التقينا💜
بقلمي:هبة احمد✍
حسيت نفسي خلاااص تعبانهه وعندي هبوط ومصدعه شديدد،،بس رقدت نومتت طوالي م صحيت الا الساعه1صباحا قمتت وصليتت العشاء وصليت لي ركعتين وقعدت ادعي انو ربنا يشيل مني الهم دة ويبعد مني محمد 😭😭جيت رقدت وفتحت التلفون لقيت مكالمات من كمال ومن ايلاف واسماء،،لانهم كانو برسلو لي فالواتس بس انا م داخله
قفلت التلفون ورجعت نومتت،،تاني يوم الصباحح😔😔😔صراحهه م كان عندي مزاجج للجامعه
ماما:لارينن ي بت قومي م عندك جامعه انتي
انا:ماما انا تعبانه والله وم قادرة عايزة انومم واصلا عندي محاضرة وحدة الليلة
ماما:طيب تمشي الدكتور تعملي فحوصات كاملة
انا:م بحتاج ي ماما وخلاص دة اخر اسبوع وتاني عندي اجازة اسبوعين للامتحانات
ماما:خلاص البريحك
اتصلت على ايلاف وكلمتها اني م جاية،،يسجلو المحاضرة ويرسلوها لي
عايزة ارجع انوم كدة كمال اتصل
الو ي بتت وينن انتي من امبارح او تقريبا من رجعتي من الجامعه م بتردي ولا داخلة واتس
انا:والله ي كيمو تعبانهه بسس ورقدت نومتت والليلة الصباح صحيت مصدعهه وم قادرة اجي الجامعه
كماال:بسم الله مالكك
انا:تعب الجامعه دة بسس
كمال:خلاص تمام اخدي راحتك بس لازم تبقي كويسة عشان امتحانات الفاينل تقدري تجتهدي ليها
انا :اكيد ان شاء الله
############
المساء كدة جاتني ماما فالغرفة
ي بتت ي بت قومي عمك دة مرقد فالمستشفى
انا:عمي منو
ماما:عندك كم عم انتي،،عمك هاشم دة قومي سريع نمشي نلحق ابوك..
انا:ومالو عندو شنو
ماما:جاتو ذبحه وهسة قالو في غيبوبة
طوالي لبستت عبايتيي وطلعناا طلبنا ترحال
الجو فالمستشفى ضارب شديدد ومرتو تبكيي وبتو سارة (سارة طبعا متزوجه وعندها ولد وبت توأم صغار)ومحمد دة اول مرة اشوفو ببكي للدرجة دي
بس شغالين ندعي ونقرا في قران
طلعع الدكتور،،الحمدلله يخوانا الزول دة صحى ممكن تدخلو ليهو بس يريت بكل هدوء
دخلنا كلنا،،وجروو طبعا بتو سارة ومحمد وقعدو جمبو وببكو
عمي هاشمم:انا كويس ي اولادي الحمدلله
سارة:ي بابا انت م كويس وخلعتنا عليك شديد😭😭😭ان شاءالله م نشوف فيك شر تاني يربب
طلع محمد وجاب لينا عصير وموية وقعدنا كلنا نتونس معاهو ونحكي
لمن جينا طالعينن قام نادى بابا وقاليهو كلام كدة،،ابوي طلع وشكلو متضايق شوية بس م كلمنا فشنو
رجعنا البيت ،،وخلينا معاهو فالمستشفى مرتو ومحمد
#######
وصلنا متاخر شديد ولقينا لنا نامتت،،كانت قاعده مع الشغاله سولارا
طوالي اتدوشتت ولبستت قميص قصير كدة لونو اسود وفيهو رسومات بالابيض ورقدت نومتت
