#معاناتي
#الكاتبة_ام_مصطفى
الجزء الثالث
مريم
كتبلي جاي ونتفاهم
مااريدة يجي مااريد اضعف كدامة اني احبة بس اريد اضغط عليه
دكيت راسا عليه احجي وياه اريد اكله لا تجي واتعب نفسك
دكيت مجاوب
رجعت دكيت مجاوب استغربت لان قبل شويه جان هو يتصل على ليش ميجاوب هسه
اوف راح يجي
امي شافتني افتر
-مريم شعندج وشعجب عايفة بيتج وجاية بايته وليش؟زهير مجابج احجي
-اني زعلانه يوم
-يا صخام لويش ولج شصار
-مصار شي بس اني طلبت منا يطلك اسراء
-ليش مو انتي زوجتيها اله ياما نصحتج لا تخربين بيتج بيدج بس مسمعتي كلامي شسوت اسراء الج
-مسوت شي بس احس وجودها بعد مالا داعي اني اتسرعت وغلطت واريد اصلح غلطي
-ياا صدك تحجين انت شنو هو لعب البنيه زوجته هسه وحامل شنو يطلكها
-ماادري يوم مجاي اتحمل جاي اكل بنفسي اكل
-كولي يا الله بنتي وارجعي البيتج بعد الصار صار اذا مترديها بالبيت خلي يكعد كل وحده منجن ابيت ويوم يمج ويوم يمها
-شنوو لا لا اني مااتحمل يعوفني ساعة هالنوب يوم هناك ويوم هنا لا شوفولي غير حل
-مأما ارجعي لبيتج ولتكبريها اني مو جنت معارضة زواج اسراء لزهير وماقبلت عليج بس هسه اكولج ميصير يطلكها حرام بنتي تكسرين بخاطرها ترة الله جازاج خير لان سويتي وياها خير وداريتيها وعلملتيها معاملة حسنه
ربج ردها الج وفرح كلبج بالطفل هذا
بنتي خافي الله هاي يتيمة والله يكول
اما اليتيم فلا تقهر وهي مماذيتج متخافين تدعي عليج ويصير شي بالطفل تره دعوة المظلوم تسحك وتلحك
-لا تخوفيني ماما والله اني مو خبيثة ولا انانيا ولا اكره احد بس اني اريد زوجي الي وهاي هي
-بنتي بعد الصار صار ارضي بقضاء الله وقدرة والبنيه دكولين مامأذيتني وع كصتها ارزقتي بطفل منو جان يصدك تحبلين بعد كل هاي السنين والمراجعات وعمليات الانابيب
غير لوما فرحتي هاليتيمة مجان صار عندج الله جبر خاطرج لخاطرها
سكتت اعرف نفسي غلطانه والبنية ممسويتلي شي بس اني الغيرة اكلتني والشيطان يوسوسلي اخخخ شلون ياربي
ورجعت اتصلت عليه
فتح خط
الو زهير
-العفو اختي اني مو زهير بس صاحب هذا المبايل صارله حادث ونقناه للمستشفى
-شنوووووووووو
اسراء
بقيت افتر بالبيت أروح وارجع شسوي ياربي
اطلع من حياتهم احسن
بس زهير نبه علي ما اطلع خل يجي واكله رجعها واني اطلع
اويلي عليج اسراء منين ماتدريها سوده مصخمة اجت اليتيمة تفرح مالكت الها مطرح
لو عندي ام واب مجان هذا حالي لو حلوه مثل البنات لو اخوتي مخليني اكمل دراستي ع الاقل عندي شهادة
اخخخ من كلهن ماكو ماصدكت ارتاحيت صار كم شهر واستقريت وي رجال يخاف الله بيه ع الاقل لا يضربني ويعاملني معاملة زينه ومريم هم تحبني ومعتبرتني اختها بس مااعرف ليش هيج انكلبت علي .....
صار نص الليل . وزهيير مالين
كلت اتصل عليه بلكت يجاوب
دكيت طلعت مريم
الو جاوبت تبجي
اسراء زهير سوه حادث وبين الحياة والموت ادعيله انتي يتيمة ودعوتج بسرعة توصل
والله لو يرجع النا نذر علي عمري مراح ازعلج واخليج بعيوني
حوبتج شسوت بيه
-انت شتحجين زهيير شصارله
سووه حادث بالسيارة
-لاءءء لا ءءءء ياربي
......
