☠️صراع الهاكر☠️Hacker 💀

الحلقة 5

المهم نقولو عشية هاذاك النهار ماصرا والو قرات وخرجت عند الباب تاع التيكنيكوم شافت رمزي وإسلام وأدم يروشولها: شبي جدهم هاذو حبو يبهدلوني واقيل، دارت من الجيهة الأخرى وراحت حتى تسمعهم يعيوطلها 😶😶
الثلاثي: يااايسرى ااااا يايسرى ااااا
يسرى بين شفافها: ربي، بغاو يبهدلوني، ضرك الناس يقولو عليا ماشي مربية الذراري يعيطولها 😱😱😱
دارت وخزرت وقالتلهم: شكون نتوما واش تحوسو من عندي
بين ثلاثة: 😶😶
رمزي: يسرى ضرباتك الشمس لراصك واقيل؟؟؟😶😶
أدم:😂😂لالا واقيل خافت من لمباعد
إسلام:هااااا قولي هكدا من لخر خير ماتنكرينا ديراكت😂😂😂
يسرى:ناناكم 😣😣، روحو منا مانحكيش معا ليجان برا،فالليسي وفنادي الوداد(وين يطرينو هوما كاراطي) وفدار الشباب تعرفوني  مي برا ماتعرفونيش 😤😤فهمتو!!!!!
بين ثلاثة:عجبتينا في هاذي 😍😍
يسرى:والله غير لمباعد نفهم جدكم 😤
أدم:خخخخ روحي للدار روحي لمباعد نتلاقاو في دار الشباب،
يسرى:ايه 😒😒وجدو رواحكم لمباعد الدبزة تاكلكم😝😝
وراحت تجري وخلاتهم،ركبت فالبيس(الكار🚌)(هي دارهم بعيدة سوية على الليسي بوحد 4كيلومتر،كيتركب فالبيس تقعد 5دقايق وتوصل أما كي تروحها مشية تقعد وحد 15 دقيقة، ربع ساعة)المهم قعدت ساعة تطبع باس تطلع  فالكار، كان الغاشي معمر، ومسكينة بقات واقفة ماكاش بلاصة، واقفة شادة فالكراسة عود تطيح أما الناس لي طولهم عادي كانو شادين فالعمود😂😂😂مسكينة صرعوها بريحة لعرق 😂😂المهم وصلت للدار فتحتلها يماها
يسرى: السلاااااام عليكم
يماها: وعليكم السلام
يسرى: يما ستقهوا ونروح لدار الشباب اوك 
يماها:ايه روحي مي ماتطوليش حتى للمغرب اوك
يسرى:اوك اوك ياميمتي مانطولش 😝
راحت رمات كرطابها في شومبرتها ورجعت ستقهوات،وناضت رفدت كاسها غسلاتو،
يسرى:يما نطريني شوية هنا ندير تسخينات منبعد نروح اوك
يماها:ايه ديري ، روحي بدلي البسي حوايجك تاع السبور 
يسرى:يما زياد وإياد راهم هنا؟؟؟
يماها:لالا مكاشهم علاه؟؟
يسرى: باش نشوف إذا نلبس مستور كي نكون ندير فالسبور هنا فالدار  ولا نلبس حاجة خفيفة  باك تعرفيني نحشم من خاوتي ندوؤ قدامهم بالقصير ولا المزير
يماها: هههههه نعرفك نعرفك وهكداك خير لازم تكون الطفلة ، ابه ماكاشهم روحي البسي حاجة خفيفة
يسرى:اوك ماميتو صحيتووو😘
راحت بدلت حوايجها لبست: بيستي خفيف قصير فالماغو وسيغفاتمو خفيفة فلكحل   وراحت درات شوية تسخينات منبعد راحت لشومبرا تاع إياد وزياد تضرب ساك دو بوكس 👊
هكذا كانت:

وحد الربع ساعة وهي تضرب فيها،كملت راحت دارتدوش خفيف خمس دقايق،وراحت بدات تلبس باش تروح،لبست حيجاب ڨري مع خيمار ڨري
هكذا كانت:

مع باسكات ڨري بلاسومال عالية بيسك هي قصيرة مالا يجيها الحجاب يتكركر ،هاذي هي باسكاتها :

ودارت ساكودوها تاعها تاع السبور لي دارت فيه لداخل  باسكات تاع سبور(سولي) و كيمينو  (لي ماتعرفش الكيمينو هو اللبسة تاع لي ينطرينو كاراطي 🥋🥋)
ساكودو تاعها:

راحت، قالت ليماها بلي راهي مروحة،وخرجت راحت ديريكت لاري دي بيس طلعو فيه هبطها عند لاجونس وكملت تمشي حتى لدار الشباب، ماشي بعيد، 

اتفاعلو الزينات باش نكمل 💙💙💙💙