الحب المتعب

البارت الثالث

#الحب المتعب
#زينب المالكي
البارت الثالث
~~~~~~~~~

كنتُ شخصاً ثابتَ المعتقدات عاجزاً عن الحب وكنتُ غيرَ مؤمن بالحب وخصوصاً الحب من اولي نضرهَ ولكن،! عندما رئيتها في اول مرهَ اصبحت مشاعري حرهَ قد قامت بتكسيرِ الجرهَ احسستُ ان روحي قد اصبحت حره زينب المالكي
كانت عيناها عباره عن جوهرهَ نادره تجذبُ الانضار فعند النضرِ اليها لاتعلمُ ماذا جرى وماذا دار تُجبركَ على الانصهار سرعان ما تنهار انها فتاهٌ عباره عن الدمار ، كل ما حدث وما دار كان عباره عن نضره بلا خيار جعلتني حقاً انهار 🙃
______________________

من وصلنه لبيت خالتي دگينه الباب طلع ابنها امير هذاا الضلع الي مينشلع اني وياه شكد نتناگر بس متخرب علاقتنه بالعكس تقوه علاقتنه قويه كولش مو بس بيه حتى بااخواتي عكسسس اخوو الغثيثثث كولش يحبنه عمره 21 ماكو فرق بينه بس سوالفه مال عجايززز ههههه
امير : ياهلا ياهلا نورتونه زينب المالكي
محمد : هلا بيك اموري وبوسه
اجتي خالتي ياهلا شلونك خاله محمد وبوسته وبوستنه
فأتو اخواني واني وراهم وانجرر شععرري اكوو غيره الحقيرر

امير : شلونج ام الگمل
زينب : صرت زينه من شفت هالخلقه الزفره
ضربني بكف ايده بخفه لججج ام لسان طالع لسانج
زينب : اتعلمت منك ابو الوصخ
امير : خوش تعلوم هذا عجبتيني

ضحكت هوه العلمني ع هامصطلحات علاقتي قويه بي من اني وصغيره وعلاقته قويه حتى بالأخواتي بس اني اقوه لهذاا الفض وياه هيج الفاض بس وياه مو ويه غيره عيب شيكولون عليه ..

محمد : مثل كل مره من اروح لبيت خالتي ينخطف كلبي وتسرع نبضاته تصير الفين بالثانيه كل مااشوفها .. سوزران بنت خالتي اعشقها من هيا وصغيره اسوي المستحيل علمود تقبل بيه وتبادلني نفس المشاعر

دخلنه جوه وعيني تدور ع سوزران شكد مشتاقلها .. ماعرف لان ماامتقدم خطوه ماشوف منها اهتمام أو هيا تبيع ثكل احسهاا صعبه وسوزان موكفتني ع تك رجل ..

كعدنه بااستقبال بعد مااتسالمو وشبعو بوس هههه واجت سوزي سلمت هلو محمد شلونك
محمد : هلا بيج زين انتي شلونج
سوزان : تمام
سلمت ع خواتي وشبعتهن بوس بس اني محررروم من بوساتها هههه
سوزران عمرها 20 وبيضه گطن وعيونها عسلي وشعرها كيرلي واشگرر وشويه مربربه مبينه حبيبتي خوشش علافه راح تكعدني ع حديده..

كعدنه بالصاله وضلينه نسوولف بس جانت سااره هاادى بشكل كل منجي لبيت خالتي احسها تضوووج وتضوج خاصه من امير ع رغم يحاول يحاجيهاا بس جوابها يكون بارد ميتعده الكلمه والكلمتين مرات احسهه عدها مشاعر اتجاهه بس احساس مو اكثر هههه زينب المالكي

غمزت لسوزان وبسرعه فهمت عندي حجي وياها
كالت تعالي زينب اريدج بشيي رحنه صعدنه لغرفتهاا وكالت احجيي شبيجج

زينب : شفتته
سوزران : منو منو شفتي
زينب :شفت فارس احلامي ومداايطلع من بالي ابد
سوزان : منوو احجي مو فتيتيي كلبي
زينب : اووف يااسوسو واحد شفته بالكليه واخذذ بالي وعقلي وكللبييي وكولشيييي
بس ديري بالج مااوصيييج مو يطلع هالحجي كدام احدد وخاصه اخواتي
سوزان : لا ميطلع لتخافين
سمعنه خالتي تصيحح يلا بنات وينكممم تعالو
سوزران : يلا امشيي وبعدين نكمل وتحجيلي دانشوووف منو الامه داعيه عليه
زينب :زعلتت 😢
سوزان : اشاقه يروحي شفايتله يااخذذذج اكثر واحد محظوظ بالدنياا
زينب : هيجج تشووفيننن

سوزان : اصلا بس.طيبه كلبج كافيه وواعيه ومثقفه وحلوه والف واحد يتمناج بعدد شيريد فارس الاحلام اكثر من هذاا
زينب :اووف لو.تدرين ياااسوسو شلون شاغل بالي وتفكيرريي
سوزان : عزاا شيصبررني اريد اشووف منوو الاخذ تفكيرر بنت خالتي
زينب: كومي خالتي خبصتنه

التمنينه ع السفرره العشه وجريناها دك سوالف وضحك وبعدين سوينه العيد ميلادد

مهند جان يريددني وكلها تكول زينب لمهند بس اني بالي اصلا مو يمه بين قوسين مااطيقه
متعجبني شخصيته يتحشگ يمنه ويكضيها سووالف وضحك عود يحشششش بقه ناقصه بس يخليلي مكياج
ماارغب اله ابدد شكد جان يحاول يسولف لو يشاقه اصدده بالشقه جانت عندي ميانه وياه احسبه مثلل محمد احسبه اخويه وارزل بي ومن يشوفني اصده يكلب وجهه زينب المالكي
احسه يضوووج من يشووف معاملتي واسلوبي ويه اميررر واسلوبي وياه بس مو بيدي مااطيقه
طبعي صريحه مااعرف اجامل ابدد
كملنه ورجعنه لبيتنه وامي ضلتت تسئل شسويتوو كعددت يمها اسولفلها شصار
سمعت صوت فوني شفت مسج من صبا

سحبت نفسي ورحت لغرفتي سديت الباب كعدت ع جربايه فتحت مسج لكيت دازتلي صبا حسابه عزززاا واني فگيت عيوني ايييي هذا هوه😯

شنو الشافته زينب وهيج انصدمت ؟؟؟

وللحكايه بقيه........