جا يكمل حتى تنتر ليه تيليفون من ودنو ...ضار ضورة حتى لقاه شادو ليه كيطفي فيه عاقد حجبانو وديك النضرة كتخلع حادر راسو فالفون كيطفيه ...بدا يصرط فريقو " ... فؤاد "طفا لين تيليفونو ومدو ليه " : اجي معايا ... اسماعيل : نعام ؟ فؤاد "ضار نصف ضورة هاز فيه حاجبو .." اسماعيل : احم وخا سي فؤاد ... تمشا وراه وهذاك غادي مغوبش كيشوف قدامو الي داز من حداه يشوف فيه كيفاش غادي ...عاطي لعين بزاف بديك الهيبة والمشية ..حتى مشا لواحد الكوان خاوي تما ...مع وقف وقف طبيب ضار ضورة وهو يضور عطاه بروسبة حتى رعف كان غايطيح غير شد فواحد الكنطوار .... فؤاد"كيشوف قدامو " : معنديش مع الهضرة وهادي كنضن فهمتي الي عليك ...بنت ناس بعد منها وخوتي مكيتهددوش ...لقا كمارتك كضور عليه نفنيك ...بلا منهدد غاتفهم راسك .... مخلاهش يهضر وهو يزيد خرج ولقا يسوف يلاه خرج من سيارة بغا يدخل حتى شير ليه بعينيه يرجع يركب وركب حداه كيسوس فايديه وكيكحب بزاف ...وزاد لفيلا .... في الفيلا .... نجود واقفة كيف العادة على شغل كتوجد ليه احسن فطور كيعجبو فرحاانين برجوعو بالسلامة والعافية وخا ماشي وقت خروجو ولكن عارفينو مدام حاس براسو مزيان وباغي يخرج اذن راه مزيان وعارفينو عدوه يبقى مريض وناعس فشي بلاصة ... نجوود : شوفي بنتي متديريش ليه ليدام راه ممزيانش لقلب وهو عاد ناض منها ... كريمة : وخا خالتي ... نجود : ديري ليه زيت الزيتون احسن وردي لبال الله يرضي عليك داكشي دالكوليسطيرول مديريهش ليه ... حتى دخلات يامنة عليهم ...كانت سورفيت طويلة وسخونة فالگري ...عندها الفوقي قبية طويلة وعريضة مكتوبة بالابيض وسط مستطيل احمر ...Levis ...وسروال ديالها ...حناكها موردين عاد خرجات من دوش وريحتها تعطعط ...كان رسلها قبل لدار باش تبقى مرتاحة من بعد ما اطمئن عليها وعلى البيبي عند يسرى .... يامنة : مكيجاوبنيش فتيليفونو علاش تعطلو ؟ نجود : ههههه توحشتيه ؟ يامنة "تزنگت " : هههههه ...غير خفت لا توقع شي حاجة حيث خرج قبل الوقت ...حتى هو راسو قاصح ... نجود : هههه وعاد عرفتيه ابنتي هادشي عشناه معاه الي فراسو فراسو ممنوع تناقشي تاحد ميقوليه لا ولا ينفنف ...حاجة وحدة درناها بزز منو هي نتي وهانتي نحمدو الله الى مشافك يهبل والى قلقناك يشعل فينا العافية ... يامنة : حتى هو يستاهل اماما مشفت منو غير الخير ...والله تا خفت توقع ليه شي حاجة "بدات تبكي على سبة " اهى اهى كنت خايفك بزاااف عمري باقي نعاود عمري منقدرش الى مشا هو اهى ... نجود "عنقتها " : ششش الله يحفض هو قوي غير ازمة ودازت وربي حفض وهادي يجعلها مغفرة طنوب ان شاء الله ابنتي ...الله يطول فعمرو ويشوف ولدو وحفادو ان شاء الله ... يامنة "مسحت دموعها " : ان شاء الله ... شوي حتى سمعو صوت الباب ديال برا كيتحل ... نجود : هاهو جا ...سيري عيطي راوية والحاج ... يامنة "مداتهاش فيها ومشات كتزرب شادة فكرشها الي بدات كتكبر ...داخلة فشهر رابع وبدات تبان مزيان ...خرجات وصلا عند الباب ديال برا دايرة ايد فوق كرشها وايد فوق جبهتها مبتاسمة حتى بان ليها نزل من حدا يوسف الي كان كيهضر فالفون وخرج خلاه حتى بانت ليه واقفة عند الباب ... فؤاد "وصل لعندها كيكحب ...باس ليها راسها وضار كيشوف وهو يغفلها وخذا بوسة من شفايفها حتى زنگها وهبط عنقها " : غزالي ... يامنة "معنقاه تاهي " : فؤااااد ... فؤاد : غزاااالو ... يامنة "فصلو العناق " : هههه ...دخل ترتاح ... فؤاد "جرها دارها بجنبو كيف العادة وتمو داخلين " : مرتاح انا ... دخلو لقاو نجود والحاج وراوية الي جات كتجري عنقاتو وباس على راسها ...