#رواية قلوب محبه في صمت
#الحلقه الرابعه
كانت نور تفكر في اللي حصل كل اليوم معاها ‘‘في حمزه وحزنه وفي البنت اللي خبطت فيها وكانت بتبكي وفي محاضرة الدكتور فهد واللي ولا مرة شافته لواحده ..وفجاة لقيت نفسها عملت حاجه غريبه اوي عملت بحث عالفيس عن صفحته وبدأت تقرأ فيها وكانت تبتسم تلقائياً كلما قرأت منشور واتسعت ابتسامتها لا ارادي ...انتبهت لنفسها سريعاً واغلقت صفحته وقفلت نت سريعاً وقالت لنفسها..ايه اللي انا عملته ده ..من امتي وانا بفتح اكونتات رجاله 😒..وذمت نفسها كثيرا وبدأت تستغفرثم استلقت علي فراشها وذهبت النوم
في بيت فهد
كان فهد يجلس في غرفته يقرأ القرآن وبعد انتها ءه ذهب لغرفة اخته مليكه ليطمئن عليها ..طرق الباب فأذنت له بالدخول ومسحت دموعها ‘‘دخل فهد لكنه عرف انها كانت تبكي
فهد:مالك يامليكه كنتي بتبكي ليه
مليكه :لا ولا حاجه
فهد بإبتسامه: انتي مش شاطره فالكدب علي فكره وبعدين انتي عايزه تخبي عن اخوكي حبيبك حاجه
مليكه بخوف: فهد ...هو...بصراحه يعني...اا...انا
فهد وهو يشجعها عالكلام: انتي ايه اتكلمي ياحبيبتي انتي اختي الوحيده لو محكتيش ليا هتحكي لمين بس.. وانا ياستي وعد مني مش هتعصب عليكي بس انتي اتكلمي ومتخافيش ..لأني طالما شايفك بالحاله دي هفضل خايف عليكي فريحيني واتكلمي ياحبيبتي
مليكه لم تستطع ان تسيطر علي دموعها فانهمرت بالبكاء :انا اسفه يافهد ...اسفه اوي...مكنش قصدي والله ...انا مش عارفه انا ازاي كنت هبله كدا وصدقته
فهد :اهدي بس كفايه دموع اهدي كدا واحكيلي كل حاجه بالتفصيل🤔
مليكه هدأت وبدأت تتكلم: انا هحكيلك كل حاجه بس متسيبنيش يافهد انا مليش غيرك بعد ربنا😭
فهد: اي اللي بتقوليه ده ..انا مستحيل اتخلي عنك انتي مش بس اختي انتي بنتي يامليكه...
بدأت مليكه تحكي لفهد كل حاجه حصلت معاها من سنه ..
مليكه : فهد انت عارفني اني صح لبسي مش شرعي وكمان مش حلو لاني ماشيه عالموضه بس انا مبكلمش شباب ومليش فالحوارات دي...انا مش عارفه هو قدر يضحك عليا ازاي💔
فهد وهو يضبط اعصابه: هو مين يامليكه🤔
مليكه بدموع: خالد...خالد دا واحد اتعرفت عليه من سنه في الجامعه معايا وفي دفعتي ..اول مره شوفته حسيت انه صادق في كلامه واتكلمنا كزمايل دراسه وبالايام الكلام اتطور بينا ومبقيش زمايل وفي يوم قالي انه بيحبني وان في حاجه جذبته من ماشافني وانا صدقته للأسف وكنت سعيده اوي ولما حبيته واتعلقت بيه ظهر علي حقيقته وقالي بوضوح انه مش بيحبني بس كان بيتسلي بيا ويملي فراغه مش اكتر💔💔
انهمرت فالدموع وهي تتكلم ...انا صدقته لاني كنت فاكراه راجل وقد كلمته ...كنت فاكره انه مش من الشباب الطايش ..كنت فاكره ان الكلمه اللي بيقولها مبيرجعش فيها بس مطلعش راجل زي ماكنت فاكره 💔💔😭😭😭
فهد اتعصب اوي وغضبه زاد ولكن تمالك ولم يظهر غضبه لمليكه بل حضنها وقال : بس بس كفايه دموع واهدي يامليكه ..هو ميستاهلش دموعك دي ...دموعك غاليه عندي 😍
مليكه:انا مش عارفه ازاي عميت عن حقيقته ومقدرتش اشوفها ازاي😓😓
فهد وهو يحاول تهدأتها: تعرفي ليه يامليكه ..عشان بعيده عن ربنا ياحبيبتي وطالما بعيده عن ربنا مفيش حاجه هتمشي صح في حياتك ..ربنا بيبعتلنا رسايل عشان نرجع ونتوب وممكن يكون خالد ده رساله ليكي انك تتوبي لربنا عشان كدا لازم تقربي من ربنا وتهتمي بالعبادات اكتر واعملي كل جهدك انك تغيري نفسك للأحسن يامليكه ..
