#رواية قلوب محبه في صمت
#الحلقه السابعه
نور:السلام عليكم
حمزه:وعليكم السلام ورحمة الله
نور:كنت عايزه اتكلم معاك في موضوع مهم
...وانا كمان عايزه اتكلم معاك في نفس الموضوع..قالت ثريا ذلك وهي تدخل الغرفه
حمزه: كدا انا فهمت...لو سمحتوا محدش يضغط عليا فالموضوع ده...انامرتاح كدا ومش عايز حد في حياتي
ثريا:لا ياحمزه انت مش مرتاح ابداً دايماً شايفاك حزين وسرحان وانا بتحسر عليك وانت كدا عشان خاطري فكر تاني فالموضوع
حمزه: ياماما مش هقدر انساها ولا حد هيقدر ياخد مكانها💔
نور: احنا مقولناش انك تنسي اسيل بس مينفعش تعيش حياتك كدا بالحزن ده ووحيد كمان😓
حمزه:بس انا مش وحيد معايا جني و..
انس وهو يدخل الغرفه: كويس انك جبت سيره جني في الحوار...ياحمزه اذا مكنش عشانك فدا عشان جني انت لازم تتجوز
حمزه:ازاي يعني مش فاهم🤔
ثريا: جني طفله مش هتقدر تعيش من غير ام وحنانها عليها ومهما انت حاولت مش هتوصل لدرجة حنان وعطف الام ياابني
نور:والام بتكون اقرب من الاب لأولادها في حاجات كتير ياحمزه👌
أنس: عشان كدا انت لازم تتجوز وياسيدي محدش قالك حبها وحطها مكان اسيل لان ده هيجي وحده وحده و مع الوقت ومعاملتها ليك بس انت لازم تعاملها بالحسني وتتقي الله فيها ياغالي
حمزه:مش هقدر ياجماعه
ثريا:لاهتقدر ياحبيبي انا عارفه انك قوي وقدها
انس:فكر في جني ياحمزه وانت هتقدر
حمزه: طيب ربنا يسهل بقا ...خير ان شاء الله
نور:تسلم ياكبير😍
انس:ايوه كدا ياراجل😍
ثريا: ربنا يسعدكم ياحبايب قلبي يارب
الكل:آمين يارب💜
انس:يلا بقا كل واحد علي صلاة القيام ياجماعه👏
نور:سبقتني المرادي حلال عليك ياعم😂
انس بابتسامه:ولسه جاي كتييير😂
نور:لا يابابا الجايات دي ليا وهنشوف مين اللي هيفكر التاني💪
حمزه بضحك:ياسلام علي التنافس انتو اخوات ولا في مسابقه🤔
انس:احلي وامتع حاجه التنافس في الطاعه ..
ربنا قال"في ذلك فليتنافس المتنافسون"مش كدا ولا ايه يا ام لسان ونص😂
ام لسان ونص اقصد نور: كدا طبعاً يلا بقا...استودعكم الله...دخل كل واحد غرفته
نور كالعاده اتصلت بريتاج وحفصه عشان يصلوا قيام وبعدها صلت وقرأت وردها وسورة الملك وسورة الدخان وألقت بنفسها علي الفراش وقالت:ربنا يسعدك ياحمزه يارب ويهدينا جميعاً ثم قالت اذكار النوم ونامت ....
بينما حمزه بعد الصلاةكان يفكر هل يستطيع نسيان زوجته والاهم هل من الممكن ان تكون حنونه علي بنته جني وتحبها كأنها ابنتها ثم نظر لجني وقال:ربنا يقدرني واقدر اسعدك دايماً ياحبيبتي ثم نام....
في غرفة انس بعد الصلاة جلس يفكر في اخيه وقال:ربنا يسعدك ياغالي وتقدر تنسي اسيل وتكمل حياتك مع واحده غيرها وتكون ليك خير زوجه وخير ام لجني يارب😍
....والبت نور ياتري كلمت حفصه وقالتلها تصلي ولا لا🤔..طب اروح اسألها ..لالا مينفعش ..احسن حاجه انام وخير ان شاء الله وذهب لسريره وقال الاذكار ونام....
في بيت كبير تجلس مي علي الارض وتبكي بشده وتقول: انا عملتله اي عشان يكسر قلبي كدا..ايه ذنبي انا. بس انا الغلطانه من الاول عشان صدقته..انا اللي جبته لنفسي لما صدقته كان عقلي فين يوم ماشوفته وسمحتله يدخل حياتي...ااه يا حسرتي علي نفسي ...انا اي ذنبي اي '''ااااااه ياوجع قلبي يانا💔💔💔 وفجأه بصت عالباب شافت خالد اخوها اترعبت منه ومسحت دموعها بسرعه
مي:خالد....خالد انا...انت واقف كدا ليه في حاجه...