والحاج الي قرب ليه فؤاد باس ايدو ...ونجود تاهي باس راسها ... الحاج : على سلامتك اولدي ...كيف صبحتي هاد نهار .. فؤاد "غمض عينيه وحلهم " : مزيان مزيان .. الحاج : الحمد لله ... نجود : دخل ترتاح فصالون بينما وجد الفطور ... فؤاد "كيكحب حيث باقي مبراش مزيان " : ندوش ونهبط "شاف فيامنة " ...اجي معايا ... مشاو هما لصالون حتى دخل يوسف …صهيب والياس مشاو لفاس يشوفو امور شركة وصهيب امور شركة والموكلين يرسي امورو ويرجع بحكم الغذ ليه والاحد مكاين خدمة يعني سبت وحد ... طلعو لبيت لفوق وهو معنقها ...دخلو لبيتهم ... يامنة : نوجد ليك حوايجك ؟ فؤاد "ضورها بزربة ولصقها معاه ...هبط لحنكها باسو ولحسو بلسانو حتى غمضات عينيها وهبط لعنقها بنفس الحركة وطلع لودنيها وهمس بوصت خفيييييف كيتسمع فحال شي حد كيهضر بالحس ...حجبانو معقودين مركز مع الاحساس ..." : مكرهتش توجدي ليا راسك ... المسخوط راك عاد مازم فقلبك اتموت ليا وسط المعاشرة عيب فحقك اولد الهم ... حسات بقلبها كيضرب ...حلات فمها حتى صرطات ريقها عضات على شفايفها بحركة لا ارادية ...وهي تكحز راسها شافت فيه ... يامنة : راك مريض افؤاد رتاح شوف كيفاش دخلتي كتكحب ... فؤاد : انا مزيان اغزالي مزيااان ..."كحز ومشا حيد سبرديلتو وتقاشرو " ...وجدي ليا شنو بغيتي توجدي شوي ونخرج متخرجيش تنهبط معاك ... يامنة : وخا انا نوجدو ليك ... فؤاد "شاف فيها ووقفها قبل مضور " : بقاي بهادي مزيانة ...وديري شال على عنقك غادي يجي ايلاف يبقى معانا هاد الايام ردي البال لباسك منبغيش شي حاجة متعجبنيش ...فليل لا بغيتي شي حاجة انا نجيبها ليك بلا متهبطي راسك كي موالفة ...تفاهمنا ؟ يامنة : وخا تفاهمنا .... حيد داكشي الي لابس بقا غير بالبوكسر ودخل لدوش يدوش ...اما هي دخلات لدريسينغ جبدات ليه فحال ديك القبية غير هي فالگري غالق ...سروالها قطن سليم سخون ...بكلشي تقاشر وطاقية عالبرد باش ميضربوش البرد وميضروش فراسو وتيشرت لتحت فالبيض ...وبوكسر ...حطاتهم ليه فوق ناموسية ومشات جبدات شال لواتو على عنقها ...ومشات تسناتو حتى خرج لاوي عليه فوطة كينشف فراسو ولحيتو ...قرب باس ليها راسها ... لبس داكشي الي حطات ليه عاد وقفات وخرجو بزوج هبطو لتحت ...لقاوهم حطو الفطور كيتسناو فيه وكيف العادك كل خذا بلاصتو ...هاد المرة رجعات لبلاصتها حداه ... الي زايد عليهم راوية ودابا غايتزاد شخص الي ليه سنيييييييين مبقاش جا عندهم تقريبا ملي هاجر مع فؤاد لروسيا من تم مبقاش جا ملي كانو فدارهم القديمة قبل من الفيلا ....كان هو وفؤاد صحبة وهو الوحيد الي كيثيق فيه ...دابا كيبانو فشكل فوسط عائلاتهم ...ولكن فين يحطو رجليهم فديك البلاد وسط داك العالم والاعداء كيرجعو دياااااب جاعرة مافيش ياما ارحميني ... ايلاف : مرحبااا ... الحاج : اهلااان ولدي عاش من شافك ..كون ما مرض فؤاد عمرنا نشوفوك ؟ ايلاف "مشا باس ليه ايذو وراسو " : لا والله ( تيخلط الدارجة مع لغتو الام ) ...ههههه لك انا راح ايجي شوفك متهز هم كليش لا فؤاد لا غيرو فيش ايشي يمنعني عنك حجي ..."سلم عليهم كاملين وجلس حدا راوية ... الحاج : تا شتك تنسات عليك الدارجة ...بديتي تخربق عليا شي نفهمو شي لا اولدي ... ايلاف : لا منييتهاش غير ولفت وصافي ...ههه هاني نحاول نهضر بدارجة وخا هكاك سمح ليا الى فلتت لي شي كلمة ... الحاج "ضحك " : هههه خود راحتك اولدي غير كنمزح معاك ... يوسف : ايلاف مننا وفينا توحشناك العشير .. ايلاف : والله ليك وحشة فين صهيبو والياسو ... يوسف : عشية يجيو مشاو يقضيو امور في فاس ... ايلاف : ايييه لكان ... فؤاد "حنحن " : فطرو بسم الله الوليد ...