#رواية قلوب محبه في صمت
#الحلقه الثالثه
وصلنا ان حمزه كان بيفتكر اللي حصل
حمزه:انا فاكر اللي حصل كانه امبارح يانور فاكر ومش قادر انسي ومتوقعش اني هنسي..فاكر يوم الحادثه وانا السبب انا اللي زعلت مراتي اسيل واتخانقت معاها فنزلت بسرعه من البيت وهي زعلانه اخدت عربيتي وساقتها بسرعه كبيره ومن الزعل مكنتش عارفه تفكر وفجأه هي وبتفكر في اللي انا قلتله خبطت في عربيه وعربيتها قلبت كذا مره 💔
وفاكر لما اتصلوا بيا من المستشفي والممرضه قالتلي انها عملت حادثه وحالتها خطيره وبين الحياة والموت وقتها حسيت اني اتشليت مكاني وحسيت اني السبب
نور بحزن واضح: ياحمزه اللي حصل قضاء وقدر وانت ايمانك كبير بربنا وعارف اننا كبشر علمنا محدود وكل حاجه بتحصلنا في حكمه منها بس احنا مش عارفنها وانا عندي ثقه ان اخويا الغالي هيتجاوز المرحله دي عارفه انها صعبه بس انت قدها 💪
حمزه:احلي حاجه انك دايماً بتدعميني ..بس انا مش عارف اذا كنت هقدر انسي ولا لأ ..تعرفي لما رحت المستشفي وشوفت اسيل بالحاله اللي كانت فيها حسيت بآيه..حسيت ان الدنيا اسودت في وشي وحياتي بتضيع مني وانا مش قادر اعمل حاجه ولما ماتت قدام عيوني حسيت ان روحي بتطلع مني مكنتش قادر اتنفس💔
هي ماتت بس مش قادر انسي يانور
نور:انت بإيدك تنسي اللي حصل وترجع حمزة المرح المبتسم دايماُ انت تقدر ياحمزه بس انت اللي مش عايز ده ..طيب فكر في بنتك هي محتجاك ..وهنا دخلت ثريا ..
ثريا: يلا ياولاد عشان نتغدي
نور: يلابقا وكفايه حزن كدا ..صح فين جني
حمزة: جني نايمه عالسرير
نور:تصدق مأخدتش بالي منها..خلاص هفوقها عشان العصر قرب يأذن ومينفعش تنام بعد العصر
حمزة: تمام بس خديها وكلوا انتو انا مليش نفس
نور:نعم يااخويا لا طبعا انا مش هاكل غير لماانت تاكل
..انا كمان مش هاكل غير لما حبيب قلبي ياكل..قال ذلك انس وهو يدخل الغرفه
نور: بسم الله الرحمن الرحيم ..انت بتطلع امتي😂
انس :بطلع في اي وقت واي مكان ...ها ايه تاني😂
نور: طب خبط علي الباب قبل ماتدخل ياابني
اني: هوانا داخل عندك..انا داخل عند حمزه راجل زيي..المهم يلا بقا ياحمزه ناكل عشان انا عارف اني مش هخلص من نور😂
نور:ليه كدا بس دي نور غلبانه😂
ثريا: الاكل هيبرد
حمزة: خديهم ياماما ياكلو
نور: طب برضيكي ياماما ناكل من غيره
ثريا: لا طبعا لازم تيجي تاكل ياحمزة
حمرة: اسف ياجماعه مليش نفس
ثريا: بس محدش من اخواتك هيجيله نفس ياكل من غيرك
انس: ايوه هو دا الكلام..يلا بقا عشان انا واقع من الجوع
حمزة: اعمل ايه بقا امري لله
نور: هيييييييه عاش ياكبير
حمزة: ياكبير
انس: ايوه انت لسه شوفت حاجه
ضحك الجميع
حمزه: ربنا يديمكم في حياتي يااحلي اهل
الكل: امين يارب ويديمك في حياتنا
في منزل كبير اشبه بڤيلا في احدي غرفه يجلس شاب يقرأ القرآن بصوت عذب جميل وآذا بفتاة تستأذن للدخول فيأذن لها
مليكه: الغدا جاهز يافهد يلا عشان ناكل
فهد:حاضر يا مليكه
مليكه:علي فكره صوتك حلو اوي
فهد بابتسامه:تسلميلي يا مليكتي ..وذهبوا معا: وتناولو الطعام
فهد: ها قوليلي يومك كان ازاي فالجامعه
توقفت عن الطعام بشرود ولكن قالت سريعاً:عادي شفت اصحابي وعدي اليوم عادي
فهد : طيب ..ربنا يسهلك امورك والسنادي عايز تقدير حلو منك
مليكه: ان شاء الله ياغالي...
في المساء ..نور في غرفتها بتنظم فيها وحاطه السماعه في اذنيها ومشغله انشودة يااختنا ان سمعنا قولاًعجاب. ودخل انس وطلع السماعه من اذنيها وقال
انس: كل ده بخبط عالباب وانتي ولا هنا
نور :بسم الله الرحمن الرحيم..انصرف انصرف..انا معملتش حاجه😂
انس: يخربيت دماغك ياشيخه..
نور: ياشيخه انت بتستخدم كلماتي كدا ميصحش
انس: لا يصح يااختي ونص كمان..المهم ماما فين
نور: مش عارفه بس احتمال فالمطبخ
انس: طب اروح اساعد ماما حبيبة قلبي انا
نور: روح يابابا روح😂
خرج انس من عندها وكانت الام اعدت المائده
انس : اقدر اساعدك في حاجه ياماما.
ثريا: لا خلصت كل حاجه اقعد انت وانا هنده نور وحمزة .ذهبت الام إلي نور ثم حمزه
ثريا: يلاياحمزه عشان ناكل
حمزه: حاضر ياماما
جني: وانا جايه
ثريا: عيوني انتي تعالي في حضن ستك..ذهبت اليها جني وارتمت في حضنها وهي تضحك وحملتها وخرجوا ونور جات..جلسوا جميعاً يتناولو طعامهم...
حمزة:تسلم ايديكي ياست الكل الاكل طعمه جميل اوي
انس : ايوه ياماما طعمه جميل
ثريا :ربنا يسعدكم
نور: انا الحمدلله خلصت وهعمل شاي اعملكم معايا
انس:شطوره
نور :عارفه..اللهم زدني تواضع علي تواضعي اللي موديني في داهيه ده
حمزه: ااه واضح اوي
نور: حتي انت ياحمزه داانا بقول عليك العاقل اللي فينا طلعت مكبر زينا
حمزه: ااه عاقل عندك شك
نور: لا ياكبير ولا اقدر
انس: انا بتابع في صمت اهوو
نور: يامتابع انت...ضحكوا وذهبت نور للمطبخ
عملت نور شاي واعطتهم ثم ذهبت لغرفتها وذهب كل واحد لغرفته
نور بدأت تفكر فاللي حصل فاليوم وحمزه وزعلت عليه اوي ودعت ربنا يسعده ويبعتله واحده تنسيه مراته الاولي وسرحت فاللي حصل فالجامعه وفي البنت اللي خبطت فيها وكانت بتبكي وفي محاضرة الدكتور وفجأة لقيت نفسها حاجه غريبه اوي ...
#ياتري ايه الحاجه الغريبه دي
#ايه رأيكم