خالد بحزن شديد: انا سمعت كل حاجه انتي قولتيها يامي
زاد رعبها وخوفها وقالت: خالد اسمعني بس وانا هفهمك كل حاجه بس متتعصبش💔😓
خالد بعصبيه ممزوجه بحزن:هتفهميني اي بس..هتفهميني ان انا السبب في كل حاجه...ايوه انا السبب يامي ..انا بلعب بالبنات ولما ازهق من واحده بسيبها واشوف غيرها واكسر قلبهاعشان كدا اتردلي في اختي الوحيده...انا دلوقتي بس عرفت يعني اي كمان تدين تدان....انا اسف يامي سامحيني💔💔
مي بدموع غزيره: انا مسامحاك ياخالد بس انت كمان سامحني
خالدمسح دموعها:مسامحك يامي وكفايه دموع ونامي عشان الجامعه الصبح
مي:حاضر.. وطلع وهي نامت
مع اذان الفجر اسيقظ حمزه انس ونور كالعادهونور اتصلت بريتاج وحفصه وصلت وقالت اذكار بعد الصلاة وقرأت وردها اليومي وقالت اذكار الصباح وكذلك انس وحمزه..
ذهب انس لغرفة نور وطرق الباب واذنت له فدخل
انس:السلام عليكم يانور حياتي او مصيبتها ايهما اقرب 😂
نور:وعليكم السلام ورحمة الله وبركاته ...
شوف بقا انا شاطره وبعدين انا مش مصيبه علي فكره😒
انس: اي ده طلعتي شاطره...
نور:امال اي ياابني😂
انس:بس انا اشطر عشان انا اللي بدأت السلام وانتي رديتي عليا🙃
نور:يووووه كل مره انت تكسب🙁
انس: عشان تعرفي قيمتي ياماما😂
نور:ياسلام عالتواضع😂...المهم كنت جاي ليه بقا🤔
انس ارتبك: كنت جاي عشان اشوفك صليتي ولالسه
نور:صليت الحمدلله هااا اي تاني🤔
انس :طيب رنيتي علي حفصه اقصد اصحابك يعني عشان يصلوا
نور بمكر: وانا مالي ياسيدي المهم اني صليت😋
انس: ليه كدا دول صحابك وكمان...
نور: وكمان ايه كمل😉
انس:ولا حاجه انا '''انا ماشي..وتحرك ناحية الباب
نور: علفكره انا رنيت علي حفصه قصدي البنات عشان يصلوا😉😂
ابتسم انس لا ارادي وخرج
نور في بالها:اااه ياانس انا كدا فهمتك وشكي كان في محله👌
وفي الصباح في بيت السيوفي
ثريا: الفطار جاهز يا ولاد
جاء حمزه ومعاه جني
ثريا:جني صاحيه بدري ليه النهارده🤔
حمزه : عادي ياماما لقيتها صاحيه جبتها عشان تفطر معانا
ثريا: تعالي ياقلب ستك هنا ...ذهبت جني لثريا بضحك ..وجاء نور وانس
انس ونور:صباحكم سعاده😍
ثريا وحمزه: صباحكم خير وبركه
جني:ثباح النور عليكم عمو وعمتو
نور:حبيبة قلب عمتو ياصغنونه انتي 😍
جني:لا عمتو انا مش ضغنونه انا كبيره 🙈
ضحك الجميع عليها
نور:طيب ياحبيبتي انتي كبيره يلا افطري ماشي
جني :ماشي...وفطروا مع بعض
انس:الحمدلله انا نازل يانور
نور: تمام وانا كمان خلصت لحد ماننزل تكون حفصه وصلت
وفعلا حفصه جات وركبوا وذهبوا للجامعه وحمزه نزل وذهب لشغله
..خلص اليوم في الجامعه
فهد : يجلس في سيارته ينتظر مليكه وصلت وقالت
مليكه: اسفه اتأخرت عليك
فهد: ولايهمك يامليكه....بدأوا يتكلموا وساق ومره بص علي مليكه
مليكه بخوف: حاسب يافهد😳
بص فهد وبسرعه داس عالفرامل ووقف العربيه ونزولوا بسرعه منها عشان يشوفوا خبطوا في مين؟وايه حصل معاه؟وحالته ازاي؟
#ودا اللي هنعرفه فالحلقه القادمه ان شاء الله
#اي رأيكم
منتظره اي انتقاد