فطرو كاملين تحت نضرات فؤاد ليامنة الي قتلها بتلماس من تحت طابلة ...مبقاتش فجلة ولات باربة ...وراوية الي مزنگة وهي حدا ايلاف وريحتو الخفيفة الجذابة هلكتها وديك تگلضيمة الي فيه تبدل بزاف ...غير كتنقب وتفتف ...ضل ضحك على يامنة دابا جاتها ساكتة .... كملو فطورهم ...وناض فؤاد استاذن باش يكمي برا ...غمز لايلاف يتبعو ...وخرجو يهضرو ...اصر عليه باش يبقى معاهم فالفيلا بلا ميمشي لوطيل مدام معاشرين سنين وتقريبا كابر معاه من ايام المعهد فين قراو ...مرفضش ليه ...هضرو واتافقو ... حتى رجعو دخلو وطلع لفوق بقا هو ويامنة مرتاحين مخشيين فبعضياتهم ...راسو تبرزط ...يومين وهو كيفكر فداك القرار الي قال لايلاف والي لقاه ولابد منو ...صونا ليه لفون وناض من حداها ...لبس عليه مونطو ولبس سبادرين ...مشا لمكتب ديالو حل المجر بساروت وجبدو دارو وراه ...هز لفون خلا ليها ميساج باش متشطنش عليه ...وهبط كان قريب العصر ...لقاه واقف كيكمي شافو ولاح الكارو عسف عليه ودخل ركب وركب تاهو وكسيار حتى تهزت طوموبيل غادين بسرعة خطيرة فطريق خداو طريق لوطوروت ...طحنو العشية وشوية من الليل حتى وصلو ولقاتهم الوقت في مدينة صويرة ...دخلو وخذاو طريق اگادير حتى كانو جنب الفيلا مقابلة مع البحر ... عاد وقف ايلاف السيارة ...هز الفون وهضر ... فؤاد "خرج من سيارة وتكا عليها شعل الگارو كيكمي حتى جا حداه ايلاف ...تاهو كيكمي " : مبغيتش نتسنى بزاف ... ايلاف : ليه شرف ... فؤاد : هاحنا غانشوفو ..."يلاه ساط دخان ... حتى تسمع صوت رصاص مجهد بسرعة حدرو راسهم لاحو الكارو وجبدو فراداهم من لور ....مبغاوش يضربو تيعرفو فين جاي ضرب حتى تحط فردي على راس فؤاد ...من لور ... داني : جيتي راسك وبرجليك لعندي اولد البلاد ...علاش مجبتيش المدام ... حتى تطلق القرطاس خلا ايلاف يغوت .... ايلاف : لاااااااااااااا..... حتى تطلق رصاص خلا ايلاف يغوت بحر جهدو ... لااااااااااا.....فؤاد وساعو عينيه كيشوف فيه ...كان واحد من رجال داني غايطلق رصاص على فؤاد حتى تلاح داني باش يطاكي وجات ليه فدراعو حتى طاح ... فؤاد "كنزز على سنانو ...زادت كلمت مجبتيش مرتك كملت ليه الباقي حتى تعمات ليه البصيرة وهو يغفلو ضار بجهد بسرعة ضرب ليه الفرد حتى طاح وهما يهزو رجالو الفرادا تاني بسرعة طار لعندو مغززززف حول ليه الفردي وحطو ليه على راسو وهاكا تقلبات الاية ولا فؤاد الي حاط الفردي على راس داني وايلاف طايح شاد دراعو الي ولا دايز ضايات ديال دم .... فؤاد "لفك ديالو كيتحرك من برا عينيه فحال جمر فلحضة على بونت يطلق عليه رصاصة حتى غوت ايلاف الي ناض شاد ذراعو ومشيتو كتخلخل حيث تقصح بزااف وضربة غالبا غارقة .." ايلاف : فؤاد غانعاود نطلبك تاني مدير ليه والو نتا محتاجو الله يخليك هادشي راه متوقعينو افؤاد الله يخليك حضر عقلك باش تبرأ من تهمة ديالك ... داني "غمض عينيه كيضحك " : هههههه اذن عرفتي ههه خليتك تبحث راسك وانا كحزت لتيساع ابا فؤاد ...دابا جيتي راسك ... ايلاف : داني ديك الهضرة "كيعصررر عينيه وشاد جرحة بايدو الي دايز منها دام ديال جرحة وغادي على شكل خطوط معرقين " عرفناك هي ختك راه فؤاد مقتلهاااش هو عاونها ... داني "هز ايدو " : كنعرف هو كان معاها ...تاحد من غيرو مكان معاها هههه شنو زعما باغين ؟ هادشي من الاول انا دارسو ..."هز صبعو شير ليه " ...مكاين منعاود ليك القانون غادي ياخذ مجراه ...