تمشي فالطريق بثبات خطواتها كبلر ومتوازنين، حاطة راسها في لرض ماتخزر في العباد تخمم: اليوم نهار تاعي اللول، هنا المستقبل تاعي يبدا، خطينا مم اللعب كبرنا خلاص، وصلت عند الليسي خزرت فيه الكل كان عند الباب يستناو الباب تتفتح هادوك بنات يضحكو يقهقهو وهادوك راهم يكحلو كل واحد باش لاتي، ماعندهاش صحبتها لانتيم هي، تجاربها تاع الصداقة كامل فاشلة تنتهي باصحلتها ياتخونها وتغدرها يا الطفلة هاديك تخرج طريق وتتسوفج😒😒هي ماتحبش هاد النوع اعععع يعيو، يعني هي تعرف بزاف بنات وكامل تڨسر معاهم مي الانتيم لايوجد❌ جاو ليها يجرو مجموعة تاع بنات كانو يقراو معاها العام ليفات لبنات: يسرى يسرى خزرت فيهم وبتسمت شيماء: واش يسرى cv? واش حوالك؟ كاش جديد؟ كيفاش كانت العطلة؟؟ ندى : بفففف بعقلك نت صرعتي الطفلة بالأسئلة 😒😒ايه يسرى كيف حوالك الزينة؟ يسرى: cv على كلش رانيا: ايه لبنات هذا عامنا تاع الباك لازم نقراو مانقعدوش نتمسخرو 😁 خزرت فيها يسرى بنص عين منبعد قالت: متأكدة؟ 😏 رانيا: يعني 😉 خخخخخ واش يصبرني اوووف السماطة، ديجا هاداك حسام مانقدرش نبعد عليه وهو اصلا مهبلني غير يبعث في ليميساج 😍اوووف 😖 ندى: بقرة 😒 اقعدي تلعبي معاه والله مايديك رانيا: اوووف شبيكم نتوما تان، يحبني ونحبو نطقت يسرى: ممممم مازال كاين الوقت ونشوف بعيني شيماء &ندى: ههههههه ايه مازال كاين والوقت ونسوفو ماءا سيحصل😉بيسك حنا نضحناك بزاف. رفدت روحها رانيا ومشات تقلقت منهم 😒😒 أما يسرى دخلت لليسي لاهم فتحو الباب، دارو الصفوف ووعرفو كل واحد واش من الكلاسة طاح فيها، الكلايس كامل دخلو اما يسرى راحت حطت ملف تسجيل فالإدارة ورجعت تطلع لكلاستها ، وصلت عند الباب تنهدت ودقدقت ودخلت، الكلاسة كامل تخزر فيها، هي دورت بعينيها على كاس واحد ولا وحدة تعرفهم من قبل، ماكاين حتى واحد، في قلبها قالت : كيما كنت حابة 😏 هكدا خير.واحد مايشوشلي راصي بالتفاهات. راحت قعدت وكان يومها عادي رجعت للدار حكات مع يماها على هاد الييوم الأول العادي تماما،كملت نهارها مع الڨسرة مع عايلتها ورجعت ولبست بيجاماها:
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
تكات على السرير ورقدت لاشومبغ تاعها:
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
نعم،يمكن لحد الان تبانلكم باردة،ياس هي هكدا مع الناس شخصيتها مختلفة مع الحب ماتتفاهمش،تحب تكون عندها صديقة تشاركها همها مي لحد الان مابانتش 💔 تبان ماتضحكش لكن هي في دارها ومع عايلتها دايرة حالة ودايرة التير بالضحك هو ماشب مشكل حزن ولا هي برك ماتحبلش 😉
اممممم تحبو تشوفوها كيفاش دايرة بلا خيمار،؟؟؟؟ههههه اوك درك نوريهالكم بلا خيمار كيفاش عاملة اوك يسرى:
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
غدوة راح يكون بداية لها من قصتها اوك اليوم راح نبدا البارت3 باس ندخل فالقصة مي ماكاش كامل مشاهدات💔💔
