التقيناا💜💜
بقلمي: هبة أحمد✍
صحيت بدري لانو كان عندنا لاب الساعه10مزاجي كان راايق شديييد،،لبست اسكيرت كحلي خطوة كدة ومعاهو تشيرت وردية كدة قصيرة ولبست اللابكوت وطرحه وردية مشكلة كدة😁😁
طلعت وركبت ركشة قلت والله الليله بنضافتي وسماحتي دي م بركب مواصلات😑😑واول مرة اصل الجامعه قبل ايلاف واسماء
طبعا م مختلطه مع زول تاني من الدفعه،،قعدت براي وركبت سماعاتي
فجأة وقف جمبي ولد وطلع لي السماعه من التلفون
انت متخلف ولا شنوو دة شنوو عدم الذوق دة🙂🙂
😂😂😂انتي ي لارين طوالي هايجه كدة ،،ي بت من عرفتك وانتي اسلوبك معاي كدة
(((وايي يخوانا كدي تعالو النوصف ليكم😁😁لابس بنطلون اسود🤤🤤وقميص زي الافوايتت كدة ومع العضلات حاجه م بتتوصف🤤🤤ولا العطر الانا اصلا بعد الشوفتوو دة كلو جريت واطي))
اهلينن 🙂🙂م قصدي اسلوبي يكون كدة لكن انت عملت حركة عديمة ذوق
كمال:😂😂حبيت استفزك بس واشوف الانفعاالات بتاعتك دي😁😁
ههه ظريف طبعا🙂🙂
كمال:ممكن اقعد ولا منتظرة زول
لالا منتظرة صحباتي بس اتفضل
كمال:خلاص نطلب لينا نسكافي كدة ظريف من الصباح
اوك طيب😊😊
كمال:اها كيف مع الدراسة وكدة بتقري اسنان صح
كويسة ،،صح عرفت كيف واصلا عرفت اسمي كيف
كمال:😂😂ماف شي بغلبني انا،،عادي يعني عرفت وبس
اهاا شغال مخابرات هنا🙂🙂
كمال:م كدة لكن لمن اكون عايز اعرف حاجه بعرفها
####المهم الولد ظريف🙈🤤🤤اتونسنا واخدنا ارقام بعض بعداك مشى
فلاشش باااككك###
كمال كان واقف قصاد قاعتناا وشافني انا واسماء وايلاف داخلين القاعععه ولمن سأل عرف انو ديل ناس اسنان
قعد اتونسس مع ولد من دفعتنا بعداك قام سالو مني وقاليهوو البت دي مشبهها على زول انا اسمها منوو..قام الولد كلمو وقاليهو دي اسمها لارينن لكنن وحدة لئيمه كدة ومفترية😹😹😹حتى صحباتها كدة
نررججععع###
جو ايلاف واسماء
اسماء:شغااالة لكنن الليلة🌚🌚😉
انا:😁😁😁فشنو فشنو يعنيي
ايلاف:واييي لكن صراحه الليلة رهييبة كدة ليهو حق يجي يبدا يومو بيك😉😉
هيي هي م تشتغلو فيني،،يلا اللاب فضل ليهو نص ساعه
ايلاف:طبعا ي بنات أنس بقى م بتكلم معاي ليهو يومين
انا:مالو يمكن مشغول
اسماء:يومين عديل م رسل ليك🙄
ايلاف:ايي الا رسل لي امبارح بالليل وقال عندو شغل فالبيت
انا:بكون ايي مشغوول بس المفروض رسالة وحدة فاليوم يعني
اسماء:ايي م ممكن يكون مشغوول لدرجة ولا حتى انو يتزكرك برسالة
ايلاف:غاااظنييي ياااخخ
يلا خلاص اللاب بدا
بعد ساعتين كدة خلص اللاب ومشينا نفطرر
وونسة وضحك وتعليقاتت،،وطبعا عندنا ثااابت بينش ورا اخر شي فالكفتريا نقعد فيهو ونعاين بمزاااجج😂😂😂صراحه ماف احلى من الصحباات وونسة الصحااب وقعداتهمم،،،بالجد ربنا يخليهم لي💜💜
ايلاف:بناتت بما اننا طلعنا بدري رايكم شنو نمشي شارع النيل
انا:اي والله والجو ظابط كمانن ارح طوالي
اسماء:بتأخرووني يااخخ ،،طبعا اسومة ساكنه امدرمانن بلد الريدد والحناانن😌😌😉🤤
ايلاف:اسماء ياخ هو يوم واحد وم حنتاخرر اعتبريهو يوم دراسي،،لحدي الساعه3كدة بعداك اي زول يرجع بيتهم
خلاص طيب يلااا
طلعنا وطلبنا ترحال ومشيناا🚶♀️🚶♀️