مغاديش نقتلو حنا كيعجبنا الي يتعذب ...الى هو مقتلهاش ديك ساعة لكل حادث حديث ...حقنا حنا مكيضيعش ... فؤاد "زاد بغا يورك على زناد شاف فيه ايلاف كيترجاه باش ميتصرفش ...هز الفردي تا هزو وضربو بيه ورا راسو حتى دوخو وطاح وهزو غادي بيه داير ليه الفردي على راسو ....تمو جايين رجالو كيجريو وهو يهز عليهم الفردي ...وحتى ايلاف هزو وجرو دخلو داني لطوموبيل وركب فؤاد كسييييييييرا بجهد حتى وصلو واحد المسافة ونقص سرعة حل الباب ايلاف ولاحو ليهم تيهزوه وورك فؤاد باقصى سرعة وزاد فحالو .... ايلاف "هز واحد تيشرت تما ديالو شرگو وضورو على جرحة عض على فمو بالحر وعروقاتو بدات تكب لانه نزف وغادي فنزيف ...حط راسو على الكوسان حيث كان لور حل فمو كيتنفس " : ففففف ... فؤاد "شاف فيه من المراية " : غارقة ؟ ايلاف : كتيييير ...زيد فسرعة تانوصلو لعندكم عاد نداويها ...بلا مضور هنا تالهيه ولا مراكش فؤاد "مجاوبوش كسيرا بسرعة ومشا لمدينة صويرة نيت بلاصة قدام كلينيك ونزل حل ليه الباب " : هبط ايلاف : ليش وقفت هون هادي بلادو ... فؤاد : بلادي هادي بلادي ...ليهودي غير يهودي ...معندو ميدير عارف راسو اش كاين ...نزل ... خلا ليه الباب محلول ونزل ايلاف عينيه كيتغمضو لان نزيف مااااشي ساهل ...حتى جاب ليه شاريو وجارينو الممرضات ... ايلاف : ل شو هاد ؟ فؤاد : تكا عليه وسكت ... ايلاف "شاف راسو اصلا مقادرش يتحرك مبقاتش عندو القوة يزيد يتعاند قتلو الحريق ...طلع ليه وتكا عليه ومشاو طايرين بيه لداخل المستعجلات في الفيلا قبل في الوقيتة الي خرج فيها بلا علم احد ...خلاها ناعسة وخرج خلا ليها ميساج ومشا هو وايلاف ...حتى شوي كتسمع فالعصر كياذن حلات عينيها نعسات نعسة مرتااااحة ولما لا وهي مخشية فيه ...وشكون يكره فحال ديك نعسة ...هههه ...ضورات وجهها لبلاصتو ملقاتوش ...وهي تنوض كتحك فعينيها وتفوه ...ومع نعسة مورا الغذا نيشان كتفيقي فيك الهيمري ...شدات فكرشها كتسمع فيها كتغرنط خاوية .... يامنة : فين غايكون مشا خاصو يبقى مرتاح ... هزات تيليفونها حتى بان ليها ميساج ديالو لفوق ...دخلات قراتو كيبلغها بالي غايرجع معطل غير تنعس بالليل ...شنو غاتقول متقدر تقول والو وهي عارفاه كيف داير ...ناضت لدوش قضات حاجتها وغسلات وجهها مزيان ونشفات عاد خرجات ...لبست الفوقي الي كانت محيدة ...خشات رجليها فبانطوفتها دارت تيليفونها فجيبها عاد خرجت وهبطات لتحت ...مشات ديريكت لكوزينة ... يامنة : ماما عفاك فيا جوع بغيت ناكل شي حاجة ... نجود : شنو بغيتي ابنتي تاكلي دابا ولا تسناي حتى يوجد الگوتي ... يامنة : انا غادي نمشي ندير شي حاجة راسي وبينما وجد الكوتي تاهو ناكلو معاكم ... نجود : ههههه واخا وعنداك تكتري تصدقي مرجعة كلشي ... يامنة : هههه لا ..انا غادي نصاوب بيض ومطيشة وفلفلة حلوة وحارة وتومة "ريوكها كيطيحو " ومعاهم عاافاك قبل ميجي فؤاد "بملامح مترجية تبقى فيك وخا تكوني حجر " ..قهوة كحلة الله يخليك ... نجود : وخا بنتي ههههه غاندير ليك خاطرك وليني متكتريش الى عرف مغانسلكوش معاه راه طلية حارة ابنتي ... يامنة : لا لا والله منعيق نحيد غير شهوتي منها ... نجود "قاست ليها كرشها " : تبارك الله بدات تبان محتال يدخل ربع شهور تكمليها تبان نيت ... يامنة : معرفتش علاش كتبان من دابا كبيرة ... نجود : كاين الي كيكرش ابنتي ونتي منهم عادي ... مشات يامنة توجد شنو بغات وبقات واقفة عليه حتى غذاتو وهي تجي راوية دخلات عليهم ... راوية : هاااح ريحة بيض ومطيشة شكون مطيبو ... نجود : راهي مرت خوك الي كطيب فيه الوحم وميدير ... راوية "مشات لعندها وجلست حداها قدام طابلة وحطت ايدها على كريضتها تاهي قاستها لقاتها منفوخة " : وييييينووو حبيب عميتو بدا يكبر ...