#معاناتي
#للكاتبة_ام_مصطفى
مريم حب حياتي حب خمس سنوات ومعناة كبيرة يله تزوجتها حبيبتي حييل احبها وتعلقت بيها جنت فرحان بيها
اتزوجنا وحياتنا جانت مليئه بالحب والاستقرار بس الشي الوحيد الي كان ناقصنا هو الاطفال
اول بداية زواجنا ماصار حمل عند مريم جانت معاناة بالنسبه المريم بدت السعادة والفرح تتحول الى حزن كلما يمر شهر وماكو حمل حبيبتي اشوفها تنقهر وتذبل
-حبيبتي مريم ليش ضايجة
-زهير تعرف كلش اني احب الاطفال واتمنى يصير عندي منك طفل وانت هم تحب الاطفال تذكر من جنا بالكلية وتكلي احب تصير عندي بنوته واسميها زهراء وادللها والعبها
-صح ماكو واحد مايحب الاطفال المال والبنون زينة الحياة الدنيا
بس ياحبيبتي هذا امر الله وقدرة ولا اعتراض ع قدره كل تاخيرة وبيها خيرة
ترة مصار هوايه من مزوجين كلها سنتين عادي انتظر بعد عشر سنين ماعندي اشكال المهم انت حبيبتي وياي
-انت تكول هيج بس امك ع الطالع والطاب تكلي نريد طفل نريد ولد لزهيير واني اكول حقها
-معليج بامي اني راح احجي وياها وانت لا كل شهر تنصبين مناحة لاتخربين حياتنا صار طفل هلا بيه مصار هاي بعد الحمد الله والشكر
حضنتها بجت مسحت دموعها حبيبتي تبجين واني موجود يمعوده عليمن انت عندي تسووين الدنيا كلها
-الله يحفظك الي حبيبي ولا يحرمني منك طول العمر
باجر نروح
وين
سويتلج مفاجأة حاجز وي كروب نروح لاربيل سفرة اسبوع ونرجع
-صددك عليك الله
-اي والله من شفتج ضايجة كلت نروح للشمال نتونس وتترفهين كومي حضري جنطتج والله لنسيج ابو الاطفال مو بس الاطفال
-ياااي اكوم احضر ملابسي
-هههههه كامت تكمز لج انتي عندي احلى طفلة شسوي بالاطفال
طلعت برة عفتها تحضر فرحت لفرحها ملعونه احبها
امي كاعده
-يمةة رحمه لهلج على كيفج وي مريم لا انت والدنيا عليها شنو قابل هي بيدها وماحبلت هذا الشي بكيف الله سبحانه و تعالى رزق من الله شوكت ميجي هله بيه
-والله يابني من حركة كلبي عليك هيج احجي اريدلك طفل ليش انت من دون اخوتك ماعندك
-هيج الله كاتب الي اصبر هسه مصارلي هواي متزوج ع كيفج ويانه
باجر انروح اني ومريم للشمال
-انوب تاخذها تونسها. الله هنيالها
-يمةة اني احب مريم وانت تعرفين كلش زين شكد عانية يله اخذتها
فلا تخربون بينا ........
