وصلت للكلاسة لقات الباب ومغلوقة، فتحتها ودخلت، وقفت لقات الشعب الكل يخزر فيها_بففففف خصني همهم وشبي جدهم يخزرو فيا،
الأستاذ mat: همممم من النهار اللول بديناها هكدا مالا واش يصرا فاليامات الجايين؟؟
هي ماتحبش ترد على الأساتذة بيسك كيما يكونو عندهم الحق وزيد يقرو الف طفل فالنهار راح يكون عليهم الظغط، مي مام هي ماتحبش تبدا تتوسل فبهم وتنقص من قيمتها قدام التلاميذ، قالت:
يسرى: نجيب بيي(رخصة دخول)؟؟؟ الأستاذ: أقعدي اقعدي اخر مرة
ماردتلوش راحت ديراكتومو لبلاصتها فالطابلة الأولى (عدنها باك مالا باس مايتشوش راصها قعدت في الطابلة اللولة،زيد هي ماتخدمش لبنات وماتحلبهمش، شاطرين غير فالعشق مالا قعدت وحدها ولي جات تقعد معاها تمت محاوزتها بنجاح 👌)(😂😂)وزيد شعبتها رياضيات وصحاب ماتيلام لازمهم تركيز وفهمة،الحفيظة ماتڨزيزتيش عندهم،هي خيرت رياضيات بالاك نتوم تعتاقدوها صعيبة بزاف اما هي تجيبها كيما الماء والخبز،ساهلة ماهلة،ههههه اصلا هي دايرة كي الرياضيات صعيب الواحد يفهمها ويتوقع تصرفاتها،ماتحبش تخرج مشاعرها وباردة اما العكس هي دافئة بزاف وحنينة،تلبس حيجاب وخمار أنوثة هاذا يكفيها ماتدير ني ماكياج ني فارني مايعجبوهاش وتتقزز منهم،تحب روحها ناتيغال،طبيعية بدون إضافات(تحسب عصير 😂😂))المهم:
الكاسة كامل ساكتة وتبع فادرس راهي mat،حتى الكل دارو يشوفو من التواقي سمعو حس تطبيل،اووووو كانت جماعة تاع ليجان يغنو:
-البيضا مونامر
-البيضا مونامور
-البيضا مووونااامووور
نديها بلااا سحور 🎼🎼
😂😂😂
كامل الكلاصة خزرت في يسرى،هي البيضا البلوندة لي معروفة بزاف فالليسي، تطرطقو بالصحك كااامل
اما يسرى حطت راسها عند الحافة تاع الطابلة تخزر في لرض،ماقدرتش ترفد راصها: الكلاب داروها تاع التيكنيكوم،داروها الكلاب داروها،من العام ليفات وهوما عڨابي عڨابي والله يجي نهار لي تخلصوها يعني خلاصو جد لبنات؟؟؟؟
طلعت راسها نهار سمعت الاستاذ يحاوز فيهم:يلعن الراصة المرة تاعهم،هاديك الساعتين ماجاو يخلاصو قريب تطرطقت، صونات الإستراحة وترفد دوزانها وتقلع خرجت برا؛تجري متوجهة لجماعة الزمر تاع مقبيلات وصلت عندهم،
يسرى:يالكلاب يالرخاس اليوم نبرد فيكم زعافي تاع ثلث سنين
نطق إسلام:شبييييك يسرى ماتنسايش راكي طفلة والله يديرو فيك الهدرة ويقولو عايشة راجل 😂😂😂
رمزي: يسرى والله يقولو عليك بدون انوثة وتعشي بايرة 😂
يسرى:😤😤😤طفح الكيل منكم
أدم:أنا نقلك يسرى خليها كي نكونو نطرينو كراطي وفهمينا😂😂
يسرى:اوك اوك😊😊 مانيش هايشة نتضارب مع جدكم هنا لمباعد، لمباعد في دار الشباب نوريلكم الزنباع اين يباع 😇😇
ودارت مولية تمشي
ادم ورمزي وإسلام: بينازة عندك كاش واحد يعفسك فالطريق😂😂
دارت ليهم وبركان فوق راسها خبطت رجليها على لرض
يسرى:مانيش بينازة يابوطوات 😤😤😤ديجا علاش راني نكسر في راصي معاكم ونتوما تفهمو غير بالضرب،لمباعد لمباعد 👊
ودارت تمشي حتى خبطت في واحد
سمعاتو قال لصاحبو
الطويل: اييي اصبر راني عفست على حاجة 😶
طلعت راصها راهم زادو كملو على مابيها تلقاه هاذاك الطويل
يسرى بالعياط :اوووووووف جدك نتا انا مانيش بينازة تعفس عليا 😬😬
خزرت فيهم لقاتهم شادين الضحكة وهي توصل لهاداك الطويل لوسطو
الطويل:هاذا نتي بينازة 😂ماتعرفاش ديك النهار، انا نزيم، ايه واش واش اسمك؟؟😁😁
يسرى:الله لاتربحك ياطويل ،يالمخلوق تاع النحس ، وراحت .
نزيم ضحك وهو وصاحبو عليها 😂😂وكملو يمشو
نزيم:😂😂ياجدك لاصقة فاللرض ماتبانش كامل😂😂
رياض(صاحب نزيم): الطفلة راهي تعيطلك "طويل" 😂😂، وصلتلك لوسطك هاذا ماكان😂😂😂😂.
وكملو طريقهم
كيما سمعتو:ادم وإسلام ورمزي،صحاب فيعمرهم 19 سنة مهبلينها ليسرى،يطرينو معاها كراطي من ثلث سنين، ماتتفاهمش معاهم كامل وحياتهم مشاكل وتبهليل معاها😂😂
الحلقة الجاية نوريلكم تصاورهم 😉
نزيم،هو هاداك الطويل لي زدم فيها مانيش حابة نعرفولكم ضرك مع الوقت تعرفو،تفاصيلو
رياض:انتيم تاع رياض، مام هو جا جديد معاه
ايا 🇬🇴🇴🇩 🇧🇾 ستناوني فالحلقة الجاية
أنت تقرأ
☠️صراع الهاكر☠️Hacker 💀
حركة (أكشن)قصمة مختلفة تماما من تأليفي✨✨ أنا ممنوع السرقة 😒 كوميديا😂صراع☠️كره😡حقد ✋خليط من كل شيء أنا جديدة معاكم هنا وهادي هي أول رواية ليا 😉😉😉