كريشتك باينة ... يامنة : ههههه يلاه قلتها ليها كتبان ليا ... راوية : نتي مكرشة غير شهر رابع تقريبا وكتبان لا وصلتي سابع ولا لاخر موحال تقدري تنوضي ... نجود : الله يفك وحايلها على خير ... يامنة : امييين ..."بانت فيها مشطونة " ... راوية : شنو بيك ؟ يامنة : معرفتو فين مشا وهو عيان مخاصوش يتحرك خرج من الكلينيك قبل الوقت مكيراعيش لراسو ...بغيت نعيط ليه كتب ليا منعيطش تيعيط هو ... راوية : وراك عارفاه ايامنة صافي ديتي عليه كيدير غير ااي قالها ليه راسو ...اجي مشا غير وحدو ولا مع ايلاف ... نجود : وضهر ليا قبيلة كان واقف ايلاف كيكمي حدا طوموبيل فحال كيتسنى دخلت لبيت سمع صوت طموبيل وكسيرا مشا يمكن مشاو بزوج ... راوية : هااا ... شوي حتى صونا تيليفون يامنة جاوبات بلا متشوف ...الو ، باااا ...كيداير كيدايرة ميمة ...انا لباس ابا الحمد لله ...حلف ؟ امتا ؟ ..فرحتييييني ...وغاتجي معاك ميمة ؟ ...هاا ؟ واخا صافي مرحبا بيكم واخا ... قطعات عليه وهزت عينيها فيهم ...قاليا با جاي يمكن غذا... نجود : مرحبا بيه ... يامنة : جايب معاه سارة وجاي 😕... راوية : واااايلي سارة ...اصلا العطلة هادي مزيانة ... وصل الليل كيتسناو العشا ...بينما تجمعو كاملين كيف العادة ...كان الحاج فالمكتب ديالو كيقرا القران بتجويد كيف العادة ...ويوسف فبيتو تيهضر نعماس ...وصهيب داخل يدوش عاد دخل والياس نفس الشيء ..تعشاو جميع وخا مجاش عرفوه مغايجيش حيث كتبها ليها فميساج.... كان الجو شوي دافي برا ...خرجو مورا متعشاو كل من نجود ويامنة وراوية جالسين كيهضرو قدامهم صينية اتاي ...جابدين الحديث بيناتهم ...حتى صونا تيليفون يامنة ...وكان فؤاد ...ناضت من حداهم ودخلت تتهضر ... يامنة : فؤاااد ... فؤاد : غزااالو ... يامنة : ههههه ..فينك علاش خرجتي ونتا مزال عيان ... فؤاد : عندي منقضي اغزالي ...نتي مزيانة مبقيتيش كترجعي ؟ يامنة : الا ...كيف فقت قبيلة كليت عرفتي درت ماطيشة وبيض و...."كتعاود ليه بحب وريوگها هابطين ...جنناتو مكرهش لو كان حداها كان كلاها بماطيشتها ...تتصرف بحركات طفولية وعفوية ..." ...و ... فؤاد " سايق راجع وايلاف لور متكي دايرين ليه بانضة وناعس يرتاح شعرو مخربق مغطي بجاكيط ديالو ..." : زيدي كملي شنو شربتي اغزالي ... يامنة : كليتها مخليت فيها والو ...وشربت معاها قهوة كحلة 😍....اممم اووو اي لا ... فؤاد "عض فمو " : مزيااان مزيااان ...سيري رتاحي صباح غادي تلقايني حداك ... يامنة : فؤااااد ... فؤاد : يامناااا ...سيري سيري ...ماشي دابا الهضرة ...قطع عليها ولاح لفون فوق الفولون ...سايق منير ...موصلهمش تاحد عارفو مغاديش يقرب ليه عارف نواياه ...عارفو خبيث دابا تواجه معاه باقي يعرف بالضبط شكون الي قاتل ويتاكد ...وباش يمشي لموسكو خاص يخرج ليه تصريح و الاذن ... يامنة رجعات كتهرنن وجهها صفر عرفت راسها كحلتها زلقات ليها وهي الي كانت توصي صدق هو جابد ليها كلشي من لسانها غييييير راسها هضرات بخاطرها لعب بيها الملعون .... يامنة "جلسات حداهم لاوية عليها كاب وحاطة ايدها على فمها " : ماما وخا نعس حداك ليوم ؟ نجود : ارسول الله امالكم تاني ... يامنة "عاودات ليها شنو دارت " ... راوية : عههههههههههههههههههه الملعون راه مديريهاش بيه عرفتي اش كان داير لينا عهههههه ...