سيدنا محمد عليه الصلاة والسلام قال"دع مايريبك إلي مالا يريبك" يعني سيبي الحاجه اللي شاكه فيها مجرد شك واعملي الحاجه اللي معندكيش شك فيها فمابالك بقا وانتي عارفه ان دا غلط وحرام وميصحش يبقا نبعد عنه تماماً...ونحاول نقرب من ربنا💜👌
تعرفي الناس القريبه من ربنا بيكونوا مطمنين دايماً ومرتاحين في حياتهم والراحه مش لازم بالفلوس ياحبيبتي 👌
الراحه راحه البال وطمأنينة القلب❤
ربنا سبحانه وتعالى قال"ألا بذكر الله تطمئن القلوب"💜
يعني بذكر ربنا هنكون مطمنين ومهما حصل معانا هنكون متأكدين ان ربنا مستحيل يضيعنا ..
صح اللي حصل معاكي غلط وصعب اوي بس بسبب بعدك عن ربنا وده درس تتعلمي منه ..اوعي حد يوجعك بالعكس دا يقويكي 💪
يقويكي انك تفوقي من الغفله وتقربي من ربنا 👌
مليكه:فهد بجد كلامك ريحني اوي وانا اخدت قراري انا مش هلبس ضيق تاني خلاص ومش هحط ميك اب تاني وهلبس واسع وهقرب من ربنا اكتر بس خليك جنبي😍
فهد بإبتسامه:وانا دايماً جنبك وفرحتيني اوي بقرارك يامليكتي😍
فهد بتفكير: ااه صح متنسيش اني دكتور فالجامعه اي رأيك اني هجيبلك حقك وزياده كمان بس قوليلي اسمه الثلاثي ايه🤔
مليكه:لالاخلاص يافهد الموضوع انتهي
فهد: انتي متأكده يامليكه
مليكه: ايوه متأكده
فهد: طيب براحتك....
بس انا اخوكي الوحيد ليه تخبي عني حاجه زي دي كل الفتره اللي فاتت ...
اللي فات فات المهم اللي جاي ..متخبيش عني حاجه تانيه مهما كانت تمام🤔
مليكه بإبتسامه:تمام ..ربنا يسعدك ياغالي😍
فهد: ويسعدك يلا هسيبك بقا عشان تنامي
مليكه :تمام تصبح علي خير
فهد :وانتي بخير. ...
القت بنفسها عالفراش تفكر في كلام اخيها الذي يحبها كل هذا الحب وكم كانت غبيه لانها لم تخبره من البدايه وكم كانت غبيه عندما وثقت بذلك الشاب وانثاء تفكيرها ذهبت في سبات عميق....
بينما فهد في غرفته وهو شديد الغضب يفكر كيف يعطي ذلك الشاب درسا ويأخذ حق اخته منه
#ياتري فهد هيعمل اي دا اللي هنعرفه فالحلقه القادمه ان شاء الله
#اي رأيكم🤔