مريم
صرخت من كللولي مسوي حادث شمرت المبايل بالكاع اخذته امي واحجت وياهم
واني كعدت الطم بالكاع اويلي عليك زهوري شسويت بيك وبروحي كلة مني كمت الطم ع خدودي واعضض باصابعي ندم
ماما اخذوني
امي صاحت ع اخوي وكومتني ولبست عبايتها واني لبست عباتي واركض بدون شعور
صعدت وي اخوي علي السيارة للمستشفى
اصرخ واكل بروحي كله مني شسويت بالولد اخخخ لو صارله شي اكتل روحي
طبينا للمستشفى.
امشي واتلفت يربي لا تفجعني بزهير
سئل اخوي
كالوا بالانعاش
اخخ من هجي كالوا احس متت متت بادت رجلي يعني شنو راح يموت زهير
ماتعرفون شصار بحالي اخخ الم وندم
انطوني مبايله
انوب لزمته وابجي قريت رسايلنه
اويلي عليك
دك المبايل بيدي اسراء
راسا اذكرتها هاي حوبتها هجي سوت بيه
جاوبت وحجيت الها كتلها ادعيله انت يتيمة ودعوتج توصل
ضليت اباب الطوارئ كاعده
اجتي امة واخته واخوه
مايعرفون شكو شصاير
امة تحجي وتبجي ابني شصارله ابني شبيه
ضليت للصبح بالباب اغفى وافز اغفى وافز الى ان انفتح الباب
وي اذان الفجر
كال الدكتور صحى
كمت فزيت صدك دكتور
اي الحمد الله
جان الكل بالاستراحة اهله واخوي علي كتله يروح هو وامي يم اسراء وحدها بالبيت ادري بيها تخاف ويضل بالها واخاف تتخربط وهي حامل دزيت اهلي يمها
من كال الدكتور صحى ركضت دكتور يصير افوت
هو يصبح مريم انت مريم
يي اي اني مريم حبيبي سودة علي
فتت واشوفة مضمد راسة ووجهه بس عيونه وخشمة وحلكة طالعات
باوعلي مريم
ياعيون مريم ياروح مريم هجي تسوي بيه
ضل يكلب بعيونه
ترجعين للبيت مو
اي ارجع بس انت صير زين يروحي شلت ايده وبستها حبيبي اسفة توبه اذا اعيدها بعد بس كوملي بالسلامة
-واسراء وين شصار عليها
-لا تخاف امي وعلي اخوي يمها هسه الصبح يجيبوها ويجون
بس انت ارتاح حبيبي
رجلي مجاي احس بيهن
ليش
حبيبي مو انت مجبس هسه ان شاء الله
تصير زين
ارتاح هسة
اسراء
كمت ادك والطم اويلي يحضي المصخم الرجال راح يروح من عدنا يربي بجاه كلمن عنده جاه ترده سالم لبيته كلشي مااريد بس كون هو سالم
طبوا مرت عمي وابن عمي علي اجوي علي
ركضت عليهم بشروا
كالوا بالانعاش ادعيلة
ضليت للصبح ادعي واسبح واصلي وابجي
لحد ما دك مبايلي كلبي كام يدك اخاف اجاوب خاف صارلي شي يربي مااريد اسمع هيج خبر يخوفني
فتحت خط وجاوبت
ها مريم
اسراء كعد زهير صحى وسئل عليج صدك الله علبج
-اي والله ادعيلة يتحسن ونرجع للبيت سووة
-ان شاء الله يارب يطلع النا سالم ويرجع للبيت ........
زهيير
بعد اسبوعين رجعت للبيت بعربانة صار عندي شلل نصفي بس كللولي ع العلاج الطبيعي تصير زين
كعدت بالبيت ومريم اداوم واسراء تداريني
وكل اسبوع ياخذني اخوي محمد للعلاج الطبيعي بديت امشي بعكازة
ومريم واسراء تصافن الحمد لله
بعد فترة جابت اسراء بنت وسميتها مريم الصغيرة
وبعدها الله رزق مريم بولد سميته كرار
والحمد الله ع كل حال هاي نبذة مختصرة من مرحلة عصيبة مرة بحياتي
وحبيت احجيها الكم حتى تستفادون من اخطاء غيركم
كانت هذه قصة قصيرة من بريد صفحتي قصص ام مصطفى
دمت سالمين وبحفظ الرحمن موعدنا بقصة جديده ان شاء الله السبت القادم
ام مصطفى