تي راه البق ميزهق معاه وفاش كان فروسيا راه عارف خباري انا الي فباريس كنقرا ...كنقول شي وقيتات را حدايا كنبقى غاديا ونضور بجنابي تي معامن وووو ... نجود : ههههه ميدير ليك والو عادي راه الوحم هذا عارفك نية مالو غايضربك ... يامنة : اهى اهى را غير تخنزيرة كتخلعني منقدرش عليها اهى شنو ندييير .. راوية : تلحلحي ليه ...متعييييييه ذوبييييه نسيه حليب مو اخطيييي ... نجود ؛ ها شيخة ها البايرة هاهي تعرف حسن منك ...صداقك ابنتي راوية غالي غاااالي ... راوية : هاااح يجي راجل زين المگلضم الفورمة ...الشوفة القتالة ...ل ل احم "حدرت راسها ..." نجود : مالك ؟ حتى بان ليها يوسف وصهيب والياس تاهما جايين ...تخاف متحشم هههه ...جاو وصلو عليهم مجمعين ...حتى وصلا وقيتة نعاس وطلع كل واحد ينعس فبيتو ... طلعات شمس اليوم الموالي ...شرقات بخيوطها الذافية الي تسللات بين الخوامي وعطات خطوطة ترسمو على وجهها حتى عنكشو عينيها بالشعا ...نعسااات وشبعات نعاس ...البيت ديما دافي ...داكشي باش ناعسة غير ب بيجامة ديال ساتان سماطي وبشورطها فصومو طالعة ليها فوق كرشها ...دايرة ايديتها على خدها وناعسة حالا فمها شوي كتشخر دوك شخيرات الخفاف ... يامنة "كتحس بشي حاجة كدگها فحنكها ...حتى حلت عينيها بشوي كتستنشق ريحتو الي بدلها من ايام ما بدات توحم ولا كيدير ريحة كدخل ليها مع العروق " : اممم نن .. حلاتهم مزيان حتى لقاتو متكي حداها وخاشي وجهو فعنقها كيبوس ويمص عالصباح بالمكيبيت العجل لاخور .... يامنة : فؤاااااد ... فؤاد "بصوت خشن خفييييييييف فحال الفحيح كيبان معسل " : يامنااااااااا ... حلات عينيها كتشوف فيه خدام يبوس فيها ...منتشي معاها ماهواش فهاد العالم ..لابس غير تيشرت وسروال قطن ...حيد طاقية وخاشي وجهو فيها بغا ياكلها ... فؤاد : شنو دار غزالي البارح ... يامنة : وااالو ههههه والو تعشينا وطلعت نعست ...فين كنتي ... فؤاد "متمل مع ريحتها الدافية فحال دراري صغار وزادت بداك البيجامة الي لابسة وبلا سوتيان حيث صدرها زاد تنفخ كيضرها ...تجنن عليه غير عارف انه ممنوع عليه هاد الايام يقوم باي نشاط جنسي فالوقت الراهن ...ولكن ما بي اليد حيلة ههههه تيحاول يصبر وصافي ...." : غير عندي منقضي مديريش فبالك عارفاني فينما تقادت ليا كنمشي ... يامنة : وغير حيث مريض خاصك راحة ... فؤاد : راحتي هي نتي وولدي ... يامنة "طوات عنقها حيث مصها واحد المصة حتى حست بموس دخل فيها " : اااااو ...اهههههه ... فؤاد "عضها حتى غوتت ونقزت ليها دمعة " : شنو شربتي البارح ؟ يامنة "جمعت ضحكة بدات تلولب فعينيها " : ااا ..مممم ف فؤااااااد ...نن والله حتى كنت مشهياها والله العضيم اهى اهى راه مكنتحكمش فراسي بغيتها وصافي ماشي لخاطري "بدات تمسح فدموعها بطرف ايدها " ... فؤاد "صغر عينيه فيها " : لاش البكا دابا ؟ يامنة : تاهو ماشي لخاطري خفت اهى ... فؤاد : سكتي من البكا ... يامنة : اهى اهى ... فؤاد : سكتيييي من البكا ... يامنة : اهى اهى "جمعتها " ه هاااني .. فؤاد : ممزياناش ليك الى رخيت ليك وخليتك غادي تكتري منها بزاف وانا عارفك شنو كتسواي الى ضصرتي ...ماشي منعتها عليك ...يامنة بغيتي تشربيها ضربي وقيسي حيدي لهفتك ما قلنا عيب "هز ايدو وحادر عينيه مغوبش " ...ولكن كلشي بالقاعدة ... يامنة : واااخا ... فؤاد : يلاه نوضي بدلي ولبسي شي حاجة وهبطي لتحت تفطري ..."ناض من عليها ومشا لبس قبية فوق تيشرت كحلة وخشا رجليه فبانطوفة رجالية " ...ديري شال على عنقك ولبسي مزيان ...