فصليتي محبوبه ومجنونه

البارت العاشر

                    البارت (10)

              فصليتي محبوبه ومجنونه

اللهم صلي على النبي

اللهم صلى وسلم وبارك على اشرف خلق الله محمد صلى الله عليه وسلم

فهد  :  ساره انتي روحي انتي الهوه الي اتنفسه ابد ماوافق على طلعتچ من البيت بس ضلت يمچ انتي بكيفچ اني ابد ماريد اعوفچ
بس ماريد اضلمچ  راح اخليه يمچ واني احبچ وماكدر بلياچ بس ماريد اجبرچ واضلمچ يبنت گلبي وتكولين فهد ضلمني بس والله اريدج وماحب ولا احب احد مثلج  

ساره  :  عفته وطلعت  رحت بس البجي صار صديق الي  عفت روحي ولا اكل ولا شي وبس ابچي لان احس فهد راح مني وماكدر مدا اتحمل هناء كبالي وداتموتني بتصرفاته
ضليت سبوع بلبيت افكر بكلامه ومثل لقتنعت بي بس غيرتي وجوده هناء بالبيت متحملت وكلامه يجرحني
وكل ماطلع اني حامل حبلت راح اجيب ابن الشيخ
اني ماعرف فهد حتى اوثق بي بس هوه اخذه وتقرب اله واني وكل محاولاتي لتقرب اله لا  فمتحملت
وبيوم اني اريد انزل عدرج  واشوف فهد طالع من غرفت هناء  وهناء  تعدل بملابس فهد وتضحك بمياعه هنا قفلت رجعت للغرفه كلت يكذب عليه ويكول ماروح اله جذاب هنا بعد مابقه بلبيت لو اموت

رحت خابرت بابا يجي ياخذني

ابو ساره : ليش ورجلج ليش ميجيبج

ساره  : فهد مسافر وكال روحي لاهلج فلازم تجي تاخذني لو اجي انه

ابو ساره : باجر اني يمج

ضليت گاعده بلغرفه انتضر على نار اريد فهد يطب عليه ويحجي ويايه فهد ماكو هذه زاد شكوكي  وصار ثاني يوم بقيت انتضر  بابا واني منهاره وخايفه ومادري شنو اسوي غلطت بطلعتي  لو هذه مصيري ولازم اطلع من حياتهم
قد يكون هذه مو مكاني واني الي دخلت نفسي بيناتهم  وعشت احلا سنين عمري وياهم وتبقه هاي الي بدنيه وابقه عايشه عليه

بس فهد مو احبه اموت علي هوه النفس الي معيشني كانت شوفته مهونه عليه كلشي بس متحمل وحده ثانيه تتقربله وهيه مرته ومعامله كزوجه الى ويطب عليه واني لا

خابرني بابا كال اني ساعه واطب عليكم
كتله اني اطلع عليك لتطب هنا بابا ممقتنع بس سمع شلون ابجي واحجي بحركه كال انتضرج تعاي عليه اني راح اوصل

اني  طلعت رجلي تمشي  وگلبي يكول لطلعين واگفي لاتعوفين فهد بس رجلي غلبتني  وعفت كلشي  مثل مادخلت بجنطه صغيره بايدي طلعت اخذت ذكرياتي بلبيت وجرح گلبي وطلعت

ماكدرت اسلم على احد تركت رساله على الميز وطلعت  بقيت امشي الا ان وصلت واشوف بابا رحت علي ركض وحضنته وكمت ابچي نهاريت معندي حچي احچي

وركبنه بسياره ورجعت لبغداد ودخلت بيتنه واني بس الدموع كت والكلام ميطلع من حلگي

فهد :  اني وعدت ساره وفيت وياه وبقيت بعيد عن هناء بس اني جنت نازل وصاحت عليه هناء وطبيت غرفته  تكول امه مريضه وتريد علاج وبدت تجي ونطيته هل الله قاسمه وطلعت وتشكرت مني البنيه واني طلعت جان عندي شغل مرجعت للبيت وبتت بره ورجعت ويه الضهر طبيت غرفتي ماكو احد بس ملابسي جاهزه وحمامي جاهز سبحت وفتت نمت