بعد مرور اربع سنين ع زواجنا نفس المعاناة وبديت اني اتعب من تصرفات مريم ذابه راتبها وراتبي كله ع الدكاترة والعلاجات وبدت تتغير ع طول عصبيه ومالها خلك
حولة حياتنا جحييم بس بسبب هالشي
بيوم اجتني مريم طلبت مني انسوي اطفال انابيب
اني رفضت بالبداية
بس هي لحت حييل علي وزعلت
-مريم اقبل بس بشرط
-موافقة ع كل الشرووط كوول
-اذا منجح بعد تنسين سالفة الاطفال ولا تراجعين اي دكتوره تعوفيها ع الله
-انت بس كول يا الله لا تفوال هيج بالموزين علينا
-اني هذا شرطي قبلتي ماقبلتي بكيفج بعد
سكتت بعدين كالت موافقة
زين لعد احجزي
ورحنا ليران جنت متلهف اكثر منها وادعي يصير طفل عدنا لان تعبت اكثر منها هي تريد تفرحني بس متعرف هي جاي تاذيني هيج كل ماتفشل بالعلاج اني اتاذه وانقهر
لان هي تعبت نفسيتها واشوفها هملت نفسها راتبها واراتبي نصة رايح للدكاترة
المهم
بدينة بالإجراءات
وبقينا بايران شهر
بس فشلت العمليه
هنا مريم تهسترت حييل ونفسيتها تعبت
وصارت متتحاجة وتغيرت من طيبه الى شريرة
ويومية تتعارك بالبيت وبالاخص وي امي يومية عركة وهوسة
قررت اطلع واخذ شقة ابسماية
وشلت واستقريت هناك بس اريد اخلص من المشاكل الي بدت تصيير
وبعد فترة
مريم قوة علاقتها ابنت عمها اليتيمة الاب والام جانت حييل فقيرة ومظلمة ع حد قول مريم نسوان اخوتها يضربوها ومسوييها خدامه وهي شكلها ميساعدها تتزوج جانت سمرة وعيونها صغار
بس البنيه حييل فقيرة ومسكينه
كامت تروح عليها وتجي ذيج يمها كلت الحمد الله بدت تلتهي بوحده ونست سالفة الاطفال
بس الظاهر ماكوو فايدة
اجتني مريم بالليل طلبت مني اتزوج بنت عمها اسراء
-صدك تحجين انت اتطلبين مني هالشي معقوله
-اي شكوو بيها والله فقيرة وتكسب اجر بيها وع نياتها وبنت عمي واني ماالكة احسن منها
-ليش منو طالب منج ادوريلي يمعوده مااريد ازوج ومااريد اطفال كافي مريم ترة لعبتي بيه طوبه
-زهير ابوس ايدك وافق اذا تحبني وافق انت اول ع تالي تزوج قابل تبقى بله زواج واسراء اني مرتاحة الها
-وج وين الحب نسيتي شكد جنتي تحبيني وتغارين علي هسه اطلبين مني ازوج
-هو لان احبك اتزوجها
بقت تلحح مريم ايام وزعلت وراحت لهلها وخلت شرط مترجع الا تعقد عليها
تالي سلمت امري لله ووافقت
وجبت مريم للبيت
وبدت تخطط وتشتري اغراض وملابس للعروس
ورحت خطبتها لاسراء
رغم اني ممقتنع بيها محلوه جانت بس كلت يله ميهم عندي مريم شسوي بالجمال
وبعد فترة اتزوجت وجبتها للشقة ومريم هي الي تحضر وجانت فرحانه اكثر من العروس
وذيج مالها كلمه مريمة تجيبها هيج وتوديها هيج وطببتني عليها وسدت الباب وتهلهل واني مصدوم من تصرفاتها
بديت اتقرب لاسراء صدك جنت فقيرة وتقبل بكلشي ومالها كلمه ومتسوي شي اذا متاخذ رائي مريم
وجانن متفقات وارتاحيت شهرين والف الحمد لله كلت خوش لعد ليش يكولون اليزوج اثنين يتبهذل وتصير مشاكل
والي فرحني وفرح مريم اكثر هو حبلة اسراء
كلش فرحة فرحة ماتنوصف
ومريم فرحاانة اكثر منة وتداري باسراء اكلي ولا تشتغلين
والبنيه عبالك لعابة بيد مريم الله شاهد ورغم كل هذا فرحانه دكلي حيل حبيتكم جنت عايشة بضيم يم اخوتي وتحجيلي شلون يضربها وشلون مسويها خدامه وحيل انقهرت عليها هي يتيمة وماعدها اخوات اصلا
ومعتبرة مريم اختها
بعد فترة صار الي مايخطر ع بالنا كولنا الي هو حمل مريم مفاجأة سبحان الله قادر ع كولشي مريم حبلت بعد كل المعاناة والعلاج وطفل الانابيب
من تركت العلاج حبلة
كلنا فرحنا حييل
لكن مريم هنا كلبت ع اسراء وعادتها
وطلبت مني اطلكها واطردها لو اطلكني اختار وحدة من عدنا
..............
الى هنا اترك توقع نهاية القصة الكم
هل زهير
١-راح يطلك اسراء ويرضي مريم
٢-راح يطلك مريم ويعوف اسراء
٣-راح يعوفهن اثنينهن على ذمته وميطلك ولا وحدة
القصة حقيقية مع تحياتي لكم الكاتبة ام مصطفى
😘😘