باس راسها وخلاها تما تتلحق عليه ... اما هو هبط نيشان لقا ايلاف ضايرين بيه دراري كيسولو فيه ونجود اما الحاج كان خرج بكري سول فيه وخرج ... ايلاف : ليك مافيش ايشي هو حادث صار حجيّي .. نجود : الله ياوليدي عين وضرباتك ...سير ترتاح فبيتك سير ... ايلاف : لا نفطر كليااتنا ... صهيب : شنيييي شني هادي كليااتنا ... ايلاف : وااا صهيب هي كلنا ...مالك ؟ صهيب : هااا وياك قلنا ليك درج اصحبي حسستيني وسط انتفاضة الاقصى ... يوسف : اييييه خاص مك غالرجم بالحجر يجيك لراس يلاه توگض ... فؤاد : شنو كاين علاش مجموعين عليه ؟ رجعو كل بلاصتو ياك لباس ؟ رجعو يجريو لبلايصهم .....حتى هبطات يامنة من بعد وجات راوية عاد فايقة حتى تصعقات ملي بان ليها ايلاف شاد ايدو داير ليها باندة ... راوية : ايلاف ؟ شنو واقع ليك ؟ ايلاف "ابتاسم " : فيش ايشي حادث بسيط اختي .. راوية "ابتاسمت بخجل " : امم حمد لله على سلامتك ... بداو يفطرو كل مدهي مع ماكلتو مرة يهضرو مرة يضحكو كل حاضي رزقو حتى ناضو على طاولة الفطور ايلاف استاذن برا باش يكمي ويهضر فالفون ...ويامنة طلعات مع فؤاد حتى شرب دواه وتاهي الفيتامين ديالها عاد هبط لمكتب ديالو عيط لايلاف يوصل عليه .... وصل العشية قريب المغرب كان وصل اب يامنة ومعاه سارة ...حتى دخلو عليهم ... يامنة "مشات كتجري شادة فكرشها " : باااااا .."عنقاتو فحال مشافتو عااام ...تعنق وتبوس وحتى هو دموعو على طرف عينو كبدتو تبقى كبدتو وخا دير مية ولد وولد ...يامنة تبقى هي يامنة ... مصطفى "باسها فراسها وباستو فايدو " : بنتي يامنة ... يامنة : باااا لباس عليك ... مصطفى : بيخير ابنتي ... يامنة "شافت فسارة الي راسها هابط " : سارة ختي "مشات عنقتها " سارة : ختيييي يامنة اهى اهى ... يامنة "خلعتها " : مالك ؟؟؟ تلاحت عليها عنقتها وتبكي خمسة ستة دموع لعين ...حتى بدات تشهق ومصطفى يسكت فيها ...تبكي وتقول مبكيت ...بزز حتى لحقات عليهم راوية ونجود وصهيب ويوسف والياس الي كانو جالسين فجردة حتى بانو ليهم ذاخلين ...وسارة مهبطة راسها حزييينة ... صهيب "كيشوف فسارة " : شنو واقع ... يامنة : با مالها ؟ مصطفى : وابنتي ....حتى قاطعهم صوت تحنحينتو ضارو جيهتو وعطاو طريق كان حداه ايلاف ... فؤاد : اهلا وسهلا " مشا باس راس عمو وايدو " مرحبا عمي ... مصطفى : ترحب بيك جنة ولدي ... فؤاد "ضار خنزر فيهم " : مالكم مجموعبن هنا ؟ مخلينو برا شنو هادشي ؟ مصطفى : ههه موقع باس اولدي غير دهشو عادي .. فؤاد : شنو واقع ؟ دخل بعدا ترتاح ... مشا وتبعو دخل هو وياه لصالون ويامنة جرات سارة وتبعوهم كاملين ...كيستفسر على حال سارة حيث كانت كتبكي ...حتى صدمهم بالي وقع ... يامنة "شهقات " : واش بصح ؟ فؤاد : هو نفسو الي خطبها يمكن لا ؟ مصطفى : بغا يزيدها هي المراة الرابعة اولدي وفوق من هادشي مريض "حنحن " بلا مندخلو فتفاصيل يعني غادي يعذبها انا هادشي عرفتو من واحد سيد فنهار الصداق ديالها ...شوف اولدي وخا نكون زوجت بنتي صغيرة ولكن عرفت لمن عطيتها ومعطيتها تا عرفت لمن ..."فؤاد شاف فيامنة ورجع شاف فيه " ... صهيب : وجبتيها ؟ ياك قلت ليهم ميتحركوش حنا غانهضرو معاهم ؟ مصطفى : نتا مبقيتيش دويتي معايا ملي كنتو عندنا اخر مرة كنت كنتسنى فيك...جا هو زرب عليهم دغيا ...غير انا الي وقفت فوجه باها وجريتها جبتها هنا تنتفاهم معاه ...هو يحلف وانا نحلف وسارة راه بنتي تاهي مربية مع يامنة ...منبغيش ليها ضرر فحالها بنتي ...ملقيت حتى بلاصة من غير هنا ... فؤاد "كان داير صبعو على فمو كيماصي فيه مركز مع هضرتو حتى تگعد جلس كيحك على لحيتو " : هادي دارك كيف هي دار بنتك ...