من بريد قصص ام مصطفى
#معاناتي
للكاتبة ام مصطفى
الجزء الاول
اني ام من منطقة فقيرة وشعبية في بغداد عندي ولد متزوج وطالع وبنت متزوجة
وعندي ولد حق زواج قررت ازوجة لان بقيت بس اني وزوجي واحس كبرت ومااكدر ع شغل البيت لان عمري ٦٠ وزوجي ٦٥ سنة ابني المزوج طلعتلة مشتمل ومستقر هو وزوجته اله يرضى عليهم
لذالك طلبت من ابني ان يتزوج فكلي يوم شوفيلي انت وحدة اني مااعرف بهاي السوالف
المهم ضليت ادور اقارب اصدقاء ملكيت لان اني هماتين ماعندي اختلاط وي الناس
بعد فترة جان عندي موعد مع دكتور ورحت للدكتور
كعدت يمي امرءة بعمر ٤٥ سنه تقريبا وياها بنية شابة بعمر ١٨ سنه عشرين بوكتها مجنت اعرف عمرها بالمضبوط
-سلام عليكم
-وعليكم السلام
-الدكتور جاي
-اي جوه بس اليوم مثل ماشوفين ازدحام عليه اذا حاجزه يفوتج
-لا هسه احجز
-اكعدي يمة فرقد يم الحجية ع مااجي
-ضليت اباوع ع البنية حلوه راسا اجة ع بالي فهد ابني
رجعت امها كعدت بصفي
-حيل رقمي ٣٠ اليوم شكوو
-مو تعرفين كورونا والناس كامت تجي للدكاترة اكثر من ماتروح من المستشفى
-اي صدك يربي دخيلك خلصنا من هذا الوباء والله مرعوبين ونفسيتنا تعبانه
-خريج انت ليش جاي للدكتور
-عندي مرارة شالها الي الدكتور قبل فترة وهسه اجيت اراجعهة عندي وجع ولعبان نفس
-اي عادي لان شلتيها بعد جسمج ممتعود
-اي والله هو جاي اخذ علاج
-هاي بنتج
باوعت عليها وجرت حسرة
-ايي بنتي
-ليش جريتي حسرة ليش بيها شي
-لا بس اطلكت من زوجها قبل ثمن اشهر
-يااا ليش هاي الحلوه ليش يطلكها
البنية ابتسمت الي ودنكت
-شحجيلج حجية ازوجت وزوجها يشرب ويشبعها كتل وشردت منه وحاولت ارجعها اله تبجي دكول اكتل روحي وماارجع اله
وبعد كم شهر قنعتها ورجعتها
وهم اجتني كاتلها مشبعها كتل وماخذ مبايلها لان تراسل بت خالها ميقبل وعمتها هم مو زينه وياها
كاموا وطلكوها دزولنه ورقة طلاك لا اجو لا اعتذروا راسا دزولي بلاغ من المحكمة نحضر
كامت تبجي المرة
ليش تبجين يمة بنتج صغيرة والف واحد يتمناها عادي قسمة وماصارت
-والله ياحجية بنتي يتيمة ابو ابوها انكتل ع ايد الامريكان جان طالع للشغل جان عامل بناء والامريكان ضاربيه قناص ومات بمكانه
-لعنة الله عليهم دنيا واخرة من يوم طبوا علينا ماشفنا بس الدمار والخراب
-اي والله واني بركبتي ٣ بنات ولد جنت حامل بالولد
وهي بذاك الوكت الجبيرة عمرها خمس اسنين
وعماهن بس اول بداية ساعدونه تالي ملوا وبعد محد سئل
الحمد الله كعدني قبل لا يموت ابيت حواسم
فتحتلي دكان ابيع مصاص حب جبس علوج للجهال وعيشتهم كوه
ياعيني خطية الله يساعدج ويعينج
انت وين بيتكم بالضبط
ب ......... مقابل ......
ها اي اندليتكم المنطقة الورانه هاي
اي هي صح اندليتكم انطيني رقم مبايلج كلش حبيتج وانقهرت عليكم بلكت اجيج
-هلا بيج عيوني شوكت متجين اسئلي ع ام فرقد ويدلوج معروفه عندي دكان
-ان شاء الله
صاح الدكتور باسمي ودخلت اخذت علاج وطلعت سلمت عليهن ودعتهن وطلعت
بس ضلت البنية وامها ابالي وحيل انقرهت ع قصتها
وفكرت ليش ماازوجها لابني شكوو بيها واذا مطلكة يعني
اكسب اجر بيها ويتيمة وامها خوش مرة
احتاريت شلون افتح موضوع وي الرجال وابني
بس تقويت وحجيت
ابو محسن
اليوم شفت بنية عجبتني كلش وكلت اخطبها لفهد
-اي شكو بيها يا الله فرحتيني
-اي والله البنية يتيمة هم وامهم معيشتهم وكمت احجيله وضعهم
الرجال زوجي كلبة طيب انقهر عليها كال نكسب اجر بيها شكو بيها
كتلة بس شغلة ثانية اكو
كولي شكوو
البنية مطلكة
-شنووو
اي والله يا ابو محسن
-لا لا مو خوش سالفة هاي
ضليت احجي ضروفها وليش اطلكت الى ان قنعتة وكلي اني لا ادخليني بخطيتها
شوفي فهد اذا قبل اني اقبل
قررت اروح احجي لفهد واشوف شنوا رأيه بالموضوع .......
توقعاتكم
راح يوافق فهد ويتزوجها لو يرفض
فقرة قصص ومشاكل قصيرة انشرها لكم ع طرقتي بين فترة وفترة بعنوان معاناتي استقبل كل قصصكم ومشاكلكم ع الرسائل الخاصة بقصص ام مصطفى