الوقت الي جيتي مرحبا بيك ميحتاجش تشاور معانا ..مزيان ملي درتي هادشي ...ارتاحو من بعد ونهضرو تالصباح ونهضرو مزيان فهادشي ... مشات يامنة وراوية مع سارة لبيت فين غاترتاح وتنعس بينما وجد العشا وبقاو دراري مع عمهم حتى دخل الحاج انضم ليهم ونجود مشات تاكد على العشا حتى وصلات الوقيتة يتعشاو وكل طلع يرتاح ويصبح يفتح ويلقاو حل ... فؤاد "كيحيد فتيشرت بقا غير ب شورط كحل ومشا جلس فوق ناموسية شاد الفون فايدو مرة مرة كيكحب ...حتى هز راسو شم ريحتها عاد خارجة من دوش مدوشة وجهها سخون ...تمات غاديا حتى جرها بجهد جلسها فوق رجليه ...خشا ايدو تحت بينوار ...حطها على كريشتها .... فؤاد : كبرات شوي ... يامنة "حمارو حنيكاتها " : ههههه شوي ... فؤاد "خشا وجهو فعنقها عضها عضة خفيفة " : شوي شوي ؟ يامنة : اي ههههه بغيت نوض لبس ... فؤاذ : مكاين لاش دابا من بعد ولبسيهم ...شوق ليك كيضبر ابنت ناس ...المرض ميعيقش طريق ليك وخا لموت تكون تدي وتجيب فهاد صدر متبعدني عليك ... يامنة "خاشية صبعها في فمها وكضحك حشمااانة قلبها كيضرب ..." : ههههههه فؤاد "نوضها " : تسناي شوي ... لبسات بيجامتها كولون وفوقي بسماطي فالغوز بب جمعات شعرها شينيو مخربقة ...بغات تشرب لقات معندهاش وخرجات من بيتها هبطات ...عند بالها كلشي ناعس ملبساتش بينوار فوق داكشي الي لابسة وعريانة من الفرق غير بسماطي وكولون مزير بزاف ...لقات صهييييييط غير صوت الكلاب بعيدة الي ضايرة بالفيلا ...شعلات ضو الكوزينة جبدات قرعة الما وخرجت طفاتو ..مع طفية حتى خرجات في صدرو ... راوية "تزوات " : اووووو ...شعلات ضو لقاتو. ايلاف والي زواها ايدو الي مهزوزة " اييي ايلاف اففف"شافت في ايدو مخرجة عينيها " ياكما عگرتك ... ايلاف : ههه لا مفيش ايشي سليمة ... راوية : هااا… مزيان خاصاك شي حاجة ؟ ايلاف : ماشي مشكيل رح جيب لحالي بعرف شكرا ..."حك راسو باش يدوز وهي تحيد ليه من طريق ومشا فطريق الي غاديا فيها بقاو شي يبعد لشي هي تبعد يدوز تلقاه بعد وعمر طريق حتى بدات ضحك ... راوية : هههههه واشنو نديرو دابا هههه ...بعد ليها طريق كيضحك ...جات ماشية حتى تعكلت بالذعقة فواحد لعيبة كتكون فوق الفايونص خارجة كتلقا الباب ...كانت غاطيح لو مشدهاش ولوا ايدو على ضهرها جات وسط صدرو ... راوية "كتالم حيث ضربت رجلها تقصحت " : افففف اييييي ناااريييي قاصحة ... ايلاف : فين ؟ "كيقلب ليها ... راوية : رجليييي ففففف امممم "جمعت فمها كاتمة الالم " ...ايييييي ايلاف : لك تركيني شوف ايش فيك ولووو ..."هبط لعند رجلها كان لابس تيشرت كحل مزيييير عليه ولابسو باش ميتعنكشش مع ايدو مسهل عليه الحركة ...كيقلب ليها فرجليها تاني ركابيه وكيقيص فصباعها وهي كتوحوح الي سمع من بعيذ يفهم غلاط ... ايلاف : لازمها ثلج راوية ... راوية "هاااح كي خارجة سميتي من فمك " : اممم ...صافي ماشي مشكيل ...ااااححح فففف ...سير رتاح راك عيان ...انا دابا تحيد ... ايلاف "وقف وتقابل معاها كيشوووف فيها سها فيها حتى وقفات على الحركة هز صبعو خشا بيه خصلة خارجة من شعرها الاسود الطويل الي جامعاه مخربق ...عض على شفتو سفلية غير بشوية بالكاد كتبان " : كبرتيييي والله كبرتي وصرتي عروس حلوي كثييييير ... راوية "ابتاسمت ليه مغمضة عويناتها " : ههه شكرا ... ايلاف "مترددش قرب وباس ليها جبهتها بوسة حنينة " : روحي الله يحميكي من كل شر يا صغيري ... باقين مقربين من بعضياتهم وساهيين حتى تشعل ضو الكلوار الي كيشوف نيشان فالكوزينة حتى سمعو تحنحينتو ...